ನಿರಂತರ ಸುರಿಯುತ್ತಿರುವ ಮಳೆಯಿಂದಾಗಿ ಬಟ್ಟೆ ಒಣಗ್ತಾ ಇಲ್ವಾ? ಬೇಗ ಬಟ್ಟೆ ಒಣಗಬೇಕು ಅಂದ್ರೆ ಈ ಸಿಂಪಲ್‌ ಟ್ರಿಕ್ಸ್‌ ಫಾಲೋ ಮಾಡಿ
- ಮುಂಗಾರು ಮಳೆಯ ಅರ್ಭಟ ಎಲ್ಲೆಡೆ ಜೋರಾಗಿದೆ. ನಿರಂತರವಾಗಿ ಮಳೆ ಸುರಿಯುತ್ತಿದ್ದು, ಹಲವು ಅಪಾಯಗಳನ್ನು ತಂದೊಡ್ಡಿದೆ. ಈ ನಡುವೆ ಮಳೆರಾಯ ದಿಸೆಯಿಂದ ಬಟ್ಟೆ ಒಣಗಿಸುವುದು ಕಷ್ಟವಾಗಿದೆ. ಈ ಮಳೆಯಲ್ಲಿ ಬಟ್ಟೆ ಒಣಗೋದು ಹೇಗಪ್ಪಾ ಅಂತ ಚಿಂತೆ ಮಾಡೋರಿಗಾಗಿ ಬೇಗ ಬಟ್ಟೆ ಒಣಗುವಂತೆ ಮಾಡಲು ಇಲ್ಲಿದೆ ಒಂದಿಷ್ಟು ಟಿಪ್ಸ್‌.
- ಮುಂಗಾರು ಮಳೆಯ ಅರ್ಭಟ ಎಲ್ಲೆಡೆ ಜೋರಾಗಿದೆ. ನಿರಂತರವಾಗಿ ಮಳೆ ಸುರಿಯುತ್ತಿದ್ದು, ಹಲವು ಅಪಾಯಗಳನ್ನು ತಂದೊಡ್ಡಿದೆ. ಈ ನಡುವೆ ಮಳೆರಾಯ ದಿಸೆಯಿಂದ ಬಟ್ಟೆ ಒಣಗಿಸುವುದು ಕಷ್ಟವಾಗಿದೆ. ಈ ಮಳೆಯಲ್ಲಿ ಬಟ್ಟೆ ಒಣಗೋದು ಹೇಗಪ್ಪಾ ಅಂತ ಚಿಂತೆ ಮಾಡೋರಿಗಾಗಿ ಬೇಗ ಬಟ್ಟೆ ಒಣಗುವಂತೆ ಮಾಡಲು ಇಲ್ಲಿದೆ ಒಂದಿಷ್ಟು ಟಿಪ್ಸ್‌.
(1 / 11)
ಎಡಬಿಡದೆ ಸುರಿಯುತ್ತಿರುವ ಮಳೆಯಿಂದಾಗಿ ಹಲವು ಕೆಲಸ-ಕಾರ್ಯಗಳಿಗೆ ಅಡ್ಡಿಯಾಗುತ್ತಿದೆ. ಕೆಲವೆಡೆ ಸೂರ್ಯನ ಬೆಳಕು ಕಾಣದೇ ಹಲವು ದಿನಗಳಾಗಿರುವ ಕಾರಣ ಬಟ್ಟೆ ಒಣಗಿಸುವುದು ಹರಸಾಹಸವಾಗಿದೆ. ಮಳೆಗಾಲದಲ್ಲಿ ಬೇಗ ಬಟ್ಟೆ ಒಣಗಬೇಕು ಅಂದ್ರೆ ಏನ್‌ ಮಾಡ್ಬೇಕು ಅನ್ನೋ ಪ್ರಶ್ನೆ ಕೇಳೋರ ಲಿಸ್ಟ್‌ನಲ್ಲಿ ನೀವು ಇದ್ರೆ ನಿಮಗಾಗಿ ಇಲ್ಲಿದೆ ಒಂದಿಷ್ಟು ಐಡಿಯಾಗಳು.
(2 / 11)
ಬಟ್ಟೆ ಚೆನ್ನಾಗಿ ಹಾಗೂ ವೇಗ ಒಣಗಬೇಕು ಅಂದ್ರೆ ನೀರಿನಾಂಶ ಕಡಿಮೆ ಇರಬೇಕು. ಹಾಗಾಗಿ ಒಣಗಿಸುವ ಮುನ್ನ ಚೆನ್ನಾಗಿ ಹಿಂಡಿ. ನೀರಿನಾಂಶ ಇಲ್ಲದಂತೆ ಎರಡು, ಮೂರು ಬಾರಿ ಹಿಂಡಿದ ನಂತರವಷ್ಟೇ ಒಣಗಲು ಹಾಕಿ.
(3 / 11)
ಫ್ಯಾನ್‌ ಅಥವಾ ಹೀಟರ್‌ ಇರುವಲ್ಲಿ ಒಣ ಹಾಕುವುದರಿಂದ ಕೂಡ ಬಟ್ಟೆ ಬೇಗ ಒಣಗುತ್ತದೆ. ಸ್ಟ್ಯಾಂಡ್‌ನಲ್ಲಿ ತೆಳುವಾಗಿ ಬಟ್ಟೆ ಹರಡಿ, ಇದನ್ನು ಫ್ಯಾನ್‌ ಅಡಿಯಲ್ಲಿ ಒಣಗಲು ಬಿಡಿ. ಸಾಮಾನ್ಯವಾಗಿ ಭಾರತದಲ್ಲಿ ಹೀಟರ್‌ಗಳ ಬಳಕೆ ಕಡಿಮೆ ಇರುವ ಕಾರಣ ಫ್ಯಾನ್‌ ಕೆಳಗೆ ಒಣಗಿಸಬಹುದು.
(4 / 11)
ಬಟ್ಟೆ ಬೇಗ ಒಣಗಿಸಲು ನೀವು ಹೇರ್‌ ಡ್ರೈಯರ್‌ ಅನ್ನು ಕೂಡ ಬಳಸಬಹುದು. ಹೇರ್‌ ಡ್ರೈಯರ್‌ ಮೂಲಕ ಬಿಸಿಗಾಳಿ ಹರಿಸುವುದರಿಂದ ಕೂಡ ಬಟ್ಟೆ ಬೇಗ ಒಣಗುತ್ತದೆ. ಇದು ಸರಳ ವಿಧಾನ ಕೂಡ ಒಂದು. ಆದರೆ ದಪ್ಪಗಿನ ಬಟ್ಟೆ ಇದರಿಂದ ಒಣಗುವುದಿಲ್ಲ, ನೆನಪಿರಲಿ.
(5 / 11)
ಅರೆ ಒಣಗಿದ ಬಟ್ಟೆಯ ಮೇಲೆ ಐರನ್‌ ಮಾಡುವುದರಿಂದ ಕೂಡ ಬೇಗ ಬಟ್ಟೆ ಒಣಗುತ್ತದೆ. ಐರನ್‌ ಮಾಡಿ ಬಟ್ಟೆಯನ್ನು ಒಣ ಹಾಕಬೇಕು. ಇದು ಪರಿಣಾಮಕಾರಿ ಮಾರ್ಗವು ಹೌದು.
(6 / 11)
ಮನೆಯ ಒಳಗಡೆ ಒಣಗಿಸುವುದು ಬಹಳ ಮುಖ್ಯ. ಮಳೆಗಾಲದಲ್ಲಿ ಯಾವ ಸಮಯಕ್ಕೆ ಹೇಗೆ, ಮಳೆ ಬರುತ್ತದೆ ಹೇಳಲು ಆಗುವುದಿಲ್ಲ. ಆ ಕಾರಣಕ್ಕೆ ತಪ್ಪಿಯೂ ಬಟ್ಟೆಯನ್ನು ಹೊರಗಡೆ ಹಾಕಬಾರದು. ಮನೆಯ ಒಳಗೆ ಬಟ್ಟೆ ಒಣಗಿಸುವುದು ಪ್ರಾಶಸ್ತ್ಯವಾಗಿರಬೇಕು.
(7 / 11)
ಹ್ಯಾಂಗರ್‌ ಬಳಸಿ ಬಟ್ಟೆಗಳನ್ನು ನೇತು ಹಾಕಬೇಕು. ಸ್ವಲ್ಪ ದೂರ ದೂರದಲ್ಲಿ ಬಟ್ಟೆಗಳನ್ನು ನೇತು ಹಾಕುವುದರಿಂದ ಬಟ್ಟೆಗಳು ಬೇಗನೆ ಒಣಗುತ್ತವೆ.
(8 / 11)
ಸ್ಟೀಲ್‌ ಸ್ಟ್ಯಾಂಡ್‌ಗಳಲ್ಲಿ ಬಟ್ಟೆ ಒಣಗಿಸುವುದು ಕೂಡ ಮಳೆಗಾಲಕ್ಕೆ ಹೇಳಿ ಮಾಡಿಸಿದ್ದು. ಇದರಲ್ಲಿ ತೆಳುವಾಗಿ ಬಟ್ಟೆ ಹರಡಿ ಫ್ಯಾನ್‌ ಕೆಳಗೆ ಸ್ಟ್ಯಾಂಡ್‌ ಇರಿಸುವುದರಿಂದ ಬಟ್ಟೆಗಳು ಬೇಗನೆ ಒಣಗುತ್ತವೆ.
(9 / 11)
ಡ್ರೈಯರ್‌ ಬಳಕೆಯಿಂದ ಕೂಡ ಬಟ್ಟೆ ಬೇಗ ಒಣಗುತ್ತದೆ. ನೀವು ವಾಷಿಂಗ್‌ ಮಷಿನ್‌ನಲ್ಲಿ ಬಟ್ಟೆ ಒಗೆದಿರಲಿ ಅಥವಾ ಕೈಯಿಂದ ಬಟ್ಟೆ ಒಗೆದಿರಲಿ. ಒಗೆದ ಬಟ್ಟೆಗಳನ್ನು ಡ್ರೈ ಮಾಡುವುದು ಅತಿ ಮುಖ್ಯ. ಇದರಿಂದ ನೀರೆಲ್ಲಾ ಹಿಂಡಿ ಹೋಗುವ ಕಾರಣ ಬಟ್ಟೆಗಳು ಬೇಗ ಒಣಗುತ್ತವೆ.
(10 / 11)
ಹ್ಯುಮಿಡಿಫೈರ್‌ ಬಳಕೆಯು ರೂಮಿನ ತೇವಾಂಶವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಇದು ಕೂಡ ಬಟ್ಟೆ ವೇಗವಾಗಿ ಒಣಗಲು ನೆರವಾಗುವ ತಂತ್ರವಾಗಿದೆ.
(11 / 11)
ಆಹಾರ, ಆರೋಗ್ಯ, ಫ್ಯಾಷನ್‌, ರಿಲೇಷನ್‌ಶಿಪ್‌ , ಪೇರೆಂಟಿಂಗ್‌ ಸಂಬಂಧಿಸಿದ ಲೇಖನಗಳಿಗಾಗಿ ಹಿಂದೂಸ್ತಾನ್‌ ಟೈಮ್ಸ್‌ ಕನ್ನಡ ಲೈಫ್‌ಸ್ಟೈಲ್‌ ಪುಟಕ್ಕೆ ಭೇಟಿ ನೀಡಿ
ಇತರ ಗ್ಯಾಲರಿಗಳು