ಟಾರ್ಗೆಟ್ 500, 400, 250, 100; ಇಂಗ್ಲೆಂಡ್ ವಿರುದ್ಧ 7 ವಿಕೆಟ್ ಪಡೆದರೆ ಅಶ್ವಿನ್ ಹೆಸರಿಗೆ ಹಲವು ಮೈಲಿಗಲ್ಲು
- Ravichandran Ashwin : ಭಾರತ ತಂಡದ ಸ್ಪಿನ್ನರ್ ರವಿಚಂದ್ರನ್ ಅಶ್ವಿನ್ ಇಂಗ್ಲೆಂಡ್ ವಿರುದ್ಧದ ಎರಡನೇ ಟೆಸ್ಟ್ ಪಂದ್ಯದಲ್ಲಿ 7 ವಿಕೆಟ್ ಪಡೆದರೆ 500 ವಿಕೆಟ್ಗಳ ಕ್ಲಬ್ ಸೇರುವುದರ ಜೊತೆಗೆ ಹಲವು ಮೈಲಿಗಲ್ಲನ್ನು ತಲುಪಲಿದ್ದಾರೆ.
- Ravichandran Ashwin : ಭಾರತ ತಂಡದ ಸ್ಪಿನ್ನರ್ ರವಿಚಂದ್ರನ್ ಅಶ್ವಿನ್ ಇಂಗ್ಲೆಂಡ್ ವಿರುದ್ಧದ ಎರಡನೇ ಟೆಸ್ಟ್ ಪಂದ್ಯದಲ್ಲಿ 7 ವಿಕೆಟ್ ಪಡೆದರೆ 500 ವಿಕೆಟ್ಗಳ ಕ್ಲಬ್ ಸೇರುವುದರ ಜೊತೆಗೆ ಹಲವು ಮೈಲಿಗಲ್ಲನ್ನು ತಲುಪಲಿದ್ದಾರೆ.
(1 / 9)
ವಿಶಾಖಪಟ್ಟಣಂನಲ್ಲಿ ನಡೆಯುತ್ತಿರುವ ಇಂಗ್ಲೆಂಡ್ ವಿರುದ್ಧದ ಸರಣಿಯ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಗೆದ್ದು ತಿರುಗೇಟು ನೀಡುವ ಲೆಕ್ಕಾಚಾರದಲ್ಲಿದೆ. ಆದರೆ ಭಾರತದ ಪ್ರದರ್ಶನದ ಹೊರತಾಗಿ, ಎಲ್ಲರ ಕಣ್ಣುಗಳು ಸ್ಟಾರ್ ಆಫ್ ಸ್ಪಿನ್ನರ್ ರವಿಚಂದ್ರನ್ ಅಶ್ವಿನ್ ಮೇಲೆ ಬಿದ್ದಿವೆ.
(2 / 9)
96 ಟೆಸ್ಟ್ ಪಂದ್ಯಗಳಲ್ಲಿ 496 ವಿಕೆಟ್ ಉರುಳಿಸಿರುವ ಭಾರತದ ಹಿರಿಯ ಸ್ಪಿನ್ನರ್, ಈಗ ಹೊಸ ಇತಿಹಾಸ ನಿರ್ಮಿಸಲು ಸಜ್ಜಾಗಿದ್ದಾರೆ. ನಾಲ್ಕು ವಿಕೆಟ್ ಪಡೆದರೆ, ದೀರ್ಘ ಸ್ವರೂಪದ ಕ್ರಿಕೆಟ್ನಲ್ಲಿ 500 ವಿಕೆಟ್ಗಳ ಕ್ಲಬ್‌ಗೆ ಪ್ರವೇಶಿಸಿದ ಭಾರತದ 2ನೇ ಬೌಲರ್ ಆಗಲಿದ್ದಾರೆ.
(3 / 9)
ಹಲವು ವರ್ಷಗಳಿಂದ ಭಾರತ ಟೆಸ್ಟ್ ತಂಡದ ಆಧಾರಸ್ತಂಭ ಅಶ್ವಿನ್, ಅತ್ಯಂತ ಯಶಸ್ವಿ ಬೌಲರ್‌ಗಳಲ್ಲಿ ಒಬ್ಬರಾಗಿದ್ದಾರೆ. ಅನುಭವಿ ಆಫ್ ಸ್ಪಿನ್ನರ್ 500 ಟೆಸ್ಟ್ ವಿಕೆಟ್ ಮೈಲಿಗಲ್ಲಿನ ತುದಿಯಲ್ಲಿ ನಿಂತಿರುವ ಅಶ್ವಿನ್, ಎರಡನೇ ಟೆಸ್ಟ್ನಲ್ಲೇ ಈ ಸಾಧನೆ ಮಾಡಲು ಸಜ್ಜಾಗಿದ್ದಾರೆ. ಈ ಪಂದ್ಯದಲ್ಲಿ 7 ವಿಕೆಟ್ ಪಡೆದರೆ ಹಲವು ಮೈಲಿಗಲ್ಲು ತಲುಪಲಿದ್ದಾರೆ.
(4 / 9)
ಈ ಮೈಲಿಗಲ್ಲು ಮುಟ್ಟಿದ ಎರಡನೇ ಭಾರತೀಯ ಬೌಲರ್ ಆಗಿ ಅನಿಲ್ ಕುಂಬ್ಳೆ ಅವರ ಸಾಲಿಗೆ ಸೇರುತ್ತಾರೆ. ಅಲ್ಲದೆ, ಕ್ರಿಕೆಟ್ ಇತಿಹಾಸದಲ್ಲಿ 5ನೇ ಸ್ಪಿನ್ನರ್ ಆಗಿ ಈ ಸಾಧನೆ ಮಾಡಲಿದ್ದಾರೆ. ಇದಕ್ಕೂ ಮುನ್ನ ಮುತ್ತಯ್ಯ ಮುರಳೀಧರನ್ (ಶ್ರೀಲಂಕಾ) 800 ವಿಕೆಟ್ ಪಡೆದಿದ್ದರು.
(5 / 9)
ಅಲ್ಲದೆ, ಶೇನ್ ವಾರ್ನ್ (ಆಸ್ಟ್ರೇಲಿಯಾ) 708 ವಿಕೆಟ್ ಪಡೆದಿದ್ದರು. ಅನಿಲ್ ಕುಂಬ್ಳೆ (ಭಾರತ) 619 ವಿಕೆಟ್ ಪಡೆದರು. ನಾಥನ್ ಲಿಯಾನ್ (ಆಸ್ಟ್ರೇಲಿಯಾ) 517 ವಿಕೆಟ್ಗಳನ್ನು ಕಲೆಹಾಕಿದ್ದಾರೆ. ಇದೀಗ ಈ ಸಾಲಿಗೆ ಸೇರಲು ಅಶ್ವಿನ್ಗೆ ನಾಲ್ಕೇ (4 ವಿಕೆಟ್) ಹೆಜ್ಜೆ ಬಾಕಿ ಇದೆ.
(6 / 9)
ಇಂಗ್ಲೆಂಡ್ ವಿರುದ್ಧ 100 ವಿಕೆಟ್ ಪಡೆದ ಭಾರತದ ಮೊದಲ ಆಟಗಾರ ಎನಿಸಲು ಅಶ್ವಿನ್ಗೆ 7 ವಿಕೆಟ್ಗಳ ಅಗತ್ಯ ಇದೆ. ಟೆಸ್ಟ್ಗಳಲ್ಲಿ ಇಂಗ್ಲೆಂಡ್ ವಿರುದ್ಧ 93 ವಿಕೆಟ್ ಉರುಳಿಸಿದ್ದಾರೆ. ಹಾಗೆಯೇ ಆಂಗ್ಲರ ವಿರುದ್ಧ ಅಧಿಕ ವಿಕೆಟ್ ಪಡೆದ ಹೆಗ್ಗಳಿಕೆಗೆ ಪಾತ್ರರಾಗಲು 3 ವಿಕೆಟ್ ಬೇಕಿದೆ. ಚಂದ್ರಶೇಖರ್ (95 ವಿಕೆಟ್) ಮೊದಲ ಸ್ಥಾನದಲ್ಲಿದ್ದಾರೆ.
(7 / 9)
ತವರು ನೆಲದಲ್ಲಿ 350 ಟೆಸ್ಟ್ ವಿಕೆಟ್ಗಳ ಗಡಿ ತಲುಪಲು 7 ವಿಕೆಟ್ ಬೇಕಿದೆ. ಆ ಮೂಲಕ ಭಾರತದ 2ನೇ ಬೌಲರ್ ಎನಿಸಲಿದ್ದಾರೆ. ಮೊದಲ ಸ್ಥಾನದಲ್ಲಿ ಅನಿಲ್ ಕುಂಬ್ಳೆ ಭಾರತದ ನೆಲದಲ್ಲಿ 350 ವಿಕೆಟ್ ಪಡೆದ ಮೈಲಿಗಲ್ಲು ಮುಟ್ಟಿದ್ದರು. ಈ ದಾಖಲೆ ಮುರಿಯುವ ಅಶ್ವಿನ್ಗೆ (343) ಸಿಕ್ಕಿದೆ.
(8 / 9)
ಕೇವಲ ಏಳು ವಿಕೆಟ್ ಕಬಳಿಸಿದರೆ ಅಶ್ವಿನ್ ಏಷ್ಯಾದಲ್ಲಿ ಆಡಿದ ಟೆಸ್ಟ್ಗಳಲ್ಲಿ 400+ ವಿಕೆಟ್ ಮೈಲಿಗಲ್ಲನ್ನು ತಲುಪುತ್ತಾರೆ. ಭಾರತದ ನೆಲದಲ್ಲಿ 343 ವಿಕೆಟ್ ಜೊತೆಗೆ, ಅಶ್ವಿನ್ ಶ್ರೀಲಂಕಾದಲ್ಲಿ ಆರು ಟೆಸ್ಟ್ಗಳಲ್ಲಿ 38 ವಿಕೆಟ್ ಪಡೆದಿದ್ದಾರೆ. ಬಾಂಗ್ಲಾದೇಶದಲ್ಲಿ ಮೂರು ಪಂದ್ಯಗಳಲ್ಲಿ 12 ವಿಕೆಟ್ಗಳನ್ನು ಕಬಳಿಸಿದ್ದಾರೆ.
(9 / 9)
ಕ್ಷಣ ಕ್ಷಣದ ಅಪ್ಡೇಟ್ಸ್ಗಾಗಿ ಹಿಂದೂಸ್ತಾನ್ ಟೈಮ್ಸ್ ಕನ್ನಡ ಓದಿ.
ಇತರ ಗ್ಯಾಲರಿಗಳು