ನಟ ಶರಣ್‌ ಮಗನಿಗೆ ಹುಟ್ಟುಹಬ್ಬದ ಸಂಭ್ರಮ; ತೋಳಿನಿಂದ ಹೆಗಲಿನೆತ್ತರ ಬೆಳೆದ ಹೃದಯ- ಶರಣ್‌ ಫ್ಯಾಮಿಲಿ ಕುರಿತು ಇಲ್ಲಿದೆ ವಿವರ
- Actor Sharan Family: ಕನ್ನಡದ ಸುಮಾರು 60ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿರುವ ಶರಣ್‌ ಬಗ್ಗೆ ಎಲ್ಲರಿಗೂ ಗೊತ್ತು. ಆದರೆ, ಶರಣ್‌ ಕುಟುಂಬದ ಬಗ್ಗೆ ವಿಶೇಷವಾಗಿ ಪತ್ನಿ ಮತ್ತು ಮಕ್ಕಳ ಬಗ್ಗೆ ಹೆಚ್ಚಿನ ಮಾಹಿತಿ ಬಹುತೇಕರಿಗೆ ತಿಳಿದಿರಲಿಕ್ಕಿಲ್ಲ. ಇಂದು ಶರಣ್‌ ಮಗ ಹೃದಯನ ಹುಟ್ಟುಹಬ್ಬ. ಈ ನೆಪದಲ್ಲಿ ಶರಣ್‌ ಕುಟುಂಬದ ಕುರಿತು ಒಂದಿಷ್ಟು ವಿವರ ಪಡೆಯೋಣ ಬನ್ನಿ.
- Actor Sharan Family: ಕನ್ನಡದ ಸುಮಾರು 60ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿರುವ ಶರಣ್‌ ಬಗ್ಗೆ ಎಲ್ಲರಿಗೂ ಗೊತ್ತು. ಆದರೆ, ಶರಣ್‌ ಕುಟುಂಬದ ಬಗ್ಗೆ ವಿಶೇಷವಾಗಿ ಪತ್ನಿ ಮತ್ತು ಮಕ್ಕಳ ಬಗ್ಗೆ ಹೆಚ್ಚಿನ ಮಾಹಿತಿ ಬಹುತೇಕರಿಗೆ ತಿಳಿದಿರಲಿಕ್ಕಿಲ್ಲ. ಇಂದು ಶರಣ್‌ ಮಗ ಹೃದಯನ ಹುಟ್ಟುಹಬ್ಬ. ಈ ನೆಪದಲ್ಲಿ ಶರಣ್‌ ಕುಟುಂಬದ ಕುರಿತು ಒಂದಿಷ್ಟು ವಿವರ ಪಡೆಯೋಣ ಬನ್ನಿ.
(1 / 9)
ಕನ್ನಡದ ಹಾಸ್ಯ ಮತ್ತು ನಾಯಕ ನಟ ಶರಣ್‌ಗೆ ಇಬ್ಬರು ಮಕ್ಕಳು. ಮಗನ ಹೆಸರು ಹೃದಯ. ಕಿರಿಯ ಮಗಳ ಹೆಸರು ಪುಣ್ಯ. ಪತ್ನಿ ಹೆಸರು ಪಲ್ಲವಿ. ಇಂದು ಹೃದಯನ ಹುಟ್ಟುಹಬ್ಬ. ಈ ಸಂದರ್ಭದಲ್ಲಿ ಸೋಷಿಯಲ್‌ ಮೀಡಿಯಾದಲ್ಲಿ ನಟ ಶರಣ್‌ ತನ್ನ ಮಗನಿಗೆ ಆತ್ಮೀಯ ಶುಭಾಶಯ ತಿಳಿಸಿದ್ದಾರೆ.
(2 / 9)
ನನ್ನ ತೋಳಿನಿಂದ ಹೆಗಲಿನೆತ್ತರಕ್ಕೆ ಬೆಳೆದಿರುವ ನನ್ನ ಈ ಕಂದನ ಜನ್ಮದಿನ. ನಿಮ್ಮೆಲ್ಲರ ಆಶೀರ್ವಾದ ಕೋರುತ್ತೆನೆ. ಶ್ರೇಷ್ಠನಾಗುವ ಮೊದಲು ಸಹನೆಯುಳ್ಳ ಒಳ್ಳೆ ವ್ಯಕ್ತಿಯಾಗೆಂದು ಆಶಿಸುತ್ತೇನೆ ಕಂದ ಎಂದು ತನ್ನ ಮಗ ಹೃದಯನಿಗೆ ನಟ ಶರಣ್‌ ಹುಟ್ಟುಹಬ್ಬದ ಶುಭಾಶಯ ತಿಳಿಸಿದ್ದಾರೆ.
(3 / 9)
ಅಂದಹಾಗೆ ಹೃದಯ ಸಿನಿಮಾ ನಟನೂ ಹೌದು. ಶರಣ್‌ ಪುತ್ರ ಹೃದಯ ಗುರು ಶಿಷ್ಯರು ಎಂಬ ಸಿನಿಮಾದಲ್ಲಿ ನಟಿಸಿದ್ದಾರೆ. ತನ್ನ ಗುರು ಶಿಷ್ಯರು ಸಿನಿಮಾದಲ್ಲಿ ಮಗನಿಗೂ ನಟಿಸುವ ಅವಕಾಶ ನೀಡಿದ್ದಾರೆ ಶರಣ್‌.
(4 / 9)
ಗುರು ಶಿಷ್ಯರು ಸಿನಿಮಾದಲ್ಲಿ ಮನೋಹರ್‌ ಪಾತ್ರದಲ್ಲಿ ಶರಣ್‌ ನಟಿಸಿದ್ದಾರೆ. ಇವರಿಗೆ ನಿಶ್ವಿಕಾ ನಾಯ್ಡು ನಾಯಕಿ. ಎಚ್‌ಜಿ ದತ್ತಾತ್ರೇಯ, ಸುರೇಶ್ ಹೆಬ್ಳೀಕರ್, ಅಪೂರ್ವ ಕಾಸರವಳ್ಳಿ, ಹೃದಯ, ಏಕಾಂತ್, ರಕ್ಷಕ ಸೇನಾ, ಮಣಿಕಂಠ ನಾಯಕ್, ಸೂರ್ಯ ಮುಂತಾದವರು ನಟಿಸಿದ್ದಾರೆ.
(5 / 9)
ಅವತಾರ ಪುರುಷ ಸಿನಿಮಾದಲ್ಲಿ ಶರಣ್‌ ಮಗಳು ಪುಣ್ಯ ಕಾಣಿಸಿಕೊಂಡಿದ್ದಾಳೆ. ಹೀಗೆ ಹೃದಯ ಮತ್ತು ಪುಣ್ಯ ಒಂದೊಂದು ಸಿನಿಮಾದಲ್ಲಿ ನಟಿಸಿದ್ದಾರೆ.
(6 / 9)
ಶರಣ್‌ ತಂಗಿ ಶ್ರುತಿ ಕನ್ನಡದ ಜನಪ್ರಿಯ ನಟಿ. ಶರಣ್‌ ಅವರು ರಂಗಭೂಮಿ ಕಲಾವಿದರ ಕುಟುಂಬದಲ್ಲಿ ಜನಿಸಿದವರು. ಅಜ್ಜಿಯರು ಮತ್ತು ಪೋಷಕರು ಗುಬ್ಬಿ ರಂಗಮಂದಿರದಲ್ಲಿ ಕಲಾವಿದರಾಗಿದ್ದರು.
(7 / 9)
ಇಂದು ಶರಣ್‌ ಮಗ ಹೃದಯನ ಹುಟ್ಟುಹಬ್ಬ. ಈ ಸಂದರ್ಭದಲ್ಲಿ ಹೃದಯ ಪುಟ್ಟ ಮಗುವಾಗಿದ್ದಾಗಿನ ಮತ್ತು ಈಗಿನ ಫೋಟೋವನ್ನು ಶರಣ್‌ ಹಂಚಿಕೊಂಡಿದ್ದಾರೆ.
(8 / 9)
ಶರಣ್‌ ಹಂಚಿಕೊಂಡಿರುವ ಫೋಟೋಗೆ ಅಭಿಮಾನಿಗಳು ಪ್ರತಿಕ್ರಿಯೆ ನೀಡಿದ್ದಾರೆ. "ಅಣ್ಣ ತಮ್ಮಂದಿರ ರೀತಿ ಕಾಣಿಸ್ತೀರ ಸರ್‌" "ಜನುಮ ದಿನದ ಶುಭಾಶಯಗಳು ನಿನ್ನ ಕನಸೆಲ್ಲಾ ನನಸಾಗಲಿ" "ಭಾವೀ ಅಧ್ಯಕ್ಷ ಮಹೋದಯ "ಹೃದಯ" ಅವರಿಗೆ ಹುಟ್ಟುಹಬ್ಬದ ಶುಭಾಶಯಗಳು" ಎಂದೆಲ್ಲ ಫ್ಯಾನ್ಸ್‌ ಕಾಮೆಂಟ್‌ ಮಾಡಿದ್ದಾರೆ.
(9 / 9)
ಕನ್ನಡ ಸಿನಿಮಾ ಸುದ್ದಿ, ಸಿನಿಮಾ ವಿಮರ್ಶೆ, ಒಟಿಟಿ ಸುದ್ದಿಗಳು, ಕನ್ನಡ ಸೀರಿಯಲ್‌ ಸುದ್ದಿಗಳನ್ನು ಪಡೆಯಲು ಹಿಂದೂಸ್ತಾನ್‌ ಟೈಮ್ಸ್‌ ಕನ್ನಡದ ಮನರಂಜನೆ ವಿಭಾಗಕ್ಕೆ ಭೇಟಿ ನೀಡುತ್ತಿರಿ.
ಇತರ ಗ್ಯಾಲರಿಗಳು