Karnataka Rains: ಮಲೆನಾಡಲ್ಲಿ ಮಳೆ ಅಬ್ಬರ, ಉಕ್ಕಿ ಹರಿಯುತ್ತಿದೆ ತುಂಗೆ, ಶಿವಮೊಗ್ಗ ನಗರ ನದಿ ತೀರದಲ್ಲಿ ಪ್ರವಾಹದ ಸನ್ನಿವೇಶ

ಮಲೆನಾಡು ಭಾಗದಲ್ಲಿ ಭಾರೀ ಮಳೆಯಾಗುತ್ತಿರುವುದರಿಂದ ತುಂಗಾ ನದಿ ಎರಡು ಮೂರು ದಿನದಿಂದ ಉಕ್ಕಿ ಹರಿಯುತ್ತಿದೆ. ಚಿಕ್ಕಮಗಳೂರು ಭಾಗದಲ್ಲಿ ನದಿ ಕಂಡಿದ್ದು ಹೀಗೆ

ತುಂಗಾ ನದಿ ಉಕ್ಕಿ ಹರಿದು ಜಲಾಶಯಕ್ಕೂ ಭಾರೀ ನೀರು ಬರುತ್ತಿದೆ. ಇದರಿಂದ ಶಿವಮೊಗ್ಗ ಸಮೀಪದ ಗಾಜನೂರಿನಲ್ಲಿನ ತುಂಗಾ ಜಲಾಶಯದಿಂದ ಭಾರೀ ಪ್ರಮಾಣದಲ್ಲಿ ನದಿಗೆ ಹೊರ ಬಿಡಲಾಗುತ್ತಿದೆ.

ಗಾಜನೂರು ಜಲಾಶಯದಿಂದ ಹೊರಟ ತುಂಗಾ ನದಿ ಶಿವಮೊಗ್ಗ ನಗರವನ್ನು ದಾಟಲಿದೆ. ಈ ವೇಳೆ ಶಿವಮೊಗ್ಗ ನಗರದ ಕೆಲವೆಡೆ ಪ್ರವಾಹದ ಸನ್ನಿವೇಶವನ್ನು ತುಂಗಾ ನದಿ ಸೃಷ್ಟಿಸಿದೆ.

ಶಿವಮೊಗ್ಗ ಹೃದಯ ಭಾಗದಲ್ಲಿಯೇ ತುಂಗಾ ನದಿ ಮಿತಿಯನ್ನು ಮೀರಿ ಹರಿಯುತ್ತಿದೆ. ಈಗಾಗಲೇ ನಗರದಲ್ಲಿ ಮುನ್ನೆಚ್ಚರಿಕೆಯನ್ನೂ ಘೋಷಿಸಲಾಗಿದೆ.

ಶಿವಮೊಗ್ಗ ನಗರದಲ್ಲಿ ತುಂಗಾ ನದಿ ಸೇತುವೆಗಳ ಮಟ್ಟದಲ್ಲಿ ಹರಿಯುತ್ತಿದೆ. ಇನ್ನೂ ಮಳೆಯಾಗಿ ಹೊರ ಹರಿವು ಹೆಚ್ಚಾದರೆ ಸೇತುವೆ ಮೇಲೆ ನೀರು ಹರಿಯುವ ವಾತಾವರಣ ನಿರ್ಮಾಣವಾಗಲಿದೆ.

ಶಿವಮೊಗ್ಗ ನಗರದ ರಾಷ್ಟ್ರೀಯ ಹೆದ್ದಾರಿಯ ಸೇತುವೆ ಹಾಗೂ ರೈಲ್ವೆ ಸೇತುವೆಯ ಮಟ್ಟದಲ್ಲಿ ತುಂಗಾ ನದಿ ಹರಿಯುತ್ತಿರುವ ಸನ್ನಿವೇಶ ಮಂಗಳವಾರ ಬೆಳಿಗ್ಗೆ ಕಂಡು ಬಂದಿದೆ.