ಕನ್ನಡ ಸುದ್ದಿ / ಫೋಟೋ ಗ್ಯಾಲರಿ / Mysuru Rains: ಮೈಸೂರಲ್ಲಿ ಮುಂಗಾರು ಮಳೆಯ ನೋಟದ ನಡುವೆ ಮೋಡಗಳ ಓಟ Photos

Mysuru Rains: ಮೈಸೂರಲ್ಲಿ ಮುಂಗಾರು ಮಳೆಯ ನೋಟದ ನಡುವೆ ಮೋಡಗಳ ಓಟ photos

Mysuru weather ಮೈಸೂರಿನಲ್ಲಿ ಮಳೆಯ ನೋಟ ಚೆನ್ನಾಗಿದೆ. ಈಗಾಗಲೇ ಕೆಲ ದಿನಗಳಿಂದ ಮಳೆ ಸುರಿಯುತ್ತಿದ್ದು, ಮುಂಗಾರು ಪ್ರವೇಶದ ಮುನ್ಸೂಚನೆ ಸಿಕ್ಕಿದೆ. ಇದರ ನಡುವೆ ಮೋಡಗಳ ಓಟದ ಚಿತ್ರಣವೂ ಮಧ್ಯಾಹ್ನದ ನಂತರ ಗಮನ ಸೆಳೆಯುತ್ತದೆ.
ಚಿತ್ರಗಳು: ರವಿಕೀರ್ತಿಗೌಡ, ಅವಿನಾಶ್‌ ದಮ್ನಳ್ಳಿ

(1 / 6)

ಮೈಸೂರಿನ ಚಾಮುಂಡಿಬೆಟ್ಟದ ಸುತ್ತಲೂ ಮಧ್ಯಾಹ್ನವಾಗುತ್ತಲೇ ಮೋಡಗಳು ಕವಿಯ ತೊಡಗುತ್ತವೆ. ಕೆಲವೇ ಹೊತ್ತಿನಲ್ಲಿ ಬಿಳಿ ನೊರೆಯ ಮೋಡಗಳೆಲ್ಲಾ ಕಪ್ಪಾಗಿಯೇ ಬಿಡುತ್ತವೆ.

(2 / 6)

ಕೆಲವೇ ಹೊತ್ತಿನಲ್ಲಿ ಚಾಮುಂಡಿಬೆಟ್ಟದ ಸುತ್ತಮುತ್ತಲಿನ ಪ್ರದೇಶದಲ್ಲಿ ಮೋಡ ಮುಸುಕಿದ ವಾತಾವರಣ. ಭಾರೀ ಮಳೆ ಸುರಿಯುವ ಮುನ್ಸೂಚನೆ.

(3 / 6)

ಮಳೆ ಬರುವ ಮುನ್ನ ಮೋಡಗಳ ಓಡಾಟವನ್ನು ನೋಡುವುದೇ ಚಂದ. ಲಗುಬಗೆಯಲ್ಲಿ ಓಡುವ ಮೋಡಗಳು ಕೆಲ ಹೊತ್ತು ನಿಂತೇ ಬಿಡುತ್ತವೆ.

(4 / 6)

ಮುಂದೆ ಮಳೆಯ ಕಾಲ. ಮೈಸೂರಿನ ರಾಮಕೃಷ್ಣನಗರದ ರಾಮಕೃಷ್ಣ ಪರಮಹಂಸ ವೃತ್ತದ ಸುತ್ತಲೂ ಮೋಡಗಳ ನರ್ತನ ಹಾಗೂ ಮಳೆಯೋ ಮಳೆ.

(5 / 6)

ಮೈಸೂರಿನ ಹಲವು ಬಡಾವಣೆಗಳಲ್ಲಿ ಮೋಡಗಳ ಮಿಲನದ ನಂತರ ಎಡಬಿಡದೇ ಸುರಿವ ಮಳೆಯ ಸಮಯ, ಸಂಜೆಯ ರಾಗಕೆ ಬಾನು ಕೆಂಪಾಗಿದೆ ಅಲ್ಲಲ್ಲ. ಕಪ್ಪಾಗಿದೆ ಎನ್ನುವ ಹಾಡಿನ ಅನುರಣನ.

(6 / 6)

ಮೈಸೂರಿನಲ್ಲಿ ಸಂಜೆಯಾಗುತ್ತಲೇ ಬೀಳುವ ಮಳೆಯ ಖುಷಿಯೇ ಬೇರೆ. ರಸ್ತೆಗಳಲ್ಲಿ ನೋಡಿದರೆ ಮೈಸೂರಿನ ಅದೆಷ್ಟೋ ಪ್ರಮುಖ ವೃತ್ತಗಳು ಮಳೆಯ ನೀರಿನಲ್ಲಿ ಮಿಂಚ ತೊಡಗುತ್ತವೆ.

ಇತರ ಗ್ಯಾಲರಿಗಳು