ʻಕರ್ಣʼ ಸೀರಿಯಲ್‌ ಸಲುವಾಗಿ ಕೊನೆಯಾಗಲು ಅಣಿಯಾಗ್ತಿದೆ 700 ಸಂಚಿಕೆ ಪೂರೈಸಿರುವ ಧಾರಾವಾಹಿ, ಯಾವುದದು?
- ಮೊದಲ ಪ್ರೋಮೋ ಮೂಲಕವೇ ನಿರೀಕ್ಷೆಯನ್ನು ಆಕಾಶಕ್ಕೆ ಕೊಂಡೊಯ್ದಿರುವ ಧಾರಾವಾಹಿ ಕರ್ಣ. ಈ ಪ್ರೋಮೋ ರಿಲೀಸ್‌ ಆದ ಬಳಿಕ, ಜೀ ಕನ್ನಡದ ಯಾವ ಸೀರಿಯಲ್‌ ಅಂತ್ಯವಾಗಲಿದೆ ಎಂಬ ಕುತೂಹಲ ವೀಕ್ಷಕರಲ್ಲಿದೆ. ಈಗ ಕಿರುತೆರೆ ವಲಯದ ಕೆಲ ಮೂಲಗಳ ಪ್ರಕಾರ, ಪ್ರಮುಖ ಸೀರಿಯಲ್‌ವೊಂದು ಇನ್ನೇನು ಮುಂದಿನ ತಿಂಗಳಲ್ಲಿ ಅಂತ್ಯಕಾಣಲಿದೆ ಎನ್ನಲಾಗುತ್ತಿದೆ.
- ಮೊದಲ ಪ್ರೋಮೋ ಮೂಲಕವೇ ನಿರೀಕ್ಷೆಯನ್ನು ಆಕಾಶಕ್ಕೆ ಕೊಂಡೊಯ್ದಿರುವ ಧಾರಾವಾಹಿ ಕರ್ಣ. ಈ ಪ್ರೋಮೋ ರಿಲೀಸ್‌ ಆದ ಬಳಿಕ, ಜೀ ಕನ್ನಡದ ಯಾವ ಸೀರಿಯಲ್‌ ಅಂತ್ಯವಾಗಲಿದೆ ಎಂಬ ಕುತೂಹಲ ವೀಕ್ಷಕರಲ್ಲಿದೆ. ಈಗ ಕಿರುತೆರೆ ವಲಯದ ಕೆಲ ಮೂಲಗಳ ಪ್ರಕಾರ, ಪ್ರಮುಖ ಸೀರಿಯಲ್‌ವೊಂದು ಇನ್ನೇನು ಮುಂದಿನ ತಿಂಗಳಲ್ಲಿ ಅಂತ್ಯಕಾಣಲಿದೆ ಎನ್ನಲಾಗುತ್ತಿದೆ.
(1 / 10)
ಜೀ ಕನ್ನಡದಲ್ಲಿ ಕರ್ಣ ಸೀರಿಯಲ್‌ನ ಮೊದಲ ಪ್ರೋಮೋ ಬಿಡುಗಡೆ ಆಗಿದ್ದೇ ತಡ ಧಾರಾವಾಹಿ ಮೇಲಿನ ವೀಕ್ಷಕರ ನಿರೀಕ್ಷೆ ದುಪ್ಪಟ್ಟಾಗಿದೆ.
(Zee Kannada )
(2 / 10)
ಅದರಲ್ಲೂ ಕರ್ಣ ಸೀರಿಯಲ್‌ ಮೂಲಕ ಮತ್ತೆ ಕಿರುತೆರೆಗೆ ಎಂಟ್ರಿಕೊಡುತ್ತಿದ್ದಾರೆ ನಟ ಕಿರಣ್‌ ರಾಜ್‌. ಈ ಹಿಂದೆ ಕನ್ನಡತಿ ಸೀರಿಯಲ್‌ನಲ್ಲಿ ನಟಿಸಿದ್ದರು ಈ ನಟ.
(3 / 10)
ಕಲರ್ಸ್‌ ಕನ್ನಡದಲ್ಲಿ ಕನ್ನಡತಿ ಸೀರಿಯಲ್‌ ಮುಗಿದ ಬಳಿಕ ರಾನಿ ಸಿನಿಮಾ ಮೂಲಕ ಬೆಳ್ಳಿತೆರೆಯಲ್ಲಿ ಅದೃಷ್ಟ ಪರೀಕ್ಷೆಗೆ ಇಳಿದರು.
(4 / 10)
ಆದರೆ, ಆ ಸಿನಿಮಾ ಹೇಳಿಕೊಳ್ಳುವ ಯಶಸ್ಸು ಕಾಣಲಿಲ್ಲ. ಹಾಗಂತ ಕಿರಣ್‌ ರಾಜ್‌ ಸಿನಿಮಾದಿಂದ ಹಿಂದೆ ಸರಿದಿಲ್ಲ. ಅದಾದ ಮೇಲೆ ಜಾಕಿ ಅನ್ನೋ ಚಿತ್ರದಲ್ಲಿಯೂ ಬಿಜಿಯಾಗಿದ್ದಾರವರು.
(5 / 10)
ಇದೆಲ್ಲದರ ನಡುವೆ ಕರ್ಣನಾಗಿ ಮತ್ತೆ ಕಿರುತೆರೆ ವೀಕ್ಷಕರ ಮನಗೆಲ್ಲಲು ಆಗಮಿಸುತ್ತಿದ್ದಾರೆ. ಹೆತ್ತವರಿಗೆ ಬೇಡವಾದ, ಊರಿಗೆ ಬೇಕಾದ ವೈದ್ಯನ ಕಥೆ ಈ ಕರ್ಣ.
(6 / 10)
ಈ ಕರ್ಣ ಸೀರಿಯಲ್‌ನಲ್ಲಿ ಬಹುತಾರಾಗಣವೇ ಇದೆ. ಟಿ. ಎಸ್‌ ನಾಗಾಭರಣ ಪ್ರಮುಖ ಪಾತ್ರದಲ್ಲಿದ್ದರೆ, ಭವ್ಯಾ ಗೌಡ ಮತ್ತು ನಮ್ರತಾ ಗೌಡ ಈ ಸೀರಿಯಲ್‌ನ ನಾಯಕಿಯರು.
(7 / 10)
ಹಾಗಾದರೆ, ಈ ಸೀರಿಯಲ್‌ ಅದ್ಯಾವಾಗ ಶುರು? ಈ ಪ್ರಶ್ನೆಗೆ ಇದೀಗ ಕಿರುತೆರೆಯ ಕೆಲ ಮೂಲಗಳಿಂದ ಮಾಹಿತಿ ಲಭ್ಯವಾಗಿದೆ.
(8 / 10)
ಮೇ ತಿಂಗಳಾಂತ್ಯಕ್ಕೆ ಕರ್ಣ ಸೀರಿಯಲ್‌ ಪ್ರಸಾರ ಆರಂಭಿಸಲಿದೆ ಎಂದು ಹೇಳಲಾಗುತ್ತಿದೆ. ಈ ನಡುವೆ ಇನ್ನೊಂದು ಪ್ರೋಮೋ ಬಿಡುಗಡೆ ಆಗಲಿದೆ. ಅದಾದ ಮೇಲೆ ಬಿಡುಗಡೆ ದಿನಾಂಕದ ಪ್ರೋಮೋ ಹೊರಬೀಳಲಿದೆ.
(9 / 10)
ಒಂದು ಸೀರಿಯಲ್‌ ಶುರುವಾಗಬೇಕೆಂದರೆ ಇನ್ನೊಂದು ಸೀರಿಯಲ್‌ ಮುಕ್ತಾಯವಾಗಲೇಬೇಕು. ಹಾಗಾದರೆ ಕರ್ಣನ ಸಲುವಾಗಿ ಮುಗಿಯುವ ಸೀರಿಯಲ್‌ ಯಾವುದು? ಅದಕ್ಕೂ ಇಲ್ಲಿ ಉತ್ತರವಿದೆ.
(10 / 10)
ಅಂದಹಾಗೆ, ಜೀ ಕನ್ನಡದಲ್ಲಿ ಈಗಾಗಲೇ 700 ಪ್ಲಸ್‌ ಸಂಚಿಕೆಗಳನ್ನು ಪೂರೈಸಿರುವ ಶ್ರೀರಸ್ತು ಶುಭಮಸ್ತು ಸೀರಿಯಲ್‌ ಮುಕ್ತಾಯದ ಹಂತಕ್ಕೆ ಬಂದಿದೆ. ಇನ್ನೇನು ಶೀಘ್ರದಲ್ಲಿಯೇ ಈ ಸೀರಿಯಲ್‌ ಕೊನೆಯಾಗಲಿದೆ ಎನ್ನಲಾಗುತ್ತಿದೆ. ಈ ಧಾರಾವಾಹಿ ಮುಗಿದ ಬಳಿಕ ಕರ್ಣ ಧಾರಾವಾಹಿ ಶುರುವಾಗಲಿದೆ. ಕರ್ಣ 6:30ಕ್ಕೆ ಪ್ರಸಾರ ಆಗಲಿದ್ಯಾ ಅಥವಾ ಸ್ಲಾಟ್‌ ಬದಲಾಗಲಿದ್ಯಾ ಎಂಬುದನ್ನು ಕಾದುನೋಡಬೇಕು.
Manjunath B Kotagunasi
ಇತರ ಗ್ಯಾಲರಿಗಳು