ವಂದೇ ಮೆಟ್ರೋ ವೈಶಿಷ್ಟ್ಯಗಳು ಹಲವು: ಸಾಮಾನ್ಯ ಮೆಟ್ರೋ, ವಂದೇ ಭಾರತ್‌ಗಿಂತಲೂ ಹೆಚ್ಚು ಸೌಕರ್ಯ; ಇದು ಸಖತ್ ಸ್ಪೀಡ್ ಕಣ್ರೀ
- ಭಾರತೀಯ ರೈಲ್ವೆ ಮತ್ತಷ್ಟು ಎತ್ತರಕ್ಕೆ ಬೆಳೆಯುತ್ತಿದೆ. ವಂದೇ ಭಾರತ್ ರೈಲಿನ ಯಶಸ್ಸಿನ ಬೆನ್ನಲ್ಲೇ, ವಂದೇ ಮೆಟ್ರೋ ರೈಲು ಓಡಲು ಸಜ್ಜಾಗುತ್ತಿದೆ. ಎರಡು ನಗರಗಳ ನಡುವಿನ ಪ್ರಯಾಣಕ್ಕಾಗಿ ಈ ರೈಲು ಪ್ರಾಯಾಣಿಕರಿಗೆ ನೆರವಾಗಲಿದೆ. ವಂದೇ ಭಾರತ್ ಎಕ್ಸ್‌ಪ್ರೆಸ್‌ನಿಂದ ಸ್ಫೂರ್ತಿ ಪಡೆದ ವಂದೇ ಮೆಟ್ರೋ, ಪ್ರಯಾಣಿಕರ ವಿಶ್ವ ದರ್ಜೆಯ ಸೌಕರ್ಯಗಳನ್ನು ನೀಡಲಿದೆ.
- ಭಾರತೀಯ ರೈಲ್ವೆ ಮತ್ತಷ್ಟು ಎತ್ತರಕ್ಕೆ ಬೆಳೆಯುತ್ತಿದೆ. ವಂದೇ ಭಾರತ್ ರೈಲಿನ ಯಶಸ್ಸಿನ ಬೆನ್ನಲ್ಲೇ, ವಂದೇ ಮೆಟ್ರೋ ರೈಲು ಓಡಲು ಸಜ್ಜಾಗುತ್ತಿದೆ. ಎರಡು ನಗರಗಳ ನಡುವಿನ ಪ್ರಯಾಣಕ್ಕಾಗಿ ಈ ರೈಲು ಪ್ರಾಯಾಣಿಕರಿಗೆ ನೆರವಾಗಲಿದೆ. ವಂದೇ ಭಾರತ್ ಎಕ್ಸ್‌ಪ್ರೆಸ್‌ನಿಂದ ಸ್ಫೂರ್ತಿ ಪಡೆದ ವಂದೇ ಮೆಟ್ರೋ, ಪ್ರಯಾಣಿಕರ ವಿಶ್ವ ದರ್ಜೆಯ ಸೌಕರ್ಯಗಳನ್ನು ನೀಡಲಿದೆ.
(1 / 11)
ವಂದೇ ಮೆಟ್ರೋ ರೈಲು 2024ರ ಜುಲೈ ತಿಂಗಳಲ್ಲಿ ಪ್ರಯೋಗಗಳಿಗೆ ಸಿದ್ಧವಾಗಲಿದೆ ಎಂದು ಭಾರತೀಯ ರೈಲ್ವೆ ಹೇಳಿದೆ. ಈಗಾಗಲೇ ಭಾರತದ ಮೊದಲ ವಂದೇ ಮೆಟ್ರೋ ರೈಲು ಏಪ್ರಿಲ್ 30ರಂದು ಚೆನ್ನೈನ ಇಂಟೆಗ್ರಲ್ ಕೋಚ್ ಫ್ಯಾಕ್ಟರಿಯಲ್ಲಿ ಅನಾವರಣಗೊಂಡಿದೆ. ಹಾಗಿದ್ದರೆ ಈ ಹೊಸ ರೈಲಿನ ವಿಶೇಷತೆಗಳೇನು? ಈ ಮೆಟ್ರೋ ರೈಲಿನ ಪ್ರಮುಖ ವೈಶಿಷ್ಟ್ಯಗಳನ್ನು ನೋಡೋಣ ಬನ್ನಿ.
(2 / 11)
ವಂದೇ ಮೆಟ್ರೋ ಮಾದರಿಯನ್ನು ಚೆನ್ನೈನ ರೈಲ್ ಕೋಚ್ ಫ್ಯಾಕ್ಟರಿ (RCF) ಕಪುರ್ತಲಾ ಮತ್ತು ಇಂಟೆಗ್ರಲ್ ಕೋಚ್ ಫ್ಯಾಕ್ಟರಿ (ICF) ತಯಾರಿಸುತ್ತಿದೆ. ವಂದೇ ಮೆಟ್ರೋದ ಮೊದಲ ಮೂಲ ಘಟಕವನ್ನು ಆರ್‌ಸಿಎಫ್ ಕಪುರ್ತಲಾದಲ್ಲಿ ಇತ್ತೀಚೆಗೆ ಪ್ರಯೋಗ ಮಾಡಲಾಯಿತು. ಈ ವರ್ಷದ ಜೂನ್ ತಿಂಗಳ ವೇಳೆಗೆ ರೈಲು ಸಂಪೂರ್ಣ ಸಿದ್ಧಗೊಳ್ಳುವ ನಿರೀಕ್ಷೆಯಿದೆ.
(3 / 11)
(Indian Tech & Infra X)
(4 / 11)
ವಂದೇ ಮೆಟ್ರೋ ಇಂಟೀರಿಯರ್ ಹೀಗಿರಲಿದೆ: ವಂದೇ ಮೆಟ್ರೋ ರೈಲುಗಳು ದೇಶದಲ್ಲಿ ಅಸ್ತಿತ್ವದಲ್ಲಿರುವ ಮೆಟ್ರೋ ರೈಲುಗಳಿಗಿಂತಲೂ ಉತ್ತಮ ವೈಶಿಷ್ಟ್ಯಗಳನ್ನು ಹೊಂದಿವೆ. ಭಾರತದ ಕೆಲವು ನಗರಗಳಲ್ಲಿರುವ ಮೆಟ್ರೊ ರೈಲುಗಳಂತೆಯೇ, ವಂದೇ ಮೆಟ್ರೋದಲ್ಲಿರಯೂ ಕೋಚ್‌ಗಳು, ಆಸನ ಮತ್ತು ನಿಲ್ಲುವ ವ್ಯವಸ್ಥೆಗಳು ಇರಲಿವೆ.
(5 / 11)
ವಂದೇ ಮೆಟ್ರೋ ರೈಲುಗಳು ಸಂಪೂರ್ಣ ಹವಾನಿಯಂತ್ರಿತ ವ್ಯವಸ್ಥೆ ಹೊಂದಿರಲಿದೆ. ವಂದೇ ಭಾರತ್ ಎಕ್ಸ್‌ಪ್ರೆಸ್‌ನಂತೆ, ವಂದೇ ಮೆಟ್ರೋದಲ್ಲೂ ಕೋಚ್‌ಗಳ ನಡುವೆ ಸುಲಭವಾಗಿ ಚಲಿಸಬಹುದಾಗಿದೆ. ಅಲ್ಲದೆ, ಧೂಳು-ಮುಕ್ತ ವಾತಾವರಣಕ್ಕಾಗಿ ಸಂಪೂರ್ಣವಾಗಿ ಮುಚ್ಚಿದ ಗ್ಯಾಂಗ್‌ವೇಗಳನ್ನು ಈ ಕೋಚ್‌ಗಳು ಹೊಂದಿವೆ.
(6 / 11)
ವಂದೇ ಮೆಟ್ರೋ ವೇಗ: ವಂದೇ ಮೆಟ್ರೋ ರೈಲುಗಳು ಗಂಟೆಗೆ ಗರಿಷ್ಠ 130 km ವೇಗದಲ್ಲಿ ಓಡುವ ಸಾಮರ್ಥ್ಯ ಹೊಂದಿರಲಿದೆ.
(7 / 11)
ಪ್ರತಿ ಕೋಚ್‌ಗಳಲ್ಲಿ ಸಿಸಿಟಿವಿ ಕ್ಯಾಮರಾಗಳು, ತುರ್ತು ಟಾಕ್-ಬ್ಯಾಕ್ ಘಟಕಗಳು, ಮಾಡ್ಯುಲರ್ ಶೌಚಾಲಯಗಳು, ಸ್ವಯಂಚಾಲಿತ ಬೆಂಕಿ ಪತ್ತೆ ಮತ್ತು ಎಚ್ಚರಿಕೆ ವ್ಯವಸ್ಥೆಗಳನ್ನು ಸಹ ಹೊಂದಿರುತ್ತದೆ.
(8 / 11)
ಮಾರ್ಗದ ಬೇಡಿಕೆಗೆ ಅನುಗುಣವಾಗಿ 12 ಅಥವಾ 16 ಕೋಚ್‌ಗಳನ್ನು ರೈಲು ಹೊಂದಿರುತ್ತದೆ ಎಂದು ರೈಲ್ವೆ ಅಧಿಕಾರಿಗಳು ತಿಳಿಸಿದ್ದಾರೆ.
(9 / 11)
ವಂದೇ ಮೆಟ್ರೋದಲ್ಲಿ ಆಧುನಿಕ ವಿನ್ಯಾಸದ ಹಗುರವಾದ ಮೆತ್ತನೆಯ ಸೀಟುಗಳು ಇರಲಿದೆ. ಪ್ರತಿ ಕೋಚ್‌ನಲ್ಲಿ 100 ಪ್ರಯಾಣಿಕರು ಕುಳಿತುಕೊಳ್ಳಲು ಮತ್ತು 200 ಮಂದಿ ನಿಲ್ಲಲು ಸ್ಥಳಾವಕಾಶವಿರಲಿದೆ.
(10 / 11)
(11 / 11)
ಇತರ ಗ್ಯಾಲರಿಗಳು