ಒಟಿಟಿಗೆ ಬರಲು ರೆಡಿಯಾದ ಸ್ವಾತಂತ್ರ್ಯ ವೀರ್ ಸಾವರ್ಕರ್ ಸಿನಿಮಾ; ಎಲ್ಲಿ, ಯಾವಾಗಿನಿಂದ ಸ್ಟ್ರೀಮಿಂಗ್‌ ಶುರು? ಹೀಗಿದೆ ಮಾಹಿತಿ
- ಹೇಳಿಕೊಳ್ಳುವಂಥ ಯಶಸ್ಸು ಕಾಣದ ರಣದೀಪ್ ಹೂಡಾ ನಟಿಸಿ, ನಿರ್ದೇಶಿಸಿದ ‘ಸ್ವಾತಂತ್ರ್ಯ ವೀರ್ ಸಾವರ್ಕರ್’ ಚಿತ್ರ, ಮಾರ್ಚ್ ತಿಂಗಳಲ್ಲಿ ಚಿತ್ರಮಂದಿರಕ್ಕೆ ಬಂದರೂ, ಹೆಚ್ಚು ದಿನ ನೆಲೆ ನಿಲ್ಲಲಿಲ್ಲ. ಈಗ ಇದೇ ಸಿನಿಮಾ ಸಾವರ್ಕರ್ ಜಯಂತಿ ಪ್ರಯುಕ್ತ ಒಟಿಟಿಗೆ ಆಗಮಿಸುತ್ತಿದೆ.
- ಹೇಳಿಕೊಳ್ಳುವಂಥ ಯಶಸ್ಸು ಕಾಣದ ರಣದೀಪ್ ಹೂಡಾ ನಟಿಸಿ, ನಿರ್ದೇಶಿಸಿದ ‘ಸ್ವಾತಂತ್ರ್ಯ ವೀರ್ ಸಾವರ್ಕರ್’ ಚಿತ್ರ, ಮಾರ್ಚ್ ತಿಂಗಳಲ್ಲಿ ಚಿತ್ರಮಂದಿರಕ್ಕೆ ಬಂದರೂ, ಹೆಚ್ಚು ದಿನ ನೆಲೆ ನಿಲ್ಲಲಿಲ್ಲ. ಈಗ ಇದೇ ಸಿನಿಮಾ ಸಾವರ್ಕರ್ ಜಯಂತಿ ಪ್ರಯುಕ್ತ ಒಟಿಟಿಗೆ ಆಗಮಿಸುತ್ತಿದೆ.
(1 / 6)
ಲೋಕಸಭಾ ಚುನಾವಣೆ ಘೋಷಣೆ ಬೆನ್ನಲ್ಲೇ ಚಿತ್ರಮಂದಿರಕ್ಕೆ ಬಂದಿತ್ತು ಬಾಲಿವುಡ್‌ನ ‘ಸ್ವಾತಂತ್ರ್ಯ ವೀರ್ ಸಾವರ್ಕರ್’ ಸಿನಿಮಾ. ಅಂದರೆ ಮಾರ್ಚ್ 22ರಂದು ಚಿತ್ರಮಂದಿರದಲ್ಲಿ ಈ ಚಿತ್ರ ಬಿಡುಗಡೆಯಾಗಿತ್ತು.
(2 / 6)
ಚಿತ್ರದಲ್ಲಿ ರಣದೀಪ್ ಹೂಡಾ ರಾಜಕಾರಣಿ ಮತ್ತು ಕ್ರಾಂತಿಕಾರಿ ಸ್ವಾತಂತ್ರ್ಯ ಹೋರಾಟಗಾರ ವಿನಾಯಕ ದಾಮೋದರ್ ಸಾವರ್ಕರ್ ಪಾತ್ರದಲ್ಲಿ ನೋಡುಗರನ್ನು ಸೆಳೆದಿದ್ದರು. ಬರೀ ನಟನಾಗಿ ಮಾತ್ರವಲ್ಲ, ನಿರ್ದೇಶಕರಾಗಿಯೂ ಅವರಿಗಿದು ಮೊದಲ ಸಿನಿಮಾವಾಗಿತ್ತು.
(3 / 6)
ಸಿನಿಮಾ ರಿಲೀಸ್‌ ಆಗುತ್ತಿದ್ದಂತೆ, ಇದೂ ಸಹ ಪ್ರಾಪಗಂಡ (ಪ್ರಚಾರಾಂದೋಲನ) ಚಿತ್ರ ಎಂದೇ ಬಿಂಬಿತವಾಗಿತ್ತು. ಅಷ್ಟೇನೂ ಹೈಪ್‌ ಸೃಷ್ಟಿಸದ ಈ ಚಿತ್ರ, ಸುದೀರ್ಘ ಹೋರಾಟದ ಬಳಿಕ ಚಿತ್ರಮಂದಿರಕ್ಕೆ ಬಂದಿತ್ತು. ಹಾಗೆ ಬಂದ ಈ ಸಿನಿಮಾ ಗಳಿಕೆ ವಿಚಾರದಲ್ಲಿ ಎರಡಂಕಿಯನ್ನೂ ದಾಟಲಿಲ್ಲ.
(4 / 6)
ಮೊದಲ ದಿನ ಕೇವಲ 1 ಕೋಟಿ 15 ಲಕ್ಷ ಗಳಿಕೆ ಕಂಡ ಈ ಸಿನಿಮಾ, ನೋಡುಗರಿಂದ ಮೆಚ್ಚುಗೆ ಮತ್ತು ಪಾಸಿಟಿವ್‌ ವಿಮರ್ಶೆ ಸಿಕ್ಕರೂ, ಕಲೆಕ್ಷನ್‌ ವಿಚಾರದಲ್ಲಿ ಹಿಂದುಳಿದಿತ್ತು. ಇದೀಗ ಇದೇ ಸಿನಿಮಾ ಒಟಿಟಿ ಅಂಗಳಕ್ಕೆ ಆಗಮಿಸಿದೆ.
(5 / 6)
ಇದಕ್ಕೂ ಮೊದಲು ಪ್ರಚಾರಾಂದೋಲನದ ಸಿನಿಮಾ ಎಂದೇ ಬಿಂಬಿತವಾಗಿ ಸದ್ದು ಮಾಡಿದ್ದ ದಿ ಕಾಶ್ಮೀರ್‌ ಫೈಲ್ಸ್‌ ಮತ್ತು ದಿ ಕೇರಳ ಸ್ಟೋರಿ ಬಾಕ್ಸ್‌ ಆಫೀಸ್‌ನಲ್ಲಿ ಸದ್ದು ಮಾಡಿದ್ದವು. ಆದರೆ, ‘ಸ್ವಾತಂತ್ರ್ಯ ವೀರ್ ಸಾವರ್ಕರ್’ ಸಿನಿಮಾ ಮಾತ್ರ ಆ ಸಾಲಿಗೆ ಸೇರಲಿಲ್ಲ.
(6 / 6)
ಇದೀಗ ಜೀ5 ಒಟಿಟಿಯಲ್ಲಿ ಮೇ 28ರಂದು ಸ್ವಾತಂತ್ರ್ಯ ವೀರ್ ಸಾವರ್ಕರ್ ಸಿನಿಮಾ ಸ್ಟ್ರೀಮಿಂಗ್‌ ಆರಂಭಿಸಲಿದೆ. ವಿಶೇಷ ಏನೆಂದರೆ ಮೇ 28, ವಿನಾಯಕ ದಾಮೋದರ್ ಸಾವರ್ಕರ್ ಅವರ 141ನೇ ಜಯಂತಿ. ಈ ನಿಮಿತ್ತ ಚಿತ್ರದ ಸ್ಟ್ರೀಮಿಂಗ್‌ ಮಾಡಲು ಮುಂದಾಗಿದೆ ಜೀ 5.
ಇತರ ಗ್ಯಾಲರಿಗಳು