ಟಿಆರ್‌ಪಿಯಲ್ಲಿ ʻಮುದ್ದುಸೊಸೆʼ ಧಾರಾವಾಹಿಗೆ ಬಂಪರ್! ಅತಿ ಹೆಚ್ಚು ನಂಬರ್ಸ್‌ ಪಡೆದ ಕನ್ನಡದ ಟಾಪ್‌ 10 ಸೀರಿಯಲ್‌ಗಳಿವು
ಕನ್ನಡ ಕಿರುತೆರೆಯ 15ನೇ ವಾರದ ಟಿಆರ್‌ಪಿಯಲ್ಲಿ ಹೆಚ್ಚು ಬದಲಾವಣೆಗಳು ಕಂಡಿಲ್ಲ. ಈ ನಡುವೆ ಹೊಸ ಸೀರಿಯಲ್ ʻಮುದ್ದುಸೊಸೆʼಗೆ ಎಷ್ಟು ನಂಬರ್‌ ಬರಬಹುದು ಎಂಬ ಕುತೂಹಲ ಇತ್ತು. ಅದರಂತೆ, ʻಮುದ್ದುಸೊಸೆʼ ಸೇರಿ ಕನ್ನಡ ಕಿರುತೆರೆ ಟಾಪ್‌ 10 ಧಾರಾವಾಹಿಗಳ ಟಿಆರ್‌ಪಿ ರೇಟಿಂಗ್‌ ಇಲ್ಲಿದೆ.
(1 / 11)
15ನೇ ವಾರದ ಟಿಆರ್‌ಪಿ ರೇಟಿಂಗ್ಸ್‌ ಕುತೂಹಲಕ್ಕೆ ತೆರೆ ಬಿದ್ದಿದೆ. ಹೊಸದಾಗಿ ಶುರುವಾಗಿದ್ದ ಮುದ್ದು ಸೊಸೆಗೆ ವೀಕ್ಷಕ ಫಿದಾ ಆಗಿದ್ದಾನೆ. ಅದರಂತೆ, ಒಳ್ಳೆಯ ಟಿಆರ್‌ಪಿ ಸಹ ಈ ಸೀರಿಯಲ್‌ಗೆ ಸಿಕ್ಕಿದೆ.
(2 / 11)
ಜೀ ಕನ್ನಡದ 15ನೇ ವಾರದ ಟಿಆರ್‌ಪಿಯಲ್ಲಿ ನಂಬರ್‌ 1 ಸೀರಿಯಲ್ ಎಂಬ ಪಟ್ಟವನ್ನು ಮತ್ತೆ ಪಡೆದುಕೊಂಡಿದೆ ಶ್ರಾವಣಿ ಸುಬ್ರಮಣ್ಯ ಸೀರಿಯಲ್. ಈ ಸೀರಿಯಲ್ 7.3 ಟಿಆರ್‌ಪಿ ಪಡೆದು ಅತಿ ಹೆಚ್ಚು ಟಿಆರ್‌ಪಿ ಪಡೆದು ಮೊದಲ ಸ್ಥಾನದಲ್ಲಿದೆ.
(3 / 11)
ಜೀ ಕನ್ನಡದ ಇನ್ನೊಂದು ಫ್ಯಾಂಟಸಿ ಹಾರರ್‌ ಸಿನಿಮಾ ನಾ ನಿನ್ನ ಬಿಡಲಾರೆ ಧಾರಾವಾಹಿ 15ನೇ ವಾರದ ಟಿಆರ್‌ಪಿ ರೇಟಿಂಗ್ಸ್‌ನಲ್ಲಿ 7.1 ಟಿವಿಆರ್‌ ಪಡೆದು ಎರಡನೇ ಸ್ಥಾನದಲ್ಲಿದೆ.
(4 / 11)
ಇನ್ನು ಜೀ ಕನ್ನಡದ ಒಂದು ಗಂಟೆ ಪ್ರಸಾರ ಕಾಣುವ ಲಕ್ಷ್ಮೀ ನಿವಾಸ ಸೀರಿಯಲ್ ರೋಚಕ ಟ್ವಿಸ್ಟ್‌ ಜತೆಗೆ ನೋಡುಗರನ್ನು ಸೆಳೆದಿದೆ. ಈ ಸೀರಿಯಲ್ 7.0 ಟಿಆರ್‌ಪಿ ಪಡೆದು ಮೂರನೇ ಸ್ಥಾನದಲ್ಲಿ ಗಟ್ಟಿಯಾಗಿ ನಿಂತಿದೆ.
(5 / 11)
ಇನ್ನು ಆಗೊಮ್ಮೆ ಈಗೊಮ್ಮೆ ಮೊದಲ ಸ್ಥಾನಕ್ಕೆ ಲಗ್ಗೆ ಇಟ್ಟು ಮರಳುವ ಜೀ ಕನ್ನಡದ ಅಣ್ಣಯ್ಯ ಸೀರಿಯಲ್ 15ನೇ ವಾರದ ಟಿಆರ್‌ಪಿ ರೇಟಿಂಗ್ಸ್‌ನಲ್ಲಿ 6.5 ಟಿವಿಆರ್‌ ಪಡೆದು ನಾಲ್ಕನೇ ಸ್ಥಾನಕ್ಕೆ ಕುಸಿತ ಕಂಡಿದೆ.
(6 / 11)
ಜೀ ಕನ್ನಡದ ಇನ್ನೊಂದು ವೀಕ್ಷಕರ ಮೆಚ್ಚಿನ ಸೀರಿಯಲ್‌ಗಳಲ್ಲಿ ಒಂದಾಗಿದೆ ಅಮೃತಧಾರೆ. ಈ ಧಾರಾವಾಹಿ 15ನೇ ವಾರದ ಟಿಆರ್‌ಪಿ ಲೆಕ್ಕಾಚಾರದಲ್ಲಿ 5.8 ಟಿಆರ್‌ಪಿ ಪಡೆದು ಐದನೇ ಸ್ಥಾನದಲ್ಲಿದೆ.
(7 / 11)
ಜೀ ಕನ್ನಡದ ಬ್ರಹ್ಮಗಂಟು ಧಾರಾವಾಹಿಯೂ 15ನೇ ವಾರದ ಟಿಆರ್‌ಪಿ ರೇಟಿಂಗ್ಸ್‌ನಲ್ಲಿ 5.0 ಟಿಆರ್‌ಪಿ ಪಡೆದು ಈ ಹಿಂದಿನ ನಂಬರ್‌ಗಿಂತ ಕಡಿಮೆ ಟಿಆರ್‌ಪಿ ಪಡೆದಿದೆ. ಈ ಮೂಲಕ ಆರನೇ ಸ್ಥಾನದಲ್ಲಿದೆ ಈ ಸೀರಿಯಲ್.
(8 / 11)
ಕಲರ್ಸ್‌ ಕನ್ನಡದ ಹೊಸ ಸೀರಿಯಲ್ ಮುದ್ದು ಸೊಸೆ ಪ್ರಸಾರ ಆರಂಭಿಸಿದ ಮೊದಲ ವಾರವೇ ಕಮಾಲ್‌ ಮಾಡಿದೆ. ಅದರಂತೆ 15ನೇ ವಾರದ ಟಿಆರ್‌ಪಿಯಲ್ಲಿ 5.0 ಟಿಆರ್‌ಪಿ ಪಡೆದು ಯಶಸ್ವಿಯಾಗಿದೆ. ಕಲರ್ಸ್‌ ಕನ್ನಡದ ನಂಬರ್‌ 1 ಧಾರಾವಾಹಿಯಾಗಿ ಹೊರಹೊಮ್ಮಿದೆ. ಒಟ್ಟಾರೆಯಾಗಿ ಟಾಪ್‌ 10ರಲ್ಲಿ ಏಳನೇ ಸ್ಥಾನದಲ್ಲಿದೆ.
(9 / 11)
ಇನ್ನು ಕಲರ್ಸ್‌ ಕನ್ನಡದ ಭಾಗ್ಯಲಕ್ಷ್ಮೀ ಧಾರಾವಾಹಿ ಟಿಆರ್‌ಪಿಯಲ್ಲಿ ಕುಸಿತ ಕಾಣುತ್ತಿದೆ. ಈ ಧಾರಾವಾಹಿ 15ನೇ ವಾರದ ಲೆಕ್ಕಾಚಾರದಲ್ಲಿ 4.4 ನಂಬರ್ಸ್‌ ಪಡೆದಿದೆ. ಈ ಸೀರಿಯಲ್ ಎಂಟನೇ ಸ್ಥಾನದಲ್ಲಿದೆ.
(10 / 11)
ಜೀ ಕನ್ನಡದ ಪುಟ್ಟಕ್ಕನ ಮಕ್ಕಳು ಧಾರಾವಾಹಿ ಟಿಆರ್‌ಪಿಯಲ್ಲಿ ಕೊಂಚ ತಟಸ್ಥವಾಗಿ ಉಳಿದಿದೆ. ಟಿಆರ್‌ಪಿಯಲ್ಲಿಯೂ ಹೆಚ್ಚು ಮೋಡಿ ಮಾಡದ ಈ ಧಾರಾವಾಹಿ, 15ನೇ ವಾರ 4.2 ಟಿಆರ್‌ಪಿ ಪಡೆದು ಒಂಬತ್ತನೇ ಸ್ಥಾನದಲ್ಲಿದೆ.
(11 / 11)
ಸ್ಟಾರ್‌ ಸುವರ್ಣದಲ್ಲಿ ಪ್ರಸಾರ ಕಾಣುತ್ತಿರುವ ನಿನ್ನ ಜೊತೆ ನನ್ನ ಕಥೆ ಸೀರಿಯಲ್ ಹೆಚ್ಚು ವೀಕ್ಷಕರನ್ನು ಸೆಳೆಯುತ್ತಿದೆ. ಈ ಸೀರಿಯಲ್ 4.2 ಟಿಆರ್‌ಪಿ ಪಡೆದು 10ನೇ ಟಿಆರ್‌ಪಿ ಪಡೆದಿದೆ.
Manjunath B Kotagunasi
ಇತರ ಗ್ಯಾಲರಿಗಳು