ವೀರೇಂದ್ರ ಸೆಹ್ವಾಗ್ ಪತ್ನಿ ಹಿನ್ನೆಲೆಯೇನು? ಉದ್ಯಮಿಯೂ ಆಗಿರುವ ಆರತಿ ಅಹ್ಲಾವತ್ ಉದ್ಯೋಗ, ಶಿಕ್ಷಣ, ವೈಯಕ್ತಿಕ ಬದುಕಿನ ಪರಿಚಯ ಇಲ್ಲಿದೆ
- Aarti Ahlawat: ವೀರೇಂದ್ರ ಸೆಹ್ವಾಗ್ ಪತ್ನಿ ಆರತಿ ಅಹ್ವಾವತ್ ಅವರ ಹಿನ್ನೆಲೆ ಏನು? ಉದ್ಯಮಿಯೂ ಆಗಿರುವ ಆರತಿ, ಉದ್ಯೋಗ, ಶಿಕ್ಷಣ, ವೈಯಕ್ತಿಕ ಬದುಕಿನ ಸಂಪೂರ್ಣ ಪರಿಚಯ ಇಲ್ಲಿದೆ ನೋಡಿ.
- Aarti Ahlawat: ವೀರೇಂದ್ರ ಸೆಹ್ವಾಗ್ ಪತ್ನಿ ಆರತಿ ಅಹ್ವಾವತ್ ಅವರ ಹಿನ್ನೆಲೆ ಏನು? ಉದ್ಯಮಿಯೂ ಆಗಿರುವ ಆರತಿ, ಉದ್ಯೋಗ, ಶಿಕ್ಷಣ, ವೈಯಕ್ತಿಕ ಬದುಕಿನ ಸಂಪೂರ್ಣ ಪರಿಚಯ ಇಲ್ಲಿದೆ ನೋಡಿ.
(1 / 12)
ಭಾರತ ತಂಡದ ಮಾಜಿ ಕ್ರಿಕೆಟಿಗ ವೀರೇಂದ್ರ ಸೆಹ್ವಾಗ್-ಪತ್ನಿ ಆರತಿ ಅಹ್ಲಾವತ್ ಅವರು 20 ವರ್ಷಗಳ ದಾಂಪತ್ಯದ ನಂತರ ವಿಚ್ಛೇದನಕ್ಕೆ ಮುಂದಾಗಿದ್ದಾರೆ ಎಂದು ವರದಿಯಾಗಿದೆ. ಹಲವು ತಿಂಗಳಿಂದ ಈ ಜೋಡಿ ಪ್ರತ್ಯೇಕವಾಗಿ ವಾಸಿಸುತ್ತಿದೆ ಎಂದು ಮೂಲಗಳು ತಿಳಿಸಿವೆ.
(2 / 12)
ಇನ್ಸ್ಟಾಗ್ರಾಂನಲ್ಲಿ ಸೆಲೆಬ್ರಿಟಿ ಕಪಲ್ಸ್ ಪರಸ್ಪರ ಅನ್ಫಾಲೋ ಮಾಡಿಕೊಂಡಿದ್ದಾರೆ. ಸೆಹ್ವಾಗ್ ವಿಚ್ಛೇದನ ವದಂತಿ ನಡುವೆ ಅವರ ಪತ್ನಿ ಆರತಿ ಯಾರೆಂದು ಹುಡುಕಾಟ ಜೋರಾಗಿದೆ. ಆರತಿ ವೈಯಕ್ತಿಕ ಜೀವನ, ಕುಟುಂಬ, ವೃತ್ತಿ ಕುರಿತು ನಾವಿಲ್ಲಿ ತಿಳಿದುಕೊಳ್ಳೋಣ.
(3 / 12)
Who is Aarti Ahlawat?: ಸೆಹ್ವಾಗ್ ಅವರ ಪತ್ನಿ ಆರತಿ ಅಹ್ಲಾವತ್ ಹೊಸದಿಲ್ಲಿಯವರು. 1980ರ ಡಿಸೆಂಬರ್ 16ರಂದು ಜನಿಸಿದರು. ಆಕೆಯ ತಂದೆ ಸೂರಜ್ ಸಿಂಗ್ ಅಹ್ಲಾವತ್ ವಕೀಲರಾಗಿದ್ದರು. ಆರತಿಯ ತಾಯಿಯ ಹೆಸರು ಇನ್ನೂ ಮಾಹಿತಿ ಸಿಕ್ಕಿಲ್ಲ.
(4 / 12)
ದೆಹಲಿ ವಿಶ್ವವಿದ್ಯಾಲಯದ ಮೈತ್ರೇಯಿ ಕಾಲೇಜಿನಲ್ಲಿ ಕಂಪ್ಯೂಟರ್ ಸೈನ್ಸ್ನಲ್ಲಿ ಡಿಪ್ಲೊಮಾ ಪದವಿ ಪಡೆಯುವುದಕ್ಕೂ ಮುನ್ನ, ಲೇಡಿ ಇರ್ವಿನ್ ಸೆಕೆಂಡರಿ ಸ್ಕೂಲ್ ಮತ್ತು ಭಾರತೀಯ ವಿದ್ಯಾಭವನದಲ್ಲಿ ತಮ್ಮ ಶಾಲಾ ಶಿಕ್ಷಣವನ್ನು ಪೂರ್ಣಗೊಳಿಸಿದ್ದರು.
(5 / 12)
ಆರತಿ ಉದ್ಯಮಿಯಾಗಿ ಉತ್ತಮ ಹೆಸರು ಸಂಪಾದಿಸಿದ್ದಾರೆ. ಇವೆಂಟುರಾ ಕ್ರಿಯೇಶನ್ಸ್ ಪ್ರೈವೆಟ್ ಲಿಮಿಟೆಡ್, ಎವಿಎಸ್ ಹೆಲ್ತ್ಕೇರ್ ಪ್ರೈವೇಟ್ ಲಿಮಿಟೆಡ್, ಎವಿಎಸ್ ಇವೆಂಟ್ ಮ್ಯಾನೇಜ್ಮೆಂಟ್ ಪ್ರೈವೇಟ್ ಲಿಮಿಟೆಡ್, ಎಸ್ಎಂಜಿಕೆ ಆಗ್ರೋ ಇಂಪೆಕ್ಸ್ ಪ್ರೈವೇಟ್ ಲಿಮಿಟೆಡ್ ಕಂಪನಿಗಳ ನಿರ್ದೇಶಕರಾಗಿದ್ದಾರೆ.
(6 / 12)
ಆಕೆಯ ಸಾಧನೆಗಳ ಹೊರತಾಗಿ 2019ರಲ್ಲಿ ಹಿನ್ನಡೆ ಎದುರಿಸಿದರು. ತನ್ನ ವ್ಯಾಪಾರ ಪಾಲುದಾರರು ₹ 4.5 ಕೋಟಿ ಸಾಲ ಪಡೆಯಲು ಆಕೆಯ ಸಹಿಯನ್ನು ನಕಲಿ ಮಾಡುವ ಮೂಲಕ ವಂಚಿಸಿದ್ದರು ಎಂದು ಆರತಿ ಆರೋಪಿಸಿದರು. ಈ ಬಗ್ಗೆ ಆರತಿ ದೂರು ದಾಖಲಿಸಿದ್ದರು.
(7 / 12)
Sehwag-Aarti Love Story: ಆರತಿ-ಸೆಹ್ವಾಗ್ ಲವ್ ಸ್ಟೋರಿ ಅವರ ಬಾಲ್ಯದಿಂದಲೇ ಪ್ರಾರಂಭವಾಯಿತು. ಸೆಹ್ವಾಗ್ 7 ವರ್ಷ, ಆರತಿ 5 ವರ್ಷದವರಾಗಿದ್ದಾಗ ಮದುವೆಯೊಂದರಲ್ಲಿ ಇಬ್ಬರೂ ಮೊದಲು ಭೇಟಿಯಾಗಿದ್ದರು. ಸೆಹ್ವಾಗ್ರ ಸೋದರಸಂಬಂಧಿ ಆರತಿ ಅವರ ಚಿಕ್ಕಮ್ಮನನ್ನು ವಿವಾಹವಾದರು. ಇದು ವರ್ಷಗಳು ಕಳೆದಂತೆ ಇಬ್ಬರ ನಡುವೆ ಬಾಂಧವ್ಯ ಹೆಚ್ಚಿಸಿತು.
(8 / 12)
ಸೆಹ್ವಾಗ್ ತನ್ನ 21ನೇ ವಯಸ್ಸಿನಲ್ಲಿ ತನಗೆ 14 ವರ್ಷಗಳಿಂದ ಪರಿಚಯ ಹೊಂದಿದ್ದ ಆರತಿಯನ್ನು ವರಿಸಿದರು. ದೂರದ ಕೌಟುಂಬಿಕ ಸಂಬಂಧ ಹೊಂದಿದ್ದ ಹಿನ್ನೆಲೆ ಇಬ್ಬರ ಪ್ರೇಮ ವಿವಾಹಕ್ಕೆ ಎರಡೂ ಕುಟುಂಬಗಳು ಒಪ್ಪಿಗೆ ನೀಡಿದ್ದವು.
(9 / 12)
2004ರಲ್ಲಿ ದಿವಂಗತ ಹಣಕಾಸು ಸಚಿವ ಅರುಣ್ ಜೇಟ್ಲಿ ಅವರ ನಿವಾಸದಲ್ಲಿ ಆಯೋಜಿಸಲಾದ ಅದ್ಧೂರಿ ಸಮಾರಂಭದಲ್ಲಿ ವೀರು ಮತ್ತು ಆರತಿ ವಿವಾಹವಾದರು. ಅರುಣ್ ಜೇಟ್ಲಿ ಸಹ ಇಬ್ಬರಿಗೂ ಸಂಬಂಧಿಯಾಗಿದ್ದರು.
(10 / 12)
2007ರಲ್ಲಿ ತಮ್ಮ ಮೊದಲ ಮಗ ಆರ್ಯವೀರ್ಗೆ ಮತ್ತು 2010ರಲ್ಲಿ 2ನೇ ಮಗ ವೇದಾಂತ್ಗೆ ಪೋಷಕರಾದರು. ತಮ್ಮ ವೈಯಕ್ತಿಕ ಮತ್ತು ವೃತ್ತಿಪರ ಜೀವನ ಸಮತೋಲನಗೊಳಿಸಿದ ಆರತಿ ಮತ್ತು ಸೆಹ್ವಾಗ್, ಅನೇಕರಿಗೆ ಮಾದರಿಯಾಗಿದ್ದರು.
(11 / 12)
ಮೂಲಗಳ ಪ್ರಕಾರ, ಆರತಿ ಮತ್ತು ವೀರೇಂದ್ರ ಒಂದು ವರ್ಷದಿಂದ ಪ್ರತ್ಯೇಕವಾಗಿ ವಾಸಿಸುತ್ತಿದ್ದಾರೆ. ಒಬ್ಬ ಮಗ ಸೆಹ್ವಾಗ್ ಜತೆಗೆ ಮತ್ತೊಬ್ಬ ಆರತಿಯೊಂದಿಗೆ ವಾಸಿಸುತ್ತಿದ್ದಾರೆ ಎಂದು ವರದಿಯಾಗಿದೆ. ಆದರೆ ಇಬ್ಬರು ವಿಚ್ಛೇದನ ಪಡೆಯುವ ಕುರಿತು ಯಾವುದೇ ಅಧಿಕೃತ ಪೋಸ್ಟ್ ಅಥವಾ ಹೇಳಿಕೆ ನೀಡಿಲ್ಲ.
ಇತರ ಗ್ಯಾಲರಿಗಳು