ಐಪಿಎಲ್ನಲ್ಲಿ ನೂತನ ಇತಿಹಾಸ ನಿರ್ಮಿಸಿದ ಪಂಜಾಬ್ ಕಿಂಗ್ಸ್; ಕಡಿಮೆ ರನ್ ರಕ್ಷಿಸಿಕೊಂಡ ತಂಡಗಳ ಪಟ್ಟಿ ಇಲ್ಲಿದೆ
- ಕೇವಲ 111 ರನ್ ಗಳಿಸಿದ್ದರ ಹೊರತಾಗಿಯೂ ಕೆಕೆಆರ್ ವಿರುದ್ಧ ಪಂಜಾಬ್ ಕಿಂಗ್ಸ್ 16 ರನ್ಗಳ ಭರ್ಜರಿ ಜಯ ಸಾಧಿಸಿದೆ. ಇದು, ಐಪಿಎಲ್ ಇತಿಹಾಸದಲ್ಲಿ ಮೂರನೇ ಬಾರಿಗೆ 120ಕ್ಕಿಂತ ಕಡಿಮೆ ಸ್ಕೋರ್ ಅನ್ನು ರಕ್ಷಿಸಿಕೊಂಡ ತಂಡವಾಗಿದೆ.
- ಕೇವಲ 111 ರನ್ ಗಳಿಸಿದ್ದರ ಹೊರತಾಗಿಯೂ ಕೆಕೆಆರ್ ವಿರುದ್ಧ ಪಂಜಾಬ್ ಕಿಂಗ್ಸ್ 16 ರನ್ಗಳ ಭರ್ಜರಿ ಜಯ ಸಾಧಿಸಿದೆ. ಇದು, ಐಪಿಎಲ್ ಇತಿಹಾಸದಲ್ಲಿ ಮೂರನೇ ಬಾರಿಗೆ 120ಕ್ಕಿಂತ ಕಡಿಮೆ ಸ್ಕೋರ್ ಅನ್ನು ರಕ್ಷಿಸಿಕೊಂಡ ತಂಡವಾಗಿದೆ.
(1 / 8)
ಪಂಜಾಬ್ ಕಿಂಗ್ಸ್ ಐಪಿಎಲ್ ಇತಿಹಾಸದಲ್ಲಿ ನೂತನ ಇತಿಹಾಸ ಸೃಷ್ಟಿಸಿದೆ. ಕೆಕೆಆರ್ ವಿರುದ್ಧ 111 ರನ್ ಡಿಫೆಂಡ್ ಮಾಡಿಕೊಂಡು ಚರಿತ್ರೆ ಸೃಷ್ಟಿಸಿದೆ. ಅತ್ಯಂತ ಕಡಿಮೆ ಸ್ಕೋರನ್ನು ರಕ್ಷಿಸಿಕೊಂಡ ಐಪಿಎಲ್ನ ಮೊದಲ ತಂಡದ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ.
(Surjeet Yadav)
(2 / 8)
ಐಪಿಎಲ್ ಇತಿಹಾಸದಲ್ಲಿ ಪಂಜಾಬ್ ಕಿಂಗ್ಸ್ 120 ಕ್ಕಿಂತ ಕಡಿಮೆ ರನ್‌ಗಳನ್ನು ರಕ್ಷಿಸಿಕೊಂಡಿದ್ದು ಇದು 3ನೇ ಬಾರಿಯಾಗಿದೆ. ಐಪಿಎಲ್ 2025ರಲ್ಲಿ ಮೊದಲ ಬಾರಿಗೆ, ಒಂದು ತಂಡವು ಇಷ್ಟು ಕಡಿಮೆ ಸ್ಕೋರ್ ಅನ್ನು ರಕ್ಷಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದೆ.
(AFP)
(3 / 8)
ಮೊದಲು ಬ್ಯಾಟಿಂಗ್ ನಡೆಸಿದ ಪಂಜಾಬ್ 15.3 ಓವರ್ಗಳಲ್ಲಿ 111ಕ್ಕೆ ಆಲೌಟ್ ಆಯಿತು. ಈ ಗುರಿ ಬೆನ್ನಟ್ಟಿದ ಕೆಕೆಆರ್ 15.1 ಓವರ್ಗಳಲ್ಲಿ 95ಕ್ಕೆ ಆಲೌಟ್ ಆಗಿ 16 ರನ್ನಿಂದ ಶರಣಾಯಿತು. ಕಡಿಮೆ ಮೊತ್ತ ರಕ್ಷಿಸಿಕೊಂಡ ಟಾಪ್-5 ತಂಡಗಳ ವಿವರ ಇಂತಿದೆ.
(REUTERS)
(4 / 8)
ಪಂಜಾಬ್ ಕಿಂಗ್ಸ್ ಐಪಿಎಲ್ ಇತಿಹಾಸದಲ್ಲಿ ಅತ್ಯಂತ ಕಡಿಮೆ ಮೊತ್ತ ಕಾಯ್ದುಕೊಂಡ ದಾಖಲೆ ಜಂಟಿಯಾಗಿ ಹೊಂದಿದೆ. ಆದರೆ, ವಿಕೆಟ್ ಪತನದ ವಿಷಯದಲ್ಲಿ ಆರ್ಸಿಬಿ ನಂಬರ್ 1 ಸ್ಥಾನದಲ್ಲಿದೆ. 2013ರಲ್ಲಿ ಬೆಂಗಳೂರಿನಲ್ಲಿ ಸಿಎಸ್ಕೆ ವಿರುದ್ಧ 106 ರನ್ ಗಳಿಸಿತ್ತು. ಆದರೆ ಸಿಎಸ್ಕೆ 82 ರನ್ ಗಳಿಸಿ 24 ರನ್ಗಳಿಂದ ಶರಣಾಗಿತ್ತು. ಪಂದ್ಯಕ್ಕೆ ಮಳೆ ಅಡ್ಡಿಪಡಿಸಿತು. ಪರಿಣಾಮ ಪಂದ್ಯವನ್ನು 8-8 ಓವರ್ಗಳಿಗೆ ಇಳಿಸಲಾಗಿತ್ತು.
(5 / 8)
2015ರಲ್ಲಿ ಮೊಹಾಲಿಯಲ್ಲಿ ನಡೆದ ಪಂದ್ಯದಲ್ಲಿ ಆರ್ಸಿಬಿ ವಿರುದ್ಧ 10 ಓವರ್ಗಳಲ್ಲಿ 106 ರನ್ ಗಳಿಸಿತ್ತು. ಆದರೆ ಆರ್ಸಿಬಿ 84 ರನ್ ಗಳಿಸಿ 22 ರನ್ಗಳಿಂದ ಶರಣಾಗಿತ್ತು. ಮಳೆಯ ಕಾರಣ ತಲಾ 10 ಓವರ್ಗಳಿಗೆ ಕಡಿಮೆ ಮಾಡಲಾಗಿತ್ತು. 2009ರಲ್ಲಿ ಪಂಜಾಬ್ ಕಿಂಗ್ಸ್ 119 ರನ್ ಗಳಿಸಿ ಜಯ ಸಾಧಿಸಿತ್ತು. ಈ ರೀತಿಯಾಗಿ ಐಪಿಎಲ್ನಲ್ಲಿ 120ಕ್ಕಿಂತ ಕಡಿಮೆ ರನ್ನನ್ನು 3 ಬಾರಿ ರಕ್ಷಿಸಿಕೊಂಡ ಏಕೈಕ ತಂಡವಾಗಿದೆ.
(6 / 8)
ಆದರೆ ಐಪಿಎಲ್ನಲ್ಲಿ 20-20 ಓವರ್‌ಗಳ ಪಂದ್ಯದಲ್ಲಿ 111 ರನ್ ರಕ್ಷಿಸಿದ ಮೊದಲ ತಂಡ ಎಂಬ ಹೆಗ್ಗಳಿಕೆಗೂ ಪಂಜಾಬ್ ಕಿಂಗ್ಸ್ ಪಾತ್ರವಾಗಿದೆ. ಐಪಿಎಲ್ 2025ರಲ್ಲಿ ಮುಲ್ಲನ್‌ಪುರದಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧ ಈ ಸಾಧನೆ ಮಾಡಿದೆ. ಕೆಕೆಆರ್ ಅನ್ನು 95 ರನ್‌ಗಳಿಗೆ ಕಟ್ಟಿಹಾಕಿತು.
(REUTERS)
(7 / 8)
ಈ ಪಟ್ಟಿಯಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಕೂಡ ಸೇರಿದ್ದು, ಇದು 4ನೇ ಸ್ಥಾನದಲ್ಲಿದೆ. 2009ರಲ್ಲಿ ಪಂಜಾಬ್ ವಿರುದ್ಧ ಸಿಎಸ್ಕೆ 116 ರನ್ ರಕ್ಷಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿತ್ತು. ಈ ಪಂದ್ಯವು ಡರ್ಬನ್‌ನಲ್ಲಿ ನಡೆದಿತ್ತು. ಇದರಲ್ಲಿ ಕಿಂಗ್ಸ್ XI ಪಂಜಾಬ್ 92 ರನ್‌ಗಳಿಗೆ ಆಲೌಟ್ ಆಗಿತ್ತು.
(AFP)
(8 / 8)
ಸನ್‌ರೈಸರ್ಸ್ ಹೈದರಾಬಾದ್ ಕೂಡ 120ಕ್ಕಿಂತ ಕಡಿಮೆ ರನ್ ಉಳಿಸಿಕೊಂಡಿದೆ. ಇದು 2018ರಲ್ಲಿ ವಾಂಖೆಡೆ ಕ್ರೀಡಾಂಗಣದಲ್ಲಿ ಸಂಭವಿಸಿತ್ತು. ಎಸ್ಆರ್ಹೆಚ್ 118 ರನ್ ಗಳಿಸಿದರೂ ಗೆದ್ದಿತ್ತು. ಮುಂಬೈ ತನ್ನ ತವರು ನೆಲದಲ್ಲಿ 87 ರನ್‌ಗಳಿಗೆ ಕುಸಿದಿತ್ತು.
Prasanna Kumar PN
ಇತರ ಗ್ಯಾಲರಿಗಳು