Chef Chidambara OTT: ಒಟಿಟಿಗೆ ಬಂದ ‘Chef ಚಿದಂಬರ’; ಈ ಒಟಿಟಿಯಲ್ಲಿ ಅನಿರುದ್ಧ ಜತ್ಕರ್ ಚಿತ್ರ ವೀಕ್ಷಣೆಗೆ ಲಭ್ಯ
- Chef Chidambara OTT: ನಟ ಅನಿರುದ್ದ್ ಜತ್ಕರ್ ನಾಯಕನಾಗಿ ನಟಿಸಿರುವ ಚೆಫ್‌ ಚಿದಂಬರ ಚಿತ್ರ ಜೂನ್‌ 14ರಂದು ರಾಜ್ಯಾದ್ಯಂತ ತೆರೆಗೆ ಬಂದಿತ್ತು. ಆನಂದರಾಜ್ ಎಂ ಈ ಸಿನಿಮಾ ನಿರ್ದೇಶನ ಮಾಡಿದ್ದರು. ಇದೀಗ ಇದೇ ಸಿನಿಮಾ ಒಟಿಟಿ ಅಂಗಳಕ್ಕೂ ಆಗಮಿಸಿದೆ. ಹಾಗಾದರೆ, ಯಾವ ಒಟಿಟಿಯಲ್ಲಿ ಈ ಸಿನಿಮಾ ವೀಕ್ಷಣೆ ಮಾಡಬಹುದು?
- Chef Chidambara OTT: ನಟ ಅನಿರುದ್ದ್ ಜತ್ಕರ್ ನಾಯಕನಾಗಿ ನಟಿಸಿರುವ ಚೆಫ್‌ ಚಿದಂಬರ ಚಿತ್ರ ಜೂನ್‌ 14ರಂದು ರಾಜ್ಯಾದ್ಯಂತ ತೆರೆಗೆ ಬಂದಿತ್ತು. ಆನಂದರಾಜ್ ಎಂ ಈ ಸಿನಿಮಾ ನಿರ್ದೇಶನ ಮಾಡಿದ್ದರು. ಇದೀಗ ಇದೇ ಸಿನಿಮಾ ಒಟಿಟಿ ಅಂಗಳಕ್ಕೂ ಆಗಮಿಸಿದೆ. ಹಾಗಾದರೆ, ಯಾವ ಒಟಿಟಿಯಲ್ಲಿ ಈ ಸಿನಿಮಾ ವೀಕ್ಷಣೆ ಮಾಡಬಹುದು?
(1 / 6)
ಕಳೆದ ವರ್ಷ ಜೊತೆಜೊತೆಯಲಿ ಸೀರಿಯಲ್‌ ಬಳಿಕ ಸೂರ್ಯವಂಶ ಸೀರಿಯಲ್‌ ಸಹ ಘೋಷಣೆ ಮಾಡಿ, ನಟನೆ ಆರಂಭಿಸಿದ್ದರು ನಟ ಅನಿರುದ್ಧ ಜತ್ಕರ್. ಈ ಸೀರಿಯಲ್‌ ಜತೆ ಜತೆಗೇ ಒಪ್ಪಿಕೊಂಡ ಸಿನಿಮಾ ಚೆಫ್‌ ಚಿದಂಬರ. ಜೂನ್‌ 14ರಂದು ಈ ಚಿತ್ರ ತೆರೆಗೆ ಬಂದಿತ್ತು.
(image\ Aniruddha Jatkar)
(2 / 6)
ವಿಮರ್ಶೆ ದೃಷ್ಟಿಯಿಂದ ಚೆಫ್‌ ಚಿದಂಬರ ಚಿತ್ರ ಮೆಚ್ಚುಗೆ ಪಡೆದಿತ್ತಾದರೂ, ಹೆಚ್ಚು ಕಾಲ ಚಿತ್ರಮಂದಿರದಲ್ಲಿ ನಿಲ್ಲಲಿಲ್ಲ. ಇದೀಗ ತಿಂಗಳ ಬಳಿಕ ಒಟಿಟಿ ಪ್ರವೇಶಿಸಿದೆ.
(3 / 6)
ಮುಗ್ಧ ಬಾಣಸಿಗ ಚಿದಂಬರ ಹೇಗೆ ಕೊಲೆಯ ಸುಳಿಗೆ ಸಿಲುಕುತ್ತಾನೆ ಅದರಿಂದ ಹೇಗೆ ಆಚೆ ಬರ್ತಾನೆ ಎಂಬುದನ್ನು ನಿರ್ದೇಶಕರು ಈ ಸಿನಿಮಾದಲ್ಲಿ ಹೇಳಿದ್ದಾರೆ. ಅಡುಗೆ ಮಾಡಿ ಬಡಿಸುವಲ್ಲಿ ಸಿದ್ಧಹಸ್ತನಾಗಿರುವ ಚಿದಂಬರನ ಮನೆಯಲ್ಲಿಯೇ ಒಂದು ಸಾವು ಘಟಿಸುತ್ತದೆ. ಆ ಸಾವಿನ ಪ್ರಕರಣದ ಬೆನ್ನು ಹತ್ತಿ ಪೊಲೀಸರೂ, ಚಿದಂಬರನ ಮನೆ ಬಾಗಿಲು ಬಡಿಯುತ್ತಾರೆ. ಆತನ ದಿಕ್ಕು ತಪ್ಪಿಸುವ ಕೆಲಸ ಮಾಡುತ್ತ, ಇನ್ನೊಂದು ಸಾವಿನ ಸುಳಿಗೆ ತನ್ನದಲ್ಲದ ತಪ್ಪಿಗೆ ಸಿಲುಕುತ್ತಾನೆ. ಇದೆಲ್ಲದರಿಂದ ಚಿದಂಬರ ಹೇಗೆ ಹೊರ ಬರ್ತಾನೆ ಎಂಬುದೇ ಸಿನಿಮಾ ಕಥೆ.
(4 / 6)
ಇದೀಗ ಚಿತ್ರಮಂದಿರದಲ್ಲಿ ನೋಡುಗರಿಂದ ಮೆಚ್ಚುಗೆ ಪಡೆದ ಚೆಫ್‌ ಚಿದಂಬರ ಸಿನಿಮಾ, ಅಮೆಜಾನ್‌ ಪ್ರೈಮ್‌ ಒಟಿಟಿಯಲ್ಲಿ ಇಂದಿನಿಂ (ಜುಲೈ 24) ಸ್ಟ್ರೀಮಿಂಗ್‌ ಆಗುತ್ತಿದೆ.
(5 / 6)
ಡಾರ್ಕ್‌ ಕಾಮಿಡಿ ಶೈಲಿಯಲ್ಲಿ ಮೂಡಿಬಂದಿದ್ದ ಚೆಫ್‌ ಚಿದಂಬರ ಸಿನಿಮಾದಲ್ಲಿ ಶೀರ್ಷಿಕೆ ರೋಲ್‌ ಪ್ಲೇ ಮಾಡಿದ್ದಾರೆ ನಟ ಅನಿರುದ್ಧ ಜತ್ಕರ್. ಚಿತ್ರದಲ್ಲಿ ನಿಧಿ ಸುಬ್ಬಯ್ಯ, ರಚೆಲ್‌ ಡೇವಿಡ್‌, ಶರತ್‌ ಲೋಹಿತಾಶ್ವ, ಸಿದ್ಲಿಂಗು ಶ್ರೀಧರ್‌, ಶಿವಮಣಿ ಸೇರಿ ಇನ್ನು ಹಲವರು ನಟಿಸಿದ್ದಾರೆ.
(6 / 6)
ಚಿತ್ರಕ್ಕೆ ನಿರ್ದೇಶಕ ಆನಂದ್‌ರಾಜ್‌ ಕಥೆ ಬರೆದಿದ್ದು ಗಣೇಶ್ ಪರಶುರಾಮ್ ಚಿತ್ರಕಥೆ ಹಾಗೂ ಸಂಭಾಷಣೆ ಬರೆದಿದ್ದಾರೆ. ಉದಯಲೀಲಾ ಛಾಯಾಗ್ರಹಣ, ವಿಜೇತ್ ಚಂದ್ರ ಸಂಕಲನ, ರಿತ್ವಿಕ್ ಮುರಳಿಧರ್ ಸಂಗೀತ ನಿರ್ದೇಶನ, ಆಶಿಕ್ ಹುಸಗುಳ್ಳಿ ಡಿಐ, ನರಸಿಂಹಮೂರ್ತಿ ಸಾಹಸ ನಿರ್ದೇಶನ ಹಾಗೂ ಮಾಧುರಿ ಪರಶುರಾಮ ನೃತ್ಯ ನಿರ್ದೇಶನ 'Chef ಚಿದಂಬರ' ಸಿನಿಮಾಗಿದೆ.
ಇತರ ಗ್ಯಾಲರಿಗಳು