Crazy Cricket Record: ನಂಬಲಾಗದ ದಾಖಲೆ, 1 ಎಸೆತದಲ್ಲಿ ಬಂದಿತ್ತು 286 ರನ್; ಕ್ರಿಕೆಟ್ ಇತಿಹಾಸದಲ್ಲಿ ನಡೆದಿತ್ತು ಅಚ್ಚರಿಯ ಸಂಗತಿ!
- ಜಂಟಲ್ಮನ್ ಗೇಮ್ ಕ್ರಿಕೆಟ್, ವಿಶ್ವ ಪ್ರಸಿದ್ಧಿ ಪಡೆದಿದೆ. ಮನರಂಜನೆ ಹೆಚ್ಚಿಸಿದೆ. ಹೊಡಿಬಡಿ ಆಟದ ಮೂಲಕ ರಂಗು ಹೆಚ್ಚಿಸಿದೆ. ದಾಖಲೆಗಳನ್ನು ಸೃಷ್ಟಿಸುವುದು, ಅವುಗಳನ್ನು ಮುರಿಯುವುದು ಸಾಮಾನ್ಯ. ಆದರೆ ಅಪರೂಪದಲ್ಲಿ ಅಪರೂಪ ಎನ್ನಬಹುದಾದ ಸಂಗತಿಯೊಂದು ನಡೆದಿರುವುದು ನಿಮಗೆ ಗೊತ್ತಾ? ಕ್ರಿಕೆಟ್ನಲ್ಲಿ ನಂಬಲಾಗದ ದಾಖಲೆಯೊಂದು ನಿರ್ಮಾಣವಾಗಿದೆ.
- ಜಂಟಲ್ಮನ್ ಗೇಮ್ ಕ್ರಿಕೆಟ್, ವಿಶ್ವ ಪ್ರಸಿದ್ಧಿ ಪಡೆದಿದೆ. ಮನರಂಜನೆ ಹೆಚ್ಚಿಸಿದೆ. ಹೊಡಿಬಡಿ ಆಟದ ಮೂಲಕ ರಂಗು ಹೆಚ್ಚಿಸಿದೆ. ದಾಖಲೆಗಳನ್ನು ಸೃಷ್ಟಿಸುವುದು, ಅವುಗಳನ್ನು ಮುರಿಯುವುದು ಸಾಮಾನ್ಯ. ಆದರೆ ಅಪರೂಪದಲ್ಲಿ ಅಪರೂಪ ಎನ್ನಬಹುದಾದ ಸಂಗತಿಯೊಂದು ನಡೆದಿರುವುದು ನಿಮಗೆ ಗೊತ್ತಾ? ಕ್ರಿಕೆಟ್ನಲ್ಲಿ ನಂಬಲಾಗದ ದಾಖಲೆಯೊಂದು ನಿರ್ಮಾಣವಾಗಿದೆ.
(1 / 6)
ಇದು ಆರು ಎಸೆತಗಳಲ್ಲಿ 6 ಸಿಕ್ಸರ್, ಆರು ಬಾಲ್ಗಳಿಗೆ 4 ಬೌಂಡರಿ ಸಿಡಿಸುವ ಯುಗ. ಒಂದು ಓವರ್ಗೆ 37 ರನ್ ಕೊಟ್ಟವರೂ ಇದ್ದಾರೆ, ಒಂದು ಎಸೆತಕ್ಕೆ 19 ರನ್ ನೀಡಿದವರೂ ಇದ್ದಾರೆ. ಯಾವತ್ತಾದರೂ ಒಂದು ಎಸೆತಕ್ಕೆ 286 ರನ್ ಕೊಟ್ಟಿದ್ದನ್ನೂ ನೀವು ಯಾವತ್ತಾದರೂ ನೋಡಿದ್ದೀರಾ? ಈ ಸುದ್ದಿ ಕೇಳಿ ನಗು ಬರಬಹುದು. ಆದರೆ ಅಚ್ಚರಿ ಎನಿಸಿದರೂ ಸತ್ಯ.
(2 / 6)
ಹೌದು..! ಇಂತಹದ್ದೊಂದು ಘಟನೆ ಕ್ರಿಕೆಟ್ ರಂಗದಲ್ಲಿ ನಡೆದಿದೆ. ಈ ಘಟನೆ ಜರುಗಿದ್ದು, ಜನವರಿ 15, 1894ರಲ್ಲಿ. ಪಶ್ಚಿಮ ಆಸ್ಟ್ರೇಲಿಯಾ ಮತ್ತು ವಿಕ್ಟೋರಿಯಾ ತಂಡಗಳ ನಡುವೆ ನಡೆದ ಸ್ಕ್ರಾಚ್ ಇಲೆವನ್ ಪಂದ್ಯದಲ್ಲಿ ಒಂದು ಎಸೆತಕ್ಕೆ 286 ರನ್ ಹರಿದು ಬಂದಿದ್ದವು.
(3 / 6)
ಆದರೆ ಹೇಗೆ ಒಂದು ಎಸೆತಕ್ಕೆ 286 ರನ್ ಬರಲು ಸಾಧ್ಯ ಎಂಬ ಪ್ರಶ್ನೆ ನಿಮಗೆ ಕಾಡಬಹುದು. ಒಂದು ಎಸೆತಕ್ಕೆ 6, 4, 3 ರನ್ ಕೆಲವೊಮ್ಮೆ 2 ರನ್ ಗಳಿಸುವುದೂ ಕಷ್ಟ. ಅಂತಹದರಲ್ಲಿ ಇಷ್ಟೊಂದು ರನ್ ಹೇಗೆ ಸಾಧ್ಯ ಎಂಬ ಪ್ರಶ್ನೆ ಎಲ್ಲರನ್ನೂ ಕಾಡಿವುದು ಸಹಜ. ಅದಕ್ಕೆ ಉತ್ತರ ಹೀಗಿದೆ.
(4 / 6)
ಸ್ಕ್ರಾಚ್ ಇಲೆವನ್ ಪಂದ್ಯದಲ್ಲಿ ವಿಕ್ಟೋರಿಯಾ ತಂಡವು ಬ್ಯಾಟಿಂಗ್ ಮಾಡುತ್ತದೆ. ಈ ಪಂದ್ಯದ ವೇಳೆ ಎದುರಾಳಿ ಎಸೆದ ಚೆಂಡು ಮೈದಾನದ ಒಳಗಿದ್ದ ಜರಾಹ್ ಎಂಬ ಮರದ ಕೊಂಬೆಯಲ್ಲಿ ಸಿಲುಕಿಕೊಂಡಿತ್ತು. ಮರದಲ್ಲಿ ಸಿಲುಕಿದ್ದ ಚೆಂಡನ್ನು ತೆಗೆದುಕೊಳ್ಳಲು ಫೀಲ್ಡಿಂಗ್ ನಡೆಸ್ತಿದ್ದ ಆಟಗಾರರು, ಹರಸಾಹಸವೇ ಪಟ್ಟರು.
(5 / 6)
ಈ ಸಂದರ್ಭದಲ್ಲಿ ರನ್ ಗಳಿಸುವ ಧಾವಂತದಲ್ಲಿ ತಂಡದ ಬ್ಯಾಟ್ಸ್ಮನ್ಗಳು ಬರೋಬ್ಬರಿ ಗಳಿಸಿದ್ದು, 286 ರನ್. ಆದರೆ ಇದಕ್ಕೆ ಅಂಪೈರ್ಗಳು ಮಾನ್ಯತೆ ನೀಡಲಿಲ್ಲ ಎಂಬುದು ತಿಳಿದು ಬಂದಿದೆ. ಆದರೆ, ಕೆಲವು ವರದಿಗಳಲ್ಲಿ ಇದಕ್ಕೆ ಮಾನ್ಯತೆ ನೀಡಲಾಗಿದೆ ಎಂದು ಹೇಳಲಾಗುತ್ತಿದೆ.
(6 / 6)
ಈ ಘಟನೆ ನಿಜವಾಗಿ ನಡೆದಿದೆ ಎಂಬುದನ್ನು ನಂಬಲೇಬೇಕು. ಲಂಡನ್ ಮೂಲದ ಇಂಗ್ಲೀಷ್ ಭಾಷೆಯಲ್ಲಿ ಪ್ರಕಟವಾಗುವ ಪಾಲ್ ಮಾಲ್ ಗ್ಯಾಜೆಟ್-1865ರಲ್ಲಿ ಈ ಕುರಿತು ವರದಿಯಾಗಿತ್ತು. ಈ ಪಂದ್ಯದಲ್ಲಿ ವಿಕ್ಟೋರಿಯಾ ಗೆದ್ದಿತ್ತು. ಆದರೆ ಇದು ಸತ್ಯವೋ, ಸುಳ್ಳೋ ಎಂಬುದು ಈವರೆಗೂ ತಿಳಿದು ಬಂದಿಲ್ಲ.
ಇತರ ಗ್ಯಾಲರಿಗಳು