ಟಾಮ್ ಹಾರ್ಟ್ಲೆ ಟು ಧ್ರುವ್ ಜುರೆಲ್; ಭಾರತ-ಇಂಗ್ಲೆಂಡ್ ಟೆಸ್ಟ್ ಸರಣಿಯಲ್ಲಿ ಪದಾರ್ಪಣೆಗೈದ ಆಟಗಾರರು ಯಾರು, ಅವರ ಪ್ರದರ್ಶನ ಹೇಗಿದೆ?

ಧ್ರುವ್ ಜುರೆಲ್ ತಮ್ಮ ಟೆಸ್ಟ್ ವೃತ್ತಿಜೀವನಕ್ಕೆ ಅದ್ಭುತ ಆರಂಭ ಪಡೆದಿದ್ದಾರೆ. ದಿನೇಶ್ ಕಾರ್ತಿಕ್ ಅವರಿಂದ ಇಂಡಿಯಾ ಕ್ಯಾಪ್ ಪಡೆದ ನಂತರ, ಜುರೆಲ್ ಮೊದಲ ಇನ್ನಿಂಗ್ಸ್​​​ನಲ್ಲಿ 46 ರನ್ ಕಲೆ ಹಾಕಿದರು. ತನ್ನ ಎರಡನೇ ಟೆಸ್ಟ್​​​ನಲ್ಲಿ ಮಹತ್ವದ 90 ರನ್ ಗಳಿಸಿ ತಂಡವನ್ನು ಅಪಾಯದಿಂದ ಪಾರು ಮಾಡಿದರು. ದ್ವಿತೀಯ ಇನ್ನಿಂಗ್ಸ್​​​ನಲ್ಲಿ ಅಜೇಯ 39 ರನ್ ಗಳಿಸಿ ಗೆಲುವು ತಂದುಕೊಟ್ಟರು.

ವಿಶಾಖಪಟ್ಟಣಂನಲ್ಲಿ ನಡೆದ 2ನೇ ಟೆಸ್ಟ್​​​​ನಲ್ಲಿ ಪದಾರ್ಪಣೆ ಮಾಡಿದ ರಜತ್ ಪಾಟೀದಾರ್, 3 ಪಂದ್ಯಗಳ ಅಂದರೆ 6 ಇನ್ನಿಂಗ್ಸ್​ಗಳಲ್ಲಿ ಕೇವಲ 63 ರನ್ ಗಳಿಸಿದ್ದಾರೆ. ಸಿಕ್ಕ ಅವಕಾಶವನ್ನು ಕೈಚೆಲ್ಲಿದ ರಜತ್ ಪಾಟೀದಾರ್​ ತೀವ್ರ ನಿರಾಸೆ ಮೂಡಿಸಿದ್ದಾರೆ.

ರಾಂಚಿಯಲ್ಲಿ ಜಸ್ಪ್ರೀತ್ ಬುಮ್ರಾ ಬದಲಿಗೆ ಆಕಾಶ್ ದೀಪ್ ಭಾರತದ ಪ್ಲೇಯಿಂಗ್ ಇಲೆವೆನ್​​ನಲ್ಲಿ ಸ್ಥಾನ ಪಡೆದರು. ಸಿಕ್ಕ ಅವಕಾಶವನ್ನು ಸದುಪಯೋಗ ಮಾಡಿಕೊಂಡ ಆಕಾಶ್ ದೀಪ್, 3 ವಿಕೆಟ್ ಪಡೆದು ಮಿಂಚಿದರು.

ರಾಜ್​ಕೋಟ್​​ ಟೆಸ್ಟ್​​​ನಲ್ಲಿ ಪದಾರ್ಪಣೆಗೈದ ಸರ್ಫರಾಜ್ ಖಾನ್ ಎರಡೂ ಇನ್ನಿಂಗ್ಸ್​​ಗಳಲ್ಲಿ ಅರ್ಧಶತಕ ಬಾರಿಸಿ ದಾಖಲೆ ಬರೆದರು. ಆದರೆ ರಾಂಚಿ ಟೆಸ್ಟ್​​ನಲ್ಲಿ ವೈಫಲ್ಯ ಅನುಭವಿಸಿದರು.

ಈ ಸರಣಿಯಲ್ಲಿ ಟೆಸ್ಟ್​ ಕ್ರಿಕೆಟ್​ಗೆ ಪದಾರ್ಪಣೆಗೈದ ಟಾಮ್​ ಹಾರ್ಟ್ಲೆ, 20 ವಿಕೆಟ್ ಮತ್ತು 159 ರನ್ ಗಳಿಸಿದ್ದಾರೆ. ಈ ಅದ್ಭುತ ಪ್ರದರ್ಶನದ ಹೊರತಾಗಿಯೂ ಇಂಗ್ಲೆಂಡ್ ಸರಣಿ ಸೋತಿದೆ.

ವಿಶಾಖಪಟ್ಟಣಂ ಟೆಸ್ಟ್​​​ನಲ್ಲಿ ಪದಾರ್ಪಣೆ ಮಾಡಿದ ಶೋಯೆಬ್ ಬಶೀರ್ ನಂತರ ರಾಂಚಿಯಲ್ಲಿ ನಡೆದ 4ನೇ ಟೆಸ್ಟ್​​​ನಲ್ಲಿ ಕಣಕ್ಕಿಳಿದರು. ಈ ಎರಡು ಪಂದ್ಯಗಳಿಂದ 2 ವಿಕೆಟ್ ಪಡೆದಿದ್ದಾರೆ.

ಕ್ಷಣಕ್ಷಣದ ಅಪ್ಡೇಟ್ಸ್​​ಗಾಗಿ ಹಿಂದೂಸ್ತಾನ್ ಟೈಮ್ಸ್ ಕನ್ನಡ ಓದಿ.