ಡಬ್ಲ್ಯುಸಿಎಲ್​ ಫೈನಲ್​ನಲ್ಲಿ ಭಾರತದ ಟಾಪ್-5 ಪ್ರದರ್ಶನಕಾರರು; ಪಾಕಿಸ್ತಾನ ವಿರುದ್ಧ ಗೆಲ್ಲಲು ಹೇಗಿತ್ತು ಅವರ ಪ್ರದರ್ಶನ?

ಚೊಚ್ಚಲ ಆವೃತ್ತಿಯ ವರ್ಲ್ಡ್​ ಚಾಂಪಿಯನ್​ಶಿಪ್​ ಆಫ್ ಲೆಜೆಂಡ್ಸ್​​-2024 ಲೀಗ್​ ಫೈನಲ್​ನಲ್ಲಿ ಪಾಕಿಸ್ತಾನ ಚಾಂಪಿಯನ್ ವಿರುದ್ಧ ಅಬ್ಬರಿಸಿದ ಭಾರತ ಚಾಂಪಿಯನ್ಸ್ ಚಾಂಪಿಯನ್ ಪಟ್ಟ ಅಲಂಕರಿಸಿದೆ. ಲೀಗ್​​ನಲ್ಲಿ ಕೇವಲ 2 ಪಂದ್ಯ ಗೆದ್ದ ಭಾರತ, ನಾಕೌಟ್​​ನಲ್ಲಿ ಅತ್ಯುತ್ತಮ ಪ್ರದರ್ಶನದೊಂದಿಗೆ ಪ್ರಶಸ್ತಿ ಗೆದ್ದು ಬೀಗಿತು. ಹಾಗಾದರೆ ಫೈನಲ್​ನಲ್ಲಿ ಭಾರತದ ಪರ ಉತ್ತಮ ನೀಡಿ ಗೆಲುವಿಗೆ ಕಾರಣರಾದ ಆಟಗಾರರ ಪಟ್ಟಿ ಇಲ್ಲಿದೆ.

ಪಾಕಿಸ್ತಾನ ವಿರುದ್ಧದ ಫೈನಲ್​​ನಲ್ಲಿ ಅನುರೀತ್ ಸಿಂಗ್ ಅವರು ಅದ್ಭುತ ಬೌಲಿಂಗ್ ಪ್ರದರ್ಶನ ನೀಡಿದರು. ಪ್ರತಿ ಓವರ್​​ಗೆ 10.75 ರನ್​ ಬಿಟ್ಟುಕೊಟ್ಟರೂ ಅನುರೀತ್ ಸತತ ವಿಕೆಟ್​ಗಳೊಂದಿಗೆ ಪಾಕಿಸ್ತಾನದ ಬ್ಯಾಟಿಂಗ್ ಲೈನ್ಅಪ್ ಅನ್ನು ಕೆಡವಿದರು. 4 ಓವರ್ ಎಸೆದು 43 ರನ್ ನೀಡಿ 3 ವಿಕೆಟ್ ಪಡೆದರು. ಶಾರ್ಜೀಲ್ ಖಾನ್, ಶೋಯೆಬ್ ಮಲಿಕ್ ಮತ್ತು ಅಮೀರ್ ಯಾಮಿನ್ ಅವರನ್ನು ಔಟ್ ಮಾಡಿದರು.

ಚೆಂಡಿನೊಂದಿಗೆ ಗಮನಾರ್ಹ ಪ್ರದರ್ಶನ ನೀಡಿದ ಇರ್ಫಾನ್, 3 ಓವರ್​​ಗಳನ್ನು ಎಸೆದು ಕೇವಲ 12 ರನ್​​​ ಬಿಟ್ಟುಕೊಟ್ಟು 1 ವಿಕೆಟ್ ಪಡೆದರು. ಯೂನಿಸ್ ಖಾನ್ ಅವರನ್ನು ಪೆವಿಲಿಯನ್​​ಗೆ ಕಳುಹಿಸಿದರು. ಇರ್ಫಾನ್ ಅವರ ಮಾರಕ ಬೌಲಿಂಗ್​​ನಿಂದ ಪಾಕ್ ಅನ್ನು 150 ರನ್​ಗಳಿಗೆ ಕಟ್ಟಿಹಾಕಲು ನೆರವಾಯಿತು.

ಫೈನಲ್​​ನಲ್ಲಿ ಅಂಬಾಟಿ ರಾಯುಡು ಬ್ಯಾಟಿಂಗ್​​ನಲ್ಲಿ ಭಾರತದ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು. ಇನ್ನಿಂಗ್ಸ್ ಆರಂಭಿಸಿದ ರಾಯುಡು ಅರ್ಧಶತಕ ಸಿಡಿಸಿದರು, 29 ಎಸೆತಗಳಲ್ಲಿ 5 ಬೌಂಡರಿ ಮತ್ತು 2 ಸಿಕ್ಸರ್​​​ಗಳು ಅವರ ಇನ್ನಿಂಗ್ಸ್​​​ನಲ್ಲಿವೆ. ಆ ಮೂಲಕ ಚೇಸಿಂಗ್​ನಲ್ಲಿ ಭಾರತದ ಗೆಲುವಿಗೆ ಅಡಿಪಾಯ ಹಾಕಿಕೊಟ್ಟರು.

ಗುರುಕೀರತ್ ಸಿಂಗ್ ಮಾನ್ ಮಧ್ಯಮ ಕ್ರಮಾಂಕದಲ್ಲಿ ತಂಡಕ್ಕೆ ಆತ್ಮವಿಶ್ವಾಸ ತುಂಬಿದರು. 33 ಎಸೆತಗಳಲ್ಲಿ 2 ಬೌಂಡರಿ ಮತ್ತು 1 ಸಿಕ್ಸರ್ ಸಹಾಯದಿಂದ 34 ರನ್ ಗಳಿಸಿದ ಗುರುಕೀರತ್, 3ನೇ ವಿಕೆಟ್​ಗೆ 60 ರನ್​ಗಳ ಪಾಲುದಾರಿಕೆ ಒದಗಿಸಿ ಗಮನ ಸೆಳೆದರು.

ಯೂಸುಫ್ ಪಠಾಣ್ ಟೂರ್ನಿಯುದ್ದಕ್ಕೂ ಬ್ಯಾಟಿಂಗ್​​ನಲ್ಲಿ ಅದ್ಭುತ ಪ್ರದರ್ಶನ ನೀಡಿದರು. ಫೈನಲ್​ನಲ್ಲೂ ಯೂಸುಫ್ 6ನೇ ಕ್ರಮಾಂಕದಲ್ಲಿ ಕಣಕ್ಕಿಳಿದು 16 ಎಸೆತಗಳಲ್ಲಿ 30 ರನ್​ಗಳ ಸ್ಫೋಟಕ ಇನ್ನಿಂಗ್ಸ್ ಕಟ್ಟಿದರು. 1 ಬೌಂಡರಿ, 3 ಸಿಕ್ಸರ್​ ಸಿಡಿಸಿ ತಂಡವನ್ನು ಗೆಲುವಿನತ್ತ ತಲುಪಿಸಿದರು.

ವಿಶ್ವ ಚಾಂಪಿಯನ್​ಶಿಪ್​ ಆಫ್ ಲೆಜೆಂಡ್ಸ್ 2024ರ ಫೈನಲ್​​​ನಲ್ಲಿ ಟಾಸ್ ಗೆದ್ದ ಪಾಕಿಸ್ತಾನ ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿತು. ಅಂತಿಮವಾಗಿ ಭಾರತ 20 ಓವರ್​ಗೆ 6 ವಿಕೆಟ್ ಕಳೆದುಕೊಂಡು 156 ರನ್ ಕಲೆಹಾಕಿತು. ಭಾರತ 19.1 ಓವರ್​​ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 159 ರನ್ ಗಳಿಸಿ 5 ವಿಕೆಟ್​ಗಳಿಂದ ಜಯ ಸಾಧಿಸಿತು.