ಕನ್ನಡತಿ ಶ್ರೇಯಾಂಕಾ ಪಾಟೀಲ್ ಹುಟ್ಟುಹಬ್ಬ; ಆರ್‌ಸಿಬಿ ಲಕ್ಕೀ ಚಾರ್ಮ್‌, ಭಾರತದ ಉದಯೋನ್ಮುಖ ಪ್ರತಿಭೆಯ ದಾಖಲೆಗಳ ಚಿತ್ರನೋಟ
- ಆರ್‌ಸಿಬಿ ತಂಡದ ಚಿನಕುರುಳಿ, ಕನ್ನಡಿಗರ ಪ್ರೀತಿಯ ಟಗರು ಪುಟ್ಟಿ, ಭಾರತ ವನಿತೆಯರ ಕ್ರಿಕೆಟ್‌ ತಂಡ ಉದಯೋನ್ಮುಖ ಆಟಗಾರ್ತಿ ಶ್ರೇಯಾಂಕ ಪಾಟೀಲ್‌ಗೆ ಇಂದು ಹುಟ್ಟುಹಬ್ಬದ ಸಂಭ್ರಮ. ಡಬ್ಲ್ಯುಪಿಎಲ್‌ನಲ್ಲಿ ರಾಯಲ್‌ ಚಾಲೆಂಜರ್ಸ್ಸ್‌ ಬೆಂಗಳೂರು ಪರ ಆಡಿ ಮಿಂಚಿದ ಈ ಕನ್ನಡತಿ, ಕೆಲವೇ ತಿಂಗಳುಗಳಲ್ಲಿ ಭಾರತ ತಂಡಕ್ಕೆ ಕಾಲಿಟ್ಟು ಮಿಂಚಿದರು. ಇವರ ಸಾಧನೆಗಳ ನೋಟ ಇಲ್ಲಿದೆ.
- ಆರ್‌ಸಿಬಿ ತಂಡದ ಚಿನಕುರುಳಿ, ಕನ್ನಡಿಗರ ಪ್ರೀತಿಯ ಟಗರು ಪುಟ್ಟಿ, ಭಾರತ ವನಿತೆಯರ ಕ್ರಿಕೆಟ್‌ ತಂಡ ಉದಯೋನ್ಮುಖ ಆಟಗಾರ್ತಿ ಶ್ರೇಯಾಂಕ ಪಾಟೀಲ್‌ಗೆ ಇಂದು ಹುಟ್ಟುಹಬ್ಬದ ಸಂಭ್ರಮ. ಡಬ್ಲ್ಯುಪಿಎಲ್‌ನಲ್ಲಿ ರಾಯಲ್‌ ಚಾಲೆಂಜರ್ಸ್ಸ್‌ ಬೆಂಗಳೂರು ಪರ ಆಡಿ ಮಿಂಚಿದ ಈ ಕನ್ನಡತಿ, ಕೆಲವೇ ತಿಂಗಳುಗಳಲ್ಲಿ ಭಾರತ ತಂಡಕ್ಕೆ ಕಾಲಿಟ್ಟು ಮಿಂಚಿದರು. ಇವರ ಸಾಧನೆಗಳ ನೋಟ ಇಲ್ಲಿದೆ.
(1 / 8)
ಆರ್‌ಸಿಬಿ ತಂಡದ ಚಿನಕುರುಳಿ, ಕನ್ನಡಿಗರ ಪ್ರೀತಿಯ ಟಗರು ಪುಟ್ಟಿ, ಭಾರತ ವನಿತೆಯರ ಕ್ರಿಕೆಟ್‌ ತಂಡ ಉದಯೋನ್ಮುಖ ಆಟಗಾರ್ತಿ ಶರೇಯಾಂಕ ಪಾಟೀಲ್‌ಗೆ ಇಂದು ಹುಟ್ಟುಹಬ್ಬದ ಸಂಭ್ರಮ. ಡಬ್ಲ್ಯುಪಿಎಲ್‌ನಲ್ಲಿ ರಾಯಲ್‌ ಚಾಲೆಂಜರ್ಸ್ಸ್‌ ಬೆಂಗಳೂರು ಪರ ಆಡಿ ಮಿಂಚಿದ ಈ ಕನ್ನಡತಿ, ಕೆಲವೇ ತಿಂಗಳುಗಳಲ್ಲಿ ಭಾರತ ತಂಡಕ್ಕೆ ಕಾಲಿಟ್ಟು ಮಿಂಚಿದರು. ಇವರ ಸಾಧನೆಗಳ ನೋಟ ಇಲ್ಲಿದೆ.
(2 / 8)
ಭಾರತದ ವನಿತೆಯರ ತಂಡದ ಸ್ಟಾರ್ ಆಲ್‌ರೌಂಡರ್ ಶ್ರೇಯಾಂಕಾ ಪಾಟೀಲ್ ಹುಟ್ಟಿದ್ದು 2002ರ ಜುಲೈ 31ರಂದು. ಬೆಂಗಳೂರಿನಲ್ಲಿ ಹುಟ್ಟಿದ ಇವರು, ಓದುತ್ತಿರುವುದು ಕೂಡಾ ಕರ್ನಾಟಕದ ರಾಜಧಾನಿಯಲ್ಲೇ.
(3 / 8)
ಡಬ್ಲ್ಯುಪಿಎಲ್ 2024ರ ಆವೃತ್ತಿಯಲ್ಲಿ ಆರ್‌ಸಿಬಿ ಪರ ಶ್ರೇಯಾಂಕಾ ಅತಿ ಹೆಚ್ಚು ವಿಕೆಟ್ ಪಡೆದ ಆಟಗಾರ್ತಿ. ಪರ್ಪಲ್ ಕ್ಯಾಪ್ ಗೆದ್ದ ಅವರು, ಎಮರ್ಜಿಂಗ್ ಪ್ಲೇಯರ್‌ ಆಗಿ ಹೊರಹೊಮ್ಮಿದರು.
(4 / 8)
ವನಿತೆಯರ ಸಿಪಿಎಲ್‌ನಲ್ಲಿ ಆಡಿದ ಮೊದಲ ಭಾರತೀಯ ಆಟಗಾರ್ತಿ ಎಂಬ ಹಿರಿಮೆ ಶ್ರೇಯಾಂಕಾ ಅವರದ್ದು. 2023ರ ಕೆರಿಬಿಯನ್‌ ಪ್ರೀಮಿಯರ್‌ ಲೀಗ್‌ನಲ್ಲಿ ಅತಿ ಹೆಚ್ಚು ವಿಕೆಟ್ ಕಬಳಿಸಿದ ಆಟಗಾರ್ತಿಯಾಗಿ ಹೊರಹೊಮ್ಮಿದರು.
(5 / 8)
2023ರಲ್ಲಿ ನಡೆದ ಎಮರ್ಜಿಂಗ್ ಏಷ್ಯಾಕಪ್ ಟೂರ್ನಿಯಲ್ಲಿ ಭಾರತ ವನಿತೆಯರು ಚಾಂಪಿಯನ್‌ ಪಟ್ಟ ಅಲಂಕರಿಸಿದರು. ಇದರಲ್ಲಿ ಅತಿ ಹೆಚ್ಚು ವಿಕೆಟ್ ಕಬಳಿಸಿದ ಶ್ರೇಯಾಂಕಾ, ಸರಣಿಶ್ರೇಷ್ಠ ಪ್ರಶಸ್ತಿ ಪಡೆದರು.
(6 / 8)
2024ರ ಡಬ್ಲ್ಯುಪಿಎಲ್‌ನಲ್ಲಿ ಆರ್‌ಸಿಬಿ ವನಿತೆಯರ ತಂಡ ಚಾಂಪಿಯನ್‌ ಪಟ್ಟ ಅಲಂಕರಿಸಿತು. ಕನ್ನಡತಿ ಶ್ರೇಯಾಂಕಾ ಫೈನಲ್ ಪಂದ್ಯದಲ್ಲಿ 4 ವಿಕೆಟ್ ಪಡೆದು ಆರ್‌ಸಿಬಿ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು.
(7 / 8)
ಪಂದ್ಯಾವಳಿಯುದ್ದಕ್ಕೂ ಆಡಿದ 8 ಇನ್ನಿಂಗ್ಸ್‌ಗಳಿಂದ 13 ವಿಕೆಟ್ ಪಡೆದು ಪರ್ಪಲ್ ಕ್ಯಾಪ್ ಪಡೆದರು.
(8 / 8)
ಈ ಬಾರಿ ನಡೆದ ವನಿತೆಯರ ಏಷ್ಯಾಕಪ್‌ಗೆ ಆಯ್ಕೆಯಾಗಿದ್ದ ಶ್ರೇಯಾಂಕಾ, ಗಾಯದಿಂದಾಗಿ ಟೂರ್ನಿಯಿಂದ ಹೊರಬಿದ್ದರು. ಇದೀಗ ಅವರ ಗುರಿ ಮುಂದಿನ ವಿಶ್ವಕಪ್. ವನಿತೆಯರ ವಿಶ್ವಕಪ್‌ನಲ್ಲಿ ಸ್ಥಾನ ಪಡೆದು, ಆಡುವ ಬಳಗದಲ್ಲಿ ಅವಕಾಶ ಗಿಟ್ಟಿಸಿಕೊಳ್ಳುವ ನಿರೀಕ್ಷೆಯಲ್ಲಿ ಶ್ರೇಯಾಂಕಾ ಇದ್ದಾರೆ.
ಇತರ ಗ್ಯಾಲರಿಗಳು