Ramachari Serial: ಮುಳ್ಳನ್ನು ಮುಳ್ಳಿನಿಂದಲೇ ತೆಗೆಯಬೇಕು ಎಂಬ ನಿರ್ಧಾರ ಮಾಡಿದ ಚಾರು; ವೈಶಾಖಾಳ ನಾಟಕ ತಂದಿಟ್ಟಿದೆ ಸಂಕಟ

ರಾಮಾಚಾರಿ ಧಾರಾವಾಹಿಯಲ್ಲಿ ಚಾರು ಎಲ್ಲರಿಗೂ ತಾನೇ ಊಟ ಬಡಿಸುತ್ತೇನೆ ಎಂದು ಹೇಳುತ್ತಾಳೆ. ನಂತರ ಎಲ್ಲರೂ ಬಂದು ಊಟಕ್ಕೆ ಕುಳಿತುಕೊಳ್ಳುತ್ತಾರೆ. 

ರಾಮಾಚಾರಿ ತನ್ನ ಕೈಯ್ಯಾರೆ ಎಲ್ಲರಿಗೂ ಅಡುಗೆ ಮಾಡಿರುತ್ತಾನೆ. ಮನೆಯವರೆಲ್ಲ ಒಟ್ಟಿಗೆ ಕೂತು ಊಟ ಮಾಡಲು ಮುಂದಾಗುತ್ತಾರೆ. 

ಆದರೆ ವೈಶಾಖಾ ನನಗೆ ನಿಮ್ಮ ರೀತಿ ಕೆಳಗಡೆ ಕೂತು ಊಟ ಮಾಡುವ ಭಾಗ್ಯವೇ ಇಲ್ಲ ಎಂದು ಬೇಸರ ಆದವರಂತೆ ನಾಟಕ ಮಾಡುತ್ತಾಳೆ. 

ಆಗ ಜಾನಕಿ ಬೇಸರ ಮಾಡಿಕೊಳ್ಳುತ್ತಾಳೆ. ಚಾರು ಸಮಾಧಾನ ಮಾಡಲು ಮುಂದಾದಾಗ, ನನಗೆ ಕೈಕೂಡ ನೊಯ್ತಾ ಇದೆ ಎಂದು ಮತ್ತೊಂದು ನಾಟಕ ಮಾಡುತ್ತಾಳೆ. 

ಆಗ ಚಾರು ತಾನೇ ಊಟ ಮಾಡಿಸುತ್ತೇನೆ ಎಂದು ಹೇಳುತ್ತಾಳೆ. ಆ ಮಾತನ್ನು ಕೇಳಿ ಮನೆಯವರು ಅವರಿಬ್ಬರ ಪ್ರೀತಿಯನ್ನು ಮೆಚ್ಚುತ್ತಾರೆ. 

ಆದರೆ ಚಾರು ಒಳಗಿಂದೊಳಗೇ ಬೇರೆ ಉಪಾಯ ಮಾಡಿರುತ್ತಾಳೆ. ವೈಶಾಖಾಳಿಗೆ ಖಾರದ ಊಟ ತಿನ್ನಿಸಿ ಅವಳು ನೀರು ಕುಡಿಯಲು ಓಡಬೇಕು ಆ ರೀತಿ ಮಾಡುವ ಆಲೋಚನೆ ಹೊಂದಿರುತ್ತಾಳೆ.

ರುಕ್ಕು ಕೂಡ ವೈಶಾಖಾಳ ಪರವಾಗಿ ನಾಟಕ ಮಾಡುತ್ತಾ ಇರುತ್ತಾಳೆ, ಆದರೆ ಅವಳು ಊಟ ಮಾಡಿಸುವುದಿಲ್ಲ. ಬದಲಾಗಿ ತಾನೇ ಊಟಕ್ಕೆ ಕುಳಿತುಕೊಳ್ಳುತ್ತಾಳೆ. 

ಚಾರು ಒಂದೊಳ್ಳೆ ಉಪಾಯ ಮಾಡಿ, ಊಟ ಮಾಡಿಸುತ್ತಾಳೆ. ಆದರೆ ಊಟದಲ್ಲಿ ಖಾರ ಹೆಚ್ಚು ಮಾಡಿರುತ್ತಾಳೆ. ವೈಶಾಖಾ ಒಂದು ತುತ್ತು ತಿಂದ ತಕ್ಷಣ “ಅಯ್ಯೋ! ಖಾರಾ” ಎಂದು ಕೂಗುತ್ತಾಳೆ. 

ಊಟಕ್ಕೆ ಕುಳಿತ ಎಲ್ಲರಿಗೂ ಗಾಬರಿಯಾಗುತ್ತದೆ. ಮುಂದೇನಾಗುತ್ತದೆ ಎಂದು ಕಾದು ನೋಡಬೇಕಿದೆ. ಅದೇ ಖಾರಕ್ಕೆ ವೈಶಾಖಾ ಎದ್ದು ನಿಂತರೂ ಆಶ್ಚರ್ಯವಿಲ್ಲ.