Rashmika Mandanna: ನನ್ನ ಯಶಸ್ಸಿಗೆ ರಕ್ಷಿತ್‌, ರಿಷಬ್‌ ಕಾರಣ..ತೆಲುಗು ಇಂಟರ್‌ವ್ಯೂನಲ್ಲಿ ರಶ್ಮಿಕಾ ಮಾತು ಕೇಳಿ ಶಾಕ್‌ ಆದ ನೆಟಿಜನ್ಸ್‌!
- Rashmika on Rishab & Rakshit: ರಶ್ಮಿಕಾ ಮಂದಣ್ಣ ತಮ್ಮ ಚೆಲುವು, ಡ್ಯಾನ್ಸ್‌, ಆಕ್ಟಿಂಗ್‌ನಿಂದ ಹೆಚ್ಚು ಫೇಮಸ್‌ ಆಗಿದ್ದಾರೋ, ವಿವಾದಗಳಿಂದ ಕೂಡಾ ಕನ್ನಡಿಗರ ಕೋಪಕ್ಕೆ ಗುರಿಯಾಗಿದ್ದಾರೆ. ಕನ್ನಡದ ಬಗ್ಗೆ ತಾತ್ಸಾರ ಮನೋಭಾವ ಇದೆ ಎಂಬ ಮಾತು ಒಂದೆಡೆಯಾದರೆ, ರಕ್ಷಿತ್‌ ಶೆಟ್ಟಿ ಜೊತೆ ಬ್ರೇಕಪ್‌ ಆಗಿದ್ದು ಮತ್ತೊಂದು ವಿಚಾರ.
- Rashmika on Rishab & Rakshit: ರಶ್ಮಿಕಾ ಮಂದಣ್ಣ ತಮ್ಮ ಚೆಲುವು, ಡ್ಯಾನ್ಸ್‌, ಆಕ್ಟಿಂಗ್‌ನಿಂದ ಹೆಚ್ಚು ಫೇಮಸ್‌ ಆಗಿದ್ದಾರೋ, ವಿವಾದಗಳಿಂದ ಕೂಡಾ ಕನ್ನಡಿಗರ ಕೋಪಕ್ಕೆ ಗುರಿಯಾಗಿದ್ದಾರೆ. ಕನ್ನಡದ ಬಗ್ಗೆ ತಾತ್ಸಾರ ಮನೋಭಾವ ಇದೆ ಎಂಬ ಮಾತು ಒಂದೆಡೆಯಾದರೆ, ರಕ್ಷಿತ್‌ ಶೆಟ್ಟಿ ಜೊತೆ ಬ್ರೇಕಪ್‌ ಆಗಿದ್ದು ಮತ್ತೊಂದು ವಿಚಾರ.
(1 / 12)
ತೆಲುಗು ಇಂಟರ್‌ವ್ಯೂನಲ್ಲಿ ರಶ್ಮಿಕಾ ಇದೀಗ ಬಹಳ ದಿನಗಳ ನಂತರ ಮೊದಲ ಬಾರಿಗೆ ರಕ್ಷಿತ್‌ ಹಾಗೂ ರಿಷಬ್‌ ಶೆಟ್ಟಿ ಇಬ್ಬರನ್ನೂ ನೆನೆಸಿಕೊಂಡಿದ್ದಾರೆ. ರಶ್ಮಿಕಾ ಮಾತು ಕೇಳಿ ಎಲ್ಲರೂ ಆಶ್ಚರ್ಯ ವ್ಯಕ್ತಪಡಿಸುತ್ತಿದ್ದಾರೆ. (PC: Rashmika Mandanna)
(2 / 12)
ರಶ್ಮಿಕಾ ಮಂದಣ್ಣ ರಿಷಬ್‌ ಶೆಟ್ಟಿ ನಿರ್ದೇಶನದ 'ಕಿರಿಕ್‌ ಪಾರ್ಟಿ' ಚಿತ್ರದ ಮೂಲಕ ಚಿತ್ರರಂಗಕ್ಕೆ ಬಂದರು. ಆ ಚಿತ್ರದಲ್ಲಿ ಅವರು ಸಾನ್ವಿ ಎಂಬ ಪಾತ್ರದಲ್ಲಿ ನಟಿಸಿದ್ದರು.
(3 / 12)
ರಕ್ಷಿತ್‌ ಶೆಟ್ಟಿಗೆ ನಾಯಕಿಯಾಗಿ ನಟಿಸಿದ ನಂತರ ರಶ್ಮಿಕಾ ಹಾಗೂ ರಕ್ಷಿತ್‌ಗೆ ಲವ್‌ ಆಗಿದೆ. ಇಬ್ಬರೂ ಅದ್ಧೂರಿಯಾಗಿ ಎಂಗೇಜ್‌ಮೆಂಟ್‌ ಕೂಡಾ ಮಾಡಿಕೊಂಡಿದ್ದರು. ಆದರೆ ರಶ್ಮಿಕಾ ಯಾವಾಗ ತೆಲುಗು ಇಂಡಸ್ಟ್ರಿಗೆ ಕಾಲಿಟ್ಟರೋ, ಆಗ ಗುಸು ಗುಸು ಶುರುವಾಯ್ತು. ಕೊನೆಗೆ ಇಬ್ಬರಿಗೂ ಬ್ರೇಕ್‌ ಅಪ್‌ ಆಯ್ತು
(4 / 12)
ಅಲ್ಲಿಂದ ಈಚೆಗೆ ರಕ್ಷಿತ್‌ ಶೆಟ್ಟಿ, ರಿಷಬ್‌ ಶೆಟ್ಟಿ ಹಾಗೂ ರಶ್ಮಿಕಾ ನಡುವೆ ಸಂಪರ್ಕವೇ ಇರಲಿಲ್ಲ. ಆದರೆ ರಶ್ಮಿಕಾ ಬೆಳವಣಿಗೆ ನೋಡಿ ಒಮ್ಮೆ ರಕ್ಷಿತ್‌ ಆಲ್‌ ದಿ ಬೆಸ್ಟ್‌ ಹೇಳಿದ್ದರು. ಈ ಮೆಸೇಜ್‌ಗೆ ರಶ್ಮಿಕಾ ಥ್ಯಾಂಕ್ಸ್‌ ಎಂದು ಕೂಡಾ ಹೇಳಿದ್ದರು.
(5 / 12)
ರಕ್ಷಿತ್‌ ಶೆಟ್ಟಿ ಜೊತೆ ಬ್ರೇಕಪ್‌ ಆಗಿದ್ದಕ್ಕೆ ಜ್ಯೋತಿಷಿ ಕಾರಣ ಎನ್ನಲಾಗಿತ್ತು. ರಕ್ಷಿತ್‌ ಶೆಟ್ಟಿ ಅವರಿಂದ ದೂರ ಬಂದರೆ ನೀನು ಕರಿಯರ್‌ನಲ್ಲಿ ಉತ್ತುಂಗ ಸ್ಥಾನಕ್ಕೆ ಏರುತ್ತೀಯ ಎಂದು ಸೆಲೆಬ್ರಿಟಿ ಜ್ಯೋತಿಷಿ ವೇಣುಸ್ವಾಮಿ ಹೇಳಿದ್ದರಿಂದ ರಶ್ಮಿಕಾ, ರಕ್ಷಿತ್‌ ಜೊತೆ ಬ್ರೇಕ್‌ ಅಪ್‌ ಮಾಡಿಕೊಂಡರಂತೆ. ಈ ವಿಚಾರವನ್ನು ಸ್ವತ: ವೇಣುಸ್ವಾಮಿ ಹೇಳಿಕೊಂಡಿದ್ದರು.
(6 / 12)
ಆ ಮಾತಿಗೆ ಸಾಕ್ಷಿ ಎಂಬಂತೆ ಬ್ರೇಕ್‌ ಅಪ್‌ ಆದ ನಂತರ ರಶ್ಮಿಕಾ ಸ್ಟಾರ್‌ ಹೀರೋಗಳ ಜೊತೆ ನಟಿಸುವ ಅವಕಾಶ ಪಡೆದರು. ತಮಿಳು ಚಿತ್ರರಂಗಕ್ಕೆ ಕೂಡಾ ಹೋದರು. ಈಗ ಬಾಲಿವುಡ್‌ನಲ್ಲಿ ಕೂಡಾ ಅವರು ಬೇಡಿಕೆಯ ನಟಿ ಎನಿಸಿಕೊಂಡಿದ್ದಾರೆ.
(7 / 12)
ಇತ್ತೀಚೆಗೆ ಹಿಂದಿ ಇಂಟರ್‌ವ್ಯೂನಲ್ಲಿ ರಶ್ಮಿಕಾ, ಕಿರಿಕ್‌ ಪಾರ್ಟಿ ಚಿತ್ರದ ಹೆಸರು ಹೇಳದೆ ಸನ್ನೆ ಮಾಡಿ, ಒಂದು ಪ್ರೊಡಕ್ಷನ್‌ ಹೌಸ್‌ನಿಂದ ನನಗೆ ಕಾಲ್‌ ಬಂದಿತ್ತು ಎಂದು ಹೇಳಿಕೊಂಡಿದ್ದರು. ಇದು, ಕನ್ನಡಿಗರ ಆಕ್ರೋಶಕ್ಕೆ ಕಾರಣವಾಗಿತ್ತು.
(8 / 12)
ರಿಷಬ್‌ ಶೆಟ್ಟಿ ಕೂಡಾ 'ಕಿರಿಕ್‌ ಪಾರ್ಟಿ' ಚಿತ್ರದ 6 ವರ್ಷಗಳನ್ನು ನೆನೆದು ಹಂಚಿಕೊಂಡಿದ್ದ ಪೋಸ್ಟ್‌ನಲ್ಲಿ ಎಲ್ಲಿಯೂ ರಶ್ಮಿಕಾ ಫೋಟೋಗಳನ್ನು ಸೇರಿಸಿರಲಿಲ್ಲ.
(9 / 12)
ಆದರೆ ಇದೀಗ ಆಶ್ಚರ್ಯ ಎಂಬಂತೆ ರಶ್ಮಿಕಾ ಮೊದಲ ಬಾರಿಗೆ ರಶ್ಮಿಕಾ ಮಂದಣ್ಣ, ರಕ್ಷಿತ್‌ ಶೆಟ್ಟಿ ಹಾಗೂ ರಿಷಬ್‌ ಶೆಟ್ಟಿ ಇಬ್ಬರನ್ನೂ ನೆನೆದಿದ್ದಾರೆ.
(10 / 12)
ತೆಲುಗಿನ ಖ್ಯಾತ ಪತ್ರಕರ್ತೆ, ಪ್ರೇಮಾ ಎಂಬುವವರು ತಮ್ಮ ಪ್ರೇಮಾ ದಿ ಜರ್ನಲಿಸ್ಟ್‌ ಎಂಬ ಯೂಟ್ಯೂಬ್‌ ಚಾನೆಲ್‌ವೊಂದರಲ್ಲಿ ರಶ್ಮಿಕಾ ಸಂದರ್ಶನ ಮಾಡಿದ್ದಾರೆ. ಮೊದಲ ಎರಡು ಸಿನಿಮಾಗಳ ಬಗ್ಗೆ ಕೇಳಿದಾಗ, ನನ್ನ ಜೀವನದಲ್ಲಿ ರಕ್ಷಿತ್‌ ಹಾಗೂ ರಿಷಬ್‌ ಶೆಟ್ಟಿ ಪ್ರಮುಖ ವ್ಯಕ್ತಿಗಳು, ಅವರಿಬ್ಬರೇ ನನಗೆ ಚಿತ್ರರಂಗಕ್ಕೆ ಬರಲು ದಾರಿ ತೋರಿಸಿದರು. ಇದನ್ನು ಪ್ರಾಮಾಣಿಕವಾಗಿ ಹೇಳುತ್ತಿದ್ದೇನೆ ಎಂದರು.
(11 / 12)
ಪುನೀತ್‌ ರಾಜ್‌ಕುಮಾರ್‌ ಜೊತೆ ನಟಿಸಿದ್ದ 'ಅಂಜನಿ ಪುತ್ರ' ಚಿತ್ರವನ್ನು ಕೂಡಾ ರಶ್ಮಿಕಾ ನೆನೆದಿದ್ದಾರೆ. ಅವರ ಜೊತೆ ನಟಿಸಿದ್ದು ನನ್ನ ಅದೃಷ್ಟ ಎಂದು ಅಪ್ಪುವನ್ನು ಕೊಂಡಾಡಿದ್ದಾರೆ.
(12 / 12)
ರಶ್ಮಿಕಾ ಇಷ್ಟು ಬದಲಾಗಿರುವುದಕ್ಕೆ ನೆಟಿಜನ್ಸ್‌ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. ಕೆಲವರು ಮತ್ತೆ ಕಾಲೆಳೆಯುತ್ತಿದ್ದಾರೆ. ನಿಮ್ಮ ಬಾಯಲ್ಲಿ ರಿಷಬ್‌ ಹಾಗೂ ರಕ್ಷಿತ್‌ ಹೆಸರು ಕೇಳಿ ನಮಗೆ ನಂಬಲು ಆಗುತ್ತಿಲ್ಲ ಎನ್ನುತ್ತಿದ್ದಾರೆ.
ಇತರ ಗ್ಯಾಲರಿಗಳು