ಚಾಂಪಿಯನ್ ಕೆಕೆಆರ್​ಗಿಂತಲೂ ಆರ್​ಸಿಬಿ ಬ್ರ್ಯಾಂಡ್ ಮೌಲ್ಯವೇ ಹೆಚ್ಚು! ಇಲ್ಲಿದೆ 10 ತಂಡಗಳ ವಿವರ

17ನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್​ ಮುಕ್ತಾಯಗೊಂಡ ಬೆನ್ನಲ್ಲೇ ಹತ್ತೂ ತಂಡಗಳ ಬ್ರ್ಯಾಂಡ್ ಮೌಲ್ಯ ವರದಿ ಹೊರಬಿದ್ದಿದೆ.

ಈ ಬಾರಿ ಎಲ್ಲಾ ತಂಡಗಳ ಬ್ರ್ಯಾಂಡ್ ಮೌಲ್ಯದಲ್ಲಿ ಭಾರಿ ಏರಿಕೆ ಕಂಡಿದ್ದು,​ ಚೆನ್ನೈ ಸೂಪರ್​ ಕಿಂಗ್ಸ್​ ಅಗ್ರಸ್ಥಾನ ಪಡೆದಿದೆ. ಸಿಎಸ್​ಕೆ 1,930 ಕೋಟಿ ರೂ ಬ್ರ್ಯಾಂಡ್ ವ್ಯಾಲ್ಯೂ ಹೊಂದಿದೆ.

ಒಂದು ಬಾರಿಯೂ ಕಪ್ ಗೆಲ್ಲದ ಆರ್​​ಸಿಬಿ 1,896 ಕೋಟಿ ಬ್ರ್ಯಾಂಡ್ ವ್ಯಾಲ್ಯೂ ಹೊಂದಿದ್ದು, ಎರಡನೇ ಸ್ಥಾನ ಪಡೆದಿದೆ. 2023ರಲ್ಲೂ ಆರ್​ಸಿಬಿ ಎರಡನೇ ಸ್ಥಾನ ಪಡೆದಿತ್ತು.

ಕಳೆದ ಬಾರಿ ಆರ್​ಸಿಬಿ 675 ಕೋಟಿ ರೂ, ಬ್ರಾಂಡ್​ ಮೌಲ್ಯದೊಂದಿಗೆ ಎರಡನೇ ಸ್ಥಾನ ಪಡೆದಿತ್ತು. ಮುಂಬೈ ಇಂಡಿಯನ್ಸ್​ 725 ಕೋಟಿ ರೂ. ಬ್ರಾಂಡ್​ ಮೌಲ್ಯದೊಂದಿಗೆ ಅಗ್ರಸ್ಥಾನ ಪಡೆದಿತ್ತು.

ಚಾಂಪಿಯನ್ ಕೆಕೆಆರ್​ 1805 ಕೋಟಿಯೊಂದಿಗೆ 3ನೇ ಸ್ಥಾನ ಪಡೆದಿದೆ. ಮುಂಬೈ ಇಂಡಿಯನ್ಸ್ 1704 ಕೋಟಿ, ರಾಜಸ್ಥಾನ್ ರಾಯಲ್ಸ್ 1111 ಕೋಟಿ ರೂಪಾಯಿಯೊಂದಿಗೆ ಕ್ರಮವಾಗಿ 4, 5ನೇ ಸ್ಥಾನದಲ್ಲಿವೆ.

ರನ್ನರ್​ಅಪ್​ ಎಸ್​ಆರ್​ಹೆಚ್ 1103 ಕೋಟಿ, ಡೆಲ್ಲಿ ಕ್ಯಾಪಿಟಲ್ಸ್ 1094 ಕೋಟಿ, ಗುಜರಾತ್ ಟೈಟಾನ್ಸ್ 1036 ಕೋಟಿ ಬ್ರ್ಯಾಂಡ್ ವ್ಯಾಲ್ಯೂನೊಂದಿಗೆ 6, 7, 8ನೇ ಸ್ಥಾನ ಪಡೆದಿವೆ.

ಪಂಜಾಬ್ ಕಿಂಗ್ಸ್ 844 ಕೋಟಿ ಮತ್ತು ಲಕ್ನೋ ಸೂಪರ್ ಜೈಂಟ್ಸ್ 760 ಕೋಟಿ ರೂಪಾಯಿ ಬ್ರ್ಯಾಂಡ್ ಮೌಲ್ಯ ಹೊಂದಿದ್ದು, 9 ಮತ್ತು 10ನೇ ಸ್ಥಾನದಲ್ಲಿವೆ.