ದಸರಾ ರಜೆಯಲ್ಲಿ ಐಆರ್‌ಸಿಟಿಸಿ ವಿಸ್ಟಾಡೋಮ್ ಪ್ರವಾಸ ಮಿಸ್‌ ಮಾಡ್ಕೊಬೇಡಿ, ಧರ್ಮಸ್ಥಳ, ಕುಕ್ಕೆ, ಕಟೀಲಿಗೆ ಹೊರಡಿ
ಬೆಂಗಳೂರಿಗರಿಗೊಂದು ಖುಷಿ ಸುದ್ದಿ. ಈ ಸಲ ದಸರಾ ರಜೆಗೆ ಇನ್ನೂ ಟೂರ್ ಪ್ಲಾನ್ ಮಾಡ್ಕೊಂಡಿಲ್ವ. ಹಾಗಾದ್ರೆ, ಈ ದಸರಾ ರಜೆಯಲ್ಲಿ ಐಆರ್‌ಸಿಟಿಸಿ ವಿಸ್ಟಾಡೋಮ್ ಪ್ರವಾಸ ಮಿಸ್‌ ಮಾಡ್ಕೊಬೇಡಿ, ಧರ್ಮಸ್ಥಳ, ಕುಕ್ಕೆ, ಕಟೀಲಿಗೆ ಹೊರಡಿ. ಟೂರ್ ಪ್ಯಾಕೇಜ್‌ನ ಡಿಟೇಲ್ಸ್ ಇಲ್ಲಿದೆ.
(1 / 8)
ದಸರಾ ರಜೆಗೆ ಅನುಗುಣವಾಗಿ ಐಆರ್‌ಸಿಟಿಸಿ ಟೂರ್ ಪ್ಯಾಕೇಜ್ ಪ್ರಕಟಿಸಿದೆ. ಬೆಂಗಳೂರಿನಿಂದ ಎರಡು ರಾತ್ರಿ ಮೂರು ಹಗಲು ಪ್ರಯಾಣದ ವಿಸ್ಟಾಡೋಮ್ ಪ್ರವಾಸ ವಿಶೇಷ ಅನುಭವ ನೀಡುವಂಥದ್ದು. ಇದರಲ್ಲಿ ಯಶವಂತಪುರದಿಂದ ಅಕ್ಟೋಬರ್ 5 ರಂದು ಬೆಳಗ್ಗೆ 7 ಗಂಟೆಗೆ ಹೊರಟು ಅಕ್ಟೋಬರ್ 7 ರಂದು ಬೆಳಗ್ಗೆ 6.15ಕ್ಕೆ ಪುನಃ ಯಶವಂತಪುರ ತಲುಪುವ ವಿವರ ನೀಡಿದೆ. ಕಟೀಲು, ಧರ್ಮಸ್ಥಳ, ಕುಕ್ಕೆ ವಿಸ್ಟಾಡೋಮ್ ಟೂರ್ ಪ್ಯಾಕೇಜ್ ಎಂದು ಐಆರ್‌ಸಿಟಿಸಿ ಘೋಷಿಸಿದೆ.
(2 / 8)
ವಿಸ್ಟಾಡೋಮ್ ಒಂದು ಅತ್ಯಾಧುನಿಕ ಕೋಚ್ ಆಗಿದ್ದು, ಅತಿಥಿಗಳಿಗೆ ಪ್ರಯಾಣ ಸೌಕರ್ಯವನ್ನು ಒದಗಿಸಲು ಮತ್ತು ನೈಸರ್ಗಿಕ ಸುತ್ತಮುತ್ತಲಿನ ವರ್ಧಿತ ವೀಕ್ಷಣೆಗೆ ಅನುಕೂಲವಾಗುವಂಥೆ ರೈಲ್ವೇ ವಿನ್ಯಾಸಗೊಳಿಸಿದೆ
(3 / 8)
ಪಶ್ಚಿಮ ಘಟ್ಟಗಳ ಮೂಲಕ ಹಾದುಹೋಗುವ ವಿಸ್ಟಾಡೋಮ್ ಕೋಚ್‌ನ ಪ್ರಯಾಣವು ಹಸಿರು ಮತ್ತು ಪ್ರಕೃತಿ ಸೌಂದರ್ಯವನ್ನು ಕಣ್ತುಂಬಿಕೊಳ್ಳುವ ಅವಕಾಶ ನೀಡುತ್ತದೆ.
(4 / 8)
ರಮಣೀಯವಾದ ಸಕಲೇಶಪುರ - ಸುಬ್ರಹ್ಮಣ್ಯ ಘಾಟ್ ವಿಭಾಗವು ಪ್ರಯಾಣದ ಪ್ರಮುಖ ಆಕರ್ಷಣೆ.
(5 / 8)
ವಿಸ್ಟಾಡೋಮ್ ಪ್ರವಾಸದಲ್ಲಿ ಮೊದಲ ದಿನ ಹಗಲು ಹೊತ್ತಿನ ರೈಲು ಪ್ರಯಾಣ ಇರಲಿದ್ದು, ಸಂಜೆ ವೇಳೆಗೆ ಬಂಟ್ವಾಳ ರೈಲು ನಿಲ್ಧಾಣದಲ್ಲಿ ಇಳಿಯಬೇಕು. ಅಲ್ಲಿಂದ ಐಆರ್‌ಸಿಟಿಸಿ ಒದಗಿಸಿದ ಕ್ಯಾಬ್‌ನಲ್ಲಿ ಸೋಮೇಶ್ವರ ಬೀಚ್‌ಗೆ ಹೋಗಿ ಸೂರ್ಯಾಸ್ತ ನೋಡಿ, ಕಟೀಲು ದುರ್ಗಾಪರಮೇಶ್ವರಿ ದೇವಸ್ಥಾನದ ಕಡೆಗೆ ಪ್ರಯಾಣ.
(6 / 8)
ಸುಂದರ ಪ್ರಕೃತಿಯ ನಡುವೆ, ನಂದಿನಿ ನದಿ ತಟದಲ್ಲಿರುವ ಕಟೀಲು ದುರ್ಗಾಪರಮೇಶ್ವರಿ ದೇವಸ್ಥಾನ ಸಂದರ್ಶಿಸಿ ಅಲ್ಲಿಂದ ಧರ್ಮಸ್ಥಳದ ಕಡೆಗೆ ಪ್ರಯಾಣ ಇರಲಿದೆ.
(7 / 8)
ಧರ್ಮಸ್ಥಳದಲ್ಲಿ ದೇವರ ದರ್ಶನ, ದೇವಸ್ಥಾನ ಮತ್ತು ಸುತ್ತಲಿನ ಪ್ರಮುಖ ಸ್ಥಳಗಳನ್ನು ವೀಕ್ಷಿಸಿದ ಬಳಿಕ ಅಲ್ಲಿಂದ ಕುಕ್ಕೆ ಸುಬ್ರಹ್ಮಣ್ಯ ದೇವಸ್ಥಾನದ ಕಡೆಗೆ ಪ್ರಯಾಣ.
(8 / 8)
ಕುಕ್ಕೆ ಸುಬ್ರಹ್ಮಣ್ಯದಲ್ಲಿ ದೇವಸ್ಥಾನ, ಆದಿ ಸುಬ್ರಹ್ಮಣ್ಯ ಭೇಟಿ ಬಳಿಕ ಸುಬ್ರಹ್ಮಣ್ಯ ರೋಡ್‌ಗೆ ಬಂದು ಅಲ್ಲಿಂದ ವಾಪಸ್ ರೈಲು ಪ್ರಯಾಣ. ಈ ಟೂರ್ ಪ್ಯಾಕೇಜ್ ((SBR035))ಗೆ 9080 ರೂಪಾಯಿ ಆರಂಭಿಕ ದರ ಎಂದು ನಮೂದಿಸಿದೆ. ವಿವರಕ್ಕೆ ಐಆರ್‌ಸಿಟಿಸಿ ವೆಬ್‌ಸೈಟ್‌ನಲ್ಲಿ ಬೆಂಗಳೂರಿನಿಂದ ಹೊರಡುವ ಟೂರ್ ಪ್ಯಾಕೇಜ್‌ನಲ್ಲಿ ಈ ಪ್ಯಾಕೇಜ್ ವಿವರ ಇದೆ.
ಇತರ ಗ್ಯಾಲರಿಗಳು