ಎಸ್‌ಎಸ್‌ಎಲ್‌ಸಿಯಲ್ಲಿ ಟಾಪರ್‌ ಆಗುವುದು ಹೇಗೆ? ರಾಜ್ಯಕ್ಕೆ ಅಗ್ರ ಸ್ಥಾನ ಪಡೆದ ನಮನಾ ಕಲಿಕೆಯ ಗುಟ್ಟು ರಟ್ಟು
ಕರ್ನಾಟಕ ಎಸ್‌ಎಸ್‌ಎಲ್‌ಸಿ ಪರೀಕ್ಷೆಯಲ್ಲಿ ಈ ಬಾರಿ 22 ವಿದ್ಯಾರ್ಥಿಗಳು ಟಾಪರ್‌ಗಳಾಗಿ ಹೊರಹೊಮ್ಮಿದ್ದಾರೆ. ಇವರಲ್ಲಿ ಶಿವಮೊಗ್ಗದ ಪ್ರಿಯಾದರ್ಶಿನಿ ಹೈಸ್ಕೂಲ್‌ ವಿದ್ಯಾರ್ಥಿನಿ ನಮನಾ ಕೆ ಕೂಡ ಒಬ್ಬರು. ಟಾಪರ್‌ ಆಗಲು ಅಥವಾ ಎಸ್‌ಎಸ್‌ಎಲ್‌ಸಿ ಪರೀಕ್ಷೆಯಲ್ಲಿ ಉತ್ತಮ ಅಂಕ ಪಡೆಯಲು ಬಯಸುವವರಿಗೆ ಇವರ ಮಾತುಗಳು ಸ್ಪೂರ್ತಿಯಾಗಬಲ್ಲದು.
(1 / 10)
ಕಷ್ಟದ ವಿಷಯಗಳ ಕಡೆಗೆ ಹೆಚ್ಚಿನ ಗಮನ: " ಕಷ್ಟವೆನಿಸುವ ವಿಷಯಗಳನ್ನು ಶಾಲಾ ಆರಂಭದ ದಿನಗಳಿಂದಲೇ ಹೆಚ್ಚು ಓದುತ್ತಿದ್ದೆ. ಬೆಳಗ್ಗೆ ಮತ್ತು ರಾತ್ರಿಯೂ ಇಂತಹ ವಿಷಯಗಳ ಕಡೆಗೆ ಹೆಚ್ಚು ಗಮನ ನೀಡುತ್ತ ಇದ್ದೆ. ಶಾಲೆಯಲ್ಲಿಯೂ ನನಗೆ ಕಷ್ಟವೆನಿಸುವ ವಿಷಯಗಳ ಕುರಿತು ಟೀಚರ್ಸ್‌ ಬಳಿ ಕೇಳಿ ಡೌಟ್‌ ಬಗೆಹರಿಸಿಕೊಳ್ಳುತ್ತಿದ್ದೆ" ಎಂದು ಅವರು ಮಾಹಿತಿ ನೀಡಿದ್ದಾರೆ.
(2 / 10)
ಬೆಳಗ್ಗೆ ಬೇಗ ಎದ್ದು ಓದುವ ಅಭ್ಯಾಸ: "ಶಾಲೆಯ ಆರಂಭದ ದಿನಗಳಿಂದಲೂ ಬೆಳಗ್ಗೆ 4.30 ಗಂಟೆಗೆ ಎದ್ದು ಓದುವ ಅಭ್ಯಾಸ ಬೆಳೆಸಿಕೊಂಡಿದ್ದೆ. ಬೆಳಗ್ಗೆ 7.30ರ ತನಕ ಓದುತ್ತಿದ್ದೆ. ಸಂಜೆ 6.30ರಿಂದ 9 ತನಕ ಓದುತ್ತಿದ್ದೆ. ಆಮೇಲೆ ಊಟ ಮಾಡಿ, ಹತ್ತು ಗಂಟೆಯಿಂದ 12.30 ಗಂಟೆಯ ತನಕ ಓದುತ್ತಿದ್ದೆ. ಹೀಗೆ ಟೈಂಟೇಬಲ್‌ ಮಾಡಿಕೊಡು ಶ್ರದ್ಧೆಯಿಂದ ಓದುತ್ತಿದ್ದೆ" ಎಂದು ನಮನಾ ಹೇಳಿದ್ದಾರೆ.
(3 / 10)
"ನನಗೆ ಮ್ಯಾಥ್ಸ್‌ ಮತ್ತು ಸೈನ್ಸ್‌ ಇಷ್ಟದ ಸಬ್ಜೆಕ್ಟ್‌. ಆರಂಭದಲ್ಲಿ ಸೈನ್ಸ್‌ ಕಷ್ಟ ಅನಿಸುತ್ತಿತ್ತು. ಆಮೇಲೆ ಆಮೇಲೆ... ಸುಲಭ ಆಯ್ತು" ಎಂದು ಅವರು ಹೇಳಿದ್ದಾರೆ.
(4 / 10)
ಡಯೆಟ್‌ ಪ್ಲ್ಯಾನ್‌ ಹೀಗಿತ್ತು: "ನಾನು ಪ್ರತಿದಿನ ನ್ಯೂಟ್ರಿಷಿಯನ್‌ ಇರುವ ಫುಡ್‌ ತಿನ್ನಲು ಆದ್ಯತೆ ನೀಡುತ್ತಿದ್ದೆ. ಜಂಕ್‌ ಫುಡ್‌ ತಿನ್ನುತ್ತಿರಲಿಲ್ಲ. ಮನೆಯಲ್ಲಿ ಮಾಡುವ ಆಹಾರಗಳನ್ನು ತಿನ್ನುತ್ತಿದ್ದೆ." ಎಂದರು. (ಚಿತ್ರದಲ್ಲಿರುವುದು ತಂದೆ, ತಾಯಿ ಮತ್ತು ಸಹೋದರ)
(5 / 10)
"ಮನೆಯಲ್ಲಿ ಅಪ್ಪ ಮತ್ತು ಅಮ್ಮ ಓದಲು ಸಹಾಯ ಮಾಡುತ್ತಿದ್ದರು. ಅಣ್ಣ ನನಗೆ ಹೆಚ್ಚು ನೆರವು ನೀಡುತ್ತಿದ್ದ. ಅವನು ಎಂಜಿನಿಯರಿಂಗ್‌ ಓದುತ್ತಿದ್ದಾನೆ. ಸ್ಕೂಲ್‌ನಲ್ಲಿ ಟೀಚರ್ಸ್‌ ಚೆನ್ನಾಗಿ ಕಲಿಸ್ತಾ ಇದ್ರು. ಸ್ಪೆಷಲ್‌ ಕ್ಲಾಸ್‌ ತೆಗೆದುಕೊಳ್ಳುತ್ತಿದ್ದರು"
(6 / 10)
ಯಶಸ್ಸು ಪಡೆಯಲು ಬಯಸುವವರಿಗೆ ಟಿಪ್ಸ್‌: "ಮೊದಲ ದಿನದಿಂದಲೂ ಚೆನ್ನಾಗಿ ಓದುತ್ತಾ ಬರಬೇಕು. ಕೊನೆಗೆ ಪರೀಕ್ಷೆ ಹತ್ತಿರವಿದ್ದಾಗ ಓದಿದ್ರಾಯ್ತು ಎಂದುಕೊಳ್ಳಬಾರದು. ಟೈಂಟೇಬಲ್‌ ಮಾಡಿಕೊಂಡು ಓದಬೇಕು.
(7 / 10)
ತುಂಬಾ ಸಲ ರಿವಿಷನ್‌ ಮಾಡಿದೆ. ಓದಿದ್ದನ್ನೇ ಓದುತ್ತಿದ್ದೆ. ಸುಮಾರು ಐದು ವರ್ಷಗಳ ಪ್ರಶ್ನೆಗಳನ್ನು ಸ್ಟಡಿ ಮಾಡಿದ್ದೇನೆ. ಸ್ಕೂಲ್‌ನವರು ಕೊಶ್ಚನ್‌ ಪೇಪರ್‌ ಕೊಡುತ್ತಿದ್ದರು. ಪ್ರಿಪರೇಟರಿ ಸುಮಾರು ಹತ್ತರಿಂದ ಹನ್ನೊಂದು ಬಾರಿ ಬರೆದಿದ್ದೇನೆ. ಯಾವುದೇ ಟೆನ್ಷನ್‌ ಇಲ್ಲದೆ ಓದುತ್ತಿದ್ದೆ. ರಜಾ ದಿನಗಳಲ್ಲಿ ಮಾತ್ರ ಆಸಕ್ತಿಯ ಚಟುವಟಿಕೆಗಳಿಗೆ ಗಮನ ನೀಡುತ್ತಿದ್ದೆ.
(8 / 10)
ತಂತ್ರಜ್ಞಾನದ ಬಳಕೆ: ನನಗೆ ಆರಂಭದಲ್ಲಿ ಕಷ್ಟವಾಗುವ ವಿಷಯಗಳನ್ನು ಗೂಗಲ್‌ ಅಥವಾ ಯೂಟ್ಯೂಬ್‌ನಲ್ಲಿ ನೋಡುತ್ತಿದ್ದೆ. ರೀಲ್ಸ್‌ ಇತ್ಯಾದಿಗಳನ್ನು ನೋಡುವುದನ್ನು ಅವಾಯ್ಡ್‌ ಮಾಡುತ್ತಿದ್ದೆ.
(9 / 10)
ಭವಿಷ್ಯದಲ್ಲಿ ಡಾಕ್ಟರ್‌ ಆಗಬೇಕೆಂದಿದ್ದೇನೆ. ಸರ್ಜನ್‌ ಆಗಬೇಕೆಂದುಕೊಂಡಿದ್ದೇನೆ. ಈಕೆಯ ಯಶಸ್ಸಿನ ಹಿಂದೆ ಟೀಚರ್‌ಗಳು ಮಾತ್ರವಲ್ಲದೆ ಅಪ್ಪ ಉಪತಹಶಿಲ್ದಾರ್‌ ಕೃಷ್ಣಮೂರ್ತಿ ಎಚ್‌, ತಾಯಿ ಪದ್ಮಿನಿ ಸಿ. ಮಾತ್ರವಲ್ಲದೆ ಸಹೋದರನ ಬೆಂಬಲವೂ ಇದೆ.
(10 / 10)
ಮಗಳ ಸಾಧನೆ ಕುರಿತು ನಮನಾ ಅವರ ತಾಯಿ ಪದ್ಮಿನಿ ಸಿ. ಖುಷಿ ವ್ಯಕ್ತಪಡಿಸಿದ್ದಾರೆ. "ನಮಗೆ ಅವಳು ಫಸ್ಟ್‌ ಬರ್ತಾಳೆ ಎನ್ನುವ ನಿರೀಕ್ಷೆ ಇತ್ತು. ಏಕೆಂದರೆ, ಪರೀಕ್ಷೆ ತುಂಬಾ ಚೆನ್ನಾಗಿ ಮಾಡಿದ್ದೇನೆ ಎಂದು ಹೇಳಿದ್ದಳು. ನಾವು ಅವಳಿಗೆ ಯಾವುದೇ ಒತ್ತಡ ಹಾಕಿಲ್ಲ. ಅವಳೇ ಪರಿಶ್ರಮಪಟ್ಟು ರಾಜ್ಯಕ್ಕೆ ಪ್ರಥಮ ಸ್ಥಾನ ಬಂದಿದ್ದಾಳೆ. ಮುಂದೇ ಇದೇ ಕರಿಯರ್‌ ಆಯ್ಕೆ ಮಾಡಿಕೊಳ್ಳು ಎಂದು ನಾವು ಬಲವಂತ ಮಾಡಿಲ್ಲ. ಅವಳು ಡಾಕ್ಟರ್‌ ಆಗ್ತೀನಿ ಅನ್ತಿದ್ದಾಳೆ. ಅದಕ್ಕೆ ಸಪೋರ್ಟ್‌ ಮಾಡ್ತಿವಿ" ಎಂದು ತಾಯಿ ಪದ್ಮಿನಿ ಹೇಳಿದ್ದಾರೆ.
Praveen Chandra B
ಇತರ ಗ್ಯಾಲರಿಗಳು