Shukrayaan-1: ಶುಕ್ರ ಗ್ರಹದತ್ತ ಇಸ್ರೋ ಚಿತ್ತ; ಶುಕ್ರಯಾನ-1 ಯೋಜನೆಗೆ ಸಿದ್ಧತೆ PHOTOS

ಚಂದ್ರಯಾನ-3 ರ ಯಶಸ್ಸಿನ ಬಳಿಕ ಸೂರ್ಯನತ್ತ ಆದಿತ್ಯ ಎಲ್​1 ನೌಕೆಯನ್ನೂ ಇಸ್ರೋ ಕಳುಹಿಸಿದ್ದಾಯಿತು. ಇದೀಗ ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆಯ ಮುಂದಿನ ಹೆಜ್ಜೆ ಶುಕ್ರಯಾನ-1.

ಸೌರಮಂಡಲದ ಅತ್ಯಂತ ಕುತೂಹಲಕಾರಿ ಗ್ರಹವಾದ ಶುಕ್ರ ಗ್ರಹದ ರಹಸ್ಯಗಳನ್ನು ಅನಾವರಣಗೊಳಿಸಲು ಇಸ್ರೋ ಸಿದ್ಧತೆ ನಡೆಸುತ್ತಿದೆ. 

ಶುಕ್ರ ಗ್ರಹದ ಕಕ್ಷೆ ಸುತ್ತಲಿರುವ ಉಪಗ್ರಹವು ಶುಕ್ರ ಗ್ರಹದ ಮೇಲೆ ಮೋಡದಂತೆ ತುಂಬಿರುವ ವಿಷಕಾರಿ ಅನಿಲಗಳ ಹಿಂದಿನ ರಹಸ್ಯ ಪತ್ತೆ ಮಾಡಲಿದೆ.

ಈ ಯೋಜನೆ ಈಗ ಅಭಿವೃದ್ಧಿ ಹಂತದಲ್ಲಿದ್ದು, 2024ರ ಡಿಸೆಂಬರ್​ನಲ್ಲಿ ಇದು ನೆರವೇರಬಹುದು ಎಂದು ಇಸ್ರೋ ಅಧ್ಯಕ್ಷ ಎಸ್. ಸೋಮನಾಥ್ ತಿಳಿಸಿದ್ದಾರೆ. 

ಶುಕ್ರ ಗ್ರಹವು ಜೀವಿಗಳ ವಾಸಕ್ಕೆ ಯೋಗ್ಯ ಗ್ರಹವಲ್ಲ ಎಂದು ಈಗಾಗಲೇ ನಾಸಾ ಹೇಳಿದೆ. ಈ ಬಗ್ಗೆ ಹೆಚ್ಚಿನ ಅಧ್ಯಯನ ನಡೆಯಬೇಕಿದೆ.