Malikappuram OTT: ಅತ್ಯುತ್ತಮ ಬಾಲನಟ ರಾಷ್ಟ್ರೀಯ ಸಿನಿಮಾ ಪ್ರಶಸ್ತಿ ಪಡೆದ ಬಾಲಕ ಶ್ರೀಪತ್ ಯಾರು? ಮಾಳಿಗಪುರಂ ಸಿನಿಮಾ ನೆನಪಿದೆಯೇ
- 70th National Film Awards: ಮಾಳಿಗಪುರಂ ಸೇರಿದಂತೆ ಹಲವು ಮಲಯಾಳಂ ಸಿನಿಮಾಗಳಲ್ಲಿ ನಟಿಸಿರುವ ಬಾಲನಟ ಶ್ರೀಪಾತ್ಗೆ ರಾಷ್ಟ್ರೀಯ ಸಿನಿಮಾ ಪ್ರಶಸ್ತಿ ದೊರಕಿದೆ. ಶ್ರೀಪತ್ ಮತ್ತು ಈತ ನಟಿಸಿರುವ ಸಿನಿಮಾಗಳನ್ನು ನೆನಪಿಸಿಕೊಳ್ಳೋಣ.
- 70th National Film Awards: ಮಾಳಿಗಪುರಂ ಸೇರಿದಂತೆ ಹಲವು ಮಲಯಾಳಂ ಸಿನಿಮಾಗಳಲ್ಲಿ ನಟಿಸಿರುವ ಬಾಲನಟ ಶ್ರೀಪಾತ್ಗೆ ರಾಷ್ಟ್ರೀಯ ಸಿನಿಮಾ ಪ್ರಶಸ್ತಿ ದೊರಕಿದೆ. ಶ್ರೀಪತ್ ಮತ್ತು ಈತ ನಟಿಸಿರುವ ಸಿನಿಮಾಗಳನ್ನು ನೆನಪಿಸಿಕೊಳ್ಳೋಣ.
(1 / 7)
National Film Awards 2024: ರಾಷ್ಟ್ರೀಯ ಸಿನಿಮಾ ಪ್ರಶಸ್ತಿ ಪಡೆಯುವುದು ಸಿನಿಮಾ ಕಲಾವಿದರ ದೊಡ್ಡ ಕನಸು. ಅಪರೂಪಕ್ಕೆ ಇಂತಹ ದೊಡ್ಡ ಪ್ರಶಸ್ತಿ ಮಕ್ಕಳಿಗೂ ದೊರಕುವುದುಂಟು. 70ನೇ ರಾಷ್ಟ್ರೀಯ ಸಿನಿಮಾ ಪ್ರಶಸ್ತಿ ಪ್ರಕಟವಾಗಿದ್ದು, ಈ ಸಮಯದಲ್ಲಿ ಶ್ರೀಪತ್ ಎಂಬ ಬಾಲಕ ಅತ್ಯುತ್ತಮ ಬಾಲನಟ ಪ್ರಶಸ್ತಿಗೆ (Best Child Artist) ಭಾಜನನಾಗಿದ್ದಾನೆ. ಈತ ನಟಿಸಿರುವ ಮಾಳಿಗಪುರಂ ಸಿನಿಮಾ ಡಿಸ್ನಿ ಪ್ಲಸ್ ಹಾಟ್ಸ್ಟಾರ್ನಲ್ಲಿದ್ದು, ಒಟಿಟಿ ಸಿನಿಮಾ ಪ್ರಿಯರು ನೋಡಬಹುದು.
(2 / 7)
ಶ್ರೀಪತ್ ಹಲವು ಮಲಯಾಳಂ ಸಿನಿಮಾಗಳಲ್ಲಿ ನಟಿಸಿದ್ದಾನೆ. ಅವುಗಳಲ್ಲಿ ಗಮನ ಸೆಳೆಯುವುದು ಮಾಳಿಗಪುರಂ. ಬಾಲಕಿಯೊಬ್ಬಳಿಗೆ ಶಬರಿಮಲೆಗೆ ಹೋಗಿ ಅಯ್ಯಪ್ಪ ಸ್ವಾಮಿಯ ದರ್ಶನ ಮಾಡಬೇಕೆಂದು ಕನಸು. ಆಕೆ ಮತ್ತು ಆಕೆಯ ಗೆಳೆಯ ಜತೆಯಾಗಿ ಈ ಯಾತ್ರೆ ಕೈಗೊಳ್ಳುತ್ತಾರೆ.
(3 / 7)
ಉಣ್ಣಿ ಮುಕುಂದನ್ ಪ್ರಮುಖ ಪಾತ್ರದಲ್ಲಿ ನಟಿಸಿರುವ ಮಾಳಿಗಪುರಂ ಸಿನಿಮಾದಲ್ಲಿ ಶ್ರೀಪಾತ್ ಬಾಲನಟನಾಗಿ ನಟಿಸಿದ್ದಾನೆ. ಇದೀಗ ಈತನ ನಟನೆಗೆ ರಾಷ್ಟ್ರೀಯ ಸಿನಿಮಾ ಪ್ರಶಸ್ತಿ ದೊರಕಿದೆ. ಮಾಲಿಗಪುರಂನಲ್ಲಿ ಮಕ್ಕಳಾಗಿ ದೇವಾನಂದ ಮತ್ತು ಶ್ರೀಪತ್ ನಟಿಸಿದ್ದರು.
(4 / 7)
ಕಣ್ಣೂರಿನ ರಾಜೇಶ್ ಮತ್ತು ರಸ್ನಾ ಎಂಬ ಶಿಕ್ಷಕ ದಂಪತಿಯ ಪುತ್ರನಾದ ಶ್ರೀಪತ್ ಈಗ ಐದನೇ ತರಗತಿ ವಿದ್ಯಾರ್ಥಿ. ಟಿಕ್ ಟಾಕ್ ವಿಡಿಯೋ ಮೂಲಕ ಗಮನ ಸೆಳೆದಿದ್ದ ಶ್ರೀಪತ್, ಮ್ಯೂಸಿಕ್ ಆಲ್ಬಂ ಮತ್ತು ಸಾಕ್ಷ್ಯಚಿತ್ರದಲ್ಲಿ ನಟಿಸುವ ಮೂಲಕ ಚಿತ್ರರಂಗಕ್ಕೆ ಪದಾರ್ಪಣೆ ಮಾಡಿದ್ದ.
(5 / 7)
ಕುಮಾರಿ ಸಿನಿಮಾದಲ್ಲಿ ಚೋಕನ್ ಪಾತ್ರವನ್ನು ನಿರ್ವಹಿಸಿದ ನಂತರ, ಮಲ್ಲಿಕಾಪುರಂನಲ್ಲಿ ಪಿಯುಶುನ್ನಿಯಾಗಿ ಮಾರ್ಪಟ್ಟ ಶ್ರೀಪತ್ ತಮ್ಮ ಹಾಸ್ಯಮಯ ದೇಹ ಭಾಷೆ ಮತ್ತು ಸಂಭಾಷಣೆಗಳಿಂದ ಪ್ರೇಕ್ಷಕರ ಗಮನ ಸೆಳೆದಿದ್ದನು.
(6 / 7)
ಕೇರಳದ ಕಣ್ಣೂರಿನ ಈ ಬಾಲಕ ಮಾಳಿಗಪುರಂ ಮಾತ್ರವಲ್ಲದೆ ಕುಮಾರಿ, ಇಬ್ಲಿಸ್, ಸುಮತಿ ವಲವು ಸಿನಿಮಾಗಳಲ್ಲಿಯೂ ನಟಿಸಿದ್ದಾನೆ. ಮಲ್ಲಿಗಪುರುಂ ಸಿನಿಮಾವು ಡಿಸ್ನಿ ಪ್ಲಸ್ ಹಾಟ್ಸ್ಟಾರ್ನಲ್ಲಿ ಕಳೆದ ವರ್ಷ ಫೆಬ್ರವರಿಯಲ್ಲಿ ರಿಲೀಸ್ ಆಗಿತ್ತು.
(7 / 7)
ಅಂದಹಾಗೆ ರಾಷ್ಟ್ರೀಯ ಸಿನಿಮಾ ಪ್ರಶಸ್ತಿಯನ್ನು ಕನ್ನಡದ ಕಾಂತಾರ ನಟ ರಿಷಬ್ ಶೆಟ್ಟಿಗೂ ಪ್ರಶಸ್ತಿ ದೊರಕಿದೆ. ಯಶ್ ನಟನೆಯ ಕೆಜಿಎಫ್ ಚಾಪ್ಟರ್ 2ಗೆ ಎರಡು ರಾಷ್ಟ್ರೀಯ ಸಿನಿಮಾ ಪ್ರಶಸ್ತಿಗಳು ದೊರಕಿವೆ. ರಾಷ್ಟ್ರೀಯ ಸಿನಿಮಾ ಪ್ರಶಸ್ತಿಯ ಸಮಗ್ರ ಅಪ್ಡೇಟ್ ಹಿಂದೂಸ್ತಾನ್ ಟೈಮ್ಸ್ ಕನ್ನಡದ ಮನರಂಜನೆ ವಿಭಾಗದಲ್ಲಿದ್ದು, ಆಸಕ್ತರು ಭೇಟಿ ನೀಡಬಹುದು.
ಇತರ ಗ್ಯಾಲರಿಗಳು