ತವರಿನಲ್ಲಿ ಚೆನ್ನೈ ಭದ್ರಕೋಟೆ ಭೇದಿಸಿ ಐಪಿಎಲ್ ಅಂಕಪಟ್ಟಿಯಲ್ಲಿ ಅಗ್ರ-4ರೊಳಗೆ ಪ್ರವೇಶಿಸಿದ ಲಕ್ನೋ; ಕುಸಿದ ಸಿಎಸ್ಕೆ
IPL 2024 Points Table: ತವರಿನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡವನ್ನು ಮಣಿಸಿದ ಲಕ್ನೋ ಸೂಪರ್ ಜೈಂಟ್ಸ್ ಐಪಿಎಲ್ ಅಂಕಪಟ್ಟಿಯಲ್ಲಿ ಅಗ್ರ-4ರೊಳಗೆ ಪ್ರವೇಶಿಸಿದೆ. ಹಾಗಾದರೆ ಯಾವ ತಂಡದ ಯಾವ ಸ್ಥಾನ ಪಡೆದಿದೆ? ಇಲ್ಲಿದೆ ವಿವರ.
(1 / 7)
ಚೆನ್ನೈ ಸೂಪರ್ ಕಿಂಗ್ಸ್ ತಂಡವನ್ನು ಸೋಲಿಸುವ ಮೂಲಕ ಲಕ್ನೋ ಸೂಪರ್ ಜೈಂಟ್ಸ್ ಅಂಕಪಟ್ಟಿಯಲ್ಲಿ ಅಗ್ರ 4ರೊಳಗೆ ಸ್ಥಾನ ಪಡೆಯಿತು. ಪ್ಲೇ ಆಫ್ ಪ್ರವೇಶಿಸಲು ಇನ್ನು ಮೂರು ಪಂದ್ಯ ಗೆದ್ದರೆ ಸಾಕು. ಆಡಿದ 8 ಪಂದ್ಯಗಳಲ್ಲಿ 5 ಗೆಲುವು, 3 ಸೋತಿರುವ ಎಲ್ಎಸ್ಜಿ, 10 ಅಂಕ ಸಂಪಾದಿಸಿದೆ. ಇದೀಗ ಸಿಎಸ್ಕೆ ತಂಡವನ್ನು ಹಿಂದಿಕ್ಕಿ ಲಕ್ನೋ 4ನೇ ಸ್ಥಾನಕ್ಕೇರಿದೆ. ನೆಟ್ ರನ್ ರೇಟ್ +0.148 ಆಗಿದೆ.
(2 / 7)
ತವರಿನಲ್ಲಿ ಲಕ್ನೋ ವಿರುದ್ಧ ಸೋತ ಸಿಎಸ್ಕೆ 8 ಪಂದ್ಯಗಳಲ್ಲಿ 8 ಅಂಕ ಗಳಿಸಿದೆ. 4ರಲ್ಲಿ 4ರಲ್ಲಿ ಸೋತಿದೆ. ಗುಜರಾತ್ ಟೈಟಾನ್ಸ್ ಕೂಡ ಆಡಿರುವ 8ರಲ್ಲಿ ತಲಾ 4 ಸೋಲು-ಗೆಲುವು ದಾಖಲಿಸಿ 8 ಅಂಕ ಗಳಿಸಿದೆ. ಆದಾಗ್ಯೂ, ಚೆನ್ನೈ ನೆಟ್ ರನ್ ರೇಟ್ ಗುಜರಾತ್ಗಿಂತ ಉತ್ತಮವಾಗಿದೆ. ಚೆನ್ನೈ (+0.415) ಪ್ರಸ್ತುತ ಲೀಗ್ ಟೇಬಲ್ನಲ್ಲಿ 5ನೇ ಸ್ಥಾನದಲ್ಲಿದೆ. ಗುಜರಾತ್ (-1.055) 6ನೇ ಸ್ಥಾನದಲ್ಲಿದೆ.
(3 / 7)
ಚೆನ್ನೈ ಮತ್ತು ಲಕ್ನೋ ನಡುವಿನ ಪಂದ್ಯದ ಫಲಿತಾಂಶವು ಲೀಗ್ ಟೇಬಲ್ನಲ್ಲಿ ಅಗ್ರ ಮೂರು ಸ್ಥಾನಗಳ ಮೇಲೆ ಪರಿಣಾಮ ಬೀರಲಿಲ್ಲ. ರಾಜಸ್ಥಾನ್ ರಾಯಲ್ಸ್ ಅಂಕಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿದ್ದು, ಆಡಿರುವ 8 ಪಂದ್ಯಗಳಲ್ಲಿ 7 ಗೆಲುವು ಸೇರಿದಂತೆ 14 ಅಂಕಗಳೊಂದಿಗೆ ಪ್ಲೇ ಆಫ್ ಹಂತದಲ್ಲಿದೆ. ಈವರೆಗೆ 1 ಪಂದ್ಯವನ್ನು ಸೋತಿದೆ. ಸದ್ಯ ನೆಟ್ ರನ್ ರೇಟ್ +0.698 ಆಗಿದೆ.
(4 / 7)
ಕೋಲ್ಕತಾ ನೈಟ್ ರೈಡರ್ಸ್ ಅಂಕಪಟ್ಟಿಯಲ್ಲಿ 2ನೇ ಸ್ಥಾನ ಉಳಿಸಿಕೊಂಡಿದೆ. ಕೆಕೆಆರ್ ಆಡಿರುವ 7 ಪಂದ್ಯಗಳಲ್ಲಿ 5 ಗೆಲುವು ಸೇರಿದಂತೆ 10 ಅಂಕಗಳನ್ನು ಗಳಿಸಿದೆ. ನೆಟ್ ರನ್ ರೇಟ್ +1.206 ಆಗಿದೆ. ಸನ್ರೈಸರ್ಸ್ ಹೈದರಾಬಾದ್ ಕೂಡ ತನ್ನ ಮೊದಲ 7 ಪಂದ್ಯಗಳಲ್ಲಿ 5 ಗೆಲುವು ಸೇರಿದಂತೆ 10 ಅಂಕಗಳನ್ನು ಗಳಿಸಿದೆ. ಆದಾಗ್ಯೂ, ನೆಟ್ ರನ್ ರೇಟ್ನಲ್ಲಿ ಕೆಕೆಆರ್ಗಿಂತ ಹಿಂದುಳಿದಿರುವ ಕಾರಣ ಎಸ್ಆರ್ಹೆಚ್ ಲೀಗ್ ಟೇಬಲ್ನಲ್ಲಿ ಮೂರನೇ ಸ್ಥಾನದಲ್ಲಿದೆ. ಸದ್ಯ ಹೈದರಾಬಾದ್ ನೆಟ್ ರನ್ ರೇಟ್ +0.914 ಆಗಿದೆ.
(5 / 7)
ಮುಂಬೈ ಇಂಡಿಯನ್ಸ್ ಆಡಿರುವ 8 ಪಂದ್ಯಗಳಲ್ಲಿ 3ರಲ್ಲಿ ಗೆಲುವು ಸಾಧಿಸಿದ್ದು, 5ರಲ್ಲಿ ಸೋತಿದ್ದು, ಒಟ್ಟು 6 ಅಂಕ ಸಂಪಾದಿಸಿದೆ. ಮುಂಬೈ ಅಂಕಪಟ್ಟಿಯಲ್ಲಿ 7ನೇ ಸ್ಥಾನದಲ್ಲಿದ್ದು, ನೆಟ್ ರನ್ ರೇಟ್ ಪ್ರಸ್ತುತ -0.227 ಆಗಿದೆ. ಮುಂಬೈನಂತೆ ಡೆಲ್ಲಿ ಕ್ಯಾಪಿಟಲ್ಸ್ ಕೂಡ 8 ಪಂದ್ಯಗಳಿಂದ 6 ಅಂಕ ಗಳಿಸಿದೆ. 8ನೇ ಸ್ಥಾನದಲ್ಲಿರುವ ಡೆಲ್ಲಿಯ ನೆಟ್ ರನ್ ರೇಟ್ -0.477 ಆಗಿದೆ.
(6 / 7)
ಪಂಜಾಬ್ ಕಿಂಗ್ಸ್ ಆಡಿರುವ 8 ಪಂದ್ಯಗಳಲ್ಲಿ 2 ಗೆಲುವು ಹಾಗೂ 4 ಅಂಕ ಗಳಿಸಿದೆ. ನೆಟ್ ರನ್ ರೇಟ್ -0.292 ಆಗಿದೆ. ಅಂಕಪಟ್ಟಿಯಲ್ಲಿ ಪಂಜಾಬ್ 9ನೇ ಸ್ಥಾನದಲ್ಲಿದೆ. ಆರ್ಸಿಬಿ ಆಡಿರುವ 8 ಪಂದ್ಯಗಳಲ್ಲಿ 1 ಗೆಲುವು ಸೇರಿದಂತೆ 2 ಅಂಕಗಳನ್ನು ಗಳಿಸಿದೆ. ಅಂಕಪಟ್ಟಿಯಲ್ಲಿ ಕೊನೆಯ ಸ್ಥಾನದಲ್ಲಿರುವ ಬೆಂಗಳೂರಿನ ನೆಟ್ ರನ್ ರೇಟ್ -1.046 ಆಗಿದೆ.
(7 / 7)
ಕ್ಷಣಕ್ಷಣದ ಅಪ್ಡೇಟ್ಸ್ಗಾಗಿ ಹಿಂದೂಸ್ತಾನ್ ಟೈಮ್ಸ್ ಕನ್ನಡ ಓದಿ.
ಇತರ ಗ್ಯಾಲರಿಗಳು