Ishan Kishan: ಅಮ್ಮನ ಕೈ ತುತ್ತೇ ನನ್ನ ಶಕ್ತಿ; ತನ್ನ ಖಡಕ್ ಸಿಕ್ಸರ್ಗಳ ಕ್ರೆಡಿಟ್ ಅನ್ನು ತಾಯಿಗೆ ಅರ್ಪಿಸಿದ ಇಶಾನ್ ಕಿಶನ್
- ಪಂಜಾಬ್ ಕಿಂಗ್ಸ್ (Punjab Kings) ವಿರುದ್ಧ ಅಬ್ಬರದ ಬ್ಯಾಟಿಂಗ್ ನಡೆಸಿದ ಮುಂಬೈ ಇಂಡಿಯನ್ಸ್ (Mumbai Indias) ತಂಡದ ಎಡಗೈ ಬ್ಯಾಟ್ಸ್ಮನ್ ಇಶಾನ್ ಕಿಶನ್ (Ishan Kishan) ಅವರು ತಮ್ಮ ಖಡಕ್ ಸಿಕ್ಸರ್ಗಳ ಶಕ್ತಿ ಹಿಂದಿನ ರಹಸ್ಯ ಏನೆಂಬುದನ್ನು ಬಹಿರಂಗಪಡಿಸಿದ್ದಾರೆ.
- ಪಂಜಾಬ್ ಕಿಂಗ್ಸ್ (Punjab Kings) ವಿರುದ್ಧ ಅಬ್ಬರದ ಬ್ಯಾಟಿಂಗ್ ನಡೆಸಿದ ಮುಂಬೈ ಇಂಡಿಯನ್ಸ್ (Mumbai Indias) ತಂಡದ ಎಡಗೈ ಬ್ಯಾಟ್ಸ್ಮನ್ ಇಶಾನ್ ಕಿಶನ್ (Ishan Kishan) ಅವರು ತಮ್ಮ ಖಡಕ್ ಸಿಕ್ಸರ್ಗಳ ಶಕ್ತಿ ಹಿಂದಿನ ರಹಸ್ಯ ಏನೆಂಬುದನ್ನು ಬಹಿರಂಗಪಡಿಸಿದ್ದಾರೆ.
(1 / 6)
ಪಂಜಾಬ್ ಕ್ರಿಕೆಟ್ ಅಸೋಸಿಯೇಷನ್ (ಪಿಸಿಎ) ಮೈದಾನದಲ್ಲಿ ನಡೆದ ಐಪಿಎಲ್ನ 46ನೇ ಪಂದ್ಯದಲ್ಲಿ ಪಂಜಾಬ್ ಕಿಂಗ್ಸ್ ಸೋಲನುಭವಿಸಿತು. ಮುಂಬೈ ಇಂಡಿಯನ್ಸ್ 6 ವಿಕೆಟ್ಗಳಿಂದ ಗೆದ್ದು ಬೀಗಿತು. ಧವನ್ ಪಡೆ ನೀಡಿದ್ದ ಬೆಟ್ಟದಷ್ಟು ಮೊತ್ತವನ್ನು ರೋಹಿತ್ ಪಡೆ, ಇನ್ನೂ ಏಳು ಎಸೆತಗಳು ಬಾಕಿ ಇರುವಂತೆ ಗೆಲುವಿನ ದಡ ಸೇರಿತು.(IPL Twitter)
(2 / 6)
ಮೊದಲು ಬ್ಯಾಟಿಂಗ್ ನಡೆಸಿದ್ದ ಪಂಜಾಬ್ ಕಿಂಗ್ಸ್, ಲಿಯಾಮ್ ಲಿವಿಂಗ್ಸ್ಟೋನ್ (82*) ಅವರ ಸ್ಫೋಟಕ ಆಟದ ಬಲದಿಂದ 3 ವಿಕೆಟ್ ನಷ್ಟಕ್ಕೆ 214 ರನ್ ಗಳಿಸಿತು. ಈ ಗುರಿ ಬೆನ್ನಟ್ಟಿದ ಮುಂಬೈ 18.5 ಓವರ್ಗಳಲ್ಲೇ ಗೆಲುವಿನ ದಡ ಸೇರಿತು. ಸೂರ್ಯಕುಮಾರ್ ಮತ್ತು ಇಶಾನ್ ಕಿಶನ್ ಆರ್ಭಟಿಸಿ ಮುಂಬೈಗೆ ಗೆಲುವು ತಂದುಕೊಟ್ಟರು. ಅದರಲ್ಲೂ ಇಶಾನ್ ಅಬ್ಬರ ಮೆಚ್ಚುಗೆಗೆ ಕಾರಣವಾಯಿತು.(IPL Twitter)
(3 / 6)
ಪಂಜಾಬ್ ಕಿಂಗ್ಸ್ ಪರ ಲಿಯಾಮ್ ಲಿವಿಂಗ್ಸ್ಟೋನ್ ಮತ್ತು ಜಿತೇಶ್ ಶರ್ಮಾ 53 ಎಸೆತಗಳಲ್ಲಿ 119 ರನ್ಗಳ ಜೊತೆಯಾಟವಾಡಿದರು. ಲಿವಿಂಗ್ ಸ್ಟೋನ್ 42 ಎಸೆತಗಳಲ್ಲಿ 7 ಬೌಂಡರಿ, 4 ಭರ್ಜರಿ ಸಿಕ್ಸರ್ಗಳ ನೆರವಿನಿಂದ ಅಜೇಯ 82 ರನ್ ಚಚ್ಚಿದರು. ಹಾಗೆಯೇ ಜಿತೇಶ್ ಶರ್ಮಾ 27 ಎಸೆತಗಳಲ್ಲಿ 5 ಬೌಂಡರಿ, 2 ಸಿಕ್ಸರ್ಗಳ ಸಹಾಯದಿಂದ 49 ರನ್ ಗಳಿಸಿದ್ದಾರೆ.(Punjab Kings Twitter)
(4 / 6)
ಮುಂಬೈ ಪರ ಇಶಾನ್ ಕಿಶನ್ ಮತ್ತು ಸೂರ್ಯಕುಮಾರ್ ಅಬ್ಬರದ ಬ್ಯಾಟಿಂಗ್ ನಡೆಸಿದರು. ಇಬ್ಬರು 3ನೇ ವಿಕೆಟ್ಗೆ 55 ಎಸೆತಗಳಲ್ಲಿ 116 ರನ್ ಜೊತೆಯಾಟವಾಡಿದರು. ಇಶಾನ್ 41 ಎಸೆತಗಳಲ್ಲಿ 7 ಬೌಂಡರಿ, 4 ಸಿಕ್ಸರ್ಗಳ ನೆರವಿನಿಂದ 75 ರನ್ ಸಿಡಿಸಿದರು. ಸೂರ್ಯಕುಮಾರ್ 31 ಎಸೆತಗಳಲ್ಲಿ 8 ಬೌಂಡರಿ, 2 ಸಿಕ್ಸರ್ಗಳ ಸಹಾಯದಿಂದ 66 ರನ್ ಚಚ್ಚಿದರು.(IPL Twitter)
(5 / 6)
ಪಂದ್ಯ ಮುಗಿದ ಬಳಿಕ ಸೂರ್ಯಕುಮಾರ್ ಅವರು ಇಶಾನ್ ಕಿಶನ್ ಅವರನ್ನು ಸಂದರ್ಶಿಸಿದರು. ಈ ವೇಳೆ ಸೂರ್ಯ ಕೇಳಿದ ಪ್ರಶ್ನೆಗೆ ಉತ್ತರಿಸಿದ ಇಶಾನ್ ತಮ್ಮ ಸಿಡಿಲಬ್ಬರದ ಬ್ಯಾಟಿಂಗ್ ಗುಟ್ಟನ್ನು ಬಹಿರಂಗಪಡಿಸಿದ್ದಾರೆ. ಪಂದ್ಯದ ಬಳಿಕ ತಮ್ಮ ಬ್ಯಾಟಿಂಗ್ ಶಕ್ತಿ ಹಾಗೂ ಪಂದ್ಯ ಗೆಲ್ಲಲು ರೂಪಿಸಿದ್ದ ಯೋಜನೆ ಇಶಾನ್ ರಿವೀಲ್ ಮಾಡಿದ್ದಾರೆ. ತಮ್ಮ ಯಶಸ್ಸಿನ ಶ್ರೇಯವನ್ನು ಅಮ್ಮನಿಗೆ ಸಲ್ಲಬೇಕು ಎಂದಿದ್ದಾರೆ.(Ishan Kishan Twitter)
ಇತರ ಗ್ಯಾಲರಿಗಳು