Christmas 2024: ಮೈಸೂರಿನ ಇತಿಹಾಸ ಪ್ರಸಿದ್ದ ಸೆಂಟ್‌ ಫಿಲೋಮಿನಾ ಚರ್ಚ್‌ ವೈಭವ; ಬಣ್ಣಗಳಲ್ಲಿ ಕಂಗೊಳಿಸಿದ ಪಾರಂಪರಿಕ ಕಟ್ಟಡ

ಮೈಸೂರಿನಲ್ಲಿ ಎರಡು ಶತಮಾನದ ಹಿಂದೆಯೇ ನಿರ್ಮಾಣಗೊಂಡಿರುವ ಏಷ್ಯಾದ ಅತಿ ಎತ್ತರದ ಎರಡನೇ ಚರ್ಚ್‌ ಮೈಸೂರಿನ ಸೆಂಟ್‌ ಫಿಲೋಮಿನಾ ಚರ್ಚ್‌ನಲ್ಲಿ ಕ್ರಿಸ್‌ಮಸ್‌ ಸಡಗರ.

ಮೈಸೂರು ಮಹಾರಾಜರ ಕಾಲದಲ್ಲಿ ವಿಶೇಷ ಶೈಲಿಯೊಂದಿಗೆ ಮರು ನಿರ್ಮಾಣಗೊಂಡು ಪ್ರಮುಖ ಪಾರಂಪರಿಕ ಹಾಗೂ ಪ್ರವಾಸಿ ತಾಣವಾಗಿ ಈ ಚರ್ಚ್‌ ರೂಪುಗೊಂಡಿದೆ.

ಈಗಲೂ ಇಲ್ಲಿಗೆ ನಿತ್ಯ ನೂರಾರು ಪ್ರವಾಸಿಗರು ಆಗಮಿಸುತ್ತಾರೆ.ಮೈಸೂರಿಗೆ ಆಗಮಿಸುವ ಬಹುತೇಕ ಪ್ರವಾಸಿಗರು ಸೆಂಟ್‌ ಫಿಲೋಮಿನಾ ಚರ್ಚ್‌ ವೀಕ್ಷಿಸುತ್ತಾರೆ. 

ಕ್ರಿಸ್‌ ಮಸ್‌ ಬಂದರೆ ಇಡೀ ಚರ್ಚ್‌ ಅನ್ನು ಬಣ್ಣ ಬಣ್ಣಗಳಿಂದ ಅಲಂಕರಿಸಲಾಗುತ್ತದೆ. ಇದನ್ನು ಹತ್ತಿರದಿಂದ ನೋಡುವುದೇ ಚಂದ. 

ಈ ಬಾರಿಯೂ ಆರೇಳು ಬಣ್ಣಗಳಿಂದ ಮೈಸೂರಿನ ಸೆಂಟ್‌ ಫಿಲೋಮಿನಾ ಚರ್ಚ್‌ ಅಲಂಕೃತಗೊಂಡು ಸಹಸ್ರಾರು ಮಂದಿಯನ್ನು ಸೆಳೆಯುತ್ತಿದೆ. ಸಂಜೆ ನಂತರ ಬೆಳಕಿನ ವೈಭವ ತೆರೆದುಕೊಳ್ಳಲಿದೆ.

ಸೆಂಟ್‌ ಫಿಲೋಮಿನಾ ಚರ್ಚ್‌ ಆವರಣದಲ್ಲಿ ಎರಡು ದಿನದಿಂದಲೇ ನಾನಾ ಧಾರ್ಮಿಕ ಚಟುವಟಿಕೆ ಶುರುವಾಗಿವೆ. ಬುಧವಾರ ಬೆಳಿಗ್ಗೆಯೂ ವಿಶೇಷ ಪ್ರಾರ್ಥನೆಗಳು ಚರ್ಚ್‌ನಲ್ಲಿ ನಡೆದವು.