ಐಪಿಎಲ್ ಪ್ಲೇಆಫ್ಗೂ ಮುನ್ನ ನೈಟ್ ರೈಡರ್ಸ್ ಸೇರಿದ ಶಕೀಬ್ ಅಲ್ ಹಸನ್; ಆದರೆ ಇಲ್ಲೊಂದಿದೆ ಟ್ವಿಸ್ಟ್
- Shakib Al Hasan: ಐಪಿಎಲ್ ಪ್ಲೇಆಫ್ಗೂ ಮುನ್ನ ಬಾಂಗ್ಲಾದೇಶದ ಸ್ಟಾರ್ ಆಲ್ರೌಂಡರ್ ಶಕೀಬ್ ಅಲ್ ಹಸನ್ ಅವರು ಶಾರೂಖ್ ಖಾನ್ ಒಡೆತನದ ಫ್ರಾಂಚೈಸಿಯನ್ನು ಮತ್ತೊಮ್ಮೆ ಸೇರಿಕೊಂಡಿದ್ದಾರೆ.
- Shakib Al Hasan: ಐಪಿಎಲ್ ಪ್ಲೇಆಫ್ಗೂ ಮುನ್ನ ಬಾಂಗ್ಲಾದೇಶದ ಸ್ಟಾರ್ ಆಲ್ರೌಂಡರ್ ಶಕೀಬ್ ಅಲ್ ಹಸನ್ ಅವರು ಶಾರೂಖ್ ಖಾನ್ ಒಡೆತನದ ಫ್ರಾಂಚೈಸಿಯನ್ನು ಮತ್ತೊಮ್ಮೆ ಸೇರಿಕೊಂಡಿದ್ದಾರೆ.
(1 / 6)
ನೈಟ್ ರೈಡರ್ಸ್ ತಂಡದ ಜೊತೆಗೆ ಶಕೀಬ್ ಅಲ್ ಹಸನ್ ಅವರು ಹಿಂದಿನಿಂದಲೂ ಸಂಬಂಧ ಹೊಂದಿದ್ದಾರೆ. ಬಾಂಗ್ಲಾದೇಶದ ಸ್ಟಾರ್ ಆಲ್ರೌಂಡರ್ ಕೋಲ್ಕತಾ ನೈಟ್ ರೈಡರ್ಸ್ ಪ್ರಶಸ್ತಿ ಗೆದ್ದ ತಂಡದ ಭಾಗವಾಗಿದ್ದರು. ಇದೀಗ 2024ರ ಐಪಿಎಲ್ ಪ್ಲೇಆಫ್ಗೂ ಮುನ್ನ ಶಕೀಬ್, ಶಾರುಖ್ ಖಾನ್ ಒಡೆತನದ ಫ್ರಾಂಚೈಸಿಯನ್ನು ಮತ್ತೊಮ್ಮೆ ಸೇರಿದ್ದಾರೆ.
(2 / 6)
ಆದರೆ ಇಲ್ಲೊಂದು ಟ್ವಿಸ್ಟ್ ಇದೆ. ಅವರು ಕಣಕ್ಕಿಳಿಯಲು ಸಜ್ಜಾಗಿರುವುದು ಕೋಲ್ಕತಾ ನೈಟ್ ರೈಡರ್ಸ್ ತಂಡದ ಪರವಲ್ಲ. ಶಾರುಖ್ ಅವರ ಮತ್ತೊಂದು ಫ್ರಾಂಚೈಸಿ ತಂಡ ಲಾಸ್ ಏಂಜಲೀಸ್ ನೈಟ್ ರೈಡರ್ಸ್ ಪರ. ಮೇಜರ್ ಲೀಗ್ ಕ್ರಿಕೆಟ್ಗ ಹೊಸ ಆವೃತ್ತಿಗೂ ಮುನ್ನ ವಿದೇಶಿ ಕ್ರಿಕೆಟಿಗರ ಕೋಟಾದಲ್ಲಿ ಶಕೀಬ್ರನ್ನು ನೈಟ್ ರೈಡರ್ಸ್ ಆಯ್ಕೆ ಮಾಡಿದೆ. ಶಕೀಬ್ ತಮ್ಮ ಹಳೆಯ ಕೆಕೆಆರ್ ಸಹ ಆಟಗಾರರಾದ ಸುನಿಲ್ ನರೈನ್ ಮತ್ತು ಆಂಡ್ರೆ ರಸೆಲ್ ಅವರೊಂದಿಗೆ ಕಣಕ್ಕಿಳಿಯಲಿದ್ದಾರೆ.
(3 / 6)
ಲಾಸ್ ಏಂಜಲೀಸ್ ನೈಟ್ ರೈಡರ್ಸ್ ತಂಡವು ಸ್ಟಾರ್ ಕ್ರಿಕೆಟಿಗರಾದ ಸುನಿಲ್ ನರೈನ್, ಆಂಡ್ರೆ ರಸೆಲ್, ಜೇಸನ್ ರಾಯ್, ಸ್ಪೆನ್ಸರ್ ಜಾನ್ಸನ್, ಉನ್ಮುಕ್ತ್ ಚಂದ್, ಅಲಿ ಖಾನ್ ಅವರನ್ನು ಉಳಿಸಿಕೊಂಡಿದೆ. ಡೆರಾನ್ ಡೇವಿಸ್, ಮ್ಯಾಥ್ಯೂ ಟ್ರೊಂಪ್ ಮತ್ತು ಆದಿತ್ಯ ಗಣೇಶ್ ಅವರು ಸಹ ತಂಡದ ಭಾಗವಾಗಿದ್ದಾರೆ.
(4 / 6)
ಶಕೀಬ್ ಅಲ್ ಹಸನ್ ಐಪಿಎಲ್ನಲ್ಲಿ ಒಟ್ಟು 71 ಪಂದ್ಯಗಳಲ್ಲಿ ಕಣಕ್ಕಿಳಿದಿದ್ದು, 19.83ರ ಬ್ಯಾಟಿಂಗ್ ಸರಾಸರಿಯಲ್ಲಿ 793 ರನ್ ಗಳಿಸಿದ್ದಾರೆ. ಎರಡು ಅರ್ಧಶತಕ ಗಳಿಸಿದ್ದು, ಬೌಲಿಂಗ್ನಲ್ಲಿ 63 ವಿಕೆಟ್ ಪಡೆದಿದ್ದಾರೆ.
(5 / 6)
ಶಕೀಬ್ ಬಾಂಗ್ಲಾದೇಶ ಪರ 67 ಟೆಸ್ಟ್, 247 ಏಕದಿನ ಮತ್ತು 119 ಟಿ20 ಅಂತಾರಾಷ್ಟ್ರೀಯ ಪಂದ್ಯಗಳನ್ನು ಆಡಿದ್ದಾರೆ. ಟೆಸ್ಟ್ನಲ್ಲಿ 4505 ರನ್, ಏಕದಿನದಲ್ಲಿ 7570 ರನ್ ಮತ್ತು ಟಿ20 ಕ್ರಿಕೆಟ್ನಲ್ಲಿ 2404 ರನ್ ಗಳಿಸಿದ್ದಾರೆ. ಕ್ರಮವಾಗಿ 237, 317, 145 ವಿಕೆಟ್ ಕಿತ್ತಿದ್ದಾರೆ.
(6 / 6)
ಶಕೀಬ್ ದೇಶೀಯ ಮತ್ತು ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಒಟ್ಟು 430 ಟಿ20 ಪಂದ್ಯಗಳಲ್ಲಿ ಕಣಕ್ಕಿಳಿದಿದ್ದು, ಬ್ಯಾಟ್ನಿಂದ 7231 ರನ್ ಗಳಿಸಿದ್ದಾರೆ. 31 ಅರ್ಧಶತಕ ಗಳಿಸಿದ್ದಾರೆ. ಚೆಂಡಿನೊಂದಿಗೆ 487 ವಿಕೆಟ್ ಪಡೆದಿದ್ದಾರೆ.
ಇತರ ಗ್ಯಾಲರಿಗಳು