ಕಾರಟಗಿಯಲ್ಲಿ ಹಂದಿ ಕಳ್ಳರ ಗ್ಯಾಂಗ್ ಸಕ್ರಿಯ, ಹಿಡಿಯೆಲೆತ್ನಿಸಿದ ಪುರಸಭೆ ಸದಸ್ಯನಿಗೆ ವಾಹನ ಡಿಕ್ಕಿ ಹೊಡೆಸಿ ಕೊಂದ ಕಳ್ಳರು
ಕೊಪ್ಪಳ ಜಿಲ್ಲೆ ಕಾರಟಗಿ ತಾಲೂಕಿನಲ್ಲಿ ಹಂದಿ ಕಳ್ಳರ ಗ್ಯಾಂಗ್ ಸಕ್ರಿಯವಾಗಿದೆ. ಈ ಕಳ್ಳರ ಗ್ಯಾಂಗ್ ಅನ್ನು ಹಿಡಿಯಲು ಹೋಗಿ ಪುರಸಭೆ ಸದಸ್ಯರೊಬ್ಬರು ಪ್ರಾಣ ಕಳೆದುಕೊಂಡ ಕಳವಳಕಾರಿ ಘಟನೆ ವರದಿಯಾಗಿದೆ.
(1 / 6)
ಕಾರಟಗಿ ತಾಲೂಕಿನಲ್ಲಿ ಹಂದಿ ಸಾಕಣಿಕೆಯನ್ನು ಕಸುಬನ್ನಾಗಿ ಮಾಡಿಕೊಂಡವರು ಹಲವರು. ಇವರೆಲ್ಲರಿಗೂ ಈಗ ಸವಾಲಾಗಿ ಪರಿಣಮಿಸಿರುವುದು ಹಂದಿ ಕಳ್ಳರ ಗ್ಯಾಂಗ್ನಿಂದ ತಾವು ಸಾಕಿದ ಹಂದಿಯನ್ನು ರಕ್ಷಿಸುವುದು.
(2 / 6)
ಹಾಗೆ, ಹಂದಿ ಕಳ್ಳರ ಗ್ಯಾಂಗ್ ಅನ್ನು ಹಿಡಿಯಲು ಹೋಗಿ ಪುರಸಭೆ ಸದಸ್ಯ ರಾಮಣ್ಣ ಕೊರವರ ಮೃತಪಟ್ಟ ಆತಂಕಕಾರಿ ಘಟನೆ ಸೋಮವಾರ ರಾತ್ರಿ ನಡೆದಿದೆ.
(3 / 6)
ಪುರಸಭೆಯ ಹಿಂಭಾಗದ ರಸ್ತೆಯಲ್ಲಿ ಕೊರವರ ಸಮುದಾಯದವರು ಹಂದಿಗಳನ್ನು ಸಾಕಿದ್ದರು. ಈ ಹಂದಿಗಳನ್ನು ಕದಿಯುವುದಕ್ಕಾಗಿ ಹಂದಿ ಕಳ್ಳರ ಗ್ಯಾಂಗ್ ಸೋಮವಾರ ರಾತ್ರಿ ಬೊಲೆರೋ ಪಿಕಅಪ್ ವಾಹನದಲ್ಲಿ ಅಲ್ಲಿಗೆ ಬಂದಿತ್ತು.
(4 / 6)
ಈ ಹಂದಿ ಕಳ್ಳರ ಗ್ಯಾಂಗ್ 45 ಹಂದಿಗಳನ್ನು ಪಿಕ್ಅಪ್ ವಾಹನಕ್ಕೆ ಏರಿಸಿಕೊಂಡಿದ್ದರು. ಇದೇ ವೇಳೆ ಹಂದಿಗಳ ಚೀರಾಟದಿಂದ ರಾಮಣ್ಣ ಕೊರವರ ಎಚ್ಚರಗೊಂಡರು. ಮನೆಯ ಬಾಗಿಲು ತೆರೆದು ಹೊರಬರುವಾಗ ಕಳ್ಳರ ಗ್ಯಾಂಗ್ ಬೊಲೆರೊವನ್ನು ಚಲಾಯಿಸಿಕೊಂಡು ಹೊರಟಿತ್ತು
(5 / 6)
ಕೂಡಲೇ ರಾಮಣ್ಣ ತಮ್ಮ ಪುತ್ರ ಮತ್ತು ನೆರೆಹೊರೆಯ ಒಂದಿಬ್ಬರನ್ನು ಕರೆದುಕೊಂಡು ಬೊಲೆರೋವನ್ನು ಬೆನ್ನಟ್ಟಲು ಹೊರಟರು. ಸ್ವಲ್ಪ ದೂರದಲ್ಲಿ ಬೊಲೆರೊ ಪತ್ತೆಯಾಗಿತ್ತು. ಅದನ್ನು ಅಡ್ಡಗಟ್ಟಲು ಪ್ರಯತ್ನಿಸಿದಾಗ ಅಲ್ಲಿ ಸಂಘರ್ಷ ಉಂಟಾಗಿದೆ
(6 / 6)
ಇದೇ ವೇಳೆ, ಕಳ್ಳರ ಗ್ಯಾಂಗ್ ರಾಮಣ್ಣ ಕೊರವರ ಅವರಿಗೆ ಬೊಲೆರೋ ಡಿಕ್ಕಿ ಹೊಡೆಸಿ ಅಲ್ಲಿಂದ ಪರಾರಿಯಾಗಿದೆ. ಗಂಭೀರ ಗಾಯಗೊಂಡ ರಾಮಣ್ಣ ಕೊರವರ ಅವರನ್ನು ಆಸ್ಪತ್ರಗೆ ಕರೆದೊಯ್ಯಲಾಗಿತ್ತು. ಆದರೆ, ದಾರಿ ಮಧ್ಯೆ ಅವರು ಮೃತಪಟ್ಟರು ಎಂದು ಅವರ ಆಪ್ತರು ತಿಳಿಸಿದ್ದಾರೆ. ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ನಡೆಸಿದ್ದಾರೆ.
ಇತರ ಗ್ಯಾಲರಿಗಳು