ಬಂದ, ಮಗನೂ ಬಂದ; ಫುಟ್ಬಾಲ್ ಲೋಕಕ್ಕೆ ಕಾಲಿಟ್ಟ ಕ್ರಿಸ್ಟಿಯಾನೊ ರೊನಾಲ್ಡೊ ಪುತ್ರ
ಫುಟ್ಬಾಲ್ ದಂತಕಥೆ ಕ್ರಿಸ್ಟಿಯಾನೊ ರೊನಾಲ್ಡೊ ಒಂದು ಕಡೆ ಅದ್ಭುತ ಆಟದೊಂದಿಗೆ ಮುನ್ನಡೆಯುತ್ತಿದ್ದಾರೆ. ಮತ್ತೊಂದೆಡೆ ಅವರ ಮಗ ಫುಟ್ಬಾಲ್ಗೆ ಪಾದಾರ್ಪಣೆ ಮಾಡಿದರು. ಅವರು ರಾಷ್ಟ್ರೀಯ ತಂಡವನ್ನು ಪ್ರವೇಶಿಸಿದರು.
(1 / 5)
ವಿಶ್ವಶ್ರೇಷ್ಠ ಕಾಲ್ಚೆಂಡಿನ ಚತುರ ಕ್ರಿಸ್ಟಿಯಾನೊ ರೊನಾಲ್ಡೊ ಅವರ ಪುತ್ರ ಕ್ರಿಸ್ಟಿಯಾನೊ ಡಾಸ್ ಸ್ಯಾಂಟೋಸ್ ಫುಟ್ಬಾಲ್ ಲೋಕಕ್ಕೆ ಕಾಲಿಟ್ಟಿದ್ದಾರೆ. ಪೋರ್ಚುಗಲ್ನ ಅಂಡರ್ -15 ತಂಡದಲ್ಲಿ ಅವಕಾಶ ಪಡೆಯುವ ಮೂಲಕ ಗ್ರ್ಯಾಂಡ್ ಎಂಟ್ರಿ ನೀಡಿದ್ದಾರೆ.
(AFP)
(2 / 5)
ವ್ಲಾಟ್ಕೊ ಮಾರ್ಕೊವಿಕ್ ಇಂಟರ್ನ್ಯಾಷನಲ್ ಟೂರ್ನಮೆಂಟ್ನಲ್ಲಿ ಜಪಾನ್ ವಿರುದ್ಧದ ಪಂದ್ಯದಲ್ಲಿ ಜೂನಿಯರ್ ಕ್ರಿಸ್ಟಿಯಾನೊ ಪೋರ್ಚುಗಲ್ನ 15 ವರ್ಷದೊಳಗಿನ ತಂಡಕ್ಕೆ ಪಾದಾರ್ಪಣೆ ಮಾಡಿದರು. ಈ ಪಂದ್ಯದಲ್ಲಿ ಪೋರ್ಚುಗಲ್ 4-1 ಗೋಲುಗಳಿಂದ ಗೆದ್ದು ಬೀಗಿತು.
(AFP)
(3 / 5)
ಜಪಾನ್ ವಿರುದ್ಧದ ಪಂದ್ಯದ 54ನೇ ನಿಮಿಷದಲ್ಲಿ ಕ್ರಿಸ್ಟಿಯಾನೊ ಡಾಸ್ ಸ್ಯಾಂಟೋಸ್ ಫಾರ್ವರ್ಡ್ ಆಟಗಾರನಾಗಿ ಉತ್ತಮ ಪ್ರದರ್ಶನ ನೀಡಿದರು. 14 ವರ್ಷದ ಜೂನಿಯರ್ ಕ್ರಿಸ್ಟಿಯಾನೊ ಈಗಾಗಲೇ ಜೂನಿಯರ್ ಮಟ್ಟದಲ್ಲಿ ಮಿಂಚಿದ್ದಾರೆ.
(AFP)
(4 / 5)
ತನ್ನ ಮೊಮ್ಮಗ ಜೂನಿಯರ್ ರೊನಾಲ್ಡೊ ಪೋರ್ಚುಗಲ್ನ ಅಂಡರ್-15 ತಂಡಕ್ಕೆ ಪ್ರವೇಶಿಸಿದ್ದಕ್ಕೆ ಅಜ್ಜಿ ಮಾರಿಯಾ ಅವರು ಭಾವುಕರಾಗಿದ್ದಾರೆ. ಪಂದ್ಯದ ನಂತರ ಅವರು ಮೊಮ್ಮಗನಿಗೆ ಮುತ್ತಿಟ್ಟರು. ತನ್ನ ತಂದೆಯಂತೆಯೇ ಮಗನೂ 7ನೇ ಸಂಖ್ಯೆಯ ಜರ್ಸಿ ಪಡೆದಿದ್ದಾರೆ.
(5 / 5)
ರೊನಾಲ್ಡೊ ತಮ್ಮ ಮಗನ ಚೊಚ್ಚಲ ಪಂದ್ಯದ ಬಗ್ಗೆ ಸಂತಸ ವ್ಯಕ್ತಪಡಿಸಿದ್ದಾರೆ. ತನಗೆ ತುಂಬಾ ಹೆಮ್ಮೆಯಾಗಿರುವುದಾಗಿ ಎಂದು ಸಾಮಾಜಿಕ ಮಾಧ್ಯಮದಲ್ಲಿ ಬರೆದುಕೊಂಡಿದ್ದಾರೆ. ರೊನಾಲ್ಡೊ ಮತ್ತು ಅವರ ಸಂಗಾತಿ ಜಾರ್ಜಿನಾ ರೊಡ್ರಿಗಸ್ ಐದು ಮಕ್ಕಳನ್ನು ಹೊಂದಿದ್ದಾರೆ.
(x/cristiano ronaldo)
ಪ್ರಸನ್ನಕುಮಾರ್ ಪಿ.ಎನ್.: 'ಹಿಂದೂಸ್ತಾನ್ ಟೈಮ್ಸ್ ಕನ್ನಡ'ದಲ್ಲಿ ಸೀನಿಯರ್ ಕಂಟೆಂಟ್ ಪ್ರೊಡ್ಯೂಸರ್. ಕ್ರೀಡಾ (ಕ್ರಿಕೆಟ್) ವಿಭಾಗದಲ್ಲಿ ಕಾರ್ಯನಿರ್ವಹಣೆ. ಸಂಜೆವಾಣಿ, ವಿಶ್ವವಾಣಿ, ಪ್ರಜಾವಾಣಿ, ಈಟಿವಿ ಭಾರತ್, ನ್ಯೂಸ್ ಫಸ್ಟ್ ಮಾಧ್ಯಮ ಸಂಸ್ಥೆಗಳಲ್ಲಿ ಒಟ್ಟು 7 ವರ್ಷ ಸೇವೆ ಸಲ್ಲಿಸಿದ ಅನುಭವ. ಬೆಂಗಳೂರು ಗ್ರಾಮಾಂತರ ಜಿಲ್ಲೆ ದೊಡ್ಡಬಳ್ಳಾಪುರ ತಾಲೂಕಿನ ಪುಟ್ಟಲಿಂಗಯ್ಯನಪಾಳ್ಯ ಇವರ ಊರು. ಸದ್ಯಕ್ಕೆ ಬೆಂಗಳೂರು ನಿವಾಸಿ.
ಇತರ ಗ್ಯಾಲರಿಗಳು