ರಜಾ ದಿನಗಳಲ್ಲಿ ಮಕ್ಕಳ ಹಠ ಹೆಚ್ಚಾಗಿದೆಯೇ? ಒಟಿಟಿಯಲ್ಲಿ ಈ 10 ಕಾರ್ಟೂನ್ ಶೋಗಳನ್ನು ತೋರಿಸಿ
ನೀವು ಬಿಝಿ ಇರುವಾಗ ಮಕ್ಕಳು ಮೊಬೈಲ್‌ ನೋಡಬಹುದು. ಮೊಬೈಲ್‌ ಬದಲು ಸ್ವಲ್ಪ ಹೊತ್ತು ಟಿವಿ ನೋಡಲು ಬಿಡಬಹುದು. ವಿಶೇಷವಾಗಿ ಕಾರ್ಟೂನ್ ನೋಡಲು ತಿಳಿಸಬಹುದು. ಟಿವಿ ಚಾನೆಲ್‌ಗಳ ಬದಲು ಒಟಿಟಿ ಪ್ಲಾಟ್‌ಫಾರ್ಮ್‌ಗಳಲ್ಲಿ ಈಗ ಅತ್ಯುತ್ತಮ ಕಾರ್ಟೂನ್‌ಗಳು ಲಭ್ಯ ಇವೆ. ಇಂತಹ 10 ಕಾರ್ಟೂನ್ ಶೋಗಳ ವಿವರ ಇಲ್ಲಿದೆ.
(1 / 11)
ಕೆಲವೊಮ್ಮೆ ಮನೆಯಲ್ಲಿ ದೊಡ್ಡವರು ಬಿಝಿ ಇರುತ್ತಾರೆ. ಈ ಸಂದರ್ಭದಲ್ಲಿ ಮಕ್ಕಳ ಕೈಗೆ ಮೊಬೈಲ್‌ ನೀಡುವುದು ಸಾಮಾನ್ಯ. ಹತ್ತಿರದಿಂದ ನೋಡುವ ಕಾರಣ ಮೊಬೈಲ್‌ ಮಕ್ಕಳ ಕಣ್ಣಿಗೆ ಹೆಚ್ಚು ಅಪಾಯಕಾರಿ. ಇದರ ಬದಲು ಟಿವಿಯಲ್ಲಿ ಒಟಿಟಿ ಶೋಗಳನ್ನು ಸ್ವಲ್ಪ ಹೊತ್ತು ನೋಡಲು ಬಿಡಬಹುದು. ಮಕ್ಕಳು ನೋಡಬಹುದಾದ ಹತ್ತು ಕಾರ್ಟೂನ್ ಶೋಗಳ ವಿವರ ಇಲ್ಲಿದೆ.
(2 / 11)
ಕೊಕೊಮೆಲನ್: ಒಟಿಟಿ ಪ್ಲಾಟ್‌ಫಾರ್ಮ್ ನೆಟ್‌ಫ್ಲಿಕ್ಸ್‌ನಲ್ಲಿ ಲಭ್ಯವಿರುವ ಈ ಕಾರ್ಯಕ್ರಮವು ಮಕ್ಕಳು ಮತ್ತು ಹದಿಹರೆಯದವರಿಗೆ ಖುಷಿ ನೀಡುತ್ತದೆ. ವರ್ಣರಂಜಿತ ಅನಿಮೇಷನ್‌ಗಳು ಮತ್ತು ಜಿಂಗಲ್ ಹಾಡುಗಳೊಂದಿಗೆ ಇದರಲ್ಲಿ ಕಲಿಕೆಯ ಅಂಶಗಳು ಸಾಕಷ್ಟಿವೆ.
(3 / 11)
ಮೋಟು ಪಟ್ಲು: ಒಟಿಟಿಯಲ್ಲಿ ಮಕ್ಕಳಿಗಾಗಿ ಲಭ್ಯವಿರುವ ಅದ್ಭುತ ಕಾರ್ಟೂನ್ ಪ್ರದರ್ಶನಗಳ ಪಟ್ಟಿಯಲ್ಲಿ 'ಮೋಟು ಪಟ್ಲು' ಕೂಡ ಸೇರಿದೆ. ಈ ಕಾರ್ಯಕ್ರಮವು ನಿಮ್ಮನ್ನು ನಗಿಸುವುದರ ಜೊತೆಗೆ ಸಾಕಷ್ಟು ವಿಷಯಗಳನ್ನು ಕಲಿಸುತ್ತದೆ. ಪ್ರತಿಯೊಂದು ಶೋನ ಕೊನೆಯಲ್ಲಿ ಒಂದು ಪಾಠವಿರುತ್ತದೆ. ನೀವು ಈ ಕಾರ್ಯಕ್ರಮವನ್ನು ಒಟಿಟಿ ಪ್ಲಾಟ್‌ಫಾರ್ಮ್ ಜೀ5ನಲ್ಲಿ ವೀಕ್ಷಿಸಬಹುದು.
(4 / 11)
ನಿಂಜಾ ಹತೋಡಿ: ಅಮೆಜಾನ್ ಪ್ರೈಮ್ ಮತ್ತು ನೆಟ್‌ಫ್ಲಿಕ್ಸ್‌ನಲ್ಲಿ ಲಭ್ಯವಿರುವ 'ನಿಂಜಾ ಹತೋಡಿ' ಕಾರ್ಯಕ್ರಮವು ಮಕ್ಕಳಿಗೆ ಅಚ್ಚುಮೆಚ್ಚು. ಈ ಕ್ಲಾಸಿಕ್ ಜಪಾನೀಸ್ ಪ್ರದರ್ಶನದ ಹಿಂದಿ ಆವೃತ್ತಿಯು ಒಟಿಟಿಯಲ್ಲಿದೆ.
(5 / 11)
ಡೋರೇಮನ್: ನೀವು ಈ ಶೋವನ್ನು ನೆಟ್‌ಫ್ಲಿಕ್ಸ್‌ನಲ್ಲಿ ವೀಕ್ಷಿಸಬಹುದು. ನಿಮ್ಮ ಪ್ರತಿಯೊಂದು ಆಸೆಯನ್ನು ಪೂರೈಸುವ ರೋಬೋಟಿಕ್ ಬೆಕ್ಕು ಇದಾಗಿದೆ. ಬಹುತೇಕ ಪ್ರತಿಯೊಂದು ಸಮಸ್ಯೆಗೂ ಡೋರೆಮನ್‌ ಬಳಿ ಪರಿಹಾರವಿದೆ. ನೋಬಿತಾ ಮತ್ತು ಡೋರೇಮನ್ ನ ತಮಾಷೆಯ ಜೋಡಿಯನ್ನು ನೋಡಿ ಮಕ್ಕಳು ಖಂಡಿತಾ ಖುಷಿಪಡುತ್ತಾರೆ.
(6 / 11)
ದಿ ಸಿಂಪ್ಸನ್ಸ್: ನೀವು ಈ ಕಾರ್ಯಕ್ರಮವನ್ನು ಜಿಯೋ ಹಾಟ್‌ಸ್ಟಾರ್‌ನಲ್ಲಿ ನೋಡಬಹುದು. ಥೆಯು ನಿಮಗೆ ಭಾವನಾತ್ಮಕ ಮತ್ತು ವೈಜ್ಞಾನಿಕ ವಿಷಯಗಳನ್ನು ಕಲಿಸುತ್ತದೆ. ಈ ಕಾರ್ಯಕ್ರಮವು ತನ್ನ ಭವಿಷ್ಯವಾಣಿಗಳಿಗಾಗಿ ಪ್ರಪಂಚದಾದ್ಯಂತ ಪ್ರಸಿದ್ಧವಾಗಿದೆ.
(7 / 11)
ಸ್ಪೈಡರ್ ಮ್ಯಾನ್: ಇನ್ಟು ದಿ ಸ್ಪೈಡರ್-ವರ್ಸ್: ನಿಮ್ಮ ಮಗುವು ಆಕ್ಷನ್-ಪ್ಯಾಕ್ಡ್ ಅನಿಮೇಟೆಡ್ ಕಾರ್ಯಕ್ರಮಗಳನ್ನು ಇಷ್ಟಪಟ್ಟರೆ, ಈ ಸೂಪರ್‌ಹೀರೋ ಕಾರ್ಯಕ್ರಮ ನೋಡಬಹುದು. ಇದನ್ನು ಸೋನಿ ಲಿವ್ ಮತ್ತು ನೆಟ್‌ಫ್ಲಿಕ್ಸ್‌ನಲ್ಲಿ ನೋಡಬಹುದು.
(8 / 11)
ಶಿಂಚನ್: ಹಠ ಮತ್ತು ಚೇಷ್ಟೆಯ ಮಗುವಿನ ಕಥೆ ಇದಾಗಿದೆ. ಶಾಲೆಯ ತುಂಟತನ ಮತ್ತು ಬಾಲ್ಯದ ಮುಗ್ಧತೆಯನ್ನು ತೋರಿಸುವ ಈ ಶೋವನ್ನು ಮಕ್ಕಳು ತುಂಬಾ ಇಷ್ಟಪಟ್ಟು ನೋಡುತ್ತಾರೆ. ಇದು ಅಮೆಜಾನ್ ಪ್ರೈಮ್ ವೀಡಿಯೊದಲ್ಲಿದೆ.
(9 / 11)
ಓಗ್ಗಿ ಆಂಡ್‌ ಕ್ಯಾಕ್ರೋಚಸ್‌: ಇದು ಒಂದು ಬೆಕ್ಕು ಮತ್ತು ಮೂರು ಚೇಷ್ಟೆಯ ಜಿರಳೆಗಳ ನಡುವಿನ ನಡೆಯುತ್ತಿರುವ ಯುದ್ಧದ ಬಗ್ಗೆ ಹೇಳುವ ಫ್ರೆಂಚ್ ಅನಿಮೇಟೆಡ್ ಹಾಸ್ಯ ಸರಣಿಯಾಗಿದೆ. ನೀವು ಇದನ್ನು ಜೀ5 ಮತ್ತು ನೆಟ್‌ಫ್ಲಿಕ್ಸ್‌ನಲ್ಲಿ ವೀಕ್ಷಿಸಬಹುದು.
(10 / 11)
ಬೆನ್ 10: ಈ ಕಾರ್ಯಕ್ರಮವು ಕಾರ್ಟೂನ್ ನೆಟ್‌ವರ್ಕ್‌ನಲ್ಲಿ ಭಾರಿ ಹಿಟ್ ಆಗಿತ್ತು. ಇದರ ಟಿಆರ್‌ಪಿ ಮಟ್ಟ ಎಷ್ಟಿತ್ತೆಂದರೆ ಈ ವ್ಯಂಗ್ಯಚಿತ್ರದ ಹೆಸರಿನಲ್ಲಿ ಲೆಕ್ಕವಿಲ್ಲದಷ್ಟು ಕೈಗಡಿಯಾರಗಳು ಮತ್ತು ರಾಖಿಗಳು ಮಾರುಕಟ್ಟೆಗೆ ಬಂದವು. ಸೂಪರ್ ಹೀರೋ ಮಗುವಿನ ಕಥೆಯನ್ನು ಹೇಳುವ ಈ ಕಾರ್ಯಕ್ರಮವನ್ನು ಒಟಿಟಿಯಲ್ಲಿ ನೋಡಬಹುದು.
(11 / 11)
ವೀ ಬೇರ್ ಬೇರ್ಸ್: ಇದು ಮೂವರು ಕರಡಿ ಸಹೋದರರಾದ ಗ್ರಿಜ್ಲಿ, ಪಾಂಡಾ ಮತ್ತು ಐಸ್ ಬೇರ್ ಬಗ್ಗೆ ಅಮೇರಿಕನ್ ಅನಿಮೇಟೆಡ್ ಹಾಸ್ಯ ಸರಣಿಯಾಗಿದೆ. ಈ ಮೂವರು ಸಹೋದರರು ಮನುಷ್ಯರ ಜತೆ ಹೇಗೆ ಹೊಂದಿಕೊಳ್ಳಲು ಪ್ರಯತ್ನಿಸುತ್ತಾರೆ? ಈ ಸಮಯದಲ್ಲಿ ಅವರು ಯಾವ ಸವಾಲುಗಳನ್ನು ಎದುರಿಸುತ್ತಾರೆ ಎಂಬ ಕಥೆ ಹೊಂದಿದೆ. ಇದನ್ನು ನೀವು ನೆಟ್‌ಫ್ಲಿಕ್ಸ್‌ನಲ್ಲಿ ನೋಡಬಹುದು.
Praveen Chandra B
ಇತರ ಗ್ಯಾಲರಿಗಳು