449 ದಿನಗಳ ನಂತರ ಕ್ರಿಕೆಟ್ಗೆ ಮರಳಲಿದ್ದಾರೆ ರಿಷಭ್ ಪಂತ್; ಎನ್ಸಿಎ ಕಡೆಯಿಂದ ಸಿಕ್ತು ಗ್ರೀನ್ ಸಿಗ್ನಲ್
- Rishabh Pant : ರಿಷಭ್ ಪಂತ್ ಅವರು ಕ್ರಿಕೆಟ್ ಆಡಲು ಫಿಟ್ ಆಗಿದ್ದು, ಐಪಿಎಲ್ ಆಡಬಹುದು ಎಂದು ರಾಷ್ಟ್ರೀಯ ಕ್ರಿಕೆಟ್ ಅಕಾಡೆಮಿ ಹಸಿರು ನಿಶಾನೆ ತೋರಿದೆ.
- Rishabh Pant : ರಿಷಭ್ ಪಂತ್ ಅವರು ಕ್ರಿಕೆಟ್ ಆಡಲು ಫಿಟ್ ಆಗಿದ್ದು, ಐಪಿಎಲ್ ಆಡಬಹುದು ಎಂದು ರಾಷ್ಟ್ರೀಯ ಕ್ರಿಕೆಟ್ ಅಕಾಡೆಮಿ ಹಸಿರು ನಿಶಾನೆ ತೋರಿದೆ.
(1 / 9)
ಭೀಕರ ಅಪಘಾತದಿಂದ ಚೇತರಿಸಿಕೊಂಡಿರುವ ವಿಕೆಟ್ ಕೀಪರ್ ಬ್ಯಾಟರ್ ರಿಷಭ್ ಪಂತ್, ಮೈದಾನಕ್ಕೆ ಮರಳಲು ಸಜ್ಜಾಗಿದ್ದಾರೆ. ಬರೋಬ್ಬರಿ 449 ದಿನಗಳ ನಂತರ ಸ್ಪರ್ಧಾತ್ಮಕ ಕ್ರಿಕೆಟ್ನಲ್ಲಿ ತನ್ನ ಪವರ್ ತೋರಿಸಲು ಸಜ್ಜಾಗಿದ್ದಾರೆ.
(2 / 9)
ರಿಷಭ್ ಪಂತ್ ಅವರು ಕ್ರಿಕೆಟ್ಗೆ ಫಿಟ್ ಆಗಿದ್ದು, ಐಪಿಎಲ್ ಆಡಬಹುದು ಎಂದು ರಾಷ್ಟ್ರೀಯ ಕ್ರಿಕೆಟ್ ಅಕಾಡೆಮಿ ಹಸಿರು ನಿಶಾನೆ ತೋರಿದೆ. ಮಾರ್ಚ್ 10ರ ಭಾನುವಾರ ರಾತ್ರಿ ಎನ್ಸಿಎ ಈ ಫಿಟ್ ಅಂಡ್ ಫೈನ್ ಸರ್ಟಿಫಿಕೇಟ್ ನೀಡಿದೆ.(PTI)
(3 / 9)
2022ರ ಡಿಸೆಂಬರ್ 30ರಂದು ತನ್ನ ತಾಯಿಯನ್ನು ಭೇಟಿಯಾಗಿ ಹೊಸ ವರ್ಷಕ್ಕೂ ಮುನ್ನ ಸರ್ಪ್ರೈನ್ ನೀಡಲು ದೆಹಲಿಯಿಂದ ಉತ್ತರಾಖಂಡ್ಗೆ ಕಾರಿನಲ್ಲಿ ಪ್ರಯಾಣಿಸಿದ್ದ ರಿಷಭ್ ಪಂತ್, ಮಾರ್ಗಮಧ್ಯೆ ಭೀಕರ ಅಪಘಾತಕ್ಕೆ ಒಳಗಾಗಿದ್ದರು.(PTI)
(4 / 9)
ರಣಭೀಕರ ಅಪಘಾತದಲ್ಲಿ ಪಂತ್ ಬದುಕಿದ್ದೇ ಹೆಚ್ಚು. ಅವರ ಮಂಡಿಗೆ ಬಲವಾದ ಗಾಯವಾಗಿತ್ತು. ಈ ಸಲುವಾಗಿ ಮುಂಬೈನ ಧೀರೂಬಾಯ್ ಅಂಬಾನಿ ಆಸ್ಪತ್ರೆಯಲ್ಲಿ ಶಸ್ತ್ರಚಿಕಿತ್ಸೆ ಪಡೆದಿದ್ದರು. ಇದೀಗ ನಿಧಾನವಾಗಿ ಚೇತರಿಸಿಕೊಂಡಿದ್ದಾರೆ.
(5 / 9)
ಡಿಸೆಂಬರ್ 30ರಂದು ಗಾಯಗೊಂಡಿದ್ದ ಪಂತ್ ಇನ್ನೂ ಕ್ರಿಕೆಟ್ ಮೈದಾನಕ್ಕೆ ಬಂದಿಲ್ಲ. 17ನೇ ಆವೃತ್ತಿಯ ಮಾರ್ಚ್ 23ರಂದು ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ನಾಯಕನಾಗಿ ಪಂಜಾಬ್ ಕಿಂಗ್ಸ್ ವಿರುದ್ಧದ ಕಣಕ್ಕಿಳಿದು ಸ್ಪರ್ಧಾತ್ಮಕ ಕ್ರಿಕೆಟ್ಗೆ ಕಂಬ್ಯಾಕ್ ಮಾಡಲಿದ್ದಾರೆ.
(6 / 9)
ಗಾಯಗೊಂಡ ದಿನದಿಂದ ಕಂಬ್ಯಾಕ್ ಪಂದ್ಯದವರೆಗೂ ಒಟ್ಟು 449 ದಿನಗಳ ಕಾಲ ಅವರು ಕ್ರಿಕೆಟ್ನಿಂದ ದೂರ ಉಳಿದಂತಾಗುತ್ತದೆ. ವರ್ಷಕ್ಕೂ ಹೆಚ್ಚಿನ ಕಾಲ ಕಂಬ್ಯಾಕ್ ಮಾಡುವ ಪಂತ್ ಆಟವು ಹೇಗಿರಲಿದೆ ಎಂಬ ಕುತೂಹಲ ಕ್ರಿಕೆಟ್ ಪ್ರಿಯರಲ್ಲಿ ಮನೆ ಮಾಡಿದೆ.
(7 / 9)
2024ರ ಐಪಿಎಲ್ ಟೂರ್ನಿಯ ಮೊದಲ ಹಂತದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ನಾಯಕ ರಿಷಭ್ ಪಂತ್ ಕೇವಲ ಬ್ಯಾಟಿಂಗ್ ಕಡೆಯಷ್ಟೇ ಗಮನ ಹರಿಸಲಿದ್ದಾರೆ. ಅವರು ವಿಕೆಟ್ ಕೀಪಿಂಗ್ ಮಾಡುವುದಿಲ್ಲ ಎಂದು ಫ್ರಾಂಚೈಸಿ ಮಾಲೀಕರು ಈ ಹಿಂದೆ ಮಾಹಿತಿ ನೀಡಿದ್ದಾರೆ.
(8 / 9)
ಸಾರ್ವರ್ತಿಕ ಚುನಾವಣೆ ಕಾರಣ ಬಹುನಿರೀಕ್ಷಿತ ಐಪಿಎಲ್ ಹಂತ ಹಂತವಾಗಿ ನಡೆಯಲಿದೆ. ಮಾರ್ಚ್ 22ರಂದು ಚೆನ್ನೈನ ಚಿದಂಬರಂ ಮೈದಾನದಲ್ಲಿ ಉದ್ಘಾಟನಾ ಪಂದ್ಯ ನಡೆಯಲಿದೆ. ಮೊದಲ ಹಂತ ಮಾರ್ಚ್ 22ರಿಂದ ಏಪ್ರಿಲ್ 7ರ ತನಕ ನಡೆಯಲಿದೆ.
(9 / 9)
ಕ್ಷಣಕ್ಷಣದ ಅಪ್ಡೇಟ್ಸ್ಗಾಗಿ ಹಿಂದೂಸ್ತಾನ್ ಟೈಮ್ಸ್ ಕನ್ನಡ ಓದಿ.
ಇತರ ಗ್ಯಾಲರಿಗಳು