ಟಿ20 ಕ್ರಿಕೆಟ್: ಹೊಸ ಚರಿತ್ರೆ ಸೃಷ್ಟಿಸಿದ ರಶೀದ್ ಖಾನ್; ಸಿಎಸ್ಕೆ ಸ್ಟಾರ್ ಡ್ವೇನ್ ಬ್ರಾವೋ ವಿಶ್ವದಾಖಲೆ ಧ್ವಂಸ
- ಎಸ್ಎ20 ಲೀಗ್ನ ಮೊದಲ ಕ್ವಾಲಿಫೈಯರ್ ಪಂದ್ಯದಲ್ಲಿ ಪರ್ಲ್ ರಾಯಲ್ಸ್ ವಿರುದ್ಧ ಎರಡು ವಿಕೆಟ್ ಉರುಳಿಸಿದ ಅಫ್ಘಾನಿಸ್ತಾನದ ಹಾಗೂ ಎಂಐ ಕೇಪ್ಟೌನ್ ತಂಡ ಸ್ಪಿನ್ನರ್ ರಶೀದ್ ಖಾನ್ ಅವರು ನೂತನ ವಿಶ್ವದಾಖಲೆಯೊಂದನ್ನು ನಿರ್ಮಿಸಿದ್ದಾರೆ.
- ಎಸ್ಎ20 ಲೀಗ್ನ ಮೊದಲ ಕ್ವಾಲಿಫೈಯರ್ ಪಂದ್ಯದಲ್ಲಿ ಪರ್ಲ್ ರಾಯಲ್ಸ್ ವಿರುದ್ಧ ಎರಡು ವಿಕೆಟ್ ಉರುಳಿಸಿದ ಅಫ್ಘಾನಿಸ್ತಾನದ ಹಾಗೂ ಎಂಐ ಕೇಪ್ಟೌನ್ ತಂಡ ಸ್ಪಿನ್ನರ್ ರಶೀದ್ ಖಾನ್ ಅವರು ನೂತನ ವಿಶ್ವದಾಖಲೆಯೊಂದನ್ನು ನಿರ್ಮಿಸಿದ್ದಾರೆ.
(1 / 8)
ಅಫ್ಘಾನಿಸ್ತಾನದ ಸ್ಪಿನ್ನರ್ ರಶೀದ್ ಖಾನ್ ಟಿ20 ಕ್ರಿಕೆಟ್ ಇತಿಹಾಸದಲ್ಲಿ ವಿಶ್ವದಾಖಲೆಯೊಂದನ್ನು ನಿರ್ಮಿಸಿದ್ದಾರೆ. ದಿಗ್ಗಜ ಡ್ವೇನ್ ಬ್ರಾವೋ ಅವರ ಐತಿಹಾಸಿಕ ದಾಖಲೆ ಮುರಿದು ಅಗ್ರಸ್ಥಾನಕ್ಕೇರಿದ್ದಾರೆ ರಶೀದ್.
(2 / 8)
ಸೌತ್ ಆಫ್ರಿಕಾ (ಎಸ್ಎ)-20 ಟೂರ್ನಿಯಲ್ಲಿ ಫೆಬ್ರವರಿ 4ರ ಮಂಗಳವಾರ ಜರುಗಿದ ಪರ್ಲ್ ರಾಯಲ್ಸ್ ವಿರುದ್ಧದ ಮೊದಲ ಕ್ವಾಲಿಫೈಯರ್ ಪಂದ್ಯದಲ್ಲಿ ಎಂಐ ಕೇಪ್ಟೌನ್ ಪರ ಕಣಕ್ಕಿಳಿದಿದ್ದ ರಶೀದ್ ಖಾನ್ ಈ ವಿಶ್ವದಾಖಲೆಯನ್ನು ತನ್ನದಾಗಿಸಿಕೊಂಡಿದ್ದಾರೆ.
(3 / 8)
ಮಹತ್ವದ ಪಂದ್ಯದಲ್ಲಿ 4 ಓವರ್ಗಳಲ್ಲಿ 33 ರನ್ ನೀಡಿ 2 ವಿಕೆಟ್ ಪಡೆದ ರಶೀದ್ ಖಾನ್ ಅವರು ದುನಿತ್ ವೆಲ್ಲಾಲಗೆ ಮತ್ತು ದಿನೇಶ್ ಕಾರ್ತಿಕ್ ಅವರನ್ನು ಔಟ್ ಮಾಡಿದರು. ಇದರೊಂದಿಗೆ ಟಿ20 ಕ್ರಿಕೆಟ್ನಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ಮೊದಲ ಬೌಲರ್ ಎಂಬ ಹೆಗ್ಗಳಿಕೆಗೆ ರಶೀದ್ ಖಾನ್ ಪಾತ್ರರಾಗಿದ್ದಾರೆ.
(4 / 8)
ದುನಿತ್ ವೆಲ್ಲಾಲಗೆ ಅವರ ವಿಕೆಟ್ ಪಡೆದ ಬೆನ್ನಲ್ಲೇ ಡ್ವೇನ್ ಬ್ರಾವೋ ಹೆಸರಿನಲ್ಲಿದ್ದ ಟಿ20 ಕ್ರಿಕೆಟ್ ಇತಿಹಾಸದಲ್ಲಿ ಅತಿಹೆಚ್ಚು ವಿಕೆಟ್ ಕಬಳಿಸಿದ್ದ ದಾಖಲೆಯನ್ನು ತನ್ನ ಹೆಸರಿಗೆ ಬರೆದುಕೊಂಡರು ರಶೀದ್.
(5 / 8)
ರಶೀದ್ ಈವರೆಗೂ 461 ಟಿ20 ಪಂದ್ಯಗಳಲ್ಲಿ ಕಣಕ್ಕಿಳಿದಿದ್ದಾರೆ. ಈ ಪೈಕಿ 457 ಇನ್ನಿಂಗ್ಸ್ಗಳಲ್ಲಿ 633 ವಿಕೆಟ್ ಕಬಳಿಸಿರುವುದು. ರಶೀದ್ 4 ಬಾರಿ 5 ವಿಕೆಟ್ಗಳ ಗೊಂಚಲು, 16 ಬಾರಿ 4 ವಿಕೆಟ್ಗಳ ಗೊಂಚಲು ಕಿತ್ತಿದ್ದಾರೆ. ಅತ್ಯುತ್ತಮ ಬೌಲಿಂಗ್ ಪ್ರದರ್ಶನ 17 ರನ್ಗೆ 6 ವಿಕೆಟ್ ಪಡೆದಿರುವುದು.
(6 / 8)
ದೇಶೀಯ ಮತ್ತು ಅಂತರರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಟಿ20 ಸ್ವರೂಪದಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ವಿಶ್ವದಾಖಲೆಯ ಪಟ್ಟಿಯಲ್ಲಿ ಸಿಎಸ್ಕೆ ಸ್ಟಾರ್ ಡ್ವೇನ್ ಬ್ರಾವೋ 2ನೇ ಸ್ಥಾನಕ್ಕೆ ಕುಸಿದಿದ್ದಾರೆ. ಬ್ರಾವೋ ತನ್ನ ವೃತ್ತಿಜೀವನದಲ್ಲಿ 582 ಟಿ20 ಪಂದ್ಯಗಳ 546 ಇನ್ನಿಂಗ್ಸ್ಗಳಲ್ಲಿ 631 ವಿಕೆಟ್ ಪಡೆದಿದ್ದಾರೆ.
(7 / 8)
ರಶೀದ್ ಖಾನ್ ಅಂತಾರಾಷ್ಟ್ರೀಯ ಟಿ20ಯಲ್ಲಿ ಅಫ್ಘಾನಿಸ್ತಾನ ಪರ 161 ವಿಕೆಟ್ ಪಡೆದಿದ್ದರೆ, ಐಪಿಎಲ್ ಸೇರಿ ಒಟ್ಟು 12 ಟಿ20 ಲೀಗ್ಗಳಲ್ಲಿ ಕಣಕ್ಕಿಳಿದು 472 ವಿಕೆಟ್ (ಫೆಬ್ರವರಿ 4ರ ತನಕ) ಕಿತ್ತಿದ್ದಾರೆ. 10564 ಎಸೆತಗಳನ್ನು ಬೌಲ್ ಮಾಡಿದ್ದು, 11442 ರನ್ ಬಿಟ್ಟುಕೊಟ್ಟು 633 ವಿಕೆಟ್ ಕಿತ್ತಿದ್ದಾರೆ.
ಇತರ ಗ್ಯಾಲರಿಗಳು