Ramachari Serial: ಅನ್ಯಾಯವಾಗಿ ಮುಡಿ ಕೊಟ್ಟೆ ಎಂದು ಬೇಸರಿಸಿಕೊಂಡ ಚಾರು; ಬಯಲಾಯ್ತು ವೈಶಾಖಾ ನಾಟಕ

ರಾಮಾಚಾರಿ ಧಾರಾವಾಹಿಯಲ್ಲಿ ಚಾರು ಎಲ್ಲ ಸತ್ಯವನ್ನು ಅರ್ಥ ಮಾಡಿಕೊಂಡಿದ್ದಾಳೆ. ನನ್ನ ಅಂದ ಕೆಡಿಸಬೇಕು ಎಂದೇ ವೈಶಾಖಾ ಹೀಗೆ ಮಾಡಿದ್ದಾಳೆ ಎಂದು ಅವಳಿಗೆ ಅರ್ಥ ಆಗಿದೆ.

ಚಾರು ಫೋಟೋದ ಮುಂದೆ ನಿಂತುಕೊಂಡು ವೈಶಾಖಾ ಮಾತಾಡುತ್ತಾ ಇರುತ್ತಾಳೆ.. ಅದನ್ನು ಚಾರು ಕೇಳಿಸಿಕೊಂಡ ನಂತರ ಎಲ್ಲ ಸತ್ಯ ಅರ್ಥ ಆಗುತ್ತದೆ. 

“ಎಲ್ಲ ಮಾಡಿದ್ದೂ ನಾನೇ ಅವತ್ತು ದೇವಸ್ಥಾನದಲ್ಲಿ ಜೇನು ಕಚ್ಚುವಂತೆ ಮಾಡಿದ್ದು, ಉರುಳು ಸೇವೆ ಮಾಡುವಾಗ ಪಟಾಕಿ ಹಚ್ಚಿದ್ದು ಎಲ್ಲವೂ ನಾನೇ” ಎಂದು ವೈಶಾಖಾ ಹೇಳುತ್ತಿರುತ್ತಾಳೆ. 

ಆ ಎಲ್ಲ ಮಾತು ಕೇಳಿಸಿಕೊಂಡ ಚಾರು ತಾನೇ ಬದಲಾಗಬೇಕು ಮತ್ತೆ ಹಳೆ ಚಾರು ಆಗಬೇಕು ಎಂದು ಬಯಸಿ ವಿಗ್‌ ಹಾಕಿಕೊಂಡಿದ್ದಾಳೆ. 

ವೈಶಾಖಾಳಿಗೆ ತಪ್ಪು ಮಾಡಿದರೂ ಇಷ್ಟು ಸಿಟ್ಟಿದೆ ಅಂದ್ರೆ, ತಪ್ಪೇ ಮಾಡದ ನನಗೆ ಇನ್ನೆಷ್ಟು ಸಿಟ್ಟಿರಬಹುದು? ಎಂದು ಹೇಳಿಕೊಳ್ಳುತ್ತಾಳೆ. 

ಇನ್ನು ಮುಂದೆ ನಾನೇ ನನ್ನ ನಿಜ ರೂಪ ತೋರಿಸ್ತೀನಿ. ಹೊಸ ಚಾರು ಅಲ್ಲ ಇವಳಿಗೆ ಹಳೆ ಚಾರು ಹೇಗಿದ್ದಳೋ ಹಾಗೇ ಇದ್ದು ತೋರಿಸ್ತೀನಿ ಎಂದು ಅಂದುಕೊಳ್ಳುತ್ತಾಳೆ. 

ಇತ್ತ ವೈಶಾಖಾ ವೀಲ್‌ಚೇರ್‌ ಮೇಲೆ ಕುಳಿತು ಸುಸ್ತಾಗಿ ಒಂದು ಸ್ವಲ್ಪ ಸಮಯ ನಿಂತುಕೊಳ್ಳೋಣ ಎಂದು ನಿಂತುಕೊಳ್ಳುತ್ತಾಳೆ. ವ್ಯಾಯಾಮ ಮಾಡುತ್ತಾಳೆ. 

ಆದರೆ ಚಾರು ತಾನು ಮಾತನಾಡುವಾಗ ಎಲ್ಲವನ್ನೂ ಕೇಳಿಸಿಕೊಂಡಿದ್ಧಾಳೆ ಎಂಬ ಅಂದಾಜು ಕೂಡ ಅವಳಿಗಿಲ್ಲ. 

ಹೀಗೆ ಗಾರ್ಡನ್‌ ಏರಿಯಾದಲ್ಲಿ ನಿಂತುಕೊಂಡಿರುವಾಗ ಹಿಂದಿನಿಂದ ಚಾರು ಬರ್ತಾಳೆ. ಅವಳು ಬಂದ ತಕ್ಷಣ ಕಾಲಿಗೆ ಶಕ್ತಿಯೇ ಇಲ್ಲದೆ ಬಿದ್ದವರ ರೀತಿ ನೆಲಕ್ಕೆ ಬಿದ್ದು ವೈಶಾಖಾ ನಾಟಕ ಮಾಡುತ್ತಾಳೆ.