Deepavali 2023: ಕಜ್ಜಾಯ, ಗವ್ವಲು, ಚೋರಾಫಲಿ; ದೀಪಾವಳಿಗೆ ವಿವಿಧ ರಾಜ್ಯಗಳಲ್ಲಿ ತಯಾರಿಸುವ ಸಾಂಪ್ರದಾಯಿಕ ತಿನಿಸುಗಳಿವು
ದೀಪಾವಳಿ ಎಂದರೆ ಪಟಾಕಿ ಸಿಡಿಸುವುದು, ಲಕ್ಷ್ಮೀ ಪೂಜೆ ಮಾಡುವುದು ಮಾತ್ರವಲ್ಲ, ಅಲ್ಲಿ ತಿಂಡಿ ತಿನಿಸಿಗೂ ಅದರದ್ದೇ ಪ್ರಾಮೂಖ್ಯತೆ ಇದೆ. ಪ್ರತಿಯೊಂದು ರಾಜ್ಯಗಳಲ್ಲೂ ದೀಪಾವಳಿಗೆ ವಿಭಿನ್ನ ಸಾಂಪ್ರದಾಯಿಕ ತಿನಿಸು ತಯಾರಿಸಲಾಗುತ್ತದೆ.
(1 / 8)
ವಿವಿಧ ತಿಂಡಿ ತಿನಿಸುಗಳು ಇಲ್ಲದೆ ಯಾವುದೇ ಹಬ್ಬ ಪೂರ್ಣವಾಗುವುದಿಲ್ಲ. ಮಕ್ಕಳು ಪಟಾಕಿ ಹೊಡೆಯುವುದರ ಜೊತೆಗೆ ಹಬ್ಬದ ತಿಂಡಿಗಳನ್ನು ತಿನ್ನಲು ಕಾತರಿಂದ ಕಾಯುತ್ತಿರುತ್ತಾರೆ. ಅದು ಸಿಹಿ ಆಗಿರಬಹುದು, ಖಾರ ಆಗಿರಬಹುದು. (Pinterest)
(2 / 8)
ಚೋರಾಫಲಿ: ಇದು ಗುಜರಾತ್‌ನ ಸಾಂಪ್ರದಾಯಿಕ ರೆಸಿಪಿ. ಕಡ್ಲೆಹಿಟ್ಟು, ಉದ್ದಿನ ಹಿಟ್ಟು, ಆಮ್‌ಚೂರ್‌ ಪುಡಿ, ಅಚ್ಚ ಖಾರದ ಪುಡಿ ಹಾಗೂ ಇನ್ನಿತರ ಸಾಮಗ್ರಿಗಳನ್ನು ಜೊತೆ ಸೇರಿಸಿ, ಒಣಗಿಸಿ ತಯಾರಿಸಲಾದ ಇದನ್ನು ಎಣ್ಣೆಯಲ್ಲಿ ಕರಿದು ತಿಂದರೆ ರುಚಿ ಹೆಚ್ಚು.(Pinterest)
(3 / 8)
ಅನಾರ್ಸ: ಇದು ಮಹಾರಾಷ್ಟ್ರದ ಸಾಂಪ್ರದಾಯಿಕ ತಿನಿಸು. ಸಿಹಿ ಹಾಗೂ ಹುಳಿಯ ಮಿಶ್ರಣ ಹೊಂದಿರುವ ಈ ತಿಂಡಿಯನ್ನು ದೀಪಾವಳಿ ಸಮಯದಲ್ಲಿ ಮಹಾರಾಷ್ಟ್ರದ ಬಹುತೇಕ ಎಲ್ಲಾ ಮನೆಗಳಲ್ಲೂ ತಯಾರಿಸಲಾಗುತ್ತದೆ. (Pinterest)
(4 / 8)
ಮಾವಾ ಕಛೋರಿ: ಇದು ರಾಜಸ್ಥಾನದ ಸಾಂಪ್ರದಾಯಿಕ ತಿಂಡಿ. ಸಿಹಿ ಹಾಗೂ ಖಾರ ಫ್ಲೇವರ್‌ನ ಮಾವಾ ಕಚೋರಿಯನ್ನು ರಾಜಸ್ಥಾನದ ಜನರು ತಯಾರಿಸುತ್ತಾರೆ. ದೀಪಾವಳಿಯ ಪ್ರಮುಖ ಸಾಂಪ್ರದಾಯಿಕ ರೆಸಿಪಿಗಳಲ್ಲಿ ಇದೂ ಒಂದು. (Pinterest)
(5 / 8)
ಶುಫ್ತಾ: ಕಾಶ್ಮೀರ್‌ನ ಫೇಮಸ್‌ ಸಿಹಿ ತಿನಿಸು. ಡ್ರೈ ಫ್ರೂಟ್ಸ್‌, ಸಕ್ಕರೆ ಪಾಕ ಹಾಗೂ ಇನ್ನಿತರ ಸಾಮಗ್ರಿಗಳನ್ನು ಬಳಸಿ ಶುಫ್ತಾ ತಯಾರಿಸಲಾಗುತ್ತದೆ. (Pinterest)
(6 / 8)
ಗವ್ವಲು: ಇದು ಆಂಧ್ರ ಪ್ರದೇಶದ ಫೇಮಸ್‌ ತಿನಿಸು. ನೋಡಲು ಸುರುಳಿಯಂತಿರುವ ಈ ಸಿಹಿ ತಿಂಡಿಯನ್ನು ಕ್ರಿಸ್‌ಮಸ್‌ ಸಮಯದಲ್ಲಿ ಕೂಡಾ ತಯಾರಿಸುತ್ತಾರೆ. (Pinterest)
(7 / 8)
ನಾರಿಕೊಲ್‌ ಲಾರು: ಇದು ಅಸ್ಸೋಂನ ಸಾಂಪ್ರದಾಯಿಕ ತಿಂಡಿ. ಹೆಸರೇ ಸೂಚಿಸುವಂತೆ ಇದನ್ನು ತೆಂಗಿನಕಾಯಿಂದ ತಯಾರಿಸಲಾಗುತ್ತದೆ. ಜೊತೆಗೆ ಏಲಕ್ಕಿ ಪುಡಿ , ತುಪ್ಪ, ಸಕ್ಕರೆಯನ್ನೂ ಸೇರಿಸಲಾಗುತ್ತದೆ. (Pinterest)
(8 / 8)
ಕಜ್ಜಾಯ: ಕರ್ನಾಟಕದ ಸಾಂಪ್ರದಾಯಿಕ ಸಿಹಿತಿಂಡಿ ಕಜ್ಜಾಯ. ಅಕ್ಕಿಹಿಟ್ಟನ್ನು ಬೆಲ್ಲದ ಪಾಕದೊಂದಿಗೆ ಮಿಕ್ಸ್‌ ಮಾಡಿ ಆ ಹಿಟ್ಟನ್ನು ಎಣ್ಣೆಯಲ್ಲಿ ಕರಿದ ಕಜ್ಜಾಯವನ್ನು ತಿನ್ನುತ್ತಿದ್ದರೆ ಸ್ವರ್ಗಕ್ಕೆ ಮೂರೇ ಗೇಣು. ದೀಪಾವಳಿಗೆ ಕರ್ನಾಟಕದ ಬಹುತೇಕ ಮನೆಗಳಲ್ಲಿ ಕಜ್ಜಾಯ ತಯಾರಿಸಲಾಗುತ್ತದೆ.
ಇತರ ಗ್ಯಾಲರಿಗಳು