Sujatha Akshaya: ಕಥೆಯೊಂದು ಶುರುವಾಗಿದೆ ಧಾರಾವಾಹಿ ಪಾತ್ರಕ್ಕಾಗಿ ಆಟೋ ಓಡಿಸಲು ಕಲಿತ ಸುಜಾತಾ ಅಕ್ಷಯ; ಅನುಭವ ಹಂಚಿಕೊಂಡ ಕಿರುತೆರೆ ನಟಿ
ಸುಜಾತಾ ಅಕ್ಷಯ, ಕಿರುತೆರೆ ವೀಕ್ಷಕರಿಗೆ ಬಹಳ ಪರಿಚಯ. ನಿರೂಪಕಿಯಾಗಿ ವೃತ್ತಿ ಜೀವನ ಆರಂಭಿಸಿದ ಸುಜಾತಾ ಕಿರುತೆರೆಯಲ್ಲಿ ನಟಿಯಾಗಿ ಹಾಗೂ ರೆಡಿಯೋ ಜಾಕಿ ಆಗಿ ಕೂಡಾ ಗುರುತಿಸಿಕೊಂಡಿದ್ದಾರೆ.
(1 / 13)
ಕೆಲವು ದಿನಗಳ ಕಾಲ ನಟನೆಯಿಂದ ದೂರ ಇದ್ದ ಸುಜಾತಾ ಇದೀಗ ಮತ್ತೆ ಕಿರುತೆರೆಯಲ್ಲಿ ಸಕ್ರಿಯರಾಗಿದ್ದಾರೆ. ರಾಧಾ ರಮಣ ಧಾರಾವಾಹಿಯಲ್ಲಿ ವಿಲನ್‌ ಸಿತಾರಾ ದೇವಿ ಆಗಿ ಕಮ್‌ ಬ್ಯಾಕ್‌ ಮಾಡಿದ್ದರು. ಈಗ ಅವರು ಹೊಸ ಧಾರಾವಾಹಿಯಲ್ಲಿ ನಟಿಸುತ್ತಿದ್ದಾರೆ. (PC: SUJATHA AKSHAYA OFFICIAL Instagram, Star Suvarna )
(2 / 13)
ಸದ್ಯಕ್ಕೆ ಸುಜಾತಾ ಅಕ್ಷಯ ಸ್ಟಾರ್‌ ಸುವರ್ಣ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಕಥೆಯೊಂದು ಶುರುವಾಗಿದೆ ಧಾರಾವಾಹಿಯಲ್ಲಿ ನಟಿಸುತ್ತಿದ್ದಾರೆ.
(3 / 13)
'ಕಥೆಯೊಂದು ಶುರುವಾಗಿದೆ' ಧಾರಾವಾಹಿಯಲ್ಲಿ ಸುಜಾತಾ ನಾಯಕಿಯ ತಾಯಿ ಪುಷ್ಪಾ ಪಂಡಿತ್‌ ಪಾತ್ರದಲ್ಲಿ ನಟಿಸುತ್ತಿದ್ದಾರೆ.
(4 / 13)
ಪುಷ್ಪಾ ಪಂಡಿತ್‌ ಪಾತ್ರಕ್ಕಾಗಿ ಸುಜಾತಾ ಅಕ್ಷಯ ಆಟೋ ಓಡಿಸುವುದನ್ನು ಕಲಿತಿದ್ದಾರೆ. ಈ ಅನುಭವವನ್ನು ಸುಜಾತಾ ಸೋಷಿಯಲ್‌ ಮೀಡಿಯಾದಲ್ಲಿ ಹೇಳಿಕೊಂಡಿದ್ದಾರೆ.
(5 / 13)
ಈ ಧಾರಾವಾಹಿಗಾಗಿ ನಾನು ಆಟೋ ಕಲಿಯಬೇಕು ಎಂದಾಗ ನನಗೆ ಬಹಳ ಖುಷಿ ಆಯ್ತು. ಆಟೋ ಕಲಿಯಲು 20 ದಿನಗಳು ಸಾಕಾ? ಎಂದು ನಿರ್ದೇಶಕರು ಕೇಳಿದ್ರು.
(6 / 13)
20 ದಿನಗಳು ಬೇಡ ಈಗಲೇ ಓಡಿಸುತ್ತೇನೆ ಎಂದು ಹೇಳಿ ಆಟೋ ಓಡಿಸಿದೆ, ಇದು ಹೊಸ ಅನುಭವ, ಬಹಳ ಚೆನ್ನಾಗಿತ್ತು ಎಂದು ಸುಜಾತಾ ಹೇಳಿಕೊಂಡಿದ್ದಾರೆ. ಆಟೋ ಓಡಿಸುವ ವಿಡಿಯೋವನ್ನು ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದಾರೆ.
(7 / 13)
ಪ್ರತಿ ಸೋಮವಾರದಿಂದ ಶನಿವಾರದವರೆಗೆ 'ಕಥೆಯೊಂದು ಶುರುವಾಗಿದೆ' ಧಾರಾವಾಹಿ ಸ್ಟಾರ್‌ ಸುವರ್ಣ ವಾಹಿನಿಯಲ್ಲಿ ಪ್ರಸಾರವಾಗಲಿದೆ.
(8 / 13)
ಸುಜಾತಾ ಅಕ್ಷಯ ಮೂಲತ: ಮೈಸೂರಿನವರು. ನಾಕುತಂತಿ ಧಾರಾವಾಹಿ ಮೂಲಕ ಅವರು ಕಿರುತೆರೆ ಪ್ರವೇಶಿಸಿದರು. ಮನೆಯೊಂದು ಮೂರು ಬಾಗಿಲು, ಬದುಕು, ಅರಮನೆ, ಮುಗಿಲು, ಹೂಮಳೆ ಸೇರಿ ಅನೇಕ ಧಾರಾವಾಹಿಗಳಲ್ಲಿ ನಟಿಸಿದ್ದಾರೆ.
(9 / 13)
ಸದ್ಯಕ್ಕೆ ಸುಜಾತಾ ಕಥೆಯೊಂದು ಶುರುವಾಗಿದೆ ಧಾರಾವಾಹಿಯಲ್ಲಿ ನಾಯಕಿ ಕೃತಿಯ ತಾಯಿ ಪುಷ್ಪಾ ಪಂಡಿತ್‌ ಪಾತ್ರದಲ್ಲಿ ಮಿಂಚುತ್ತಿದ್ದಾರೆ.
(10 / 13)
ಮಗಳ ಮದುವೆಗೆ ಮಾಡಿದ ಸಾಲ ತೀರಿಸಲಾಗದೆ ಮನೆಯನ್ನು ಕಳೆದುಕೊಳ್ಳಬೇಕಾದ ಸಂದರ್ಭ ಬಂದಾಗ ಆಟೋ ಓಡಿಸಿ ಹಣ ಸಂಪಾದಿಸಲು ತೀರ್ಮಾನಿಸುವ ನಾಯಕಿಯ ತಾಯಿ ಪಾತ್ರದಲ್ಲಿ ಸುತಾಜಾ ಅಭಿನಯಿಸುತ್ತಿದ್ದಾರೆ.
(11 / 13)
ಕನ್ನಡ ಬಿಗ್ ಬಾಸ್ 7ನೇ ಸೀಸನ್ನಲ್ಲಿ ಕೂಡಾ ಸುಜಾತಾ ಸ್ಪರ್ಧಿಯಾಗಿ ಭಾಗವಹಿಸಿದ್ದರು.
(12 / 13)
ನಟ ಗಣೇಶ್‌ ಜೊತೆ ಕಾಮಿಡಿ ಡೈಂ, ಸಿನಿಮಾ ಕ್ವಿಜ್‌, ನೀವು ಮೆಚ್ಚಿದ್ದು, ಅಡುಗೆ ಅರಮನೆ ಸೇರಿದಂತೆ ವಿವಿಧ ವಾಹಿನಿಗಳಲ್ಲಿ ಅನೇಕ ಕಾರ್ಯಕ್ರಮಗಳನ್ನು ನಡೆಸಿಕೊಟ್ಟಿದ್ದಾರೆ.
(13 / 13)
ಪತಿ ಅಕ್ಷಯ್‌ ಅವರೊಂದಿಗೆ ಸುಜಾತಾ ಕಳೆದ ವರ್ಷ ಕಲರ್ಸ್‌ ಕನ್ನಡದಲ್ಲಿ ಪ್ರಸಾರವಾದ ರಾಜಾ ರಾಣಿ ರಿಯಾಲಿಟಿ ಶೋನಲ್ಲಿ ಭಾಗವಹಿಸಿದ್ದರು.
ಇತರ ಗ್ಯಾಲರಿಗಳು