‘ಡೋಲೋ 650 ಮಾತ್ರೆ ಬಿಸಿ ರಾಗಿ ಹಿಟ್ಟು’ ಡೈಲಾಗ್‌ ಖ್ಯಾತಿಯ ಶಶಿರೇಖಾ ಈಗ ಕನ್ನಡ ಸಿನಿಮಾ ನಾಯಕಿ! ಹೀಗಿದೆ ಆ ಚಿತ್ರದ ಮಾಹಿತಿ
- Dolo 650 Shashirekha: ಕೋವಿಡ್‌ ಸಂದರ್ಭದಲ್ಲಿ ಮಹಿಳೆಯೊಬ್ಬಳ ಹೇಳಿಕೆ ಎಲ್ಲೆಡೆ ಸದ್ದು ಮಾಡಿತ್ತು. ಆ ಡೈಲಾಗ್‌ ಲಕ್ಷಾಂತರ ರೀಲ್ಸ್‌ಗಳಾಗಿ ಹರಿದಾಡಿತ್ತು. ಆ ಡೈಲಾಗೇ ಡೋಲೋ 650 ಮಾತ್ರೆ, ಬಿಸಿ ರಾಗಿ ಹಿಟ್ಟು.. ಹೀಗೆ ಹೇಳಿಕೆ ನೀಡಿ ರಾತ್ರೋ ರಾತ್ರಿ ಸೆನ್ಸೆಷನ್‌ ಆಗಿದ್ದ ಶಶಿರೇಖಾ, ಈಗ ಕನ್ನಡ ಚಿತ್ರದ ನಾಯಕಿಯಾಗಿದ್ದಾರೆ. ಆ ಚಿತ್ರದ ಶೀರ್ಷಿಕೆ ರಿಲೀಸ್‌ ಆಗಿದೆ.
- Dolo 650 Shashirekha: ಕೋವಿಡ್‌ ಸಂದರ್ಭದಲ್ಲಿ ಮಹಿಳೆಯೊಬ್ಬಳ ಹೇಳಿಕೆ ಎಲ್ಲೆಡೆ ಸದ್ದು ಮಾಡಿತ್ತು. ಆ ಡೈಲಾಗ್‌ ಲಕ್ಷಾಂತರ ರೀಲ್ಸ್‌ಗಳಾಗಿ ಹರಿದಾಡಿತ್ತು. ಆ ಡೈಲಾಗೇ ಡೋಲೋ 650 ಮಾತ್ರೆ, ಬಿಸಿ ರಾಗಿ ಹಿಟ್ಟು.. ಹೀಗೆ ಹೇಳಿಕೆ ನೀಡಿ ರಾತ್ರೋ ರಾತ್ರಿ ಸೆನ್ಸೆಷನ್‌ ಆಗಿದ್ದ ಶಶಿರೇಖಾ, ಈಗ ಕನ್ನಡ ಚಿತ್ರದ ನಾಯಕಿಯಾಗಿದ್ದಾರೆ. ಆ ಚಿತ್ರದ ಶೀರ್ಷಿಕೆ ರಿಲೀಸ್‌ ಆಗಿದೆ.
(1 / 10)
"ಎಂಥದ್ದು ಇಲ್ಲ ಡೋಲೋ 650 ಮಾತ್ರೆ, ಬಿಸಿ ರಾಗಿ ಹಿಟ್ಟು.. ಕರೊನಾದವರಿಗೆ ಅದೇ. ಹೇಳ್ಬಿಟ್ಟು ಬರ್ತದಾ ಸಾರ್.. ಹೋದ ವರ್ಸ್‌ ಎಲ್ಲ ಆಂಟಿಯರಿಗೆ ಬಂತು.. ಈ ವರ್ಸ್‌ ಹೈಕ್ಳಿಗೆ, ಹುಡುಗ್ರಿಗೆ ಬಂತು, ಆಮೇಲೆ ಹೊಟ್ಟೆಯೊಳಗಿರೋ ಕೂಸಿಗೆ ಬರುತ್ತೆ.. ಹೀಗೆ ತಮ್ಮ ಡೈಲಾಗ್‌ ಮೂಲಕವೇ ಸುದ್ದಿಯಾದವರು ಶಶಿರೇಖಾ. (Instagram/ Dolo 650 Shashirekha)
(2 / 10)
ಕರೊನಾ ಸಮಯದಲ್ಲಿ ಈ ರೀತಿಯ ಹೇಳಿಕೆ ನೀಡಿದ್ದ ಶಶಿರೇಖಾರ ವಿಡಿಯೋ ತುಣುಕು ದೊಡ್ಡ ಮಟ್ಟದಲ್ಲಿ ವೈರಲ್‌ ಆಗಿತ್ತು. ಇನ್‌ಸ್ಟಾಗ್ರಾಂನಲ್ಲಿ ರೀಲ್ಸ್‌ಗಳಾಗಿ ಎಲ್ಲರ ಬಾಯಲ್ಲಿ ನಲಿದಿತ್ತು.
(3 / 10)
ಆ ಒಂದು ವಿಡಿಯೋ ಮೂಲಕ ರಾತ್ರೋ ರಾತ್ರಿ ಸೋಷಿಯಲ್‌ ಮೀಡಿಯಾದಲ್ಲಿ ತಮ್ಮದೇ ಆದ ಹವಾ ಸೃಷ್ಟಿಸಿಕೊಂಡ ಶಶಿರೇಖಾ, ಇದೀಗ ಮತ್ತೊಂದು ಸುದ್ದಿಯ ಜತೆಗೆ ಆಗಮಿಸಿದ್ದಾರೆ.
(4 / 10)
ಈ ವರೆಗೂ ಇನ್‌ಸ್ಟಾಗ್ರಾಂನಲ್ಲಿ ರೀಲ್ಸ್‌ ಮಾಡುತ್ತಿದ್ದ ಶಶಿರೇಖಾ, ಈಗ ಕನ್ನಡದ ಸಿನಿಮಾದಲ್ಲಿ ನಾಯಕಿಯಾಗಿ ಅಭಿನಯಿಸಲು ಗ್ರೀನ್‌ ಸಿಗ್ನಲ್‌ ಕೊಟ್ಟಿದ್ದಾರೆ.
(5 / 10)
ಸೋಷಿಯಲ್‌ ಮೀಡಿಯಾದಲ್ಲಿ ಗುರುತಿಸಿಕೊಂಡ ಎಷ್ಟೋ ಮಂದಿ ಈಗಾಗಲೇ ಬಣ್ಣದ ಲೋಕಕ್ಕೆ ಆಗಮಿಸಿದ ಉದಾಹರಣೆಗಳಿವೆ. ಬೃಂದಾವನ ಸೀರಿಯಲ್‌ ವರುಣ್‌ ಸಹ ರೀಲ್ಸ್‌ ಮೂಲಕವೇ ಚಾನ್ಸ್‌ ಗಿಟ್ಟಿಸಿಕೊಂಡರು. ಈ ಶಶಿರೇಖಾ ಸರದಿ.
(6 / 10)
ಚಿತ್ರಕ್ಕೆ ಸೌಜನ್ಯ ಎಂದು ಶೀರ್ಷಿಕೆ ಇಡಲಾಗಿದ್ದು, ಇದು ಆರಂಭವಲ್ಲ ಅಂತ್ಯ ಎಂಬ ಅಡಿಬರವೂ ಈ ಸಿನಿಮಾಕ್ಕಿದೆ. ಮೈಸೂರಿನ ಪ್ರೆಸ್‌ ಕ್ಲಬ್‌ನಲ್ಲಿ ಈ ಚಿತ್ರದ ಪೋಸ್ಟರ್‌ ಬಿಡುಗಡೆ ಆಗಿದೆ.
(7 / 10)
ಹೆಚ್‌.ಡಿ ಕೋಟೆ ಮೂಲದ ಚೇತನ್‌ ದೇವರಾಜ್‌ ಎಂಬುವವರು ಸೌಜನ್ಯ ಹೆಸರಿನ ಸಿನಿಮಾ ನಿರ್ದೇಶನ ಮಾಡಲಿದ್ದಾರೆ.
(8 / 10)
ದೋಸ್ತಿ ಕ್ರಿಯೇಷನ್ಸ್‌ ಮೂಲಕ ಈ ಸಿನಿಮಾ ನಿರ್ಮಾಣವಾಗುತ್ತಿದ್ದು, ಸಂತ್ರಸ್ತೆ ಸೌಜನ್ಯಾಳ ದುರಂತ ಸಾವಿನ ಕಥೆ ಈ ಸಿನಿಮಾದಲ್ಲಿರಲಿದೆಯೇ ಎಂಬುದು ಮುಂದಿನ ದಿನಗಳಲ್ಲಿ ಗೊತ್ತಾಗಬೇಕಿದೆ.
(9 / 10)
ಸಿನಿಮಾ ಏನೋ ಘೋಷಣೆ ಆಗಿದೆ. ಇದರ ಶೂಟಿಂಗ್‌ ಯಾವಾಗಿನಿಂದ ಶುರು, ತಾಂತ್ರಿಕ ವರ್ಗದಲ್ಲಿ ಯಾರೆಲ್ಲ ಇರಲಿದ್ದಾರೆ ಎಂಬಿತ್ಯಾದಿ ಮಾಹಿತಿ ಸದ್ಯಕ್ಕಿಲ್ಲ.
(10 / 10)
ಡೋಲೋ 650 ಮಾತ್ರೆ ಡೈಲಾಗ್‌ನಿಂದ ಜೀವನದಲ್ಲಿ ದೊಡ್ಡ ಬದಲಾವಣೆಯನ್ನೇ ಕಂಡರೂ, ಈಗಲೂ ನಿತ್ಯದ ಕೂಲಿಯನ್ನೇ ನಂಬಿ ಶಶಿರೇಖಾ ಜೀವನ ಸಾಗಿಸುತ್ತಿದ್ದಾರೆ. ಸದ್ಯ ಶಶಿರೇಖಾಗೆ ಇನ್‌ಸ್ಟಾಗ್ರಾಂನಲ್ಲಿ ಒಂದು ಲಕ್ಷ 75 ಸಾವಿರ ಫಾಲೋವರ್ಸ್‌ ಇದ್ದಾರೆ.
ಇತರ ಗ್ಯಾಲರಿಗಳು