ವಿಟಮಿನ್‌ ಬಿ12 ಕೊರತೆಯಾದ್ರೆ ಮಾತ್ರವಲ್ಲ, ಹೆಚ್ಚಾದ್ರೂ ಸಮಸ್ಯೆ, ಇದರಿಂದ ಏನೆಲ್ಲಾ ತೊಂದರೆಗಳು ಎದುರಾಗುತ್ತೆ ನೋಡಿ

ನಮ್ಮ ದೇಹವು ಸರಿಯಾಗಿ ಕಾರ್ಯನಿರ್ವಹಿಸಲು ವಿಟಮಿನ್ ಬಿ12 ಅತ್ಯಗತ್ಯ. ಇದರ ಜೊತೆಗೆ, ವಿಟಮಿನ್ ಬಿ12 ಕೆಂಪು ರಕ್ತ ಕಣಗಳ ರಚನೆಯಲ್ಲಿ ಮಹತ್ವದ ಪಾತ್ರವನ್ನು ವಹಿಸುತ್ತದೆ. ವಿಟಮಿನ್‌ ಬಿ12 ದೇಹಕ್ಕೆ ಅಗತ್ಯವಿರುವ ಪೋಷಕಾಂಶಗಳಲ್ಲಿ ಒಂದು.

ದೇಹದಲ್ಲಿ ವಿಟಮಿನ್ ಬಿ 12 ಕೊರತೆಯು ಹಸಿವಿನ ತೊಂದರೆ, ಮಲಬದ್ಧತೆ ಮತ್ತು ಹಠಾತ್ ತೂಕ ನಷ್ಟದಂತಹ ಸಮಸ್ಯೆಗಳನ್ನು ಉಂಟುಮಾಡಬಹುದು. ಪರಿಣಾಮವಾಗಿ, ಹೆಚ್ಚಿನ ವೈದ್ಯರು ಮಾತ್ರೆಗಳ ಜೊತೆಗೆ B12 ಅಂಶ ಇರುವ ಆಹಾರಗಳ ಸೇವನೆಗೆ ಶಿಫಾರಸು ಮಾಡುತ್ತಾರೆ.

ಆದಾಗ್ಯೂ, ದೇಹದಲ್ಲಿ ವಿಟಮಿನ್‌ ಬಿ12 ಹೆಚ್ಚಾದ್ರೂ ಮಾರಣಾಂತಿಕ ಅಡ್ಡ ಪರಿಣಾಮಗಳನ್ನು ಉಂಟಾಗುವ ಸಾಧ್ಯತೆಯಿದೆ ಎಂದು ವೈದ್ಯರು ಹೇಳುತ್ತಾರೆ.

ಮೈಕೈ ನೋವು, ಕಾಲು ನೋವು, ಸೊಂಟ ನೋವಿಗೆ ಹೆಚ್ಚಿನ ಮಹಿಳೆಯರು ವೈದ್ಯರ ಸಲಹೆ ಪಡೆಯದೆ ಬಿ12 ಇಂಜೆಕ್ಷನ್ ತೆಗೆದುಕೊಳ್ಳುತ್ತಾರೆ. ಇದರಿಂದ ಅಡ್ಡ ಪರಿಣಾಮಗಳಿಗೆ ಒಳಗಾಗುವವರೇ ಹೆಚ್ಚು ಎಂದು ತಜ್ಞರು ಹೇಳುತ್ತಾರೆ.

ದೇಹದಲ್ಲಿ ಬಿ12 ಹೆಚ್ಚಳವು ಅತಿಸಾರ, ತುರಿಕೆ, ಚರ್ಮದ ದದ್ದು, ತಲೆನೋವು, ತಲೆತಿರುಗುವಿಕೆ, ವಾಕರಿಕೆ, ವಾಂತಿ, ಪಲ್ಮನರಿ ಎಕ್ಸಿಮಾ ಮತ್ತು ಹೃದಯ ವೈಫಲ್ಯ, ನರ್ವ್‌ ಥ್ರಂಬೋಸಿಸ್‌ ಇತ್ಯಾದಿಗಳಿಗೆ ಸಮಸ್ಯೆಗಳಿಗೆ ಕಾರಣವಾಗಬಹುದು.

ಕೆಲವು ಜನರು ಬಿ12 ಚುಚ್ಚುಮದ್ದು ಅಥವಾ ಮಾತ್ರೆಗಳನ್ನು ತೆಗೆದುಕೊಂಡ ತಕ್ಷಣ ಮುಖ, ನಾಲಿಗೆ ಮತ್ತು ಗಂಟಲಿನ ಊತ, ನುಂಗಲು ತೊಂದರೆ ಮತ್ತು ಉಸಿರಾಟದ ತೊಂದರೆ ಅನುಭವಿಸುತ್ತಾರೆ. ಆ ಸಮಯದಲ್ಲಿ ನೀವು ತಕ್ಷಣ ವೈದ್ಯರನ್ನು ಸಂಪರ್ಕಿಸಿದರೆ, ಮುಂದೆ ಸಂಭವಿಸುವ ದೊಡ್ಡ ಸಮಸ್ಯೆಗಳನ್ನು ತಡೆಯಬಹುದು.

ಮೊಟ್ಟೆ, ಚೀಸ್, ಮೀನು, ಸಾರ್ಡೀನ್, ಯಕೃತ್ತು ಮತ್ತು ರೆಡ್‌ ಮೀಟ್‌ ಮುಂತಾದ ಆಹಾರಗಳನ್ನು ಸೇವಿಸುವ ಮೂಲಕ ವಿಟಮಿನ್‌ ಬಿ12 ಕೊರತೆ ನೀಗಿಸಿಕೊಳ್ಳಬಹುದು. ಆದರೆ ಅತಿಯಾಗದಂತೆ ನೋಡಿಕೊಳ್ಳುವುದು ಬಹಳ ಮುಖ್ಯ. 

ಆಹಾರ, ಆರೋಗ್ಯ, ಫ್ಯಾಷನ್‌, ರಿಲೇಷನ್‌ಶಿಪ್‌ , ಪೇರೆಂಟಿಂಗ್‌ ಸಂಬಂಧಿಸಿದ ಲೇಖನಗಳಿಗಾಗಿ ಹಿಂದೂಸ್ತಾನ್‌ ಟೈಮ್ಸ್‌ ಕನ್ನಡ ಲೈಫ್‌ಸ್ಟೈಲ್‌ ಪುಟಕ್ಕೆ ಭೇಟಿ ನೀಡಿ