ಕಳೆದ 5 ಐಪಿಎಲ್ ಸೀಸನ್ಗಳಲ್ಲಿ ಅತಿ ಹೆಚ್ಚು ಸಲ ಪ್ಲೇಆಫ್ ತಲುಪಿದ ತಂಡಗಳಿವು; ಕಪ್ ಗೆಲ್ಲದ ಈ ತಂಡವೇ ಅತ್ಯಂತ ಯಶಸ್ವಿ!
ಐಪಿಎಲ್ 2020 ಮತ್ತು 2024ರ ನಡುವೆ ಒಟ್ಟು 9 ವಿಭಿನ್ನ ತಂಡಗಳು ಪ್ಲೇಆಫ್ಗೆ ಅರ್ಹತೆ ಪಡೆದಿವೆ. ಈ ಪೈಕಿ 8 ತಂಡಗಳು ಎರಡೆರಡು ಬಾರಿ ಈ ಸಾಧನೆ ಮಾಡಿದ್ದರೆ, ಒಂದು ತಂಡವು ನಾಲ್ಕು ಸಲ ಅಗ್ರ-4ರಲ್ಲಿ ಸ್ಥಾನ ಪಡೆದಿದೆ.
(1 / 6)
ಐಪಿಎಲ್ 2025 ಮುಕ್ತಾಯದ ಹಂತ ತಲುಪಿದೆ. ಎರಡು ಪ್ಲೇಆಫ್ ರೇಸ್ನಿಂದ ಹೊರಬಿದ್ದಿವೆ. ಉಳಿದ 8 ತಂಡಗಳ ಜಿದ್ದಾಜಿದ್ದಿನ ಪೈಪೋಟಿ ಏರ್ಪಟ್ಟಿದೆ. ಆದರೆ ಕಳೆದ 5 ವರ್ಷಗಳಲ್ಲಿ (2020-2024) ಅತಿ ಹೆಚ್ಚು ಸಲ ಪ್ಲೇಆಫ್ ತಲುಪಿದ ತಂಡಗಳು ಯಾವುವು? ಅದರಲ್ಲೂ ಈ ತಂಡದ ಸಾಧನೆ ನಿಮಗೆ ಅಚ್ಚರಿ ಮೂಡಿಸಬಹುದು.
(2 / 6)
ಐದು ಬಾರಿಯ ಚಾಂಪಿಯನ್ ಮುಂಬೈ ಇಂಡಿಯನ್ಸ್ ಕಳೆದ ಐದು ಋತುಗಳಲ್ಲಿ 2 ಬಾರಿ ಮಾತ್ರ ನಾಕೌಟ್ ತಲುಪುವಲ್ಲಿ ಯಶಸ್ವಿಯಾಗಿದೆ. ಇದರಲ್ಲಿ ತಂಡವು 2020ರಲ್ಲಿ ಕೊನೆಯ ಬಾರಿಗೆ ಪ್ರಶಸ್ತಿಯನ್ನು ಎತ್ತಿ ಹಿಡಿಯುವಲ್ಲಿ ಯಶಸ್ವಿಯಾಗಿತ್ತು.
(REUTERS)
(3 / 6)
2008 ಮತ್ತು 2019ರ ನಡುವೆ ಸತತ 10 ವರ್ಷಗಳ ಕಾಲ (2 ವರ್ಷಗಳ ನಿಷೇಧವನ್ನು ಹೊರತುಪಡಿಸಿ) ನಾಕೌಟ್ ತಲುಪಿದ್ದ ಸಿಎಸ್ಕೆ, 2020 ರಿಂದ ಎರಡು ಬಾರಿ ಮಾತ್ರ ಪ್ಲೇಆಫ್ ತಲುಪಿದೆ. ಆದರೆ ಈ ಎರಡು ಬಾರಿಯೂ ತಂಡ ಪ್ರಶಸ್ತಿಯನ್ನು ಗೆದ್ದಿದೆ.
(PTI)
(4 / 6)
2022ರಲ್ಲಿ ಐಪಿಎಲ್‌ಗೆ ಪದಾರ್ಪಣೆ ಮಾಡಿದ ಗುಜರಾತ್ ಟೈಟಾನ್ಸ್ ಮತ್ತು ಲಕ್ನೋ ಸೂಪರ್ ಜೈಂಟ್ಸ್ ಎರಡೆರಡು ಬಾರಿ ಪ್ಲೇಆಫ್ ತಲುಪಿವೆ. ಜಿಟಿ ತನ್ನ ಮೊದಲ ಋತುವಿನಲ್ಲಿಯೇ ಟ್ರೋಫಿಯನ್ನು ಗೆದ್ದುಕೊಂಡಿತ್ತು. ತಂಡವು 2025ರಲ್ಲೂ ಪ್ಲೇಆಫ್ ಕಡೆಗೆ ಸಾಗುತ್ತಿದೆ. ಆದರೆ ಈ ಋತುವಿನಲ್ಲಿ ಲಕ್ನೋದ ಸ್ಥಿತಿ ಸ್ವಲ್ಪ ದುರ್ಬಲವಾಗಿದೆ.
(PTI)
(5 / 6)
ಹಾಲಿ ಚಾಂಪಿಯನ್ ಕೋಲ್ಕತ್ತಾ ನೈಟ್ ರೈಡರ್ಸ್ ಕೂಡ ಕಳೆದ 5 ಋತುಗಳಲ್ಲಿ 2 ಬಾರಿ ಮಾತ್ರ ಪ್ಲೇಆಫ್ ತಲುಪಿದೆ. ಅವರಲ್ಲದೆ, ಡೆಲ್ಲಿ ಕ್ಯಾಪಿಟಲ್ಸ್, ಸನ್‌ರೈಸರ್ಸ್ ಹೈದರಾಬಾದ್ ಮತ್ತು ರಾಜಸ್ಥಾನ್ ರಾಯಲ್ಸ್ ಕೂಡ ಇದೇ ಸಾಧನೆ ಮಾಡಿದೆ.
(PTI)
(6 / 6)
ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವು ಒಮ್ಮೆಯೂ ಟ್ರೋಫಿಯನ್ನು ಗೆದ್ದಿಲ್ಲದಿರಬಹುದು, ಆದರೆ ಕಳೆದ 5 ಐಪಿಎಲ್ ಋತುಗಳಲ್ಲಿ ತಂಡವು ಗರಿಷ್ಠ 4 ಬಾರಿ ಪ್ಲೇಆಫ್ ತಲುಪಿದೆ. 2023ರಲ್ಲಿ, ತಂಡವು 6ನೇ ಸ್ಥಾನದಲ್ಲಿತ್ತು. ಉಳಿದ ನಾಲ್ಕು ಸೀಸನ್ಗಳಲ್ಲಿ ಅಗ್ರ-4ರಲ್ಲಿ ಸ್ಥಾನ ಪಡೆದಿತ್ತು. ಐಪಿಎಲ್ 2025 ರಲ್ಲೂ ಆರ್‌ಸಿಬಿ ಪ್ಲೇಆಫ್ ತಲುಪುವ ಎಲ್ಲಾ ಸಾಧ್ಯತೆಗಳಿವೆ.
(IPL)
Prasanna Kumar PN
ಇತರ ಗ್ಯಾಲರಿಗಳು