ದಿಲ್ಶನ್ ಮಧುಶಂಕ ಬದಲಿಗೆ ಮುಂಬೈ ಇಂಡಿಯನ್ಸ್ ಸೇರಿಕೊಂಡ ಖಡಕ್ ಬೌಲರ್; 17 ವರ್ಷದ ಈ ಕ್ವೆನಾ ಮಫಾಕಾ ಯಾರು?
- ಇಂಡಿಯನ್ ಪ್ರೀಮಿಯರ್ ಲೀಗ್ 2024ರ ಆವೃತ್ತಿಯಲ್ಲಿ ಮುಂಬೈ ಇಂಡಿಯನ್ಸ್ ತಂಡದಲ್ಲಿ ಮತ್ತೊಂದು ಬದಲಾವಣೆ ಮಾಡಲಾಗಿದೆ. 17 ವರ್ಷದ ವೇಗಿ ಕ್ವೆನಾ ಮಫಾಕಾ ಅವರಿಗೆ ಎಂಐ ಮಣೆ ಹಾಕಿದೆ. ಹಾಗಾದರೆ ಈ ವೇಗದ ಬೌಲರ್ ಯಾರು? ಇಲ್ಲಿದೆ ವಿವರ.
- ಇಂಡಿಯನ್ ಪ್ರೀಮಿಯರ್ ಲೀಗ್ 2024ರ ಆವೃತ್ತಿಯಲ್ಲಿ ಮುಂಬೈ ಇಂಡಿಯನ್ಸ್ ತಂಡದಲ್ಲಿ ಮತ್ತೊಂದು ಬದಲಾವಣೆ ಮಾಡಲಾಗಿದೆ. 17 ವರ್ಷದ ವೇಗಿ ಕ್ವೆನಾ ಮಫಾಕಾ ಅವರಿಗೆ ಎಂಐ ಮಣೆ ಹಾಕಿದೆ. ಹಾಗಾದರೆ ಈ ವೇಗದ ಬೌಲರ್ ಯಾರು? ಇಲ್ಲಿದೆ ವಿವರ.
(1 / 5)
17ನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ ಆರಂಭಕ್ಕೂ ಮುನ್ನ ದಕ್ಷಿಣ ಆಫ್ರಿಕಾದ ಯುವ ವೇಗಿ ಕ್ವೆನಾ ಮಫಾಕಾ ಅವರನ್ನು ಮುಂಬೈ ಇಂಡಿಯನ್ಸ್ ಫ್ರಾಂಚೈಸಿ ಆಯ್ಕೆ ಮಾಡಿದೆ. ಅಂಡರ್-19 ವಿಶ್ವಕಪ್ನಲ್ಲಿ ಅದ್ಭುತವಾಗಿ ಬೌಲಿಂಗ್ ಮಾಡಿದ್ದರು ಈ 17 ವರ್ಷದ ವೇಗದ ಬೌಲರ್. ಅವರು 140 ಕಿಲೋ ಮೀಟರ್ ವೇಗದಲ್ಲಿ ಬೌಲಿಂಗ್ ಮಾಡುತ್ತಾರೆ.(Mumbai Indians)
(2 / 5)
ಶ್ರೀಲಂಕಾದ ವೇಗಿ ದಿಲ್ಶಾನ್ ಮಧುಶಂಕ ಅವರು ಗಾಯದ ಸಮಸ್ಯೆಗೆ ಒಳಗಾಗಿದ್ದಾರೆ. ಹಾಗಾಗಿ ಈ ಋತುವಿನಲ್ಲಿ ಮುಂಬೈ ಇಂಡಿಯನ್ಸ್ ತಂಡದಿಂದ ಹೊರಗುಳಿದಿದ್ದಾರೆ. ಇದೀಗ ಮಧುಶಂಕ ಬದಲಿಗೆ ಮಫಾಕಾ ಅವರನ್ನು ಮುಂಬೈ ಆಯ್ಕೆ ಮಾಡಿದೆ, ಮಧುಶಂಕ ಅವರು 4.60 ಕೋಟಿಗೆ ಸೇಲ್ ಆಗಿದ್ದರು.(AFP)
(3 / 5)
ಇದೇ ವರ್ಷ ಸೌತ್ ಆಫ್ರಿಕಾದಲ್ಲಿ ನಡೆದ ಅಂಡರ್-19 ವಿಶ್ವಕಪ್ನಲ್ಲಿ ಕ್ವಿನಾ ಮಫಾಕಾ ಅದ್ಭುತವಾಗಿ ಬೌಲಿಂಗ್ ಮಾಡಿದ್ದರು. 6 ಪಂದ್ಯಗಳಲ್ಲಿ 21 ವಿಕೆಟ್ ಉರುಳಿಸಿದ್ದರು. ಅಂಡರ್ 19 ವಿಶ್ವಕಪ್ ಆವೃತ್ತಿಯಲ್ಲಿ ಹೆಚ್ಚು ವಿಕೆಟ್ ಪಡೆದ ಬೌಲರ್ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದರು.(ICC)
(4 / 5)
ಅಂಡರ್-19 ವಿಶ್ವಕಪ್ ಟೂರ್ನಿಯಲ್ಲಿ ವಿಶೇಷವಾಗಿ ಡೆತ್ ಓವರ್ಗಳಲ್ಲಿ ಕ್ವಿನ್ನಾ ಮಫಾಕಾ ಅವರ ಬೌಲಿಂಗ್ ಹೆಚ್ಚು ಗಮನ ಸೆಳೆಯಿತು. ಯಾರ್ಕರ್ಗಳೊಂದಿಗೆ ಎದುರಾಳಿ ಆಟಗಾರರಿಗೆ ನಡುಕ ಹುಟ್ಟಿಸಿದ್ದರು. ದಕ್ಷಿಣ ಆಫ್ರಿಕಾದ ಅನ್ಕ್ಯಾಪ್ಡ್ ವೇಗದ ಬೌಲರ್ ಅನ್ನು ಮುಂಬೈ ಫ್ರಾಂಚೈಸಿ 50 ಲಕ್ಷ ರೂ.ಗಳ ಮೂಲ ಬೆಲೆಗೆ ಖರೀದಿಸಿದೆ.
(5 / 5)
2024ರ ಐಪಿಎಲ್ ಟೂರ್ನಿ ಮಾರ್ಚ್ 22ರಿಂದ ಆರಂಭವಾಗಲಿದೆ. ಮುಂಬೈ ತಂಡ ಮಾರ್ಚ್ 23ರಂದು ಗುಜರಾತ್ ಟೈಟಾನ್ಸ್ ವಿರುದ್ಧ ತನ್ನ ಮೊದಲ ಪಂದ್ಯವನ್ನಾಡಲಿದೆ. ಈ ಋತುವಿನಲ್ಲಿ ರೋಹಿತ್ ಶರ್ಮಾ ಅವರನ್ನು ನಾಯಕತ್ವದಿಂದ ಕೈಬಿಡಲಾಗಿದ್ದು, ಹಾರ್ದಿಕ್ ಪಾಂಡ್ಯ ಅವರಿಗೆ ಜವಾಬ್ದಾರಿ ನೀಡಲಾಗಿದೆ. (PTI)
ಇತರ ಗ್ಯಾಲರಿಗಳು