ತೆಲುಗಿನ ದೇವರ ಜತೆಗೆ ಸೆಣಸಲಿದ್ದಾನೆ ಮಾರ್ಟಿನ್!‌ ಧ್ರುವ ಸರ್ಜಾ ಸಿನಿಮಾ ಬಿಡುಗಡೆಗೆ ನಿಗದಿಯಾಯ್ತು ದಿನಾಂಕ

ಸ್ಯಾಂಡಲ್‌ವುಡ್‌ನಲ್ಲಿ ಸ್ಟಾರ್‌ ನಟರ ಸಿನಿಮಾಗಳಿಲ್ಲದೇ ಚಿತ್ರಮಂದಿರಗಳು ಬಿಕೋ ಎನ್ನುತ್ತಿವೆ. ಈ ನಡುವೆ ಚಿತ್ರರಂಗವೇ ಬಂದ್‌ ಆಗಲಿದೆ ಎಂಬ ಮಾತುಗಳೂ ಕೇಳಿ ಬಂದಿದ್ದವು. 

ಇದೀಗ ಈ ಚರ್ಚೆಯ ನಡುವೆಯೇ ನಾವು ಬರ್ತಿದ್ದೇವೆ ಎಂದಿದೆ ಮಾರ್ಟಿನ್‌ ಸಿನಿಮಾ ತಂಡ. ಎ.ಪಿ ಅರ್ಜುನ್‌ ಮತ್ತು ಧ್ರುವ ಸರ್ಜಾ ಕಾಂಬಿನೇಷನ್‌ನ ಈ ಚಿತ್ರ ಇದೀಗ ಬಿಡುಗಡೆ ದಿನಾಂಕ ಘೋಷಣೆ ಮಾಡಿದೆ.

ಪ್ಯಾನ್‌ ಇಂಡಿಯಾ ಮಟ್ಟದಲ್ಲಿ ಕನ್ನಡ ಮಾತ್ರವಲ್ಲದೆ, ತೆಲುಗು, ತಮಿಳು, ಮಲಯಾಳಂ ಮತ್ತು ಹಿಂದಿ ಭಾಷೆಯಲ್ಲಿ ಮಾರ್ಟಿನ್‌ ಅಬ್ಬರ ಶುರುವಾಗಲಿದೆ. 

ಉದಯ್‌ ಕೆ ಮೆಹ್ತಾ ನಿರ್ಮಾಣ ಮಾಡಿರುವ ಮಾರ್ಟಿನ್‌ ಸಿನಿಮಾ ಈಗಾಗಲೇ ಟೀಸರ್‌ ಮೂಲಕವೇ ಹಲ್‌ಚಲ್‌ ಸೃಷ್ಟಿಸಿದೆ. ಹಾಗಾದರೆ ಮಾರ್ಟಿನ್‌ ರಿಲೀಸ್‌ ಯಾವಾಗ? 

ಸದ್ಯ ಸಿನಿಮಾ ತಂಡ ಘೋಷಿಸಿದಂತೆ, ಅಕ್ಟೋಬರ್‌ 11ರಂದು ಮಾರ್ಟಿನ್‌ ಸಿನಿಮಾ ಬಿಡುಗಡೆ ಆಗಲಿದೆ. 

ಇದಕ್ಕೂ ಮೊದಲು ಅಂದರೆ, ಅ. 10ರಂದು ಟಾಲಿವುಡ್‌ನಲ್ಲಿ ಜೂ. ಎನ್‌ಟಿಆರ್‌ ನಟನೆಯ ದೇವರ ಸಿನಿಮಾ ಸಹ ಪ್ಯಾನ್‌ ಇಂಡಿಯಾ ಮಟ್ಟದಲ್ಲಿ ರಿಲೀಸ್‌ ಆಗಲಿದೆ. 

ದಸರಾ ಸಮಯದಲ್ಲಿ ಈ ಎರಡು ಸಿನಿಮಾಗಳ ನಡುವೆ ಕರ್ನಾಟಕ ಮಾತ್ರವಲ್ಲದೆ, ಬೇರೆ ರಾಜ್ಯಗಳಲ್ಲೂ  ಥಿಯೇಟರ್‌ ಕಾಳಗವೂ ನಡೆಯಲಿದೆ ಎಂದೇ ಹೇಳಲಾಗುತ್ತಿದೆ.