ಕೇದಾರನಾಥ ಹೆಲಿ ಸೇವೆ: ಜೂನ್ ತಿಂಗಳ ಟಿಕೆಟ್ ಬುಕ್ಕಿಂಗ್ ಮೇ 7 ರಿಂದ ಶುರು, ಬುಕಿಂಗ್ ವೆಬ್ಸೈಟ್, ದರ ವಿವರ ಇಲ್ಲಿದೆ
ಕೇದಾರನಾಥ ಹೆಲಿಕಾಪ್ಟರ್ ಯಾತ್ರಾ: ಕೇದಾರನಾಥ ಧಾಮಕ್ಕೆ ಜೂನ್ ತಿಂಗಳಲ್ಲಿ ಭೇಟಿ ನೀಡುವ ಇರಾದೆ ಇದೆಯಾ? ಹೆಲಿಕಾಪ್ಟರ್‌ನಲ್ಲಿ ಹೋಗುವ ಚಿಂತನೆಯಲ್ಲಿದ್ದರೆ, ಜೂನ್ 1 ರಿಂದ ಜೂನ್ 30ರ ತನಕದ ಕೇದಾರನಾಥ ಹೆಲಿ ಸೇವೆಯ ಬುಕ್ಕಿಂಗ್ ಮೇ 7ರಿಂದ ಶುರುವಾಗುತ್ತಿದೆ. ಅಧಿಕೃತ ಬುಕ್ಕಿಂಗ್ ವೆಬ್ಸೈಟ್, ಆಪರೇಟರ್ ಮತ್ತು ದರ ವಿವರ ಹೀಗಿದೆ
(1 / 11)
ಕೇದಾರನಾಥ ಧಾಮಕ್ಕೆ ತೆರಳುವ ಯಾತ್ರಿಕರ ಗಮನಕ್ಕೆ. ಹೆಲಿಕಾಪ್ಟರ್‌ನಲ್ಲಿ ಕೇದಾರನಾಥ ಯಾತ್ರೆಗೆ ಹೋಗುವುದಾದರೆ ಜೂನ್ ತಿಂಗಳ ಯಾತ್ರೆಗೆ ಸಂಬಂಧಿಸಿದ ಮುಂಗಡ ಕಾಯ್ದಿರಿಸುವಿಕೆ ನಾಡಿದ್ದು ಅಂದರೆ ಮೇ 7 ರಿಂದ ಶುರುವಾಗುತ್ತಿದೆ.
(2 / 11)
ಕೇದಾರನಾಥ ಧಾಮಕ್ಕೆ ತೆರಳುವ ಯಾತ್ರಿಕರು ಚಾರ್‌ಧಾಮ ಯಾತ್ರೆಗೆ ಸಂಬಂಧಿಸಿದ ನೋಂದಣಿ ಮಾಡಿಸಿಕೊಂಡಿರಬೇಕು. ಅಂಥವರು ಹೆಲಿಕಾಪ್ಟರ್ ಸೇವೆ ಬಳಸಿಕೊಂಡು ಕೇದಾರನಾಥ ಧಾಮಕ್ಕೆ ತೆರಳುವ ಚಿಂತನೆಯಲ್ಲಿದ್ದರೆ ಜೂನ್ 1 ರಿಂದ 30ರ ತನಕ ಕೇದಾರನಾಥ ಹೆಲಿಕಾಪ್ಟರ್ ಸೇವೆಯ ಬುಕ್ಕಿಂಗ್ ಮೇ 7 ರಿಂದ ಶುರುವಾಗಲಿದೆ.
(3 / 11)
ಕೇದಾರನಾಥ ಹೆಲಿಕಾಪ್ಟರ್ ಯಾತ್ರಾ ಸೇವೆಯ ಬುಕ್ಕಿಂಗ್ ನಿರ್ವಹಣೆಯ ಹೊಣೆಗಾರಿಕೆಯನ್ನು ಐಆರ್‌ಸಿಟಿಸಿ ಹೊತ್ತುಕೊಂಡಿದೆ. ಮೇ 7 ರಂದು ಮಧ್ಯಾಹ್ನ 12 ಗಂಟೆಗೆ ಆನ್‌ಲೈನ್ ಬುಕಿಂಗ್ ಪ್ರಾರಂಭವಾಗಲಿದೆ.
(4 / 11)
ಕೇದಾರನಾಥ ಹೆಲಿ ಸೇವಾ ಟಿಕೆಟ್‌ಗಳನ್ನು ಐಆರ್‌ಸಿಟಿಸಿ ವೆಬ್ಸೈಟ್ www.heliyatra.irctc.co.in ಮೂಲಕ ಬುಕ್ ಮಾಡಬಹುದು. ಇದರಲ್ಲಿ ಅಕೌಂಟ್ ಕ್ರಿಯೇಟ್ ಮಾಡಬೇಕು.
(5 / 11)
ಯಾವುದಕ್ಕೂ ಮೊದಲು ಚಾರ್‌ಧಾಮ ಯಾತ್ರೆಗೆ ಸಂಬಂಧಿಸಿದ ನೋಂದಣಿಯನ್ನು registrationandtouristcare.uk.gov.in ಎಂಬ ವೆಬ್‌ಸೈಟ್‌ನಲ್ಲಿ ಮಾಡಿಸದೇ ಇದ್ದರೆ, ಮೊದಲು ಅದನ್ನು ಮಾಡಿಸಿಕೊಂಡು ಅದರ ನೋಂದಣಿ ಸಂಖ್ಯೆ ಗುರುತು ಮಾಡಿಟ್ಟುಕೊಳ್ಳಿ.
(6 / 11)
ಚಾರ್‌ಧಾಮ ಯಾತ್ರೆಗೆ ಸಂಬಂಧಿಸಿದ ನೋಂದಣಿ ಸಂಖ್ಯೆ ಬಳಸಿಕೊಂಡು ಹೆಲಿಯಾತ್ರಾ ಐಆರ್‌ಸಿಟಿಸಿ ತಾಣದಲ್ಲಿ ಅಂದರೆ ಐಆರ್‌ಸಿಟಿಸಿ ವೆಬ್ಸೈಟ್ www.heliyatra.irctc.co.in ಎಂಬ ತಾಣದಲ್ಲಿ ಈಗಾಗಲೇ ಕ್ರಿಯೇಟ್ ಮಾಡಿದ ಖಾತೆಗೆ ಲಾಗಿನ್ ಆಗಿ.
(7 / 11)
ಬಳಿಕ ನೀವು ಪ್ರವಾಸ ತೆರಳುವ ದಿನಾಂಕ, ಸಮಯ ಮತ್ತು ಯಾವ ಆಪರೇಟರ್ ಎಂಬುದನ್ನು ಗುರುತಿಸಿ, ಟಿಕೆಟ್ ಬುಕ್ ಮಾಡಿ.
(8 / 11)
ಗುಪ್ತಕಾಶಿಯಿಂದ ಶ್ರೀ ಕೇದಾರನಾಥಕ್ಕೆ ರೌಂಡ್ ಟ್ರಿಪ್ ದರ 8.532 ರೂಪಾಯಿ. ಆರ್ಯನ್ ಏವಿಯೇಷನ್, ಟ್ರಾನ್ಸ್ ಭಾರತ್ ಏವಿಯೇಷನ್ಸ್ ಈ ಮಾರ್ಗದ ಹೆಲಿ ಆಪರೇಟರ್ ಕಂಪನಿಗಳು. ಫಟಾದಿಂದ ಶ್ರೀ ಕೇದಾರನಾಥಕ್ಕೆ ರೌಂಡ್ ಟ್ರಿಪ್ ದರ 6.062 ರೂಪಾಯಿ. ಪವನ್ ಹನ್ಸ್, ತುಂಬೇ ಏವಿಯೇಷನ್, ಗ್ಲೋಬಲ್ ವೆಕ್ಟ್ರಾ ಹೆಲಿಕಾರ್ಪ್, ಟ್ರಾನ್ಸ್ ಭಾರತ್ ಏವಿಯೇಷನ್ಸ್ ಈ ಮಾರ್ಗದ ಹೆಲಿ ಆಪರೇಟರ್‌ಗಳು. ಸಿರ್ಸಿಯಿಂದ ಶ್ರೀ ಕೇದಾರನಾಥಕ್ಕೆ ರೌಂಡ್ ಟ್ರಿಪ್ ದರ 6.060 ರೂಪಾಯಿ. ಹಿಮಾಲಯನ್ ಹೆಲಿ ಸರ್ವೀಸಸ್, ಕೆಸ್ಟ್ರೆಲ್ ಏವಿಯೇಷನ್, ಏರೋ ಏರ್‌ಕ್ರಾಫ್ಟ್ಸ್ ಈ ಮಾರ್ಗದ ಹೆಲಿಕಾಪ್ಟರ್ ಆಪರೇಟರ್ ಕಂಪನಿಗಳು.
(9 / 11)
ಹೆಚ್ಚಿನ ಮಾಹಿತಿಗೆ ಐಆರ್‌ಸಿಟಿಸಿ ಸಹಾಯವಾಣಿ ಸಂಖ್ಯೆ 1800110139 ಅಥವಾ 080 44647998/ 080 3573498 ಕ್ಕೆ ಕರೆಮಾಡಬಹುದು.
(10 / 11)
ಇವಿಷ್ಟೂ ಗಮನದಲ್ಲಿರಲಿ. ಬುಕಿಂಗ್ ಅನ್ನು IRCTC ವೆಬ್ಸೈಟ್ heliyatra.irctc.co.in ಮೂಲಕ ಮಾತ್ರ ಮಾಡಲಾಗುತ್ತದೆ. ಬೇರಾವುದೇ ಪೋರ್ಟಲ್ ಅಥವಾ ಏಜೆನ್ಸಿಗೆ ಇದರ ಹೊಣೆಗಾರಿಕೆ ನೀಡಿಲ್ಲ. ಯಾವುದೇ ಮೊಬೈಲ್‌ಗೆ ಕರೆ ಮಾಡಬೇಡಿ.
(11 / 11)
ಈ ವೆಬ್ಸೈಟ್ ಬಿಟ್ಟು ಬೇರಾವುದೇ ರೀತಿಯಲ್ಲೂ ಬುಕ್ಕಿಂಗ್ ಮಾಡಲು ಪ್ರಯತ್ನಿಸಿ ಕ್ಯೂಆರ್ ಕೋಡ್ ಅಥವಾ ಯುಪಿಐ ಐಡಿ ಬಳಸಿ ಹಣಪಾವತಿಸಬೇಡಿ. ಸೈಬರ್ ವಂಚನೆಗೆ ಒಳಗಾದರೆ ಕೂಡಲೇ 1930ಕ್ಕೆ ಕರೆ ಮಾಡಿ ದೂರು ದಾಖಲಿಸಿ.
Umesh Kumar S
ಇತರ ಗ್ಯಾಲರಿಗಳು