Dr Bro: ನಮ್ಮ ಅಜ್ಜಿಗೆ ನೀನ್ಯಾರು ಅಂತ ಗೊತ್ತಿದೆ; ಡಾ. ಬ್ರೋ ಪರ ಮಾತನಾಡಿ ಪರೋಕ್ಷವಾಗಿ ರಾಘವೇಂದ್ರ ಹುಣಸೂರು ಕಾಲೆಳೆದ ಚಂದನ್‌ ಕುಮಾರ್‌
- Chandan Kumar on Dr Bro: ವೀಕೆಂಡ್‌ ವಿಥ್‌ ರಮೇಶ್‌ ಶೋನಲ್ಲಿ ಕನ್ನಡದ ಖ್ಯಾತ ಯೂಟ್ಯೂಬರ್‌ ಡಾ. ಬ್ರೋ ಬರಬೇಕು ಎಂದು ಸೋಷಿಯಲ್‌ ಮೀಡಿಯಾದಲ್ಲಿ ಕೆಲ ತಿಂಗಳ ಹಿಂದೆ ದೊಡ್ಡ ಮಟ್ಟದ ಚರ್ಚೆಯಾಗಿತ್ತು. ಆದರೆ ಅದು ಈಡೇರಲಿಲ್ಲ. ಈಗ ಇದೇ ಡಾ. ಬ್ರೋ ಪರವಾಗಿ ಸ್ಯಾಂಡಲ್‌ವುಡ್‌ ನಟ ಚಂದನ್‌ ಕುಮಾರ್‌ ಮಾತನಾಡಿದ್ದಾರೆ.
- Chandan Kumar on Dr Bro: ವೀಕೆಂಡ್‌ ವಿಥ್‌ ರಮೇಶ್‌ ಶೋನಲ್ಲಿ ಕನ್ನಡದ ಖ್ಯಾತ ಯೂಟ್ಯೂಬರ್‌ ಡಾ. ಬ್ರೋ ಬರಬೇಕು ಎಂದು ಸೋಷಿಯಲ್‌ ಮೀಡಿಯಾದಲ್ಲಿ ಕೆಲ ತಿಂಗಳ ಹಿಂದೆ ದೊಡ್ಡ ಮಟ್ಟದ ಚರ್ಚೆಯಾಗಿತ್ತು. ಆದರೆ ಅದು ಈಡೇರಲಿಲ್ಲ. ಈಗ ಇದೇ ಡಾ. ಬ್ರೋ ಪರವಾಗಿ ಸ್ಯಾಂಡಲ್‌ವುಡ್‌ ನಟ ಚಂದನ್‌ ಕುಮಾರ್‌ ಮಾತನಾಡಿದ್ದಾರೆ.
(1 / 10)
ಯೂಟ್ಯೂಬ್‌ನಲ್ಲಿ ಒಂದು ಮಿಲಿಯನ್‌ಗೂ ಅಧಿಕ ಸಬ್‌ಸ್ಕ್ರೈಬರ್ಸ್‌ ಹೊಂದಿರುವ ಯೂಟ್ಯೂಬರ್‌ ಡಾ. ಬ್ರೋ ಅಲಿಯಾಸ್‌ ಗಗನ್ ಶ್ರೀನಿವಾಸ್ ತಮ್ಮ ವಿಡಿಯೋಗಳ ಮೂಲಕವೇ ಫೇಮಸ್‌.(Instagram/ Dr Bro)
(2 / 10)
ವಯಸ್ಸು ಈಗಿನ್ನೂ 24. ಇಷ್ಟು ಚಿಕ್ಕವಯಸ್ಸಿನಲ್ಲಿಯೇ ಹತ್ತಾರು ದೇಶ ಸುತ್ತಿ, ಕರುನಾಡಿನ ಮಂದಿಗೆ ಕುಳಿತಲ್ಲೇ ಪ್ರಪಂಚ ತೋರಿಸುತ್ತಿದ್ದಾರೆ ಗಗನ್.
(3 / 10)
ವಿದೇಶದ ಆಚರಣೆ, ಆಹಾರ ಪದ್ಧತಿ, ಅಲ್ಲಿನ ಸಣ್ಣ ಸಣ್ಣ ಕೌತುಕಗಳನ್ನೂ ಪರಿಚಯಿಸುವ ಕೆಲಸವನ್ನು ಡಾ. ಬ್ರೋ ಮಾಡುತ್ತಿದ್ದಾರೆ. ಜೀವಕ್ಕೆ ಆಪತ್ತಿರುವ ಸ್ಥಳಗಳಿಗೂ ಹೋಗಿ ಅಲ್ಲಿನ ಅಸಲಿ ವಿಚಾರವನ್ನು ವಿಡಿಯೋ ಮೂಲಕ ಹಂಚಿಕೊಳ್ಳುತ್ತಿರುತ್ತಾರೆ.
(4 / 10)
ಹೀಗೆ ದೇಶ ವಿದೇಶದ ಮಾಹಿತಿಯನ್ನು ಅಂಗೈನಲ್ಲಿಯೇ ಒದಗಿಸುವ ಈ ಹುಡುಗನ ಸಾಧನೆ ಸಣ್ಣದೇನಲ್ಲ. ಆ ಸಾಧನೆಯನ್ನು ಇನ್ನಷ್ಟು ಎತ್ತರಕೇರಿಸುವ ನಿಟ್ಟಿನಲ್ಲಿ ವೀಕೆಂಡ್‌ ವಿಥ್‌ ರಮೇಶ್‌ ಶೋನಲ್ಲಿಯೂ ನೋಡಬೇಕೆಂದು ಸಾವಿರಾರು ಮಂದಿಯ ಆಸೆಯಾಗಿತ್ತು.
(5 / 10)
ಸೋಷಿಯಲ್‌ ಮೀಡಿಯಾದಲ್ಲಿಯೂ ಡಾ. ಬ್ರೋ ಅವರನ್ನು ಕರೆಸಿ ಎಂದು ಜೀ ಕನ್ನಡ ವಾಹಿನಿಗೂ ಅವರ ವಿಡಿಯೋಗಳ ವೀಕ್ಷಕರು ಮನವಿ ಮಾಡಿದ್ದರು. ಸದ್ಯಕ್ಕಿಲ್ಲ, ಮುಂದಿನ ದಿನಗಳಲ್ಲಿ ಆ ಕೆಲಸ ಮಾಡಲಾಗುವುದು ಎಂದು ವಾಹಿನಿ ಕಡೆಯಿಂದ ಹೇಳಿಕೆ ಬಂದಿತ್ತು.
(6 / 10)
ಸ್ವತಃ ಜೀ ಕನ್ನಡದ ಬಿಜಿನೆಸ್‌ ಹೆಡ್‌ ಈ ಬಗ್ಗೆ ಯೂಟ್ಯೂಬರ್‌ವೊಬ್ಬನ ಪ್ರಶ್ನೆಗೆ ಪ್ರತಿಕ್ರಿಯೆ ನೀಡಿದ್ದರು. ನಿಮ್ಮ ಮನೆಯಲ್ಲಿ ನಿಮ್ಮ ಅಜ್ಜಿಗೆ ಡಾ. ಬ್ರೋ ಯಾರೆಂದು ಗೊತ್ತಿದೆಯೇ? ಟಿವಿ ವೀಕ್ಷಕರೇ ಬೇರೆ, ಅದರ ಮಾನದಂಡಗಳೇ ಬೇರೆ. ಮುಂದೊಂದಿನ ಅಂಥ ಅವಕಾಶ ಸಿಕ್ಕರೆ ಖಂಡಿತ ಅವರನ್ನು ಕರೆಸುವ ಪ್ರಯತ್ನ ಮಾಡುವೆ. ಸದ್ಯಕ್ಕೆ ಆ ಯೋಚನೆ ಇಲ್ಲ" ಎಂದಿದ್ದರು.
(7 / 10)
ಈ ಹೇಳಿಕೆ ಸೋಷಿಯಲ್‌ ಮೀಡಿಯಾದಲ್ಲಿ ದೊಡ್ಡ ಮಟ್ಟದಲ್ಲಿ ಸುದ್ದಿಯಾಗಿತ್ತು. ನೆಗೆಟಿವ್‌ ರೀತಿಯಲ್ಲಿ ಟ್ರೋಲ್‌ ಆಗಿತ್ತು. ಇದೀಗ ಇದೇ ವಿಚಾರಕ್ಕೆ ಸಂಬಂಧಿಸಿದಂತೆ ಸ್ಯಾಂಡಲ್‌ವುಡ್‌ ನಟ ಚಂದನ್‌ ಮಾತನಾಡಿದ್ದಾರೆ.
(8 / 10)
ಡಾ. ಬ್ರೋ ಬಗ್ಗೆ ಇನ್‌ಸ್ಟಾಗ್ರಾಂನಲ್ಲಿ ಪೋಸ್ಟ್‌ ಹಾಕಿರುವ ಚಂದನ್‌, ಗಗನ್ ಬಗ್ಗೆ ಮೆಚ್ಚುಗೆ ಮಾತುಗಳನ್ನಾಡಿದ್ದಾರೆ. ನೀನೇ ಬೆಸ್ಟ್‌ ಬ್ರದರ್‌. ನಿನ್ನ ಈ ಪಯಣಕ್ಕೆ ನನ್ನ ಕಡೆಯಿಂದ ಆಲ್‌ ದಿ ಬೆಸ್ಟ್‌. ಯಾರು ಏನೇ ಹೇಳಲಿ, ನೀನೊಬ್ಬ ಸಾಧಕ. ನನ್ನ ಕಡೆಯಿಂದ ನಿನಗೆ ಒಳ್ಳೆಯದಾಗಲಿ. ನಮ್ಮ ಅಮ್ಮ, ಅಜ್ಜಿಗೆ ನೀನು ಯಾರು ಅಂತ ಗೊತ್ತಿದೆ. ನಾವಿಬ್ಬರೂ ಪರಸ್ಪರ ಅಷ್ಟಾಗಿ ಗೊತ್ತಿಲ್ಲ. ಆದರೆ, ನಿನ್ನ ಪ್ರತಿ ವಿಡಿಯೋವನ್ನೂ ನಾನು ಎಂಜಾಯ್‌ ಮಾಡ್ತಿನಿ. ಹೀಗೆ ಮುಂದುವರಿ. ರಾಕ್‌ ಇಟ್.. ಎಂದು ಬರೆದುಕೊಂಡಿದ್ದಾರೆ. ಈ ಮೂಲಕ ಪರೋಕ್ಷವಾಗಿ ಜೀ ಕನ್ನಡದ ಮುಖ್ಯಸ್ಥರಾದ ರಾಘವೇಂದ್ರ ಹುಣಸೂರು ಅವರ ಕಾಲೆಳೆದಿದ್ದಾರೆ.
(9 / 10)
ಚಂದನ್‌ ಹೀಗೆ ಡಾ. ಬ್ರೋ ಬಗ್ಗೆ ಪೋಸ್ಟ್‌ ಹಾಕಿಕೊಳ್ಳುತ್ತಿದ್ದಂತೆ, ನಟನ ಈ ಗುಣವನ್ನು ಮೆಚ್ಚಿಕೊಂಡಿದ್ದಾರೆ. ನಿಮಗೂ ಅದೇ ರೀತಿಯ ಮನಸ್ಸಿದೆ ಎಂದು ಕೆಲವರು ಹೇಳಿದರೆ, ಇನ್ನು ಕೆಲವರು ಇನ್ನೊಬ್ಬರನ್ನು ಹೊಗಳುವ ನಿಮ್ಮ ಗುಣ ತುಂಬ ಇಷ್ಟವಾಯ್ತು ಎಂದೂ ಚಂದನ್‌ ಬಗ್ಗೆ ಮೆಚ್ಚುಗೆಯ ಮಾತುಗಳನ್ನಾಡಿದ್ದಾರೆ.
(10 / 10)
ಸದ್ಯ ಡಾ. ಬ್ರೋ ಆಫ್ರಿಕಾದ ಹಲವೆಡೆ ಸುತ್ತಾಡುತ್ತಿದ್ದಾರೆ. ಆ ಭಾಗದಲ್ಲಿನ ಒಂದಷ್ಟು ವಿಡಿಯೋಗಳನ್ನು ಪೋಸ್ಟ್‌ ಮಾಡುತ್ತಿದ್ದಾರೆ.
ಇತರ ಗ್ಯಾಲರಿಗಳು