ಟಿಆರ್‌ಪಿಯಲ್ಲಿ ಭಾರ್ಗವಿಗೆ ಬಡ್ತಿ, ಭಾಗ್ಯಲಕ್ಷ್ಮೀ ಕುಸಿತ, ಯಜಮಾನನ ಜಿಗಿತ; ಕಲರ್ಸ್‌ ಕನ್ನಡದ ಟಾಪ್‌ 9ರಲ್ಲಿ ಯಾರಿಗೆ ನಂಬರ್‌ 1 ಪಟ್ಟ?
- Colors Kannada Serial TRP: ಕನ್ನಡ ಕಿರುತೆರೆಯ 11ನೇ ವಾರದ ಟಿಆರ್‌ಪಿ ಅಂಕಿಅಂಶ ಹೊರಬಿದ್ದಿದೆ. ಆ ಪೈಕಿ ಕಲರ್ಸ್‌ ಕನ್ನಡದ ಒಟ್ಟು 10 ಸೀರಿಯಲ್‌ಗಳು 11ನೇ ವಾರ ಪಡೆದ ಟಿಆರ್‌ಪಿ ಎಷ್ಟು? ಯಾವ ಸೀರಿಯಲ್‌ ಟಾಪ್‌ನಲ್ಲಿದೆ? ಅದೆಲ್ಲದರ ವಿವರ ಇಲ್ಲಿದೆ.
- Colors Kannada Serial TRP: ಕನ್ನಡ ಕಿರುತೆರೆಯ 11ನೇ ವಾರದ ಟಿಆರ್‌ಪಿ ಅಂಕಿಅಂಶ ಹೊರಬಿದ್ದಿದೆ. ಆ ಪೈಕಿ ಕಲರ್ಸ್‌ ಕನ್ನಡದ ಒಟ್ಟು 10 ಸೀರಿಯಲ್‌ಗಳು 11ನೇ ವಾರ ಪಡೆದ ಟಿಆರ್‌ಪಿ ಎಷ್ಟು? ಯಾವ ಸೀರಿಯಲ್‌ ಟಾಪ್‌ನಲ್ಲಿದೆ? ಅದೆಲ್ಲದರ ವಿವರ ಇಲ್ಲಿದೆ.
(1 / 11)
ಕಲರ್ಸ್‌ ಕನ್ನಡ ವಾಹಿನಿಯಲ್ಲಿ ಲಕ್ಷ್ಮೀ ಬಾರಮ್ಮ, ಭಾಗ್ಯಲಕ್ಷ್ಮೀ, ರಾಮಾಚಾರಿ, ನಿನಗಾಗಿ, ವಧು, ಯಜಮಾನ, ಭಾರ್ಗವಿ ಎಲ್‌ಎಲ್‌ಬಿ, ಕರಿಮಣಿ, ದೃಷ್ಟಿಬೊಟ್ಟು ಧಾರಾವಾಹಿಗಳು ಪ್ರಸಾರವಾಗುತ್ತವೆ. ಈ 9ರಲ್ಲಿ 11ನೇ ವಾರದ ಟಾಪ್‌ ಟಿಆರ್‌ಪಿ ಪಡೆದ ಸೀರಿಯಲ್‌ ಯಾವುದು? ಹೀಗಿದೆ ವಿವರ.
(jiostar)
(2 / 11)
ಲಕ್ಷ್ಮೀ ಬಾರಮ್ಮ 5.0: 11ನೇ ವಾರದ ಟಿಆರ್‌ಪಿಯಲ್ಲಿ ಲಕ್ಷ್ಮೀ ಬಾರಮ್ಮ ಸೀರಿಯಲ್‌ ಕಲರ್ಸ್‌ ಕನ್ನಡದ ಟಾಪ್‌ ಧಾರಾವಾಹಿಯಾಗಿ ಹೊರಹೊಮ್ಮಿದೆ. ಈ ಸೀರಿಯಲ್‌ 5.0 ಟಿಆರ್‌ಪಿ ಪಡೆದು ಮೊದಲ ಸ್ಥಾನದಲ್ಲಿದೆ.
(3 / 11)
ನಿನಗಾಗಿ: ಅದೇ ರೀತಿ ನಿನಗಾಗಿ ಧಾರಾವಾಹಿ 11ನೇ ವಾರದ ಟಿಆರ್‌ಪಿಯಲ್ಲಿ 4.9 ರೇಟಿಂಗ್ಸ್‌ ಪಡೆದು, ಎರಡನೇ ಸ್ಥಾನದಲ್ಲಿದೆ.
(4 / 11)
ಭಾರ್ಗವಿ LLB: ಈಗಷ್ಟೇ ಶುರುವಾದ ಹೊಸ ಸೀರಿಯಲ್‌ ಭಾರ್ಗವಿ ಎಲ್‌ಎಲ್‌ಬಿ 4.7 ಟಿಆರ್‌ಪಿ ಪಡೆದು ಮೂರನೇ ಸ್ಥಾನಕ್ಕೆ ಬಡ್ತಿ ಪಡೆದಿದೆ.
(5 / 11)
ಭಾಗ್ಯಲಕ್ಷ್ಮೀ; ಸದಾ ಟಾಪ್‌ ಇರುತ್ತಿದ್ದ, ಕಲರ್ಸ್‌ನ ನಂ 1 ಸೀರಿಯಲ್‌ ಎಂಬ ಪಟ್ಟ ಪಡೆದಿದ್ದ ಭಾಗ್ಯಲಕ್ಷ್ಮೀ, 11ನೇ ವಾರಕ್ಕೆ 4.6 ಟಿಆರ್‌ಪಿ ಪಡೆದು ನಾಲ್ಕನೇ ಸ್ಥಾನಕ್ಕೆ ಬಂದು ನಿಂತಿದೆ.
(6 / 11)
ಯಜಮಾನ: ಇನ್ನು ಪ್ರಸಾರ ಸಮಯ ಬದಲಾಗಿದ್ದೇ ತಡ, ಹೊಸ ಸೀರಿಯಲ್‌ ಯಜಮಾನ ಟಿಆರ್‌ಪಿಯಲ್ಲಿ ಜಿಗತ ಕಂಡಿದೆ. ಈ ಧಾರಾವಾಹಿ, 3.9 ಟಿಆರ್‌ಪಿ ಪಡೆದು, ಐದನೇ ಸ್ಥಾನದಲ್ಲಿದೆ.
(7 / 11)
ರಾಮಾಚಾರಿ: ಮೊದಲ ಮೂರು ಸ್ಥಾನದಲ್ಲಿ ಇರುತ್ತಿದ್ದ ರಾಮಾಚಾರಿ ಸೀರಿಯಲ್‌, ಇದೀಗ 11ನೇ ವಾರದ ಟಿಆರ್‌ಪಿಯಲ್ಲಿ ನೇರವಾಗಿ 3.0 ಟಿಆರ್‌ಪಿ ಮೂಲಕ ಆರನೇ ಸ್ಥಾನಕ್ಕೆ ಕುಸಿತ ಕಂಡಿದೆ.
(8 / 11)
ದೃಷ್ಟಿಬೊಟ್ಟು: ಕಲರ್ಸ್‌ ಕನ್ನಡದ ಇನ್ನೊಂದು ಪ್ರಮುಖ ಧಾರಾವಾಹಿ ದೃಷ್ಟಿಬೊಟ್ಟು 3.1 ಟಿಆರ್‌ಪಿ ರೇಟಿಂಗ್‌ ಪಡೆದು ಏಳನೇ ಸ್ಥಾನದಲ್ಲಿದೆ.
(9 / 11)
ಕರಿಮಣಿ; ಮೆಗಾ ಟ್ವಿಸ್ಟ್‌ ಮೂಲಕ ವೀಕ್ಷಕರಿಗೆ ಕುತೂಹಕ ಮೂಡಿಸಿದ್ದ ಕರಿಮಣಿ ಸೀರಿಯಲ್‌ 11ನೇ ವಾರದ ಟಿಆರ್‌ಪಿಯಲ್ಲಿ 2.3 ರೇಟಿಂಗ್‌ ಪಡೆದು ಎಂಟನೇ ಸ್ಥಾನದಲ್ಲಿದೆ.
(10 / 11)
ವಧು 1.4: ಇನ್ನು ವಧು ಸೀರಿಯಲ್‌ ಸದ್ಯ ಪಾತಾಳದತ್ತ ಮುಖ ಮಾಡಿದೆ. ಈ ಸೀರಿಯಲ್‌ ಈವರೆಗಿನ ನಂಬರ್‌ಗಿಂತ ಕನಿಷ್ಠಕ್ಕೆ ಕುಸಿತ ಕಂಡಿದೆ. ಕೇವಲ 1.4 ಟಿಆರ್‌ಪಿ ಪಡೆದು ಕೊನೇ ಸ್ಥಾನದಲ್ಲಿದೆ.
(11 / 11)
ನೂರು ಜನ್ಮಕೂ 2.4: ಅದೇ ರೀತಿ ಶನಿವಾರ ಮತ್ತು ಭಾನುವಾರ ಮಾತ್ರ ಪ್ರಸಾರ ಕಾಣುತ್ತಿರುವ ನೂರು ಜನ್ಮಕೂ ಸೀರಿಯಲ್‌ 2.4 ಟಿಆರ್‌ಪಿ ಪಡೆದಿದೆ.
Manjunath B Kotagunasi
ಇತರ ಗ್ಯಾಲರಿಗಳು