ಹೇರ್‌ ಸ್ಪಾ ಮಾಡಿಸಿಕೊಳ್ಳುವ ಪ್ಲ್ಯಾನ್‌ ಇದ್ಯಾ? ಅದಕ್ಕೂ ಮುನ್ನ ಈ ಸಲಹೆಗಳನ್ನು ಗಮನದಲ್ಲಿಡಿ, ಇಲ್ಲದಿದ್ದರೆ ಮಾಡಿಸಿಯೂ ವ್ಯರ್ಥ

ಒಣ ಮತ್ತು ಹಾನಿಗೊಳಗಾದ ಕೂದಲನ್ನು ಮೃದು ಮತ್ತು ಹೊಳೆಯುವಂತೆ ಮಾಡಲು ಜನರು ಸಾಮಾನ್ಯವಾಗಿ ಹೇರ್ ಸ್ಪಾ ಚಿಕಿತ್ಸೆ ಮಾಡಿಸಿಕೊಳ್ಳುತ್ತಾರೆ. ಹೇರ್ ಸ್ಪಾ ಅನ್ನು ನಿಯಮಿತವಾಗಿ ತೆಗೆದುಕೊಳ್ಳುವುದರಿಂದ ಕೂದಲಿನ ಬೆಳವಣಿಗೆಯನ್ನು ವೇಗಗೊಳಿಸುತ್ತದೆ ಮತ್ತು ಕೂದಲನ್ನು ಮೃದುಗೊಳಿಸುತ್ತದೆ ಎಂದು ನಂಬಲಾಗಿದೆ. ಆದರೆ ಹೇರ್‌ ಸ್ಪಾ ಮಾಡುವಾಗ ಮತ್ತು ನಂತರ ಕೆಲವು ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳಬೇಕಾಗುತ್ತದೆ. ಇಲ್ಲದಿದ್ದರೆ ಸಮಯ ಮತ್ತು ಹಣ ಎರಡೂ ವ್ಯರ್ಥವಾಗುತ್ತದೆ.

ಹೇರ್ ಸ್ಪಾ ಸಮಯದಲ್ಲಿ, ಕೂದಲಿನ ಆಳವಾದ ಕಂಡೀಷನಿಂಗ್‌ಗಾಗಿ ಲೋಷನ್ ಅಥವಾ ಎಣ್ಣೆಯನ್ನು ಬಳಸಲಾಗುತ್ತದೆ. ಆದರೆ ಹೇರ್ ಸ್ಪಾ ಆದ ತಕ್ಷಣ ಕೂದಲಿಗೆ ಎಣ್ಣೆ ಅಥವಾ ಹೇರ್ ಪ್ಯಾಕ್ ಹಚ್ಚುವ ತಪ್ಪನ್ನು ಮಾಡಬೇಡಿ. ಹೀಗೆ ಮಾಡುವುದರಿಂದ ನಿಮಗೆ ಹೇರ್ ಸ್ಪಾ ಪರಿಣಾಮ ದೊರೆಯುವುದಿಲ್ಲ.

ಹೇರ್ ಸ್ಪಾ ನಂತರ ಬ್ಲೋವರ್ ಅಥವಾ ಸ್ಟ್ರೈಟ್ನರ್ ಬಳಸುವುದನ್ನು ತಪ್ಪಿಸಬೇಕು. ಇದರಿಂದ ಕೂದಲಿಗೆ ಒದಗಿಸಿದ ಪೋಷಣೆ ಕಳೆದು ಹೋಗುತ್ತದೆ.

 ಮಹಿಳೆಯರು ಸ್ಪಾ ತೆಗೆದುಕೊಂಡ ತಕ್ಷಣ ತಮ್ಮ ಕೂದಲನ್ನು ತೊಳೆಯುತ್ತಾರೆ. ಅಂತಹ ತಪ್ಪು ಮಾಡಬೇಡಿ. ಕೂದಲನ್ನು ಪದೇ ಪದೇ ತೊಳೆಯುವುದು ಕೂದಲಿನಿಂದ ತೇವಾಂಶವನ್ನು ತೆಗೆದುಹಾಕುತ್ತದೆ, ಇದರಿಂದಾಗಿ ಹೇರ್ ಸ್ಪಾ ಪರಿಣಾಮವು ದೀರ್ಘಕಾಲ ಉಳಿಯುವುದಿಲ್ಲ.

ಹೇರ್ ಸ್ಪಾ ತೆಗೆದುಕೊಂಡ ನಂತರ, ನಿಮ್ಮ ಕೂದಲನ್ನು ತೆರೆದಿಡಬೇಡಿ, ನಿಮ್ಮ ಕೂದಲನ್ನು ಸಾಧ್ಯವಾದಷ್ಟು ಸ್ಕಾಫ್‌ ಅಥವಾ ದುಪ್ಪಟ್ಟಾದಿಂದ ಮುಚ್ಚಿಡಿ. ಇಲ್ಲದಿದ್ದರೆ ನಿಮ್ಮ ಕೂದಲಿನಲ್ಲಿ ಧೂಳು ಮತ್ತು ಕೊಳಕು ಸಂಗ್ರಹವಾಗಬಹುದು, ಇದರಿಂದಾಗಿ ಕೂದಲಿನ ತೇವಾಂಶ ಕಡಿಮೆಯಾಗುತ್ತದೆ.

ಹೇರ್ ಸ್ಪಾ ನಂತರ ಮಸಾಲೆಯುಕ್ತ ಆಹಾರವನ್ನು ಸೇವಿಸಬಾರದು ಏಕೆಂದರೆ ಇದು ಜೀರ್ಣಕಾರಿ ಸಮಸ್ಯೆಗಳನ್ನು ಉಂಟುಮಾಡುತ್ತದೆ. ವಾಸ್ತವವಾಗಿ, ಹೇರ್ ಸ್ಪಾ ಸಮಯದಲ್ಲಿ, ಕೆಲವು ರಾಸಾಯನಿಕಗಳು ದೇಹವನ್ನು ಪ್ರವೇಶಿಸುತ್ತವೆ, ಅವುಗಳನ್ನು ಹೊರ ಹಾಕಲು, ಲಘು ಆಹಾರವನ್ನು ಸೇವಿಸಬೇಕು.

ಹೇರ್ ಸ್ಪಾ ನಂತರ ಧೂಮಪಾನ ಮಾಡಬಾರದು, ಧೂಮಪಾನವು ಹೆಚ್ಚು ಬೆವರುವಿಕೆ ಮತ್ತು ಮೂತ್ರ ಹೋಗುವಂತೆ ಮಾಡುತ್ತದೆ. ಇದು ನಿರ್ಜಲೀಕರಣಕ್ಕೆ ಕಾರಣವಾಗಬಹುದು. ಆದ್ದರಿಂದ, ಹೇರ್ ಸ್ಪಾ ನಂತರ ಧೂಮಪಾನವನ್ನು ತ್ಯಜಿಸಬೇಕು.