Prithvi-Nidhi: ಐಪಿಎಲ್ ಬಳಿಕ ತನ್ನ ಗೆಳತಿ ಜೊತೆ ಪೃಥ್ವಿ ಶಾ ಸುತ್ತಾಟ; ಭವಿಷ್ಯದ ಸಚಿನ್ ಈಗ ಕಾಂಬ್ಳಿಯಾದ ಎನ್ನುತ್ತಿದ್ದಾರೆ ನೆಟ್ಟಿಗರು
- Prithvi-Nidhi: ಐಪಿಎಲ್ ಮುಗಿಸಿದ ಬೆನ್ನಲ್ಲೇ ಮನೆಗೆ ಮರಳಿರುವ ಪೃಥ್ವಿ ಶಾ, ಈಗ ತನ್ನ ದೀರ್ಘಕಾಲದ ಗೆಳತಿ ನಿಧಿ ತಪಾಡಿಯಾ ಜೊತೆ ಸುತ್ತಾಟ ನಡೆಸುತ್ತಿದ್ದಾರೆ. ಈ ಜೋಡಿ ಇದೇ ಮೊದಲ ಬಾರಿಗೆ ಸಾರ್ವಜನಿಕವಾಗಿ ಕಾಣಿಸಿಕೊಂಡಿದೆ.
- Prithvi-Nidhi: ಐಪಿಎಲ್ ಮುಗಿಸಿದ ಬೆನ್ನಲ್ಲೇ ಮನೆಗೆ ಮರಳಿರುವ ಪೃಥ್ವಿ ಶಾ, ಈಗ ತನ್ನ ದೀರ್ಘಕಾಲದ ಗೆಳತಿ ನಿಧಿ ತಪಾಡಿಯಾ ಜೊತೆ ಸುತ್ತಾಟ ನಡೆಸುತ್ತಿದ್ದಾರೆ. ಈ ಜೋಡಿ ಇದೇ ಮೊದಲ ಬಾರಿಗೆ ಸಾರ್ವಜನಿಕವಾಗಿ ಕಾಣಿಸಿಕೊಂಡಿದೆ.
(1 / 8)
ಟೀಮ್ ಇಂಡಿಯಾ ಹಾಗೂ ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ಯುವ ಆರಂಭಿಕ ಆಟಗಾರ ಪೃಥ್ವಿ ಶಾ ಐಪಿಎಲ್-16ರಲ್ಲಿ ಸಂಪೂರ್ಣ ವಿಫಲರಾದರು. ಈ ಸೀಸನ್ನಲ್ಲಿ ಸಂಪೂರ್ಣ ಅಟ್ಟರ್ ಫ್ಲಾಪ್ ಸ್ಟಾರ್ ಪಟ್ಟ ಕಟ್ಟಿಕೊಂಡ ಪೃಥ್ವಿ ಈಗ ತನ್ನ ಗೆಳತಿಯೊಂದಿಗೆ ಸುತ್ತಾಟ ಆರಂಭಿಸಿದ್ದಾರೆ.
(2 / 8)
ತನ್ನ ದೀರ್ಘ ಕಾಲದ ಗೆಳತಿ ನಿಧಿ ತಪಾಡಿಯಾ ಅವರೊಂದಿಗೆ ಇದೇ ಮೊದಲ ಬಾರಿಗೆ ಸಾರ್ವಜನಿಕವಾಗಿ ಕಾಣಿಸಿಕೊಂಡಿದ್ದಾರೆ. ಮುಂಬೈನಲ್ಲಿ ನಡೆದ ಐಐಪಿಎ-2023 ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ಪೃಥ್ವಿ ಮತ್ತು ನಿಧಿ ಹಸಿರು ಕಾರ್ಪೆಟ್ ಮೇಲೆ ಮಿಂಚಿದ್ದಾರೆ.
(3 / 8)
ಪೃಥ್ವಿ-ನಿಧಿ ಇಬ್ಬರೂ ಸಹ ಕಪ್ಪು ಬಣ್ಣದ ಉಡುಪಿನಲ್ಲಿ ಕಾಣಿಸಿಕೊಂಡಿದ್ದಾರೆ. ಇಬ್ಬರು ಬಹಳ ದಿನಗಳಿಂದ ಪ್ರೀತಿಸುತ್ತಿದ್ದಾರೆ ಎಂಬ ವದಂತಿ ಇದೆ. ಆದರೆ ಎಂದೂ ಸಾರ್ವಜನಿಕವಾಗಿ ಒಟ್ಟಿಗೆ ಕಾಣಿಸಿಕೊಂಡಿರಲಿಲ್ಲ. ಈಗ ಇಬ್ಬರು ಒಟ್ಟಿಗೆ ಕಾಣಿಸಿಕೊಳ್ಳುತ್ತಿದ್ದಂತೆ ಕ್ಯಾಮೆರಾಗಳ ಕೇಂದ್ರ ಬಿಂದುವಾದ್ರು.
(4 / 8)
ಕ್ರಿಕೆಟಿಗನಿಗಿಂತ ತಪಾಡಿಯಾ ಕೊಂಚ ಎತ್ತರವಿದ್ದಾರೆ. 2016ರಲ್ಲಿ ತಪಾಡಿಯಾ ಕಿರುತೆರೆಗೆ ಪದಾರ್ಪಣೆ ಮಾಡಿದ್ದರು. ಅವರು ಜನಪ್ರಿಯ ಹಿಂದಿ ಅಪರಾಧ ಕಾರ್ಯಕ್ರಮ ಸಿಐಡಿಯಲ್ಲಿ ನಟಿಸಿದ್ದಾರೆ. 2019ರಲ್ಲಿ ನಿಧಿ ನಟಿಸಿದ್ದ ಪಂಜಾಬಿ ಹಾಡು ಜಟ್ಟು ಕೋಕಾ ಎಂಬ ಹಾಡಿನಿಂದ ಸಖತ್ ಫೇಮಸ್ ಆದರು.
(5 / 8)
ನಂತರ ನಿಧಿ ಯಾದ್ ಕರ್ಕೆ, ಸೋನ್ ಡಿ ದುಬ್ಬಿ ಆಲ್ಬಂಗಳೊಂದಿಗೆ ಮತ್ತಷ್ಟು ಕ್ರೇಜ್ ಸಂಪಾದಿಸಿದರು. ವಾಣಿಜ್ಯ ವಿಭಾಗದಲ್ಲಿ ಪದವಿ ಮುಗಿಸಿರುವ ನಿಧಿ ತಪಾಡಿಯಾ ಮಾಡೆಲಿಂಗ್ ಅನ್ನು ವೃತ್ತಿಯಾಗಿ ಆಯ್ಕೆ ಮಾಡಿಕೊಂಡು ಅದರತ್ತ ಹೆಜ್ಜೆ ಹಾಕುತ್ತಿದ್ದಾರೆ.
(6 / 8)
ಇನ್ಸ್ಟಾಗ್ರಾಂನಲ್ಲಿ 117K ಫಾಲೋವರ್ಸ್ ಹೊಂದಿದ್ದಾರೆ. ಸದಾ ಹಾಟ್ ಫೋಟೋಗಳೊಂದಿಗೆ ಗಮನ ಸೆಳೆಯುತ್ತಿದ್ದಾರೆ. ತಪಾಡಿಯಾ, ಆಲ್ಬಮ್ ಮತ್ತು ಟಿವಿ ಶೋಗಳಲ್ಲಿ ಬ್ಯುಸಿಯಾಗಿದ್ದಾರೆ. ಪೃಥ್ವಿ ಐಪಿಎಲ್ನಲ್ಲಿ ಕೇವಲ 8 ಪಂದ್ಯಗಳನ್ನಾಡಿದ್ದು, 106 ರನ್ ಗಳಿಸಿದ್ದಾರೆ.
(7 / 8)
ಮೊದಲ ಆರು ಪಂದ್ಯಗಳಲ್ಲಿ ಫ್ಲಾಪ್ ಆಗಿದ್ದ ಪೃಥ್ವಿ ಶಾ ಅವರು ತಮ್ಮ 7ನೇ ಪಂದ್ಯದಲ್ಲಿ ಅರ್ಧಶತಕ ಬಾರಿಸಿದರು. ಈ ಪಂದ್ಯಕ್ಕೆ ಗೆಳತಿ ನಿಧಿ ತಪಾಡಿಯಾ ಆಗಮಿಸಿದ್ದರು. ಇಬ್ಬರೂ ಒಂದೇ ರೀತಿ ಸೆಲೆಬ್ರೇಷನ್ ಕೂಡ ಮಾಡಿದ್ದರು. ಈ ಚಿತ್ರ ಭಾರಿ ಟ್ರೋಲ್ ಆಗಿತ್ತು.
(8 / 8)
ನ್ಯೂಜಿಲೆಂಡ್ ವಿರುದ್ಧದ ಟಿ20 ಸರಣಿಗೆ ದೀರ್ಘ ಸಮಯದ ಬಳಿಕ ತಂಡಕ್ಕೆ ಕಂಬ್ಯಾಕ್ ಮಾಡಿದ್ದ ಪೃಥ್ವಿ, ಮತ್ತೆ ರಾಷ್ಟ್ರೀಯ ತಂಡದಲ್ಲಿ ಅವಕಾಶ ಪಡೆಯುವುದು ಅನುಮಾನ ಎನಿಸಿದೆ. ಐಪಿಎಲ್ನಲ್ಲಿ ಫೇಲ್ ಆಗಿದ್ದೂ ಇದಕ್ಕೆ ಪ್ರಮುಖ ಕಾರಣ. ಭವಿಷ್ಯದ ಸಚಿನ್ ತೆಂಡೂಲ್ಕರ್ ಈಗ ವಿನೋದ್ ಕಾಂಬ್ಳಿಯಾದ ಎನ್ನುತ್ತಿದ್ದಾರೆ ಫ್ಯಾನ್ಸ್. ವಿನೋದ್ ಕಾಂಬ್ಳಿ ಕುಡಿತದ ಚಟಕ್ಕೆ ಒಳಗಾಗಿ ಕರಿಯರ್ ಹಾಳು ಮಾಡಿಕೊಂಡಿದ್ದರು. ಆದರೆ ಪೃಥ್ವಿ, ಸುತ್ತಾಟ ನಡೆಸುತ್ತಿದ್ದಾರೆ ಎನ್ನುತ್ತಿದ್ದಾರೆ ನೆಟ್ಟಿಗರು.
ಇತರ ಗ್ಯಾಲರಿಗಳು