ಐಪಿಎಲ್ ಚರಿತ್ರೆಯ ಪುಟಗಳಲ್ಲಿ 9 ಐತಿಹಾಸಿಕ ದಾಖಲೆಗಳನ್ನು ಸೇರಿಸಿದ ವಿರಾಟ್ ಕೊಹ್ಲಿ; ಒಂದೊಂದೂ ಡೈಮಂಡ್ಗೆ ಸಮ!
ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧದ ಪಂದ್ಯದಲ್ಲಿ ಮಿಂಚಿದ ಆರ್ಸಿಬಿ ಸ್ಟಾರ್ ಬ್ಯಾಟರ್ ವಿರಾಟ್ ಕೊಹ್ಲಿ ಹಲವು ದಾಖಲೆಗಳ ಬೇಟೆಯಾಡಿದ್ದಾರೆ. ಅವುಗಳ ಪಟ್ಟಿಯನ್ನು ಮುಂದೆ ನೋಡೋಣ.
(1 / 11)
ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಎರಡು ರನ್ನುಗಳ ರೋಚಕ ಗೆಲುವು ಸಾಧಿಸಿದೆ. ಇದರೊಂದಿಗೆ ಒಟ್ಟು 8ನೇ ಗೆಲುವು ಸಾಧಿಸಿ 16 ಅಂಕಗಳೊಂದಿಗೆ ಅಂಕಪಟ್ಟಿಯಲ್ಲಿ ಎರಡನೇ ಸ್ಥಾನಕ್ಕೆ ಲಗ್ಗೆ ಇಟ್ಟಿದೆ.
(REUTERS)
(2 / 11)
ಪಂದ್ಯದಲ್ಲಿ ಮಿಂಚಿದ ಆರ್ಸಿಬಿ ಸ್ಟಾರ್ ಬ್ಯಾಟರ್ ವಿರಾಟ್ ಕೊಹ್ಲಿ ಹಲವು ದಾಖಲೆಗಳ ಬೇಟೆಯಾಡಿದ್ದಾರೆ. 33 ಎಸೆತಗಳಲ್ಲಿ 5 ಬೌಂಡರಿ, 5 ಸಿಕ್ಸರ್ ಸಹಿತ 62 ರನ್ ಸಿಡಿಸುವ ಮೂಲಕ ಇತಿಹಾಸ ಪುಟಗಳಲ್ಲಿ ತನ್ನದೇಯಾದ ಹೆಸರನ್ನು ಕೆತ್ತಿದ್ದಾರೆ. ಅವುಗಳನ್ನು ಒಂದೊಂದಾಗಿ ನೋಡುತ್ತಾ ಹೋಗೋಣ.
(REUTERS)
(3 / 11)
ಐಪಿಎಲ್ನಲ್ಲಿ ಸಿಎಸ್ಕೆ ವಿರುದ್ಧ ಅತ್ಯಧಿಕ ಅರ್ಧಶತಕ ದಾಖಲಿಸಿದ ಹೆಗ್ಗಳಿಕೆ ವಿರಾಟ್ ಕೊಹ್ಲಿ ಪಾಲಾಯಿತು. 10 ಅರ್ಧಶತಕ ಬಾರಿಸುವ ಮೂಲಕ ತಲಾ 9 ಅರ್ಧಶತಕ ಬಾರಿಸಿರುವ ಶಿಖರ್ ಧವನ್, ಡೇವಿಡ್ ವಾರ್ನರ್, ರೋಹಿತ್ ಶರ್ಮಾ ಅವರನ್ನು ಹಿಂದಿಕ್ಕಿದ್ದಾರೆ.
(AP)
(4 / 11)
ವಿರಾಟ್ ಐಪಿಎಲ್ನಲ್ಲಿ ಒಟ್ಟಾರೆ ಎರಡನೇ ಬಾರಿಗೆ ಆರ್ಸಿಬಿ ಪರ ಸತತ 4 ಅರ್ಧಶತಕಗಳನ್ನು ಸಿಡಿಸಿದ್ದಾರೆ. ಇದಕ್ಕೂ ಮೊದಲು 2016 ರಲ್ಲಿ ಕೊಹ್ಲಿ ಸತತ 4 ಅರ್ಧಶತಕಗಳನ್ನು ಚಚ್ಚಿದ್ದರು.
(Surjeet Yadav)
(5 / 11)
ಐಪಿಎಲ್ನಲ್ಲಿ ತಂಡವೊಂದರ ವಿರುದ್ಧ ಅತಿ ಹೆಚ್ಚು ರನ್ ಗಳಿಸಿದ ಹೆಗ್ಗಳಿಕೆಗೆ ಕೊಹ್ಲಿ ಪಾತ್ರರಾಗಿದ್ದಾರೆ. ಸಿಎಸ್ಕೆ ಅವರು 1146 ರನ್ ಗಳಿಸಿ ಡೇವಿಡ್ ವಾರ್ನರ್ ದಾಖಲೆ ಮುರಿದಿದ್ದಾರೆ. ವಾರ್ನರ್ ಅವರು ಪಂಜಾಬ್ ಎದುರು 1134 ರನ್ ಗಳಿಸಿ ಅಗ್ರಸ್ಥಾನದಲ್ಲಿದ್ದರು. ಬಳಿಕ ಕೊಹ್ಲಿ ಡೆಲ್ಲಿ ವಿರುದ್ಧ 1130 ರನ್ ಗಳಿಸಿ ಮೂರನೇ ಸ್ಥಾನದಲ್ಲಿದ್ದಾರೆ.
(PTI)
(6 / 11)
ವಿರಾಟ್ ಕೊಹ್ಲಿ ಮತ್ತೊಂದು ದಾಖಲೆಯಲ್ಲಿ ಡೇವಿಡ್ ವಾರ್ನರ್ ದಾಖಲೆ ಮುರಿದಿದ್ದಾರೆ. ಐಪಿಎಲ್ ಇತಿಹಾಸದಲ್ಲಿ ಅತಿ ಹೆಚ್ಚು ಸಲ 500 ಪ್ಲಸ್ (ಒಂದು ಸೀಸನ್ನಲ್ಲಿ ಗಳಿಸಿದ ಸ್ಕೋರ್) ಸ್ಕೋರ್ ಮಾಡಿದ ಹಿರಿಮೆಗೆ ಕೊಹ್ಲಿ ಪಾತ್ರರಾಗಿದ್ದಾರೆ. ಕೊಹ್ಲಿ 8 ಬಾರಿ, ವಾರ್ನರ್ 7 ಸಲ ಈ ಸಾಧನೆ ಮಾಡಿದ್ದರೆ, ಕೆಎಲ್ ರಾಹುಲ್ 6, ಶಿಖರ್ ಧವನ್ 5 ಸಲ 500 ಅಥವಾ ಅದಕ್ಕಿಂತ ಹೆಚ್ಚು ರನ್ ಗಳಿಸಿದ್ದಾರೆ.
(Surjeet Yadav)
(7 / 11)
ಕೊಹ್ಲಿ ಮತ್ತು ಬೆಥೆಲ್ ನಡುವೆ ಮೊದಲ ವಿಕೆಟ್ಗೆ 97 ರನ್ಗಳು ಹರಿದು ಬಂತು. ಇದು ಸಿಎಸ್ಕೆ ವಿರುದ್ಧ ಬಂದ ಆರ್ಸಿಬಿಯ ಅತ್ಯಧಿಕ ಎರಡನೇ ಜೊತೆಯಾಟ. ಇದಕ್ಕೂ ಮುನ್ನ 2021ರಲ್ಲಿ ಕೊಹ್ಲಿ ಮತ್ತು ದೇವದತ್ ಪಡಿಕ್ಕಲ್ 111 ರನ್ಗಳ ಪಾಲುದಾರಿ ಒದಗಿಸಿದ್ದರು.
(Surjeet Yadav)
(8 / 11)
ಪಂದ್ಯದಲ್ಲಿ 5 ಸಿಕ್ಸರ್ ಚಚ್ಚಿದ ಕೊಹ್ಲಿ ಒಂದೇ ತಂಡದ (ಆರ್ಸಿಬಿ) ಪರ 300+ (304) ಸಿಕ್ಸರ್ ಬಾರಿಸಿದ ಐಪಿಎಲ್ನ ಏಕೈಕ ಆಟಗಾರ. ಈ ಸಾಧನೆ ಯಾರಿಂದಲೂ ಇನ್ನೂ ಸಾಧ್ಯವಾಗಿಲ್ಲ. ಕ್ರಿಸ್ ಗೇಲ್ ಅವರು ಆರ್ಸಿಬಿ ಪರ 263 ಸಿಕ್ಸರ್ ಬಾರಿಸಿದ್ದು, ಎರಡನೇ ಸ್ಥಾನದಲ್ಲಿದ್ದಾರೆ.
(PTI)
(9 / 11)
ಒಂದೇ ಮೈದಾನದಲ್ಲಿ ಅತಿ ಹೆಚ್ಚು ಸಿಕ್ಸರ್ ಬಾರಿಸಿದವರ ಪಟ್ಟಿಯಲ್ಲೂ ಕೊಹ್ಲಿಗೆ ಅಗ್ರಸ್ಥಾನ. ಚಿನ್ನಸ್ವಾಮಿ ಮೈದಾನದಲ್ಲಿ 151 ಸಿಕ್ಸರ್ ಬಾರಿಸಿದ್ದ ಕ್ರಿಸ್ಗೇಲ್ ದಾಖಲೆಯನ್ನು ಮುರಿದು ಕೊಹ್ಲಿ ಮುಂದೆ ಸಾಗಿದ್ದಾರೆ. ಮೈದಾನವೊಂದರಲ್ಲಿ ಅತಿ ಹೆಚ್ಚು ಸಿಕ್ಸರ್ ಬಾರಿಸಿದ ಆಟಗಾರರ ಪಟ್ಟಿಯಲ್ಲಿ ಕೊಹ್ಲಿ ಅಗ್ರಸ್ಥಾನಕ್ಕೇರಿ ವಿಶ್ವದಾಖಲೆ ನಿರ್ಮಿಸಿದ್ದಾರೆ.
(PTI)
(10 / 11)
ಪಂದ್ಯದಲ್ಲಿ 10 ರನ್ ಸಿಡಿಸುತ್ತಿದ್ದಂತೆ ಕೊಹ್ಲಿ ಮತ್ತೊಂದು ದಾಖಲೆ ನಿರ್ಮಿಸಿದರು. ಅವರು ಭಾರತದಲ್ಲಿ ನಡೆದ ಟಿ20ಯಲ್ಲಿ 9500 ರನ್ ಪೂರ್ಣಗೊಳಿಸಿದ್ದಾರೆ. ಈ ಸಾಧನೆ ಮಾಡಿದ ಮೊದಲ ಆಟಗಾರನೂ ಹೌದು.
(PTI)
(11 / 11)
ಹಾಗೆಯೇ ಐಪಿಎಲ್ನಲ್ಲಿ 8500 ರನ್ ಪೂರ್ಣಗೊಳಿಸಿದ್ದಾರೆ. ಪಂದ್ಯದಲ್ಲಿ 55 ರನ್ ಗಳಿಸುತ್ತಿದ್ದಂತೆ ಈ ಮೈಲಿಗಲ್ಲು ತಲುಪಿದರು.
(PTI)
Prasanna Kumar PN
ಇತರ ಗ್ಯಾಲರಿಗಳು