Thalapathy Vijay: ದಳಪತಿ ವಿಜಯ್‌ 68ನೇ ಸಿನಿಮಾಗೂ ಚೆನ್ನೈ ಸೂಪರ್‌ ಕಿಂಗ್ಸ್‌ಗೂ ಇದೆ ನಂಟು; ಆದರೆ ಇದು ಧೋನಿ ಬಯೋಪಿಕ್‌ ಅಲ್ಲ
- ಇದೇ ವರ್ಷ ಜನವರಿಯಲ್ಲಿ ತೆರೆ ಕಂಡ ದಳಪತಿ ವಿಜಯ್‌ ಅಭಿನಯದ 'ವಾರಿಸು' ಸಿನಿಮಾಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು. ವಂಶಿ ಪೈಡಿಪಲ್ಲಿ ನಿರ್ದೇಶನದ ಈ ಸಿನಿಮಾವನ್ನು ದಿಲ್‌ ರಾಜು ನಿರ್ಮಿಸಿದ್ದರು. ಚಿತ್ರದಲ್ಲಿ ವಿಜಯ್‌ಗೆ ರಶ್ಮಿಕಾ ಮಂದಣ್ಣ ನಾಯಕಿಯಾಗಿ ನಟಿಸಿದ್ದರು. ಸದ್ಯಕ್ಕೆ ವಿಜಯ್‌ 'ಲಿಯೋ' ಸಿನಿಮಾದಲ್ಲಿ ಬ್ಯುಸಿ ಇದ್ದಾರೆ.
- ಇದೇ ವರ್ಷ ಜನವರಿಯಲ್ಲಿ ತೆರೆ ಕಂಡ ದಳಪತಿ ವಿಜಯ್‌ ಅಭಿನಯದ 'ವಾರಿಸು' ಸಿನಿಮಾಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು. ವಂಶಿ ಪೈಡಿಪಲ್ಲಿ ನಿರ್ದೇಶನದ ಈ ಸಿನಿಮಾವನ್ನು ದಿಲ್‌ ರಾಜು ನಿರ್ಮಿಸಿದ್ದರು. ಚಿತ್ರದಲ್ಲಿ ವಿಜಯ್‌ಗೆ ರಶ್ಮಿಕಾ ಮಂದಣ್ಣ ನಾಯಕಿಯಾಗಿ ನಟಿಸಿದ್ದರು. ಸದ್ಯಕ್ಕೆ ವಿಜಯ್‌ 'ಲಿಯೋ' ಸಿನಿಮಾದಲ್ಲಿ ಬ್ಯುಸಿ ಇದ್ದಾರೆ.
(1 / 10)
ಲಿಯೋ ಸಿನಿಮಾ ಚಿತ್ರೀಕರಣದ ಇನ್ನು ಕೆಲವು ದಿನಗಳಲ್ಲಿ ಮುಕ್ತಾಯಗೊಳ್ಳಲಿದೆ. ಇದರ ನಡುವೆ ವಿಜಯ್‌ ಮುಂದಿನ ಸಿನಿಮಾಗೆ ಮಾತುಕತೆ ನಡೆಯುತ್ತಿದೆ. ಇದು ವಿಜಯ್‌ ಅಭಿನಯದ 68ನೇ ಸಿನಿಮಾ. ಹೊಸ ಸಿನಿಮಾ ಬಗ್ಗೆ ಅಪ್‌ಡೇಟ್‌ ತಿಳಿಯಲು ವಿಜಯ್‌ ಅಭಿಮಾನಿಗಳು ಕಾಯುತ್ತಿದ್ದಾರೆ.(PC: Twitter, Vijay Facebook)
(2 / 10)
ಈ ಚಿತ್ರವನ್ನು ಎಜಿಎಸ್‌ ಪ್ರೊಡಕ್ಷನ್ಸ್‌ ನಿರ್ಮಿಸುತ್ತಿದ್ದು ವೆಂಕಟ್‌ ಪ್ರಭು ನಿರ್ದೇಶಿಸುತ್ತಿದ್ದಾರೆ. ಚಿತ್ರದ ಹಾಡುಗಳಿಗೆ ಯುವನ್‌ ಶಂಕರ್‌ ರಾಜಾ ಸಂಗೀತ ನೀಡುತ್ತಿದ್ದಾರೆ. ಕೆಲವು ದಿನಗಳ ಹಿಂದೆ ಸಿನಿಮಾ ಅನೌನ್ಸ್‌ ಆಗಿದ್ದು ಶೀಘ್ರದಲ್ಲೇ ಚಿತ್ರೀಕರಣ ಆರಂಭವಾಗಲಿದೆ.
(3 / 10)
ವಿಜಯ್‌ 68ನೇ ಸಿನಿಮಾಗೆ ಇನ್ನೂ ಟೈಟಲ್‌ ಫಿಕ್ಸ್‌ ಆಗಿಲ್ಲ. ಆದರೆ ಮೂಲಗಳ ಪ್ರಕಾರ ನಿರ್ದೇಶಕ ವೆಂಕಟ್‌ ಪ್ರಭು ಈ ಚಿತ್ರಕ್ಕೆ CSK ಎಂದು ಹೆಸರಿಡಲು ನಿರ್ಧರಿಸಿದ್ದಾರೆ ಎನ್ನಲಾಗುತ್ತಿದೆ. ಈ ಹೆಸರು ಕೇಳಿ, ಚೆನ್ನೈ ಸೂಪರ್‌ ಕಿಂಗ್ಸ್‌ ಕ್ರಿಕೆಟ್‌ ತಂಡದ ಪ್ರೇಮಿಗಳಿಗೆ ಖುಷಿಯಾಗಿದ್ದಾರಂತೆ.
(4 / 10)
ವೆಂಕಟ್‌ ಪ್ರಭು ಕೂಡಾ ಕ್ರಿಕೆಟ್‌ ಪ್ರೇಮಿ ಆಗಿದ್ದು ಸಿಎಸ್‌ಕೆ ಬೆಂಬಲಿಗರಾಗಿದ್ದಾರೆ. ಮತ್ತೊಂದೆಡೆ ವಿಜಯ್‌ ಹಾಗೂ ಮಹೇಂದ್ರ ಸಿಂಗ್‌ ಧೋನಿ ಉತ್ತಮ ಫ್ರೆಂಡ್ಸ್ ಆಗಿದ್ದು ವಿಜಯ್‌ ಕೆಲವು ವರ್ಷಗಳ ಹಿಂದೆ ಸಿಎಸ್‌ಕೆ ತಂಡದ ಬ್ರಾಂಡ್‌ ಅಂಬಾಸಿಡರ್‌ ಆಗಿದ್ದರು.
(5 / 10)
ಈ ಎಲ್ಲಾ ಕಾರಣಗಳಿಂದ ಸಿನಿಮಾಗೆ CSK ಹೆಸರು ಬಹುತೇಕ್‌ ಫಿಕ್ಸ್‌ ಎಂಬ ಮಾಹಿತಿ ಇದೆ. ಆದರೆ ಸಿನಿಮಾ ಪ್ರಕಾರ ಸಿಎಸ್‌ಕೆ ಎಂದರೆ ಏನು ಎಂಬುದನ್ನು ತಿಳಿಯಲು ಇನ್ನೂ ಬಹಳ ಸಮಯ ಬೇಕು.
(6 / 10)
ಚಿತ್ರತಂಡ ಸಿನಿಮಾ ಹೆಸರನ್ನು ಅಧಿಕೃತವಾಗಿ ಅನೌನ್ಸ್‌ ಮಾಡಿಲ್ಲ. ಒಂದು ವೇಳೆ ಈಗ ಹರಿದಾಡುತ್ತಿರುವ ಸುದ್ದಿಯ ಪ್ರಕಾರ ಸಿನಿಮಾಗೆ ಸಿಎಸ್‌ಕೆ ಎಂದು ಹೆಸರಿಟ್ಟಿದ್ದೇ ಆದಲ್ಲಿ ಸಿನಿಮಾ ಖಂಡಿತ ಕ್ರಿಕೆಟ್‌ ಪ್ರೇಮಿಗಳನ್ನೂ ಸೆಳೆಯಲಿದೆ.
(7 / 10)
ಜೂನ್‌ 22ರಂದು ವಿಜಯ್‌ ಹುಟ್ಟುಹಬ್ಬ ಇದ್ದು ಆ ದಿನ ಬಹುಶ: ಸಿನಿಮಾದ ಹೆಸರು ಅಥವಾ ಸಿನಿಮಾಗೆ ಸಂಬಂಧಿಸಿದ ಅಪ್‌ಡೇಟ್‌ ದೊರೆಯಬಹುದು ಎಂದು ಅಭಿಮಾನಿಗಳು ಕಾಯುತ್ತಿದ್ದಾರೆ.
(8 / 10)
ವಿಜಯ್‌ ಜೊತೆ ನಿರ್ದೇಶಕ ವೆಂಕಟ್‌ ಪ್ರಭು
(9 / 10)
'ಲಿಯೋ' ಸಿನಿಮಾ ಬಗ್ಗೆ ಹೇಳುವುದಾದರೆ ಈ ಚಿತ್ರವನ್ನು ಲೋಕೇಶ್‌ ಕನಕರಾಜು ನಿರ್ದೇಶಿಸುತ್ತಿದ್ದಾರೆ. ಸೆವೆನ್‌ ಸ್ಕ್ರೀನ್‌ ಸ್ಟುಡಿಯೋಸ್‌ ಹಾಗೂ ದಿ ರೂಟ್‌ ಚಿತ್ರ ನಿರ್ಮಾಣ ಸಂಸ್ಥೆ ಜೊತೆ ಸೇರಿ ಈ ಸಿನಿಮಾವನ್ನು ನಿರ್ಮಿಸುತ್ತಿವೆ. ಚಿತ್ರದ ಹಾಡುಗಳಿಗೆ ಅನಿರುದ್ಧ್‌ ರವಿಚಂದರ್‌ ಸಂಗೀತ ನೀಡಿದ್ದಾರೆ.
(10 / 10)
'ಲಿಯೋ' ಚಿತ್ರದಲ್ಲಿ ವಿಜಯ್‌ಗೆ ನಾಯಕಿಯಾಗಿ ತ್ರಿಷಾ ನಟಿಸುತ್ತಿದ್ದಾರೆ. ಇವರೊಂದಿಗೆ ಸಂಜಯ್‌ ದತ್‌, ಅರ್ಜುನ್‌ , ಪ್ರಿಯಾ ಆನಂದ್‌, ಗೌತಮ್‌ ವಾಸುದೇವ್‌ ಮೆನನ್‌ ಹಾಗೂ ಇನ್ನಿತರರು ನಟಿಸಿದ್ದಾರೆ. ಸುಮಾರು 250 ಕೋಟಿ ರೂಪಾಯಿ ಬಜೆಟ್‌ನಲ್ಲಿ ತಯಾರಾದ ಸಿನಿಮಾ ಇದೇ ವರ್ಷ ಅಕ್ಟೋಬರ್‌ನಲ್ಲಿ ತೆರೆ ಕಾಣಲಿದೆ.
ಇತರ ಗ್ಯಾಲರಿಗಳು