Sushma Nanaiah: ಲಕ್ಷ್ಮಿ ಬಾರಮ್ಮ ಧಾರಾವಾಹಿಯ ಗಯ್ಯಾಳಿ ಕಾವೇರಿ ಅತ್ತೆ ನಿಜ ಜೀವನದಲ್ಲಿ ಹೇಗೆ; ಸುಷ್ಮಾ ನಾಣಯ್ಯ ಫೋಟೋ ಗ್ಯಾಲರಿ
ಕಲರ್ಸ್‌ ಕನ್ನಡದಲ್ಲಿ ಪ್ರತಿದಿನ ರಾತ್ರಿ 7.30ಕ್ಕೆ ಪ್ರಸಾರವಾಗುತ್ತಿರುವ ಲಕ್ಷ್ಮಿ ಬಾರಮ್ಮ ಧಾರಾವಾಹಿಗೆ ಹೆಚ್ಚಿನ ವೀಕ್ಷಕರಿದ್ದಾರೆ. ಈ ಧಾರಾವಾಹಿಯ ಪಾತ್ರಗಳು, ಕಥೆ ನೋಡುಗರಿಗೆ ಬಹಳ ಮೆಚ್ಚುಗೆ ಆಗಿದೆ.
(1 / 14)
ಪ್ರೀತಿಸಿದ ಹುಡುಗಿ ನಿರಾಕರಿಸಿದ ಕಾರಣಕ್ಕೆ ಹಿರಿಯರು ನೋಡಿದ ಲಕ್ಷ್ಮಿಯನ್ನು ಮದುವೆ ಆಗುವ ವೈಷ್ಣವ್‌, ಪ್ರೀತಿ ವಿಚಾರ ಗೊತ್ತಿದ್ದರೂ ಅಕ್ಕನಿಗಾಗಿ ಆಕೆ ನೋಡಿದ ಹುಡುಗನನ್ನು ಮದುವೆ ಆಗುವ ಲಕ್ಷ್ಮಿ ಸೇರಿದಂತೆ ಬಹುತೇಕ ಎಲ್ಲಾ ಪಾತ್ರಗಳು ವೀಕ್ಷಕರಿಗೆ ಇಷ್ಟವಾಗಿದೆ. (PC: Sushma Nanaiah Social Media)
(2 / 14)
ಆದರೆ ಲಕ್ಷ್ಮಿ ಅತ್ತೆ, ವೈಷ್ಣವ್‌ ತಾಯಿ ಪಾತ್ರಧಾರಿ ಕಾವೇರಿ ಎಂದರೆ ವೀಕ್ಷಕರಿಗೆ ಎಲ್ಲಿಲ್ಲದ ಕೋಪ. ತನ್ನ ಅತ್ತೆ ಶಾಪ ಎಲ್ಲಿ ನಿಜವಾಗುವುದೋ ಎಂಬ ಕಾರಣಕ್ಕೆ ಸುಳ್ಳು ಹೇಳಿ, ಮಗ ಪ್ರೀತಿಸುತ್ತಿದ್ದ ಹುಡುಗಿಯಿಂದ ದೂರ ಮಾಡುವ ಕಾವೇರಿ ಬಹಳ ಸ್ವಾರ್ಥಿ ಅನ್ನೋದು ವೀಕ್ಷಕರ ದೂರು.
(3 / 14)
ಮುಗ್ಧ ಸೊಸೆ ಮೇಲೆ ಹಾರಾಟ, ಮಗ ಎಂದರೆ ಎಲ್ಲಿಲ್ಲದ ಪ್ರೀತಿ, ಮಗ ತನ್ನಿಂದ ದೂರವಾಗಬಾರದು ಎಂಬ ಸ್ವಾರ್ಥ, ಅತ್ತೆಯ ಶಾಪದ ಭಯ, ಒಟ್ಟಿನಲ್ಲಿ ಕಾವೇರಿ ಬಾಯಿ ಬೊಂಬಾಯಿ ಅಂತ ವೀಕ್ಷಕರು ಕಾವೇರಿ ಅತ್ತೆಯ ಮೇಲೆ ಸದಾ ಕಿಡಿ ಕಾರುತ್ತಾರೆ.
(4 / 14)
ಧಾರಾವಾಹಿಯಲ್ಲಿ ಕಾವೇರಿ ಪಾತ್ರ ಮಾಡಿರುವ ನಟಿಯ ನಿಜವಾದ ಹೆಸರು ಸುಷ್ಮಾ ನಾಣಯ್ಯ. ಕೊಡಗು ಕುಟುಂಬಕ್ಕೆ ಸೇರಿದ ಸುಷ್ಮಾ ಹುಟ್ಟಿ ಬೆಳೆದದ್ದ ಮೈಸೂರಿನಲ್ಲಿ.
(5 / 14)
ಲಕ್ಷ್ಮಿ ಬಾರಮ್ಮ ಧಾರಾವಾಹಿಯಲ್ಲಿ ಸುಷ್ಮಾ ಅವರದ್ದು ವಯಸ್ಸಿಗೆ ಮೀರಿದ ಪಾತ್ರ. ಆದರೆ ಪಾತ್ರ ಚೆನ್ನಾಗಿದ್ದರಿಂದ ಸುಷ್ಮಾ ನಟಿಸಲು ಒಪ್ಪಿದ್ದಾರೆ.
(6 / 14)
ಸುಷ್ಮಾ ನಾಣಯ್ಯ ರಂಗಭೂಮಿ ಕಲಾವಿದೆ. ಕಾಲೇಜಿನಲ್ಲಿರುವಾಗಲೇ ರಂಗಭೂಮಿಯಲ್ಲಿ ಸಕ್ರಿಯರಾಗಿದ್ದ ಈ ಕೊಡಗು ಚೆಲುವೆ ಸದ್ಯಕ್ಕೆ ಪತಿಯೊಂದಿಗೆ ಬೆಂಗಳೂರಿನಲ್ಲಿ ನೆಲೆಸಿದ್ದಾರೆ.
(7 / 14)
ಮೈಸೂರು ಯೂನಿವರ್ಸಿಟಿಯಲ್ಲಿ ಮೈಕ್ರೋ ಬಯೋಲಜಿ ವಿಷಯದಲ್ಲಿ ಮಾಸ್ಟರ್ ಡಿಗ್ರಿ ಪಡೆದಿರುವ ಸುಷ್ಮಾಗೆ ನಟನೆಯಲ್ಲಿ ಆಸಕ್ತಿ ಇದ್ದಿದ್ದರಿಂದ ಆಡಿಷನ್‌ಗಳಲ್ಲಿ ಭಾಗವಹಿಸಿ ಧಾರಾವಾಹಿಯಲ್ಲಿ ನಟಿಸುವ ಅವಕಾಶ ಗಳಿಸಿದರು.
(8 / 14)
ಲಕ್ಷ್ಮಿ ಬಾರಮ್ಮ ಧಾರಾವಾಹಿಯಲ್ಲಿ ನಟಿಸುವ ಮುನ್ನ ಸುಷ್ಮಾ ಅಶ್ವಿನಿ ನಕ್ಷತ್ರ, ಭಾಗ್ಯವತಿ, ರಥಸಪ್ತಮಿ, ಮಹಾಭಾರತ ಸೇರಿದಂತೆ ಅನೇಕ ಧಾರಾವಾಹಿಗಳಲ್ಲಿ ನಟಿಸಿದ್ದರು.
(9 / 14)
ವೈಯಕ್ತಿಕ ಕಾರಣಗಳಿಂದ ನಟನೆಯಿಂದ ದೂರವಿದ್ದ ಸುಷ್ಮಾ ಸುಮಾರು 6 ವರ್ಷಗಳ ಬಳಿಕ ಮತ್ತೆ ಕಂ ಬ್ಯಾಕ್‌ ಮಾಡಿದ್ದಾರೆ.
(10 / 14)
ತೆರೆ ಮೇಲೆ ಗಯ್ಯಾಳಿಯಂತೆ ವರ್ತಿಸುವ ಸುಷ್ಮಾ ತೆರೆ ಹಿಂದೆ ಬಹಳ ಸೈಲೆಂಟ್‌, ಅವರು ಬಹಳ ಫ್ರೆಂಡ್ಲಿ ಎಂದು ಹತ್ತಿರದಿಂದ ಬಲ್ಲವರು ಹೇಳುತ್ತಾರೆ.
(11 / 14)
ಸುಷ್ಮಾಗೆ ಪತಿ ಹಾಗೂ ಮನೆಯವರು ಬಹಳ ಪ್ರೋತ್ಸಾಹ ನೀಡುತ್ತಿದ್ದಾರೆ.
(12 / 14)
ಸುಷ್ಮಾಗೆ ಹೆಣ್ಣು ಮಗುವಿದ್ದು ಫ್ಯಾಮಿಲಿ, ಕೆರಿಯರ್‌ ಎರಡನ್ನೂ ನಿಭಾಯಿಸುತ್ತಿದ್ದಾರೆ.
(13 / 14)
ಧಾರಾವಾಹಿ ದಿನದಿಂದ ದಿನಕ್ಕೆ ಕುತೂಹಲ ಕೆರಳಿಸುತ್ತಿದ್ದು ಮುಂದಿನ ದಿನಗಳಲ್ಲಿ ಕಥೆ ಹೇಗೆ ಸಾಗಲಿದೆ ಎಂದು ತಿಳಿಯಲು ವೀಕ್ಷಕರು ಕುತೂಹಲದಿಂದ ಕಾಯುತ್ತಿದ್ದಾರೆ.
(14 / 14)
ಫ್ಯಾಮಿಲಿಯೊಂದಿಗೆ ಸುಷ್ಮಾ ನಾಣಯ್ಯ
ಇತರ ಗ್ಯಾಲರಿಗಳು