Dr Bro: ವಿದೇಶದಲ್ಲಿ ಡಾಲಿ, ಯೋಗಿ, ವಸಿಷ್ಠ, ಕೃಷ್ಣ ಜತೆ ಸೆಲ್ಫಿ ಕ್ಲಿಕ್ಕಿಸಿಕೊಂಡ ಡಾ. ಬ್ರೋ; ಆದ್ರೆ ಗಗನ್‌ ಫ್ಯಾನ್ಸ್‌ ಹೇಳೋದೇ ಬೇರೆ
- Dr Bro: ಯೂಟ್ಯೂಬ್‌ನಲ್ಲಿ ತಮ್ಮದೇ ಆದ ಬಗೆಬಗೆ ವಿಡಿಯೋಗಳ ಮೂಲಕವೇ ರಂಜಿಸುತ್ತ ಮಾಹಿತಿಯ ಹೂರಣವನ್ನೇ ಉಣಬಡಿಸುವ ಡಾ. ಬ್ರೋ (Dr Bro) ಅಲಿಯಾಸ್‌ ಗಗನ್‌ ಶ್ರೀನಿವಾಸ್ (Gagan Srinivas), ಕರ್ನಾಟಕದ ಬಹುತೇಕರಿಗೆ ಚಿರಪರಿಚಿತ. ಈಗ ಇದೇ ಹುಡುಗ ಸ್ಯಾಂಡಲ್‌ವುಡ್‌ನ ಹಲವು ಕಲಾವಿದರ ಜತೆಗೆ ಸೆಲ್ಪಿ ಕ್ಲಿಕ್ಕಿಸಿಕೊಂಡಿದ್ದಾರೆ.
- Dr Bro: ಯೂಟ್ಯೂಬ್‌ನಲ್ಲಿ ತಮ್ಮದೇ ಆದ ಬಗೆಬಗೆ ವಿಡಿಯೋಗಳ ಮೂಲಕವೇ ರಂಜಿಸುತ್ತ ಮಾಹಿತಿಯ ಹೂರಣವನ್ನೇ ಉಣಬಡಿಸುವ ಡಾ. ಬ್ರೋ (Dr Bro) ಅಲಿಯಾಸ್‌ ಗಗನ್‌ ಶ್ರೀನಿವಾಸ್ (Gagan Srinivas), ಕರ್ನಾಟಕದ ಬಹುತೇಕರಿಗೆ ಚಿರಪರಿಚಿತ. ಈಗ ಇದೇ ಹುಡುಗ ಸ್ಯಾಂಡಲ್‌ವುಡ್‌ನ ಹಲವು ಕಲಾವಿದರ ಜತೆಗೆ ಸೆಲ್ಪಿ ಕ್ಲಿಕ್ಕಿಸಿಕೊಂಡಿದ್ದಾರೆ.
(1 / 9)
ಯೂಟ್ಯೂಬ್‌ನಲ್ಲಿ ಒಂದು ಮಿಲಿಯನ್‌ಗೂ ಅಧಿಕ ಸಬ್‌ಸ್ಕ್ರೈಬರ್ಸ್‌ ಹೊಂದಿರುವ ಕನ್ನಡದ ವ್ಲಾಗರ್‌ ಡಾ. ಬ್ರೋ ಅಲಿಯಾಸ್‌ ಗಗನ್‌ ಶ್ರೀನಿವಾಸ್.(Instagram/ Dr Bro)
(2 / 9)
ಗಗನ್‌ ಶ್ರೀನಿವಾಸ್ (Dr Bro). ವಯಸ್ಸು ಈಗಿನ್ನೂ 23. ಇಷ್ಟು ಚಿಕ್ಕವಯಸ್ಸಿನಲ್ಲಿಯೇ ಹತ್ತಾರು ದೇಶ ಸುತ್ತಿ, ಕರುನಾಡಿನ ಮಂದಿಗೆ ಕುಳಿತಲ್ಲೇ ಪ್ರಪಂಚ ಪರ್ಯಟನೆ ಮಾಡಿಸುತ್ತಿದ್ದಾರೆ ಈ ಡಾಕ್ಟರ್! (Instagram/ Dr Bro)
(3 / 9)
ಫೇಸ್‌ಬುಕ್‌ ಮತ್ತು ಯೂಟ್ಯೂಬ್‌ನಲ್ಲಿ ಸರಣಿ ವಿಡಿಯೋ ಹಂಚಿಕೊಳ್ಳುತ್ತ, ವಿದೇಶದಲ್ಲಿನ ಸಣ್ಣ ಸಣ್ಣ ಕೌತುಕಗಳನ್ನೂ ಪರಿಚಯಿಸುವ ಕೆಲಸ ಮಾಡುತ್ತಿದ್ದಾರೆ.(Instagram/ Dr Bro)
(4 / 9)
ಆಫ್ರಿಕಾ, ಪಾಕಿಸ್ತಾನ, ಆಫ್ಘಾನಿಸ್ತಾನ, ಇಂಡೋನೇಷ್ಯಾ, ಯೂರೋಪ್‌ ಹೀಗೆ 10ಕ್ಕೂ ಹೆಚ್ಚು ದೇಶ ಸುತ್ತಾಡಿದ ಡಾ ಬ್ರೋ ಇತ್ತೀಚೆಗಷ್ಟೇ ಈಜಿಪ್ಟ್‌ಗೂ ತೆರಳಿ ಪಿರಮಿಡ್‌ಗಳ ಬಗ್ಗೆ ನೋಡುಗರಿಗೆ ಮಾಹಿತಿ ನೀಡಿದ್ದರು.(Instagram/ Dr Bro)
(5 / 9)
ಸದ್ದಿಲ್ಲದೆ ಡಾ ಬ್ರೋ ಸಿನಿಮಾ ಕ್ಷೇತ್ರಕ್ಕೂ ಎಂಟ್ರಿಕೊಟ್ಟು, ಡೇರ್‌ ಡೆವಿಲ್‌ ಮುಸ್ತಾಫಾ ಚಿತ್ರದ ಟ್ರೇಲರ್‌ಗೆ ಧ್ವನಿ ನೀಡಿದ್ದರು. (Instagram/ Dr Bro)
(6 / 9)
ಇದೀಗ ಇದೇ ಯೂಟ್ಯೂಬರ್‌, ಸ್ಯಾಂಡಲ್‌ವುಡ್‌ ತಾರೆಯರನ್ನು ಭೇಟಿ ಮಾಡಿದ್ದಾರೆ. ಇದು ಭೇಟಿಯೋ ಅಥವಾ ಕಾಕತಾಳೀಯವಾಗಿ ಘಟಿಸಿದ ಸಂದರ್ಭವೋ ಸದ್ಯಕ್ಕೆ ಗೊತ್ತಿಲ್ಲ. (Instagram/ Dr Bro)
(7 / 9)
ದುಬೈನಲ್ಲಿ ನಟರಾದ ಧನಂಜಯ್, ಯೋಗಿ, ಡಾರ್ಲಿಂಗ್‌ ಕೃಷ್ಣ, ವಸಿಷ್ಠ ಸಿಂಹ, ಸತೀಶ್‌ ನೀನಾಸಂ, ವಾಸುಕಿ ವೈಭವ್‌, ಪನ್ನಗಾ ಭರಣ ಎಲ್ಲರೂ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ. ಇದೇ ವೇಳೆ ಇವರೆಲ್ಲರ ಜತೆಗೆ ಡಾ ಬ್ರೋ ಸೆಲ್ಫಿ ಕ್ಲಿಕ್ಕಿಸಿಕೊಂಡಿದ್ದಾರೆ. (Instagram/ Dr Bro)
(8 / 9)
ಈ ಕುರಿತು ತಾವೇ ಫೋಟೋ ಹಂಚಿಕೊಂಡಿರುವ ಡಾ. ಬ್ರೋ. ನನ್ ತುಂಬ ಚಿಕ್ಕಂದಿನಿಂದ ಇವರೆಲ್ಲರನ್ನೂ ನೋಡ್ತಿದೆ. ಇಂದು ಅಚಾನಕ್ಕಾಗಿ ಎಲ್ಲರನ್ನೂ ಒಟ್ಟಾಗಿ ನೋಡಿ ಸೈಕ್ ಆದೆ. ಎಂದಿದ್ದಾರೆ. (Instagram/ Dr Bro)
(9 / 9)
ಈ ಫೋಟೋ ಶೇರ್‌ ಮಾಡುತ್ತಿದ್ದಂತೆ ಡಾ. ಬ್ರೋ ಅಭಿಮಾನಿಗಳು ಬಗೆಬಗೆ ಕಮೆಂಟ್‌ ರವಾನಿಸಿದ್ದಾರೆ. ಹಿಂದೆ ನಿಂತಿರೋರು ಕನ್ನಡ ಚಿತ್ರರಂಗದವ್ರು, ಮುಂದೆ ನಿಂತಿರೋದು ಚರಿತ್ರೆಯನ್ನು ಸೃಷ್ಟಿ ಮಾಡಿದವ್ರು ಎಂದು ಕೆಲವರು ಹೇಳಿದರೆ, ನಿನ್ನ ರೇಂಜೇ ಬೇರೆ ಬ್ರೋ ನಿನ್ನ ಮಿಟ್ ಮಾಡೋದೇ ಒಂದು ಪುಣ್ಯ ಎಂದು ಮತ್ತೊಬ್ಬ ನೆಟ್ಟಿಗ ಕಮೆಂಟ್‌ ಮಾಡಿದ್ದಾರೆ. ನೀನ್ ಸಿಕ್ದೆ ಅಂತ ಅವ್ರೆ ಸೈಕ್ ಆಗಿರ್ತಾರೆ ಗುರು ಎಂಬಿತ್ಯಾದಿ ಕಮೆಂಟ್‌ಗಳು ಹರಿದು ಬರುತ್ತಿವೆ.(Instagram/ Dr Bro)
ಇತರ ಗ್ಯಾಲರಿಗಳು