S Janaki in Mysuru: ಮೈಸೂರು ಜಿಲ್ಲೆಯ ಪುಟ್ಟ ದೇಗುಲಕ್ಕೆ ಬಂದು ಪೂಜೆ ಸಲ್ಲಿಸಿದರು ಗಾನ ಕೋಗಿಲೆ ಎಸ್.ಜಾನಕಿ

ಎಸ್.ಜಾನಕಿ ಅವರು ಮೈಸೂರು ಜಿಲ್ಲೆಯ ಪಿರಿಯಾಪಟ್ಟಣ ತಾಲ್ಲೂಕಿನಲ್ಲಿರುವ ಮಸಣಿಕಮ್ಮ ದೇಗುಲಕ್ಕೆ ಭೇಟಿ ನೀಡಿ ವಿಶೇಷ ಪೂಜೆ ಸಲ್ಲಿಸಿದರು. ಮಸಣಿಕಮ್ಮ ದೇಗುಲ ಕುರಿತು ಹಾಡುಗಳನ್ನೂ ಅವರು ಹಾಡಿದ್ದಾರೆ.

ಎಸ್.ಜಾನಕಿ ಅವರು ಪಿರಿಯಾಪಟ್ಟಣಕ್ಕೆ ಆಗಮಿಸಿದಾಗ ಪುರಸಭೆ ಸದಸ್ಯ  ವಿನೋದ್ ಅವರ ಮನೆಯಲ್ಲಿ ಅಭಿಮಾನಿಗಳ ಬಳಗ ವತಿಯಿಂದ ಆತ್ಮೀಯವಾಗಿ ಸನ್ಮಾನಿಸಲಾಯಿತು.

ಮಸಣಿಕಮ್ಮ ದೇಗುಲದ ಭಕ್ತರೂ ಆಗಿರುವ ಜಾನಕಿ ಅವರು ಹಿಂದೆಯೇ ಇಲ್ಲಿಗೆ ಬರುವುದಾಗಿ ಹೇಳಿದ್ದರು. ಈಗ ಆಗಮಿಸಿ ವಿಶೇಷ ಪೂಜೆ ಸಲ್ಲಿಸಿದರು.

ಜಾನಕಿ ಅವರು  ಮೈಸೂರಿಗೆ ಬಂದಾಗ ಗಣಪತಿ ಸಚ್ಚಿದಾನಂದ ಆಶ್ರಮಕ್ಕೂ ಹಿಂದೆ ಭೇಟಿ ನೀಡಿದ್ದಾರೆ. ಶುಕವನಕ್ಕೆ ತೆರಳಿ ಗಿಳಿಗಳೊಂದಿಗೆ ಕೆಲ ಕ್ಷಣ ಕಳೆದಿದ್ದರು.

ಮೈಸೂರಿನಲ್ಲಿ ಅವರ ಹಲವು ಅಭಿಮಾನಿಗಳೂ ಇದ್ದಾರೆ. ಕೆಲವು ವರ್ಷದ ಹಿಂದೆ ಆತ್ಮೀಯರೊಬ್ಬರ ಮದುವೆಯೂ ಅವರು ಬಂದಿದ್ದರು.

ಮೈಸೂರು ದಸರಾದಲ್ಲಿ ಅವರು ಕಾರ್ಯಕ್ರಮ ನೀಡಿದ್ದು ಕಡಿಮೆಯೇ. ಆದರೆ ಮೈಸೂರಿನ ಮೇಲೆ ಅವರಿಗೆ ವಿಶೇಷ ಅಭಿಮಾನವಂತೂ ಇದೆ.

ಎಸ್‌ ಜಾನಕಿ ಅವರಿಗೆ ಈಗ ವಯಸ್ಸು 86. ಆದರೂ ಉತ್ಸಾಹದಿಂದಲೇ ಎಲ್ಲೆಡೆ ಬರುತ್ತಾರೆ. ಕರ್ನಾಟಕಕ್ಕೂ ಆಗಾಗ ಬರುವುದುಂಟು.

48000 ಕ್ಕೂ ಹೆಚ್ಚು ಹಾಡುಗಳನ್ನು ಜಾನಕಿ ಅವರು ಹಾಡಿದ್ದಾರೆ. ಕನ್ನಡ, ತಮಿಳು, ತೆಲುಗು ಸೇರಿ ಹತ್ತಕ್ಕೂ ಹೆಚ್ಚು ಗೀತೆ ಹಾಡಿದ್ದಾರೆ. ಮಾಧುರ್ಯಕ್ಕೆ ಅವರು ಹೆಸರುವಾಸಿ.